Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faasoaina Atu o le Talalelei i Auala Masani: O le Faasoaina Atu o le Talalelei e Mafai ona Avea ma Vaega o le Olaga i Aso Uma

“Faasoaina Atu o le Talalelei i Auala Masani: O le Faasoaina Atu o le Talalelei e Mafai ona Avea ma Vaega o le Olaga i Aso Uma,” Tusi Lesona a le Faia’oga Seminare o le Feagaiga Tuai (2026)

“Faasoaina Atu o le Talalelei i Auala Masani: O le Faasoaina Atu o le Talalelei e Mafai ona Avea ma Vaega o le Olaga i Aso Uma,” Tusi Lesona a le Faia’oga Seminare o le Feagaiga Tuai

Sauniuniga a le Faifeautalai: Lesona 197

Faasoaina Atu o le Talalelei i Auala Masani

O le Faasoaina Atu o le Talalelei e Mafai ona Avea ma Vaega o le Olaga i Aso Uma

A young woman sits at a table and talks with a young man, who is holding a Book of Mormon open.

I le avea ai ma tagata o le Ekalesia a le Faaola, o lo tatou faamanuiaga ma le matafaioi le fesoasoani i “aiga uma o le lalolagi ia faamanuiaina, e oo lava i faamanuiaga o le Talalelei” (Aperaamo 2:11).I nisi taimi, e ono foliga mai e faigata le mauaina o auala e faailoa atu ai i isi le talalelei a le Faaola.O lenei lesona e mafai ona fesoasoani i tagata a’oga e faataitai le faasoaina atu o le talalelei a Iesu Keriso i isi, i auala masani.

Sauniuniga a le tagata a’oga: Valaaulia tagata a’oga e mafaufau loloto ma le agaga tatalo, i tulaga e mafai ai ona latou faasoa atu se mea e uiga i le Ekalesia po o le talalelei, o se vaega o se talanoaga masani.E mafai e tagata a’oga ona mafaufau e uiga i le auala e mafai ai ona faia lelei lenei mea ma vaavaai mo avanoa e faia ai.

Gaoioiga e Ono Mafai Ona Aoaoina Ai

Faasoaina atu o mea e te fiafia iai

Mafaufau e amata le lesona e ala i le valaaulia o ni tagata a’oga se to’alua pe to’atolu, e faamatala mai a le o se tafaoga, meaai, po o se isi mea e fiafia i ai e le patino tele.E mafai foi ona latou faasoa mai pe aisea latou te fautuaina ai isi e faataitai i ai.

Faaali atu filifiliga nei pe a uma ona faasoa mai tagata a’oga ta’ito’atasi.Fai atu i le vasega e faalālā i luga se numera o tamatamai lima e sili ona faamatalaina ai o latou lagona e uiga mea na faasoaina atu.

O lea ua sili ona ou manao e faataitai mea sa latou faasoa mai.
Ua fai si ou fiafia e faataitai.
E le’i suia lo’u fiafia iai.

E te ono faailoa atu e mafai ona faigofie le faasoa atu o mea tatou te fiafia iai, tusa pe le filifili isi e faataitai mea tatou te faasoaina atu.

E faapefea e lenei gaoioiga ona faatatau i le faasoaina o o tatou talitonuga e uiga i le Faaola ma Lana Ekalesia i isi?
Mai se vaaiga e faavavau, o a ni talitonuga sili ona taua e mafai ona e faasoa atu i au uo ma le aiga?Aisea?

Aisea tatou te faasoa atu ai

Ina ia fesoasoani i tagata a’oga ia iloa nisi o faamanuiaga a Iesu Keriso ma Lana talalelei tatou te ono mananao e faasoa atu, mafaufau e valaaulia vaega laiti e suesue fuaitau nei.E mafai e tagata aoga ta’ito’atasi i le vaega ona suesue fuaiupu eseese ona ripoti lea i a latou vaega mea sa latou mauaina.

