Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Tanielu 3: “O lo [Tatou] Atua … e Mafai Ona Lavea’i Mai iā i [Tatou]. …Ae Peitai A Le o Lea”

“Tanielu 3: “O lo [Tatou] Atua … e Mafai Ona Lavea’i Mai iā i [Tatou]. …Ae Peitai A Le o Lea,’” Tusi Lesona a le Faia’oga Seminare o le Feagaiga Tuai (2026)

“Tanielu 3: “O lo [Tatou] Atua … e Mafai Ona Lavea’i Mai iā i Tatou. …Ae Peitai A Le o Lea,’” Tusi Lesona a le Faia’oga Seminare o le Feagaiga Tuai

Tanielu 1–7: Lesson 144

Tanielu 3

“O lo [Tatou] Atua … e Mafai Ona Lavea’i Mai iā i [Tatou]. …Ae Peitai A Le o Lea”

O nisi taimi e mafai e le Ali’i ona lavea’i fa’avavega i tatou mai o tatou tofotofoga.A o isi taimi, atonu e le lavea’ia e Ia i tatou i le auala ma le taimi tatou te fa’amoemoe iai.Ae po o le fea lava o nei auala e lua, e mafai [lava] ona tatou taumafai ia pei o Sataraka, Mesako, ma Apeteniko ma fa’alagolago i le Ali’i, e tusa lava po o le ā le auala ma le taimi e filifili ai o Ia e fa’amanuia i tatou.O lenei lesona e mafai ona fesoasoani i tagata a’oga ia lagona se naunautaiga e fa’alagolago iā Iesu Keriso tusa lava po o le ā le taunu’uga.

Sauniuniga a le tagata a’oga: Vala’aulia tagata a’oga e mafaufau i so’o fa’amaoni a Keriso o e na laveai’ina fa’avavega mai o latou tofotofoga.Ona tu’u atu lea ia i latou e mafaufau i isi so’o faamaoni e lei lavea’iina.E mafai ona latou mafaufau loloto i mea ua a’oa’o mai e nei tala iā i latou e uiga i le faalagolago i le Ali’i.

Gaoioiga e Ono Mafai Ona Aoaoina Ai

Faatinoina o le faatuatua ia Iesu Keriso

Mafaufau e amatalia le vasega e ala i le fa’asoaina atu o le tala lenei e uiga i le atali’i o Elder Bowen, o Tyson.

Manatua: O le tuufaatasia i le vitiō o le fa’amatalaga e aofia ai fa’amatalaga fa’aopoopo e lē o i totonu o le fa’amatalaga tusitusia.

Na fa’asoa mai e Elder Shayne M. Bowen o le Fitugafulu le a’afiaga patino lenei:

11:26

Ina ua valu masina le matua o [lo’u atali’i] iā Tyson, sa ia foloina [pe manavaina] se fasi penisina sa ia mauaina i luga o le kapeta.Na mau le penisina i le fa’aī o Tyson, ma sa lē mafai ona manava.Sa aumaia e lona uso matua Tyson i le falealuga, ma taufonō mai ma le gatete, “Ua lē manava le pepe.Ua lē manava le pepe.”Sa matou faia le CPR ma vala’au i le 911.

Na taunu’u mai foma’i fesoasoani ma ave fa’atopetope Tyson i le falema’i.I totonu o le potu faatalitali, sa fa’aauau ai le ma tatalo fa’atauanau ma aioi atu i le Atua mo se vavega.(“Talu ai o lo o Ola A’u, O Le a Ola foi Outou,” Liahona, Nov. 2012, 16)

E fa’apefea e ni taunu’uga eseese sa ono oo iai lenei tulaga ona iai se a’afiaga i le fa’atuatua o le aiga i le Atua?

Sa fa’aauau le saunoaga a Elder Bowen:

11:26

Ina ua mavae se taimi umi lava, sa sau le fomai i totonu o le potu ma fai mai, “Ou te fa’amalie atu.E leai se isi mea e mafai ona matou faia.Fa’aalu se taimi atoa lava e tou te mana’omia.”Ona alu ese atu loa lea [o le tamaitai fomai].

