“Filifili Ai e Auauna Atu i se Misiona: Faamanuiaga o le Auaunaga Faafaifeautalai,” Tusi Lesona a le Faia’oga Seminare o le Feagaiga Tuai (2026)
“Filifili Ai e Auauna Atu i se Misiona: Faamanuiaga o le Auaunaga Faafaifeautalai,” Tusi Lesona a le Faia’oga Seminare o le Feagaiga Tuai
Sauniuniga a le Faifeautalai: Lesona 198
Filifili Ai e Auauna Atu i se Misiona
Faamanuiaga o le Auaunaga Faafaifeautalai
O le auauna atu ai i se misiona mo le Ali’i o se avanoa matagofie.E faamanuiaina e le Tamā Faalelagi faifeautalai a o latou auauna atu ma aoao atu tagata i o latou nuu ma le lalolagi atoa.Peitai, e mafai ona faigata le filifili e auauna atu i se misiona.O lenei lesona e mafai ona fesoasoani i tagata aoga ia lagonaina se naunautaiga e auauna atu i le Alii e avea ma Ana faifeautalai.
Sauniuniga a le tagata a’oga: Valaaulia tagata a’oga e fesili atu i se isi latou te iloa na auauna atu i se misiona, po o a faamanuiaga na latou iloa na tuuina atu e le Ali’i ia i latou ona o la latou auaunaga.E mafai ona latou faia lenei mea i le talanoa faafeasagai, i luga o le telefoni, pe faaaoga ai feau tusitusia po o imeli.Fai atu ia i latou e o mai saunia e faasoa mai mea na latou aoaoina.
Gaoioiga e Mafai Ona Faaaoga mo nei Aoaoga
Auauna atu ai i se misiona faafaifeautalai
Mafaufau e amata le vasega i se auala e fesoasoani ai i tagata a’oga e mafaufau e uiga i le auauna atu i le Ali’i i se misiona faafaifeautalai.Tou te ono usu le “Tofia e Auauna i le Atua” (Viiga, nu. 156) ma fai atu i tagata a’oga e faasoa mai po o ai latou te iloa na auauna atu i se misiona ma i fea foi le nofoaga.Po o lou fai atu foi i ni nai tagata a’oga ae le’i amata le vasega e aumai se ata o se tasi latou te iloa o auauna i le Ali’i i se misiona.
-
O le a se mea ua aoao mai e le Ali’i e uiga i le matafaioi a ali’i talavou ma tamaitai talavou e auauna ai o ni faifeautalai?
A o tali mai tagata a’oga, ia mautinoa ua latou malamalama i le tulaga lenei.
Na aoao mai Peresitene Russell M. Nelson:
Ua poloaiina e le Ali’i ia ali’i talavou uma e agavaa ma malolosi, e sauni mo se, ma auauna i se, misiona.Mo outou tuafafine talavou ma malolosi, o le misiona o se avanoa mamana foi, ae tuu i le faitalia.(“Talaiina o le Talalelei o le Filemu,” Liahona, Me 2022, 6)
E aofia i lenei mea misiona talai ma misiona o auaunaga.
E mafai ona e tusi fesili nei i luga o le laupapa ma fai atu i ni tagata a’oga e faasoa mai o latou manatu i soo se tasi o nei fesili:
-
O a nisi o mafuaaga e ono manao ai se isi e auauna i se misiona?
-
O a nisi o mafuaaga e ono faigata ai le filifili e auauna atu i se misiona?
Afai e aoga, faamatala atu e to’atele foi isi na feagai ma ni popolega.Mo se faataitaiga, i le taimi na filifili ai Peresitene M. Russell Ballard (1928–2023) o le Korama a le Aposetolo e To’asefululua e auauna atu i se misiona, e le’i toaaga ona matua i le Lotu (tagai i le “Na Faamanuiaina Lo’u Olaga e Faavavau e le Auaunaga Faafaifeautalai,” Liahona, Me 2022, 8).Na faasoa mai Peresitene Jeffrey R. Holland o le Korama a Aposetolo e To’asefululua e faapea “sa leai se tu masani faafaifeautalai i [lona] aiga” (tagai i le “My Mission Influence” [3:31] mai le taimi faailo 2:01 i le 2:16 e maua i le ChurchofJesusChrist.org).E le’i toaga le tamā o Elder Quentin L. Cook i le Lotu ma na ia tauanau lona uso e alu i le a’oga faafoma’i nai lo o le auauna i se misiona (tagai i le “Conversion to the Will of God,” Ensign, Me 2002, 54).
