Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

1 Samuelu 3: “Fetalai Mai Ia, Ieova e; Aua o Loo Faalogologo Atu Lau Auauna”

“1 Samuelu 3: ‘Fetalai Mai Ia, Ieova e; Aua o Loo Faalogologo Atu Lau Auauna,’” Tusi Lesona a le Faiaoga Seminare o le Feagaiga Tuai (2026)

“1 Samuelu 3: ‘Fetalai Mai Ia, Ieova e; Aua o Loo Faalogologo Atu Lau Auauna,’” Tusi Lesona a le Faiaoga Seminare o le Feagaiga Tuai

Ruta; 1 Samuelu 1–7: Lesona 70

1 Samuelu 3

“Fetalai Mai Ia, Ieova e; Aua o Loo Faalogologo Atu Lau Auauna”

The boy Samuel in bed watching an oil lamp burn.

O le a se lelei e te lagona e mafai ona e iloa ai le siufofoga o le Alii i lou olaga? I se tasi po na fetalai atu ai le Alii i le tamaitiiti o Samuelu. Faatasi ai ma le fesoasoani mai ia Eli, na iu ai ina iloa e Samuelu le siufofoga o le Alii. Na ia tali atu, “Fetalai mai ia, Ieova e; aua o loo faalogologo atu lau auauna” (1 Samuelu 3:9). E fetalai mai foi le Alii ia i tatou, ma e pei o Samuelu, e tatau ona tatou aoao e iloa Lona siufofoga. E mafai ona fesoasoani lenei lesona i tagata aoga e saili ma iloa faaaliga faaletagata lava ia.

Sauniuniga a le tagata aoga: Fai atu i tagata aoga le fesili, “E faapefea ona e logona le siufofoga o le Alii i lou olaga?” Valaaulia i latou e mafaufau pe faapefea ona latou tali mai. E mafai foi ona latou fai atu i uo po o tagata o le aiga le fesili.

Gaoioiga e ono Mafai Ona Aoao Ai

Logonaina o le siufofoga o le Alii

Mafaufau e valaaulia se volenitia i luma o le vasega o le e naunau e fusi ona mata. Fusi mata o le tagata aoga. Valaaulia taitoatasi i le taimi ni nai tagata o le vasega e valaau atu i le tagata aoga i lona igoa. Fai atu i le tagata aoga o loo fusi ona mata e faailoa mai po o ai na valaauina lona igoa.

Aisea na faigofie ai ona iloa nisi o leo?
O a nisi o lesona faaleagaga e mafai ona fesootai i lenei gaoioiga?

E mafai pe le mafai foi e tagata aoga ona faasoa mai ni mataupu faavae e talitutusa ma upumoni o loo otootoina mai i lenei lesona. Afai latou te faia, valaaulia i latou e vaavaai mo faamaoniga po o le malamalamaaga o nei upumoni a o latou suesue 1 Samuelu 3. Afai e leai, e le afaina. Faafetai i tagata aoga mo mea na latou faasoa mai.

Tusi le upumoni lenei i luga o le laupapa: E fetalai mai le Atua ia i tatou ma e finagalo ia tatou iloa Lona siufofoga. Faamalamalama atu e fetalai mai le Alii ia i tatou e ala i le Agaga Paia (tagai Mataupu Faavae ma Feagaiga 8:2). E ta’ua lenei mea o faaaliga faaletagata lava ia. O le a faailoa mai e tagata aoga ni mataupu faavae faaopoopo o faaaliga faaletagata lava ia i le gasologa o le lesona atoa.

Na aoao mai Peresitene Russell M. Nelson:

O se tasi o mea na uunaia so’o e le Agaga i lo’u mafaufau … o le naunau lea o le Alii e fa’aali mai Lona mafaufau ma Lona finagalo. O le avanoa o le mauaina o fa’aaliga o se tasi lea o meaalofa silisili a le Atua i Lana fanau. …

O finagalo moni ea le Atua e fetalai atu ia te oe? Ioe! (“Faaaliga mo le Ekalesia, Faaaliga mo o Tatou Olaga,” Liahona, Me 2018, 94–95)

Valaaulia tagata aoga e tomanatu i fesili nei:

Pe e te talitonu e finagalo moni lava le Atua e fetalai atu ia te oe? Aisea pe aisea e leai ai?
O le a lou mautinoa i lou gafatia e iloa faaaliga?
O le a se mea e faigofie ai pe faigata ai foi ia te oe ona iloa le siufofoga o le Atua (po o faaaliga patino) i lou olaga?