Ina ua ma ulu atu i le potu sa taoto ai Tyson, sa ma va’aia le ma tama’i afifi o le olioli ua leai se ola. …

I lena taimi, sa lagona e pei ua leai se fa’amoemoega o o maua olaga.(“Talu ai o lo o Ola A’u, O Le a Ola foi Outou,” Liahona, Nov. 2012, 16)

E pei o le aiga o Bowen, e ono iai ni ou a’afiaga e lē fa’amanuia mai e le Atua ia te oe i le auala e te fa’amoemoe iai.Mafaufau loloto i ni a’afiaga na oo ia te oe po o lou aiga, na e lagona ai sa fa’amanuiaina oe e le Ali’i pe leai i se taunu’uga na e mana’o iai.

E mafai foi ona fesoasoani le fa’aali atu o fesili nei:

Ia fesili ifo iā te oe lava i fesili nei:

E fa’apefea e mea e tutupu ia te oe ona a’afia ai lou fa’atuatua i le Tamā Fa’alelagi ma Iesu Keriso?
E te lagona e mafai ona e fa’atuatuaina i Laua, tusa lava po ā fa’amanuiaga tatou te maua pe lē maua?Aiseā pe aiseā e leai ai?

A o e suesue le Tanielu 3 i le asō, ua’i atu i so’o se uunaiga mai le Agaga Paia e mafai ona fesoasoani e fa’amalosia lou fa’atuatua i le Tamā Fa’alelagi ma Iesu Keriso, tusa lava po o le ā le taunu’uga.

O se faaiuga faigata

Mafaufau e tusi igoa nei i luga o le laupapa: Sataraka, Mesako, ma Apeteniko.Fa’aali atu le ata o se tupua auro ma vala’aulia tagata a’oga e fa’asoa mai mea latou te iloa e uiga i lenei tala.Atonu e te mana’o e aotele le faatatauga o i lalo i au lava upu.

O le tupu o Papelonia, o Nepukanesa, na fatuina se faatusa auro lapoa, po o se fa’atagata.E tusa ma le 90 futu (27.4 mita) le maualuga ma e 9 futu (2.74 mita) le lautele (taga’i i le Tanielu 3:1).Na fa’atonuina e le tupu tagata uma e fa’apauu ma ifo atu i le faatusa pe a tāina musika (taga’i i le Tanielu 3:4–5).O tagata sa lē tapuai atu i le tupua auro o le a lafo atu i “se ogaumu aasa” (Tanielu 3:6).

I le mafaufau ai i taunu’uga o le lē tapuai i lenei fa’atusa, mafaufau loloto po o le ā se mea e te manatu semanu e te faia pe ana e i ai iina.

Na filifili Sataraka, Mesako, ma Apeteniko e faamamalu atu i le Atua e ala i le lē tapuai atu i le tupua (taga’i i le Tanielu 3:12).

Ina ia fesoasoani i tagata a’oga e suesue fuaiupu nei, e mafai ona e vala’aulia ni tagata a’oga naunau se to’alima, e faitau faamatalaga a Nepukanesa, Sataraka, Mesako, ma Apeteniko, ma le tagata fa’amatala.E mafai e tagata a’oga e faitau mo Sataraka, Mesako, ma Apeteniko ona faitau se fuaiupu se tasi i le Tanielu 3:16–18.

Faitau le Tanielu 3:13–18, va’ava’ai mo mea e te a’oa’o mai i nei ali’i e uiga i le fa’atuatua iā Iesu Keriso.

O ā lesona e te a’oa’oina e uiga i le fa’atuatua iā Iesu Keriso?

Fesoasoani i tagata a’oga ia iloa e faapea e mafai ona tatou fa’aali le fa’atuatua iā Iesu Keriso e ala i le fa’alagolago ai iā te Ia, tusa lava po o le ā le taunu’uga.

Mafaufau e vala’aulia tagata a’oga e fa’ailoga le fasi fuaitau “e mafai ona lavea’iina i [tatou]” (fuaiupu 17).Fa’ailoa atu o le iloaina ai o le Atua e mafai ona fa’amanuia ia i tatou i mea tatou te fa’amoemoe iai, e fa’aalia ai le fa’atuatua iā te Ia.

Ona vala’aulia lea o tagata a’oga e fa’ailoga le fasi fuaitau “ae peitai a le o lea” (fuaiupu 18).Fesili atu i tagata a’oga mo mea ua latou a’oa’oina e uiga i le fa’atuatua i le Atua mai le naunauta’iga o nei ali’i e talia e faapea o le Atua e ono le filifili e fa’amanuia i latou i mea sa latou fa’amoemoe iai.
O le ā le eseesega o le fa’atuatua iā Iesu Keriso e faatusatusa ma le fa’atuatua i se taunu’uga?
O ā tulaga i aso nei e ono mana’omia ai e se tasi ona fa’aali atu le fa’atuatua iā Iesu Keriso nai lo o le fa’atuatua i se taunu’uga?

