Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Ruta: “Ia Tuuina Mai ia te Oe se Taui Tele e le Alii”

“Ruta: ‘Ia Tuuina Mai ia te Oe se Taui Tele e le Alii,’” Tusi Lesona a le Faiaoga Seminare o le Feagaiga Tuai (2026)

“Ruta: ‘Ia Tuuina Mai ia te Oe se Taui Tele e le Alii,’” Tusi Lesona a le Faiaoga Seminare o le Feagaiga Tuai

Ruta; 1 Samuelu 1–7: Lesona 68

Ruta

“Ia Tuuina Mai ia te Oe se Taui Tele e le Alii”

Ruth (Old Testament figure) gleaning wheat in the fields of Boaz. Naomi, the mother-in-law of Ruth and kinswoman of Boaz, is bringing a cup of water or refreshment to Ruth as she works. There are other men and women working in the fields. These people are depicted in the background. The painting depicts Ruth gleaning in the fields in hopes of gaining the favor of Boaz. Boaz is not depicted in the painting.

Ona e maualuga tele le tau o le faaolataga mo na o i tatou e totogia, e manaomia ai ona togiolaina i tatou taitoatasi. O le tala ia Ruta, Naomi, ma Poasa i le Feagaiga Tuai o se tala o le togiolaina faaletino lea e faatusa i le matafaioi a Iesu Keriso i le avea ai ma o tatou Togiola patino. Ua faamoemoe lenei lesona e fesoasoani i tagata aoga ia lagona se manao sili atu e faalagolago ia Iesu Keriso ma Lona mana togiola.

Sauniuniga a tagata aoga: Valaaulia tagata aoga e mafaufau pe aisea ua avea ai se tasi o faalagiga o Iesu Keriso o le Togiola. Uunaia i latou e mafaufau loloto pe faapefea ona togiola i tatou e Iesu Keriso mai le oti faaletino ma le oti faaleagaga. (E ono mafai ona latou faasino atu i le “Togiola, Togiolaina, Togiolaga” i le Taiala i Tusitusiga Paia mo se fesoasoani.) Uunaia i latou e o mai saunia e faasoa mai o latou manatu i le vasega.

Gaoioiga e ono Mafai Ona Aoao Ai

O le a le uiga e faapea o Iesu Keriso o lo tatou Togiola?

E mafai ona e amataina le vasega i le faaali atu o le ata lenei o Iesu Keriso po o se isi [ata] e te filifilia ma tusi le upu Togiola i luga o le laupapa.

Faaali atu le upusii mai ia Elder Christofferson ma valaaulia tagata aoga e tali fesili e lua i a latou api talaaga mo suesuega.

Jesus Christ depicted teaching a Samaritan woman at a well. Christ is portrayed sitting on the edge of the well. The woman is seated on the ground before Him.

Na faamalamalama mai e Elder D. Todd Christofferson o le Korama a Aposetolo e Toasefululua:

O se tasi o faalagiga mataina aupito sili ona taua e faamatalaina ai Iesu Keriso o le Togiola. … O le upu togiola o lona uiga o le totogiina o se noataga po o se aitalafu. O le togiola e mafai foi ona faauigaina o le laveai po o le faasaoloto. (“Togiolaina,” Liahona, Me 2013, 109)

O a ni auala e ono manaomia ai ona togiolaina oe ma isi e Iesu Keriso?
O le a le tele o lou manao e faatuatuaina le mana togiola o Iesu Keriso i lou olaga? Aisea?

Valaaulia tagata aoga e mafaufau pe o le a lo latou mautinoa i a latou tali ma mea latou te ono mananao e malamalama atili lelei ai pe lagona foi e uiga i le Faaola ma Lona mana togiola.

Atonu e te manao e aotele le parakalafa e sosoo ai i au lava upu. Atonu foi e te manao e tusi le upumoni matatetele i luga o le laupapa e latalata i le upu Togiola.