Faaali atu lou talitonuga e finagalo le Atua e fetalai atu i au tagata aoga.

I le lesona atoa, taumafai e saili ma iloa sāvali mai le Alii. Taumafai e iloa le auala e fetalai mai ai o Ia ia te oe.

O mataupu faavae o faaaliga

Na fanau Samuelu mai ia Hana o se tali i ana tatalo. A o talavou Samuelu, na ave o ia e Hana i le fale fetafa’i lea e mafai ona tausia ai o ia e Eli. I se tasi po, sa maua ai e le tamaitiiti o Samuelu se aafiaga i le faalogoina o le siufofoga o le Alii.

A o lei tuuina atu faatonuga o i lalo, e mafai ona e faamalamalama atu o nisi o mataupu faavae i tusitusiga paia o loo faaataata mai. O lona uiga e le o ta’ua tonu i fuaiupu. E mafai ona fesoasoani le Agaga Paia ia i tatou e faailoa mai mataupu faavae o loo faaataata mai a o tatou fesili ifo ia i tatou lava i fesili e pei o le “O le a se mea atonu na manao le tusitala o nei fuaiupu ou te aoaoina?” po o le “O a nisi o lesona taua o loo aoao mai e nei fuaiupu?”

Suesue le 1 Samuelu 3:1–10, 19, vaavaai mo malamalamaaga ma upumoni e uiga i le mauaina o faaaliga mai le Atua.

A maea ona suesue tagata aoga, valaaulia i latou e tusi mataupu faavae na latou mauaina i luga o le laupapa. I le faaaogaina ai o a latou lava upu, atonu na faailoa mai ai e tagata aoga ia mataupu faavae o loo lisiina atu i lalo. Afai e faafaigata ia i latou ona faailoa mai mataupu faavae, e mafai ona e lisiina mea nei ma valaaulia i latou e faailoa mai fasifuaitau po o fuaiupu o loo aoaoina ai i latou.

E aapa mai ma le onosai le Alii ia i tatou e tusa lava pe tatou te lei muai iloa Lona siufofoga (tagai i fuaiupu 4, 6, 8, 10).
E fetalai mai le Alii i le autalavou (tagai i fuaiupu 4, 6, 8, 10).
E masani ona manaomia ai le taimi ma le faataitaiga ina ia faamasani ai i le siufofoga o le Alii (tagai i fuaiupu 7, 10, 19).
E mafai ona fesoasoani isi ia i tatou ia iloa le siufofoga o le Alii (tagai i fuaiupu 8–9).
A tatou faaalia se naunautaiga e faalogo ma faatino, o le a faaali mai e le Alii nisi mea e sili atu. (tagai i fuaiupu 10, 19)

Aisea e mafai ai ona fesoasoani nei mataupu faavae a o tatou taumafai e iloa le siufofoga o le Alii i o tatou olaga?
O faapefea ona avea nei mea ma faatinoga o Lona alofa mo i tatou?

O le iloa o le siufofoga o le Alii

E fetalai mai le Alii ia i tatou i le tele o auala e ala i le Agaga Paia. O le aoaoina o le auala e mafai ona Ia fetalai atu ai ia te oe e mafai ona fesoasoani ia te oe e iloa lelei atili ai Lona siufofoga i lou olaga.

A maea ona suesue tagata aoga, faaalu se taimi e tuu atu ai ia i latou e talanoaina mea na latou mauaina ma fai atu ni fesili. Faaaoga le taimi lenei e faataga ai tagata aoga e faasoa mai pe faapefea ona latou faalogo i le siufofoga o le Alii i o latou olaga. E mafai foi ona e faasoa atu se aafiaga patino ma faamatala pe faapefea ona e faalogo ia te Ia.

Faaali atu le agaga faafetai i tagata aoga mo mea latou te faasoa mai. Tuuina atu ia latou iloa o a latou saofaga e faia ai se eseesega anoa i le vasega.

Faamasani i le siufofoga o le Alii

E pei o Samuelu, atonu e manaomia ai se taimi ma faatinoga mo i tatou ina ia faamasani ai i le siufofoga o le Alii ma iloa faaaliga patino (tagai 1 Samuelu 3:7, 10, 19).