O le taunu’uga o lo tatou fa’atuatua

Mafaufau e fa’aali atu le ata o le ogaumu aasa mai le amataga o le lesona. E ono mafai e tagata a’oga ona suesue fuaiupu nei ma talanoaina fesili o i lalo i ni paga po o ni vaega to’alaiti.

Faitau le Tanielu 3:19–28, ma fa’ailoga upu ma fasi fuaitau e fa’agae’etia ai oe mai le mea na tupu iā Sataraka, Mesako, ma Apeteniko.

O le ā se mea na fa’agae’etia ai oe mai lenei tala?
O ā ni mea e te a’oa’oina e uiga i le Atua mai lenei tala?

E ono fesoasoani le fa’amatala atu e faapea e ui na lavea’iina e le Atua Sataraka, Mesako ma Apeteniko, ae atonu e lē lavea’iina e Ia i tatou i taimi uma mai taunu’uga faalemanuia.Ina ia fa’aali atu lenei mea, e mafai e tagata a’oga ona fa’amae’a le gaoioiga lenei.

Mafaufau i tala fa’atusi paia na fa’atinoina ai e tagata le fa’atuatua iā Iesu Keriso ae na a’afia lava i taunu’uga faalemanuia.

Mafaufau e tusi le Ae peitai a le o lea … i luga o le laupapa.Ona mafai lea e tagata a’oga ona lisi i lalo ane o lenei fasifuaitau tagata latou te mafaufau iai.Afai e lava le taimi, e mafai ona latou saili tala i nei tagata i tusitusiga paia, ma va’ava’ai mo fa’amaoniga e faapea sa faalagolago nei tagata i le Atua.O fa’ataitaiga nei e mafai ona e fa’asino iai tagata a’oga pe a mana’omia: Nifae (taga’i i le 1 Nifae 18:10–16), Apinati (taga’i i le Mosaea 17:9–20), Iosefa ma Ailama Samita (taga’i i le Mataupu Fa’avae ma Feagaiga 135:1), po o ni tagata amiotonu eseese (taga’i i le Eperu 11:36–40).

E fa’apefea e nei tala ona fesoasoani iā te oe e fa’atuatua ai i le Ali’i tusa lava po o le ā le taunu’uga?
O le ā se mea e te iloa e uiga i le Tamā Fa’alelagi ma Iesu Keriso e fesoasoani e te mana’o ai e fa’alagolago iā i Laua tusa lava po o le ā le taunu’uga?

Fa’alagolago atu ai iā Keriso

Mafaufau e fa’amanatu i tagata a’oga le mea na tupu iā Elder Bowen.O le fa’amatalaga lenei e mafai ona fesoasoani iā i latou e va’aia lona fa’alagolago i le Ali’i e ui lava i le taunu’uga na ia o’o iai.

Na fa’aauau ona fa’asoa mai e Elder Bowen lona a’afiaga.

Ao o’u lagonaina le lofitūina i le tausalaina, ita, ma le alofa fa’apito iā te au lava ia, sa ou tatalo ai ina ia iai se suiga i lo’u loto.E ala mai i aafiaga patino ma le paia, na aumaia ai e le Alii se loto fou mo au, e ala mai i ni aafiaga patino ma le paia, ma e tusa lava pe o tuuatoatasi ma tiga pea lava, ae ua suia la’u vaaiga atoa.Sa tuuina mai ina ia ou iloa e lei faoa mai ia te au, ae o loo i ai se faamanuiaga sili o loo faatalitali mai mo au pe afai e faamaonia lo’u faatuatua.

Na amata ona suia lo’u olaga, ma sa mafai ona ou tulimata’i atu ma le fa’amoemoe, nai lo le toe vaai i tua ma le fa’anoanoa. …

Ou te molimau atu ona o Ia, o lo tatou Fa’aola o Iesu Keriso, o na lagona o le fa’avauvau, tu’ua to’atasi, ma le fa’anoanoa, o le a mafai ai i se aso ona tofatumoanaina i se olioli taumasuasua.Ou te molimau atu e mafai ona tatou fa’alagolago atu iā te Ia.(“Talu ai o lo o Ola A’u, O Le a Ola foi Outou,” Liahona, Nov. 2012, 17)

E fa’apefea e le mea na tupu iā Elder Bowen ona fesoasoani iā te oe?
O anafea na e fa’aalia ai po o se tasi e te iloa le fa’atuatua i le Tamā Fa’alelagi ma Iesu Keriso e ala i le fa’alagolago ai iā i Laua e tusa lava po o le ā le taunu’uga?