Suesue fuaitau nei, vaavaai mo mafuaaga e te ono manao ai ia i latou o e pele ia te oe ia iloa le Faaola.

Isaia 1:18

Isaia 25:4, 8–9

Isaia 40:28–31

Isaia 43:25

Isaia 54:10

O fea o nei upumoni e sili ona e fiafia e faasoa atu ia i latou e pele ia te oe?Aisea?

Faatoilaloina o le faalotolotolua

Ia faailoa i tagata a’oga, o se uiga masani le lagona o le popole e uiga i le faasoaina atu o le talalelei i nisi o taimi.E oo lava i perofeta iloga e pei o Enoka (tagai i le Mose 6:27, 31) ma Ieremia, na latou faatoilalo foi nisi o faalotolotolua.

Faitau le Ieremia 1:6, vaavaai po o a lagona na oo ia Ieremia ina ua valaauina e aoao atu i tagata.

Aisea e ono faalotolotolua ai tagata i aso nei o e mananao moni ia i latou e pele ia i latou e o mai ia Keriso, ona faasoa atu le talalelei ia i latou?

Faitau le Ieremia 1:7–9, vaavaai mo le apoapoaiga ma folafolaga a le Faaola ia Ieremia.

E faapefea e upu a le Faaola ia Ieremia ona faatatau ia i tatou a o tatou faasoa atu Lana talalelei?

Ua tuuina mai e Elder Dieter F. Uchtdorf o le Korama a Aposetolo e To’asefululua le fautuaga lenei, e mafai foi ona fesoasoani ia i tatou e faatoilalo ai le faalotolotolua e faasoa atu le talalelei:

Po o fea lava o e iai i lenei lalolagi, e anoanoai avanoa e faasoa atu ai le tala fiafia o le talalelei a Iesu Keriso i tagata tou te feiloai iai, a’ooga faatasi, ma nonofo faatasi pe faigaluega ma tafafao faatasi.

O le mea o lo o ou fai atu ai o lou tagai lea i taimi uma mo ni avanoa e talanoaina ai lou faatuatuaga i ni fesootaiga masani ma logolelei ma tagata—faafesagai ma tagata faapea ai ma luga i le initoneti. …

Po o a lava auala e foliga mai e masani ai ma logolelei ia te oe, faasoa atu i tagata pe aisea e taua ai Iesu Keriso ma Lana Ekalesia ia te oe.(“Galuega Faafaifeautalai: Faasoaina atu o Mea o Lo o i Totonu o Lou Loto,” Liahona, Me 2019, 15, 17)

E faapefea ona e aoteleina folafolaga a le Ali’i ia Ieremia ma aoaoga a Elder Uchtdorf i ni faamatalaga faigofie o le upumoni?

I le faaaogaina ai o upu a tagata a’oga, e te ono tusi se upumoni e pei o lenei i luga o le laupapa: E mafai e le Faaola ona fesoasoani ia i tatou i le faasoaina atu o Lana talalelei i auala masani ma le logolelei.

Mafaufau e valaaulia tagata a’oga e talanoaina le manatu lenei i ni vaega to’alaiti, ona fai atu lea i ni nai tagata volenitia e faasoa mai a latou tali i le vasega.
O le a se mea e eseese ai le faasoaina atu o le talalelei ma le lagona “masani ma le logolelei” po o le lagona ai faale-lelei?
E mafai ona e mafaufau i se tasi o lo o talanoa e uiga i le talalelei i se auala masani?Afai o lena, e faapefea ona latou faia lena mea?

O le “uiga tutusa lelei mo talanoaga”

O lenei vaega o le lesona e mafai ona fesoasoani i tagata a’oga e faataitai ai se tasi o auala masani e amataina ai ni talanoaga ia Iesu Keriso ma Lana talalelei.E mafai ona e faataitai ni tomai eseese ma lau vasega e ono fesoasoani atili ia i latou.Mafaufau e u’u i luga se faata ma faaali atu le faamatalaga lenei.