O a nisi o auala e mafai ai e i tatou, e pei o Samuelu, ona taumafai e iloa le siufofoga o le Alii?

O nisi manatu atonu o le talanoa atu i se matua po o se faiaoga faatuatuaina e uiga i le auala e maua ai faaaliga e pei ona talanoa atu ai Samuelu ia Eli. Na fai mai Samuelu, “Fetalai mai ia; aua o loo faalogologo atu lau auauna” (1 Samuelu 3:10). Atonu e mafai foi ona tatou faamanino atu i le Alii ua tatou saunia e faalogo i Ana savali e ala i le i ai o ni taimi e mafaufau loloto ai ma faalogo pe a uma le tatalo po o le aso atoa. Pe mafai foi ona tatou faamaumauina i se api talaaga nisi o auala atonu o loo tatou mauaina ai savali mai le Tama Faalelagi, e pei o na o loo i le pepa e tufa atu.

I lau api talaaga mo suesuega, fatu se fuafuaga o se mea e te manao e fai e saili ai ma iloa faaaliga mai le Atua i lou olaga.

Molimau atu a o faia e tagata aoga se taumafaiga taulai i le aluga o taimi, o le a faateleina lo latou tomai e iloa ai faaaliga patino. Faailoa atu i tagata aoga o le a tuuina atu ia i latou se avanoa e toe mafaufau ai i a latou taumafaiga e iloa faaaliga patino i le Lesona 80: “Iloilo Lau Aoaoga 5.”

O Punaoa Faaopoopo

O le a le savali a le Alii ia Samuelu?

O le savali na tuuina atu e le Alii ia Samuelu e faapea, o le a tausalaina Eli ona o le musu e faasa’o amioga agasala a ona atalii (tagai 1 Samuelu 3:11–14). A o tuputupu ae Samuelu, sa iloa e Isaraelu o ia o se perofeta a le Alii (tagai 1 Samuelu 3:20).

E mafai faapefea ona ou faateleina lo’u gafatia e faalogo ai i le siufofoga o le Alii?

Na aoao mai Peresitene Russell M. Nelson:

20:27

Tatalo atu i le suafa o Iesu Keriso e uiga i ou atuatuvalega, ou popolega, ou vaivaiga—ioe, o fa’anaunauga lava o lou loto. Ona faalogo loa lea! Tusi i lalo manatu e oo mai i lou mafaufau. Faamaumau i lalo ou lagona ma tulitatao i faatinoga e uunaia oe e fai. A e faia sooa lenei faagasologa i lea aso ma lea aso, masina ma lea masina, tausaga ma lea tausaga, o le a e “ola ai i le mataupu faavae o faaaliga.” (“Faaaliga mo le Ekalesia, Faaaliga mo o Tatou Olaga,” Liahona, Me 2018, 95)

E mafai faapefea e se faiaoga ona fesoasoani i tagata aoga ia iloa faaaliga patino?

Na faamalamalama mai e Brother Chad H. Webb, Pule taitai o Seminare ma Inisitituti o Mataupu Faalelotu:

20:37

E faapefea ona e fesoasoani i se tagata aoga o le ua lagona na te le’i maua ni aafiaga faaleagaga? O nisi taimi e faalogo ai o tatou tagata talavou i tala ia e foliga faavavega ma le mafai ai ona iloa o le Agaga Paia e talanoa atu foi ia i latou i ni auala faigofie eseese, e pei o le taimi na i ai ni a latou fesili musuia pe i le taimi na latou faitau ai i tusitusiga paia ma mafaufau ai e faailoga se mau. Tatou fesoasoani ia latou iloa le ala e fesootai mai ai le Alii ia i latou taitoatasi ae aua le fautua atu faapea, o le ala e talanoa mai ai le Alii ia i tatou ua na’o le pau lea o le ala e mafai ona Ia talanoa atu ai ia i latou. Ia tatou faaeteete aua le ta’uina atu i o tatou tagata aoga le taimi latou te lagonaina ai le Agaga Paia. E le tau ina faapea ona ua tatou lagona le Agaga e pei o le faiaoga ona faapea ai lea ua lagona uma foi e tagata aoga lea lava mea e tasi i le taimi lava foi lea. E lelei foi le malamalama o i latou o e aafia i le popolevale ma le atuatuvale e ono lagona e faigata ona maua nei lava aafiaga. Peitai e le faatapulaaina le Alii i gasegase faalemafaufau. Ua Ia silafia ma malamalama ia i latou ma e mafai ona maua auala e fesootai mai ai Lona alofa ma le taitaiga. E laiti lava ni mea e mafai ona tatou faia o le a fesoasoani tele ai ia i latou nai lo le aoao ia maua ma faatino faaaliga faaletagata lava ia? (“O Ona Sui” [faasalalauga faaleaoaoga ma Peresitene Ballard, 21 Ianuari, 2022])