I totonu o lau api tala’aga o suesuega, tusi se mea e fesoasoani iā te oe ia e mana’o ai e te fa’alagolago i le Tamā Fa’alelagi ma Iesu Keriso e tusa lava po o le ā le taunu’uga.E mafai ona e fa’aaofia pe fa’apefea e lesona ua e a’oa’oina mai le Tanielu 3 ona fesoasoani iā te oe pe a feagai ma tofotofoga po o mea e te fa’amoemoe e manatua i le lumana’i.

E mafai ona e vala’aulia ni tagata a’oga e naunau e fa’asoa mai.Mafaufau e fa’ai’u i lau lava molimau po o lagona e uiga i le fa’alagolago ai i le Ali’i.

O Puna’oa Fa’aopoopo

Aiseā ou te o’o ai i a’afiaga faalemanuia i nisi taimi i le mavae ai ona fa’atinoina le fa’atuatua?

Na a’oa’o mai e Peresitene Jeffrey R. Holland, o le Korama a le Au Aposetolo e To’asefululua:

O le fa’atuatua, o le talitonu lea i le Atua i taimi lelei ma taimi leaga, e tusa lava pe aofia i lena mea sina puapuaga seia o’o ina tatou va’aia Lona a’ao ua fa’aalia mo i tatou.E ono faafaigata lena mea i lo tatou lalolagi i aso nei i le toatele ai o i latou e oo ina talitonu e faapea o le lelei aupito maualuga i le olaga o le alofia o puapuaga uma, ma e leai se tasi e tatau ona tiga i so’o se mea.Ae o lena talitonuga o le a lē taitaia atu ai lava i tatou i le “fua[taga] o le [tamali’iga] ma le [atoatoa] o Keriso” [Efeso 4:13]. …

… o le Fa’akerisiano e fa’amafanafana, ae e masani ona lē mafanafana.O le ala i le pa’ia ma le fiafia iinei ma le olaga a sau o se ala umi ma o nisi taimi e gaoā ai.E [manaomia ona] faaalu ai le taimi ma le finafinau e savalia ai.Ae, o le mea moni, o le taui mo le faia o lena mea e maoa’e lava.(“Fa’atalitali Ai i le Alii,” Liahona, Nov. 2020, 116–17)

O le ā le uiga o le fa’atino o le fa’atuatua iā Iesu Keriso pe a ou feagai ma tofotofoga?

Na fa’amatala mai e Elder David A. Bednar o le Korama a Aposetolo e To’asefululua fa’apea:

O le fa’atuatua malosi i le Fa’aola, o le taliaina gaua’i o Lona finagalo ma Lana taimi i o tatou olaga—e tusa lava pe o le taunuuga e lē o le mea lea sa tatou fa’amoemoe pe manana’o iai.(“Ina Ia Aua Nei Tatou … Fa’avaivai’ (MF&F 19:18)” [Faigalotu a le Ofisa o A’oga mo talavou matutua, Mat 3, 2013], Potutusi a le Talalelei)

Tanielu 3:18.O le ā se mea e mafai ona ou a’oa’oina e uiga i le fa’atuatua mai le fasifuaitau “ae peita’i a lē o lea”?

Na fa’asoa mai e Elder Dennis E. Simmons o le Fitugafulu:

10:28

E tatau ona iā i tatou le fa’atuatua e tasi e pei o Sataraka, Mesako, ma Apeteniko.

O le a lavea’iina i tatou e lo tatou Atua mai tauemuga ma sauaga, ae peita’i a lē o lea. …O le a lavea’iina i tatou e lo tatou Atua mai ma’i ma fa’ama’i, ae peita’i a lē o lea. …O le a Ia lavea’iina i tatou mai le tu’uatoatasi, loto popole, po o le atuatuvale, ae peita’i a lē o lea. …O le a lavea’iina i tatou e lo tatou Atua mai taufa’amata’u, tu’ua’iga, ma le lē mautonu, ae peita’i a lē o lea. …O le a lavea’iina i tatou e lo tatou Atua mai le oti po o le fa’amanu’alia o e pele iā i tatou, ae peita’i a lē o lea. …