Ua faamatala mai e Elder Quentin L. Cook o le Korama a Aposetolo e To’asefululua se tasi o auala e mafai ona e fatuina ai se talanoaga e uiga i mataupu o le talalelei.

Ou te iloa se tagata faauu a le BYU o se faataitaiga maoae lea.Sa ia faailoa mai o loo i ai se uiga faa-faata i talanoaga.Afai tatou te talanoa e uiga i le tau, e tali mai tagata i le talanoa e uiga i le tau.Afai tatou te talanoa e uiga i taaloga, latou te tali mai i le talanoa e uiga i taaloga.Na fai mai lenei uo, e fesili atu o ia i tagata latou te fetaui e uiga i a latou aoga ma e faalogo toto’a atu i ai.A uma ona latou tali mai i le fesili mai e uiga i lana aoga, na te ta’u atu ia i latou e uiga i le BYU ona faasoa atu lea o lana molimau i le talalelei.Ma, i se auala lelei, na te fautuaina atu ai i latou e aoao atili mai faifeautalai.Ua matua faamanuiaina lava o ia i le faasoaina atu o le talalelei.(“How to Be a Member Missionary,” New Era, Fep. 2015, 48)

E faapefea ona e faamatala le faaaogaina o le “uiga faa-faata mo le talanoaga” ina ia talanoina ai le talalelei ma isi?

Faamatala

Ina ia fesoasoani i tagata a’oga e sauni e faataitai lenei tomai, faasoa atu le mea lenei ia i latou:

O le talanoa e uiga i se vaega o o tatou olaga, e mafai ona sili atu le lagona masani pe a tatou fesili muamua i se tasi e uiga i le mea lava e tasi i o latou olaga.Ina ia faia lenei mea, e mafai ona e:

Filifili se mea na e faia lata mai nei pe o le a faia i se taimi lata mai, ina ia auai ai i le Ekalesia a Iesu Keriso po o Lana talalelei.
Mafaufau i se fesili e mafai ona e fai atu i se isi lea o le a sili atu ona e faia ai i se auala masani le faasoa atu o se mea e te manatu iai e uiga i le Ekalesia a le Faaola po o le talalelei.
Fai atu lau fesili, faalogologo ma le toto’a i a latou tali, ona faasoa atu lea o mea ua e filifilia.

E te ono faailoa atu foi le taua o le faalogologo atu i isi ma le manatu alofa moni, ae le’i faasoa atu e uiga ia i tatou lava (tagai i le Tala’i La’u Talalelei: O se Taiala mo le Faasoaina atu o le Talalelei a Iesu Keriso, 192).

Faataitaiga

Faataitai le “uiga tutusa lelei i talanoaga” e ala i le fesili atu i se tagata a’oga po o a ana mea sa fai i le faaiuga o lenei vaiaso.A uma ona faalogologo atu ma le faamaoni i la latou tali, ona ta’u atu lea o mea e uiga i le faaiuga o lou vaiaso ma ia mautinoa e aofia ai se mea lelei e uiga i lou aafiaga i le lotu.

E te ono faasoa atu foi faataitaiga e pei o nei:

Fesili atu, “E a mai lou taeao?”(Faalogo i la latou tali.)Ona faasoa lea o se mea e pei o le, “Sa ou maua se aafiaga sili i lenei taeao i le aoaoina o le seminare …”

Fesili atu, “E iai se mea manaia ua e fuafuaina mo lenei vaiaso?”(Faalogo i la latou tali.)Ona faasoa atu lea o se mea e pei o le, “Matou te o ma le matou aiga i le malumalu i le po o le Aso Lulu e …”

Faataitai

Valaaulia tagata a’oga e faataitai lenei tomai.E fua i le taimi avanoa, e mafai e tagata a’oga ona faataitai le tomai ma ni paga eseese, faasoa atu itu eseese o le talalelei i o latou olaga i taimi ta’itasi.Uunaia i latou e vaavaai mo avanoa e talanoa ai e uiga i le Tamā Faalelagi, Iesu Keriso, ma faamanuiaga o le talalelei.E ono mafai foi ona fesoasoani le faaali atu o laasaga nei.