Faaalu se taimi e tusi ai i totonu o lau api talaaga mo suesuega ou lagona e uiga i le auauna atu i se misiona faafaifeautalai ma pe aisea [foi].
A o e suesue i lenei lesona, saili le taitaiga mai le Ali’i e fesoasoani ia te oe i lau filifiliga pe auauna atu i se misiona faafaifeautalai ma pe faapefea ona e tali atu i ni ou popolega e ono iai.
Pe a tatou usiusitai i le Ali’i
Faitau le Teuteronome 28:1–6, 9, vaavaai po o le a se mea na folafola mai e le Ali’i e ala mai ia Mose pe a tatou faia Lona finagalo.
Valaaulia tagata a’oga e faasoa mai mea na latou maua.Mafaufau e fai atu i tagata a’oga e faasoa mai faataitaiga o ituaiga o faamanuiaga eseese ua folafola mai e le Ali’i i nei fuaiupu.E ono fesoasoani le iloa e faapea o “le fua o lou tino ” (Teuteronome 28:4) e faasino i fanau.
-
Aisea e aoga ai le iloa o faamanuiaga eseese e tele ua folafolaina mai e le Ali’i ia i tatou pe a tatou faia Lona finagalo?
-
E faapefea e folafolaga a le Ali’i i nei fuaiupu ona faatatau i lo tatou usiusitai e auauna atu ia te Ia o ni Ana faifeautalai?
Na aoao mai Peresitene Russell M. Nelson:
Uo talavou pelē, e taua outou ta’ito’atasi i le Ali’i.Sa Ia faapolopoloina outou seia oo i le taimi nei e fesoasoani ai e faapotopoto ia Isaraelu.O lau faaiuga e auauna atu i se misiona, pe o se misiona tala’i po o se misiona o auaunaga, o le a faamanuiaina ai oe ma le toatele o isi.(“Talaiina o le Talalelei o le Filemu,” Liahona, Me 2022, 6)
Mafaufau e tusi i luga o le laupapa: O le a faamanuiaina i tatou e le Ali’i ma le to’atele o isi pe afai tatou te filifili e auauna atu i se misiona.
O malamalama ai e uiga i nisi o faamanuiaga ua ofoina mai e le Atua, e mafai ona fesoasoani i a tatou filifiliga e auauna atu ai i se misiona.
Mo le gaoioiga o sosoo mai, valaaulia tagata a’oga e vaai faalemafaufau o lo o latou auauna atu i se misiona faafaifeautalai.Mafaufau e faatulaga tagata a’oga i ni paga pe ta’itoatolu o ni Alii ma Tuafafine faifeautalai.E mafai ona faasoa e tagata a’oga le tasi i le isi po o le a lo latou igoa o le a iai i se misiona: Elder (faaiu) po o Sister (faaiu).E mafai ona e faamatala atu e faapea i se misiona faafaifeautalai, o soa faifeautalai e suesue faatasi i taeao uma.
E mafai e tagata a’oga ona suesue le anotusi o le pepa e tufa atu “Faamanuiaga e Tuuina Atu e le Atua i Ana Faiafeautalai” mo la latou suesuega faale-soa [faifeautalai].
Faitau nisi po o mau uma ma faamatalaga i le pepa e tufa atu “Faamanuiaga e Tuuina Atu e le Atua i Ana Faifeautalai,” pe saili ni mau ma faamatalaga faaopoopo.Mafaufau e faailoga pe lio faamanuiaga e anoa ia te oe.Manatua e tuuina mai e le Ali’i nei faamanuiaga i le taimi [o loo e iai] ma le mae’a ai o le galuega faafaifeautalai.