O le togiola o se tasi lea o autu iloga i le tala ia Ruta. A o e suesue i le tala ia Ruta, mafaufau pe faapefea e le faatusaina o lenei tala ia i tatou lava ona fesoasoani ia i tatou e iloa ai, afai tatou te o mai ia Iesu Keriso, o le a Ia togiolaina i tatou. Saili le fesoasoani a le Agaga Paia ia iloa ai auala tatou te pei ai o Ruta ma manaomia ai le togiolaina ma le auala e faapei ai Poasa o le Faaola o Iesu Keriso ma togiola i tatou.

O le tala ia Ruta

E mafai ona e faitau pe faamatala le aotelega lenei.

I se taimi o le oge, na siitia atu ai se fafine Isaraelu e igoa iā Naomi, lana tane, ma lana fanau tama e to’alua mai Peteleema i Moapi, o se atunuu tuaoi e eseese aganuu ma talitonuga faalelotu. A o iai iinā, na faaipoipo atalii i fafine Moapi, o Ruta ma Orepa.

O le mea e faanoanoa ai, na maliliu le tane a Naomi ma ona atalii e toalua, ma tuua ai fafine e toatolu ua oti a latou tane. Na filifili Naomi e toe foi i Peteleema. Ona sa le mafai ona tausia lana fanau teine faaletulafono, sa uunaia i laua e Naomi e toe foi atu i o laua aiga i Moapi. Na toe foi atu Orepa i lona aiga.

Faitau le Ruta 1:8–9, 14–17, ma saili mo le tali a Ruta ia Naomi.

O a nisi o tulaga le mautonu ma faigata e ono feagai ma Ruta e ala i le o atu i Peteleema ma Naomi?
A uma ona faalogo atu i mea o faasoa mai e tagata aoga, e mafai ona e faamatala atu nisi o mea nei:
- O le ō ai faatasi ma Naomi, na tuua ai e Ruta lona aiga i Moapi.
- O le a avea ai Ruta o se tagata ese i se nuu e lē masani ai, ma e ese le aganuu.
- O le aunoa ai ma ni tane, o le a feagai Ruta ma Naomi ma le matuā mativa lava.
- O le filifiliga a Ruta na faaalia ai lona naunau e tapuai ma faalagolago ia Ieova (Iesu Keriso), ae le o atua pepelo o sa Moapi. (E mafai ona e valaaulia tagata aoga e faailoga le fuaitau “ma e fai lou Atua mo’u Atua” i le fuaiupu 16.)
O le iloaina ai o tulaga o Ruta, o le a se mea e tulaga ese ia te oe e uiga i lana tali?

Ua laveai e Poasa ia Ruta

A uma ona faatumu e tagata aoga le pepa e tufa atu, e mafai ona e faamatala soo se tasi o mea nei e te lagona e aoga:

I le avea ai o se vaega o le Tulafono a Mose, sa manaomia ai ona tuua e tagata Isaraelu saito e le’i seleseleina i fanua e tausia ai e matitiva (tagai Levitiko 19:9–10).
Sa ta’u atu e Naomi ia Ruta o Poasa o se tasi o o laua “tagata o le aiga e sosoo ai” (tagai Ruta 2:20) po o aiga vavalalata. O le upu “tagata o le aiga e sosoo ai” e sau mai le upu Eperu go-el, o lona uiga o le “togiola.” O se “tagata o le aiga e sosoo ai” sa faamoemoeina e tausia (pe faaipoipo foi) i fafine ua oti a latou tane i o latou aiga ina ia toefuatai mai i latou i le saogalemu ma le puipuigamalu.
Talu ai sa i ai se isi tagata o le aiga e sili atu ona vavalalata o le sa i ai le aia tatau e faaipoipo ai ia Ruta, o lea na faatau ai e Poasa le aia tatau lea mai ia te ia (tagai Ruta 3:12–13) a o lei faaipoipo ia Ruta (tagai Ruta 4:9–10, 13).

Atonu e fesoasoani le fatuina o se siata e lua ni koluma i luga o le laupapa. Faaigoa le koluma muamua Ruta/Tatou ma le koluma lona lua Poasa/Iesu Keriso. E mafai ona lisi e tagata aoga i luga o le laupapa mea latou te maua.

O a ni auala atonu tatou te faapei ai o Ruta?