Sauniuni e faasoa atu le talalelei a le Faaola

Mafaufau e faamanatu atu i tagata a’oga e faapea o le manuia i le faasoaina atu o le talalelei, e le fuaina pe e taliaina e le tagata le savali a le Faaola.O le mea moni lava o lo tatou taumafai e faasoa atu le malamalama o le Faaola o se manuia lava lena e le taumateina i soo se taimi.

Ina ia faaiu le vasega, e te ono mafai ona e faaali atu o le uunaiga lenei ma valaaulia tagata a’oga e faamaumau o latou manatu i a latou api talaaga mo suesuega.

Toe faitau le Ieremia 1:7–9 ma manatunatu i le auala e mafai ai ona fesoasoani le Ali’i ia te oe i le faasoaina atu o Lana talalelei.Ona faaalu lea o ni nai minute e mafaufau ai e uiga i tulaga e te ono iai i lenei vaiaso, lea e mafai ai ona e talanoaina le talalelei ma se isi.Ole atu ma le agaga tatalo i le Tamā Faalelagi mo Lana fesoasoani ia iloa ai auala e mafai ai ona e faasoa atu i auala masani le savali a le Faaola.Manatua e faapea e pei lava ona fesoasoani atu le Ali’i ia Ieremia, o le a Ia fesoasoani foi ia te oe i au taumafaiga.

O Puna’oa Faaopoopo

E iai se auala “sa’o” e faasoa atu ai le talalelei i se isi?

Na aoao mai Elder Dale G. Renlund o le Korama a Aposetolo e To’asefululua:

O le faasoaina atu o le meaalofa o le talalelei e mafai ona pei o le aai i se faleaiga.O loo maua se lisi tele o auala e faasoa atu ai le talalelei pe valaaulia ai isi e faia se mea e i’u ina fausia ai le faatuatua ia Iesu Keriso.

E le manaomia ona faia e se tasi o mea uma.

O tagata uma ua i ai le naunautaiga e mafai ona faia se mea.

E leai se tasi e manaomia ona faia soo se mea latou te le filifilia.

…E mafai ona e filifili e valaaulia isi e aoao e uiga i le talalelei a Iesu Keriso i auala e toafimalie ma faigofie mo oe, e faaaoga ai au lava taleni ma tomai.I le aluga o taimi atonu e te ono iloa ai o le tele o mea e toamalie o le a faatupuina lea.(“Faasoaina Atu o le Meaalofa o le Kerisimasi,” Mo le Malosi o le Autalavou, Tes. 2021, 8)

Sa aoao mai e Peresitene Henry B. Eyring o le Au Peresitene Sili:

Sa ou suesueina ma le toto’a ma le agaga tatalo nisi o e na avea o ni molimau ofoofogia le faamaoni ma le mataalia o le Faaola ma Lana Ekalesia. …

E le tasi se mamanu e i mea latou te faia. E leai se metotia taatele.O isi e feaveai pea se Tusi a Mamona i taimi uma ina ia tufaina afu.O isi e atofa se aso e saili ai se isi mo faifeautalai e aoaoina.O le isi na maua fesili e aumaia ai ni lagona e uiga i mea sili ona taua i le olaga i se tagata.Sa tatalo taitoatasi ina ia iloa le mea e fai.E foliga mai na eseese uma tali na latou maua, e talafeagai lelei ma i latou ta’ito’atasi ma i tagata latou te feiloai.(“O Se Tamaitiiti ma se Soo,” Ensign po o le Liahona, Me 2003, 30)

Ae faapefea pe afai e le tali lelei mai isi i au taumafaiga e faasoa atu le talalelei?