Mo faamanuiaga faaopoopo o le auauna atu ai o se faifeautalai a le Ali’i, mafaufau e faaali atu se vitiō o Peresitene Jeffrey R. Holland ma Elder Quentin L. Cook o le Korama a Aposetolo e To’asefululua, o lo o talanoaina ai se tasi o faamanuiaga nei:
-
O se molimau faateleina o le “The Book of Mormon [O Le Tusi a Mamona]” (2:10)
2:10 -
“Missions and Eternal Companions [Misiona ma Soa e Faavavau]” (1:07)
1:7 -
“Missions and Careers [Misiona ma Galuega]” (1:37)
1:37 -
“Education [Aoaoga]” (1:44)
1:44
O nei vitiō o lo o maua i le ChurchofJesusChrist.org.
E mafai foi e tagata a’oga ona faaopoopo soo se faamanuiaga ua latou iloa mai le faasoaina atu o le talalelei i le taimi nei ma mafaufau loloto pe faapefea ona fesootai i le auauna atu ai i se misiona i le lumanai.
Pe a mae’a ona suesueina e tagata a’oga, valaaulia soa ta’itasi e fai mea nei:
Saunia se mea e mafai ona e faasoa atu i se isi o lo o tau filifili pe auauna atu i le Ali’i i se misiona.Faaaofia ni mea se lua mai mea nei:
-
Se tasi pe lua o faamanuiaga ua e aoaoina o le a tuuina mai e le Atua pe a tatou auauna atu i se galuega faafaifeautalai ma ni ou lagona i na mea.
-
O se faataitaiga o se tasi e te iloa na mauaina se tasi o faamanuiaga a le Atua na e faailoaina e ala i la latou galuega faafaifeautalai.
-
Le auala e aafia ai lou naunau e auauna atu ai i le Ali’i i se galuega faafaifeautalai mai mea ua e aoaoina.
-
O mea ua e aoaoina e uiga i le Tamā Faalelagi ma Iesu Keriso e ono mafai ona fesoasoani i se tasi e filifili ai e auauna atu i se galuega faafaifeautalai.
A mae’a ona sauniuni tagata a’oga, valaaulia soa ta’itasi e vaevae la latou savali i ni vaega se lua.Tuu atu la te filifili po o le fea le vaega o le a faasoa atu e le tagata.(Mo se faataitaiga, e mafai e le isi ona faasoa mai se faamanuiaga ma o la lagona e uiga i lena mea, ona faasoa mai lea e le isi se faataitaiga ma pe faapefea e le taulai atu i le Tamā Faalelagi ma Iesu Keriso ona maua ai se fesoasoani.)Mafaufau pe sili atu le aoga pe a filifili ni soa eseese e faasoa mai luma o le vasega, pe sili atu le faasoa ia i latou lava i ni vaega to’alaiti.Afai latou te faasoa i ni vaega to’alaiti, e te ono fesili atu pe a mae’a pe o le a se mea na aoga ia i latou na latou faalogo iai mai se isi po o mea na latou faasoa ia i latou lava.
Lau filifiliga
Faaalu se taimi e moeiini ai ou mata ma mafaufau e uiga i le Tamā Faalelagi.Manatua Lona alofa mo oe.Tamaitai talavou, vaai faalemafaufau pe faape’i ona Ia lagona a o e saili ia iloa Lona finagalo e uiga i le auauna atu ai i se galuega faafaifeautalai.Ali’i talavou, mafaufau e uiga i mea e finagalo le Tamā Faalelagi e te faia i le taimi nei ina ia avea ma faifeautalai mataalia, po o le faaalia o ni popolega o ia te oe e uiga i le auauna atu ai.
Saili le fesoasoani a le Tamā Faalelagi a o e tusi i totonu o lau api talaaga mo suesuega mea ua e aoaoina, po o mea e finagalo o Ia e te manatuaina mai lenei lesona a o e mafaufau e auauna atu ai i le Ali’i o se faifeautalai.
Mafaufau e valaaulia ni nai tagata a’oga e faasoa mai ni mea na latou aoaoina pe lagona i lenei lesona.Faaopoopo atu foi ou lava manatu ma lau molimau.