Afai e faafaigata e tagata aoga ona tali mai, mafaufau e fai atu ia i latou e mafaufau pe faapefea ona le mafai ona faalagolago pe mafai foi ona faalagolago ia i latou lava. (E mafai ona aofia ai le le lava o le amiotonu po o le usiusitai, le lava o le malosi e faatoilalo ai agasala po o vaivaiga, le lava o le lagolago e faaauau ai pea ona faia le mea sa’o, ma isi mea faapena.) Atonu foi e te fesili atu po o le a le mea na faia e Ruta e saili ai le laveaiga ma pe faapefea ona tatou faapena.
O a ni auala na faapei ai Poasa o Iesu Keriso?

Afai e faafaigata e tagata aoga ona tali mai, mafaufau e valaaulia i latou e toe faamanatu le Ruta 2:12, 15–16. E mafai foi ona e faailoa atu na ulu atu Poasa i se feagaiga o le faaipoipoga po o se sootaga ma Ruta ina ia alofa ma tausia pea o ia.

Afai e manaomia, faamalamalama atu e togiolaina i tatou e le Faaola i soo se auala tatou te manaomia. Mafaufau e valaaulia tagata aoga e faitau le Mosaea 15:7–9 po o le Helamana 5:9–11 e faailoa mai ai le auala e togiola ai i tatou e le Faaola. E mafai foi ona e faaopoopo atu o le galuega togiola a le Faaola e aofia ai le fesoasoani ia i tatou i o tatou faafitauli i le lalolagi (tagai D. Todd Christofferson, “Togiola,” Liahona, Me 2013, 109–110).
E faapefea ona e faamatalaina le eseesega i le tulaga o Ruta a o le’i fesoasoani ma faaipoipo atu Poasa iā te ia?
O a lesona e mafai ona tatou aoaoina e uiga i la tatou sootaga ma Iesu Keriso e ala i le tala ia Ruta ma Poasa?

O Iesu Keriso lo tatou Togiola

O le a se taimi na e lagona ai pe na lagona ai e se tasi e te iloa le mana togiola a Iesu Keriso.
Aisea atonu e te manao ai, e pei o Ruta, e faalagolago ia Iesu Keriso ma Lona mana togiola i le lumanai?
O le a sou manatu i le mea e mafai ona faia e se tasi e faateleina ai lo latou manao e faalagolago i le mana togiola o le Faaola?

Ina ia faaiu, valaaulia tagata aoga e mafaufau po o a manatu po o uunaiga na latou maua mai le Agaga Paia e uiga i le faatuatuaina o le Alii ma Lona mana togiola. Atonu latou te mananao e faaopoopo ni manatu i fesili na latou taliina i le amataga o le lesona i a latou api talaaga mo suesuega.

O Punaoa Faaopoopo

O ā aga masani faale-faaipoipoga na aafia ai le tala iā Ruta?

O le tulafono faavae [faaEperu anamua] o le faaipoipoga na ta’ua ai e faapea, pe a faaipoipo se tamāloa ona maliu lea a o le’i fanauina se tama tama, o lona tauaiga e sili ona latalata i ai o le a faaipoipo lea i le fafine ua oti lana tane (taga’i i le Bible Dictionary, “Levirate marriage”). Sa i ai foi i le “tagata o le aiga le aia tatau e faatau mai ai (togiola) le laueleele o [lona] tauaiga ua maliu.” (Ellis T. Rasmussen, A Latter-day Saint Commentary on the Old Testament [1993], 227)

Pe faatatau le mana togiola o le Faaola ia te au?

Na faasoa mai Elder Dale G. Renlund o le Korama a Aposetolo e Toasefululua:

14:39

“E fiafia le Faaola e toefuatai mai mea e le mafai ona e toefuataiina; e fiafia o Ia e faamalolo manu’a e le mafai ona e faamaloloina; e fiafia o Ia e faaleleia mea ua le mafaaleleia; Na te tauia soo se mea e le talafeagai ua faaoo atu ia te oe; ma e fiafia o Ia e fonofono tumau e oo lava i loto nutimomoia. (“Mafaufau i le Agaglelei ma le Silisiliese o le Atua,” Liahona, Me 2020, 44)

E mafai faapefea ona ou maua le mana togiola o Iesu Keriso?