Na aoao mai Elder Thierry K. Mutombo o le Fitugafulu:

A o e faasoa atua le tala fiafia, le talalelei a Iesu Keriso, ia e faia lava i le alofa ma le onosai.E le tatau ona tatou fegalegaleai ma isi ma le faamoemoega atoa o le a vave ona i ai i ofu papae ina ia papatisoina.O nisi e o mai ma matamata o le a, masalo, e lē auai lava i le Ekalesia; o nisi o le a auai i se taimi mulimuli ane.O la latou filifiliga lena.Ae le faapea e suia ai lo tatou alolofa mo i latou. …O le mea e taua ia e lē faavaivai; ia taumafai pea ia faia ia sa’o.Ou te folafola atu ia te outou o le a sili atu lou fiafia ma sili atu le olioli ona o lou manao i aso taitasi e faasoa atu mea ua e iloa e moni i isi.(“Faasoa Atu le Talalelei,” Liahona, Fep. 2022, na’o le kopi faakomepiuta)

Gaoioiga Faaopoopo e Aoao Ai

O se isi filifiliga mo le amataga o le lesona

Mafaufau e faaali atu le vitiō “Good Things to Share” (2:21).I lenei vitiō, ua aoao mai ai e Elder Bednar, o le faasoa atu o mea anoa ma fesoasoani i isi, e le o se mea fou.

2:21

Atonu e te manao e lisi tali a tagata o le vasega i le fesili lenei i luga o le laupapa:

Mai se vaaiga e faavavau, o a nisi o mea sili ona taua e faasoa atu?

O metotia o le faasoaina atu o le talalelei i ni auala masani ma le logolelei.

Ina ia maua e tagata a’oga ni manatu i le auala latou te faasoa atu ai le talalelei i ni masani ma logolelei, mafaufau e valaaulia i latou e talanoaina nisi o manatu nei:

Sue se fuaitau o mau latou te mananao e faasoa atu i isi.Lisi ni auala se lua pe tolu e mafai ona e faasoa atu ai lena fuaiupu i se isi.
Lisi nofoaga eseese o le a e iai i lenei vaiaso e pei o le galuega, faataitaiga a se autaalo, po o se fono a se kalapu.Mafaufau i auala e mafai ai e se tasi ona faasoa atu le talalelei i auala masani ma logolelei i na nofoaga ta’itasi.
Talanoa auala eseese e mafai ai ona faasoa atu le talalelei i luga o upegatafailagi.Fai se ata e fesootai i le talalelei po o se feau i luga o faasalalauga faaagafesootai e faasoa atu.Afai e talafeagai, faaalu ni nai minute e tuuina atu ai le feau i le taimi nei.

E mafai foi ona e valaaulia tagata a’oga e saili i le vaega “Faasoaina Atu o le Talalelei” o le Gospel Library mo manatu faaopoopo.

E te ono manao e faaali atu le vitiō “I’ll Go Where You Want Me to Go” (5:45), lea e faaali mai ai se aiga o lo o faasoaina atu le savali a le Faaola, o se vaega masani o lo latou aso.

5:45

Faataitai le faasoaina atu o le talalelei

O nisi nei o manatu faatino e mafai ona faaaoga e fesoasoani ai i tagata a’oga e faataitai le faasoaina atu o le talalelei.

Faasoa atu le faailoaga i faasalalauga faaagafesootai lata mai a le Ekalesia i se uo.
Talanoa e uiga i mea na e faia lata mai nei i se gaoioiga a le autalavou a le uarota.Ona fesili atu lea pe latou te mananao e auai faatasi ma oe i le isi gaoioiga.
Valaaulia se tasi e faasoa mai le uiga o lo latou faaiu.Talanoa e uiga i le mea e sau ai le igoa o lou aiga ma faaali lou gafa o le aiga i le polokalama o talafaasolopito o aiga.
Vaai faalemafaufau e faapea ua talosagaina oe e fai se lauga i le lotu.Valaaulia se uo e sau e faalogologo a o e lauga.
Fesili atu i se uo po o a latou fuafuaga mo le tau mafanafana.Ona faasoa atu lea o mafuaaga ua e fiafia ai i se konefesi a le FSY po o tolauapiga a le Ekalesia o le a e auai atu ai.