Gaoioiga Faaopoopo e Aoao Ai

Se isi amataga

Valaaulia ni nai tagata volenitia e o mai i luma o le vasega. Valaaulia i latou e tutu sa’o o latou vae ma pa’i i le fola i o latou tamatamailima po o lima. O nisi tagata aoga atonu o le a sili atu ona gafatia lenei mea nai lo isi.

O le a se mea e mafai ona faia e se tagata i le aluga o taimi e faateleina ai lona tomai e pai atu ai i le fola?
E faapefea e lenei gaoioiga ona sootaga ma le faamatalaga lenei?

Na valaaulia i tatou e Peresitene Russell M. Nelson:

Ou te uunaia outou ina ia faateleina lo outou tomai faaleagaga o i ai nei e maua ai faaaliga faaletagata lava ia. … (“Faaaliga mo le Ekalesia, Faaaliga mo o Tatou Olaga,” Liahona, Me 2018, 95)

Valaaulia tagata aoga e vaavaai mo mataupu faavae e mafai ona fesoasoani ia i latou e faalautele atu ai i tala atu o lo latou gafatia i le taimi nei e maua faaaliga patino a o latou suesue i le 1 Samuelu 3.

Talai La’u Talalelei

Nai lo le faaaogaina o le pepa e tufa atu, valaaulia tagata aoga e suesue “Aoao e Iloa Uunaiga a le Agaga” i le Tala’i La’u Talalelei, “Mataupu 4: Saili ma Faalagolago i le Agaga.” Tuu atu i tagata aoga se taimi e faasoa mai ai ma fai atu ni fesili e uiga i mea na latou faitauina.

O auala ou te faalogo ai ia te Ia

Nai lo le fai atu i tagata aoga e faasoa mai mea na latou tusia i le koluma lona tolu o le pepa e tufa atu, e mafai ona e faia mea nei:

Faamalamalama atu e toatele taitai o le Ekalesia ua faasoa mai le auala latou te faalogo ai i le siufofoga o le Alii. Matamata i se tasi pe sili atu o a latou vitio ua faaulutalaina “How I Hear Him” o loo maua i le Potutusi o le Talalelei.

Valaaulia tagata aoga e vaai faalemafaufau i le talosagaina o i latou e pue a latou lava vitio “How I Hear Him”. Tuu atu ia i latou se taimi e tusi ai se tusiga puupuu mo la latou vitio. E mafai ona aofia ai aafiaga patino ma mau na latou filifilia pe mai i le pepa e tufa atu. A maea, valaaulia ni nai tagata aoga e faitau mai i a latou talatusitusia i le vasega.

E fetalai mai le Atua ia i tatou e ala mai i tusitusiga paia.

Valaaulia tagata aoga e faitau le Mataupu Faavae ma Feagaiga 18:34, vaavaai mo mea na fetalai mai ai le Alii e mafai ona tatou molimau atu ai a o tatou faitauina tusitusiga paia.

Valaaulia tagata aoga e toe tomanatu i a latou lava suesuega o tusitusiga paia. Fai atu mo ni nai volenitia naunautai e faasoa mai pe na faapefea ona latou faalogo i le siufofoga o le Alii mai tusitusiga paia. Tuu atu se taimi mo le vasega e iloilo ai a latou sini patino mo le suesueina o tusitusiga paia, ma faia ni fetuunaiga pe a manaomia.

Filifiliga o le vitio

Ina ia faaleleia le malamalama o tagata aoga i le auala e mafai ona tatou iloa ai le siufofoga o le Alii, e mafai ona e faasoa atu se tasi o vitio nei o loo maua i le Potutusi o le Talalelei:

2:13

5:55