O le a silasila le Atua ina ia tatou maua le fa’amasinogatonu ma le lē fa’aitū’au, ae peita’i a lē o lea. …O le a Ia fa’amautinoa e alofaina ma aloaia i tatou, ae peita’i a lē o lea. …O le a tatou maua se soa atoatoa ma ni fanau amiotonu ma le usiusitai, ae peita’i a lē o lea, … o le a tatou fa’atuatua i le Ali’i o Iesu Keriso ma le iloa afai tatou te faia mea uma tatou te mafaia, o le a lavea’iina i tatou i Lana taimi ma i Lana ala, ma tatou maua ai mea uma o iā te Ia.(“Ae Peita’i A Lē O Lea …,” Liahona, Mē 2004, 75)

Gaoioiga Fa’aopoopo e A’oa’o Ai

Se isi amataga

Mo se isi auala e amatalia ai le lesona, mafaufau e tusi fasifuaitau nei i luga o le laupapa:

O le a ou fa’atuatua i le Atua pe afai lava ou lē mafatia ai.

O le a ou fa’atuatua i le Atua pe afai lava e tali mai o Ia i a’u tatalo i le auala ou te fa’amoemoe iai.

Aiseā e ono lagona ai e tagata le uunaia e mafaufau fa’apea?
E fa’apefea e nei itūaiga mafaufauga ona a’afia ai le so’otaga o se tasi ma le Tamā Fa’alelagi ma Iesu Keriso?

Ina ia fesoasoani i tagata a’oga e iloilo lo latou fa’alagolago i le Atua, mafaufau e vala’aulia i latou e mafaufau loloto i fesili nei mo suesuega faaletagata lava ia:

E fa’apefea ona e fa’amatalaina lou fa’alagolago i le Atua?Aiseā?
O le ā le lelei o lou fa’atuatuaina o Ia pe a lē taunuu mea e te fa’amoemoe iai?

O se fa’ataitaiga fa’aonapo nei

Ina ia fesoasoani i tagata a’oga e va’aia se fa’ataitaiga o le upumoni fa’aonapo nei ua a’oa’oina mai i le Tanielu 3, mafaufau e fa’aali atu le vitiō “I Was Waiting for God to Answer Me | His Grace” mai le faailo taimi 0:00 i le 3:26.E mafai e tagata a’oga ona va’ava’ai pe na fa’apefea ona fa’atino e le fafine i le vitiō le fa’atuatua i le Ali’i, e ui lava e le’i lavea’iina o ia mai ona mafatiaga.E mafai ona e fa’aali atu lenei vitiō ae le’i uma le tala iā Elder Bowen i le fa’ai’uga o le lesona.

3:57

“Fai Le Mea Tonu”

Ina ia fesoasoani i tagata a’oga ia manana’o e fa’alagolago i le Ali’i tusa lava po o ā taunu’uga, e mafai ona e vala’aulia i latou e usu pe fa’alogologo i le vi’iga “Fai Le Mea Tonu” (4:12).E mafai ona latou filifili upu po o fasifuaitau e fesoasoani iā i latou ia manana’o e fa’alagolago i le Fa’aola tusa lava po o ā taunu’uga.

4:12

Tū mausalī i lo tatou fa’atuatua iā Iesu Keriso

Ina ia fa’amamafa le taua o le tū mausalī i lo tatou fa’atuatua iā Keriso, vala’aulia tagata a’oga e fa’amatala pe fa’apefea e lo tatou lalolagi i aso nei ona talitutusa ma Papelonia i aso o Tanielu.Mo se fa’ataitaiga, e mafai ona latou fa’asoa mai po o a fa’aosoosoga latou te va’aia i o latou siosiomaga ma pe fa’apefea ona latou lagonaina le uunaiga taufaamalosi e fetuunai o latou tulaga faatonuina.E mafai ona e vala’aulia i latou e mafaufau loloto pe na iai se taimi na latou lagona ai le u’una’iga taufaamalosi e fetuunai o latou tulaga faatonuina ma talitonuga.

A uma ona suesueina le Tanielu 3, e mafai ona e fesili atu fa’apea:

O ā ni mea ua e a’oa’o mai i nei ali’i e mafai ona fesoasoani iā te oe e fa’alagolago ai i le Ali’i i taimi e te feagai ai ma mea fa’ataumaoi, fa’aosoosoga, po o le u’una’iga taufaamalosi e fetuunai ou tulaga faatonuina?