Na aoao mai Elder Kim B. Clark o le Fitugafulu:

10:55

A tatou ola ai i a tatou feagaiga, latou te faatosinaina mea uma tatou te tautatala atu ai ma faia. Ua tatou ola i se olaga o feagaiga e tumu i faatinoga faigofie o le faatuatua i aso uma, lea e taulai atu ai i tatou ia Iesu Keriso: tatalo mai le loto i Lona suafa, taumafa fiafia i Ana afioga, liliu atu ia te Ia ina ia salamo i a tatou agasala, tausia o Ana poloaiga, taumamafa i le faamanatuga ma tausi Lona Sapati ia paia, tapuai atu i totonu o Lona malumalu paia i le faatele e mafai ai, ma faaaoga Lana perisitua paia e auauna atu ai i fanau a le Atua.

O nei faatinoga o le tuuto atu i feagaiga e tatala ai o tatou loto ma mafaufau i le mana togiola o le Faaola ma le tosinaga faapaiaina a le Agaga Paia. O le a suia ai e le Faaola i lea fuaitau i luga o lea fuaitau lo tatou lava natura, o le a avea i tatou ma e liua loloto atili atu ia te Ia ma o le a tino mai a tatou feagaiga i o tatou loto. (“Vaai Atu ia Iesu Keriso,” Liahona, Me 2019, 55)

Gaoioiga Faaopoopo e Aoao Ai

O le tala ia Ruta

Ina ia fesoasoani i tagata aoga e vaai faalemafaufau i le tala ia Ruta, atonu e te mafaufau e faaali atu le vitio “Ruta ma Naomi” (2:00).

2:0

O le ata faatatau i le Ruta 2:12

Ina ia fesoasoani i tagata aoga ia iloa ia faasinoga i le mana togiola o Iesu Keriso i le Ruta 2:12, e mafai ona e fesili atu ia i latou pe faapefea ona fesootai le “taui” i le upu togiola ma le matafaioi a Iesu Keriso o le Togiola.

Na aoao mai Elder Patrick Kearon o le Korama a Aposetolo e Toasefululua:

E ui e foliga mai e ono le mafai, manatu e le mafai, o le faamalologa e mafai ona oo mai e ala i le vavega o le mana faaola o le Togiola a Iesu Keriso, o lē ua toetu mai “ma le faamalologa i ona apaau.” (“Ua Toetu o Ia ma le Faamalologa i Ona Apaau,” Liahona, Me 2022, 39)

Vitio faaopoopo e uiga i le togiola a le Faaola

3:29

3:27

3:35

O le auala tatou te ola ai e sili atu ona taua nai lo le mea tatou te o mai ai

Atonu e mafai ona e faamalamalama atu faamatalaga auiliili nei e uiga i le talaaga o Ruta a o lei faaipoipo atu ia Poasa: O Ruta o se tagata Moapi (Ruta 1:4), o se fafine ua oti lana tane (Ruta 1:5), ma se tagata liliu mai i le tapua’iga iā Ieova (Ruta 1:16).

Faailoa atu e ui lava o Ruta e le o se tagata Isaraelu na fanau mai po o se tagata tamaoaiga, ae sa ia filifili e faalagolago i le Atua o Isaraelu ma mulimuli ia te Ia. Ona o lona faatuatua, na togiolaina ai o ia.

Valaaulia tagata aoga e faitau le Alema 11:40 ma le 2 Nifae 30:2, ma fai atu le fesili lenei:

O le a se mea e mafai ona tatou aoao mai le tala a Ruta ma nei fuaiupu e uiga i le salamo ma le tausia o feagaiga?

Na fanau mai le Faaola e ala i le gafa o Ruta

E mafai ona e valaaulia tagata aoga e faitau le Ruta 4:13–22, vaavaai po o ai o le a fanau mai i le aiga o Ruta ma Poasa. O loo ta’ua i fuaiupu o Ruta ma Poasa o le a avea ma tuaa sulimoni o le Togiola o le lalolagi, o Iesu Keriso.

Mafaufau e valaaulia tagata aoga e faamaumau a latou molimau e uiga ia Iesu Keriso i a latou api talaaga mo suesuega. E mafai ona e uunaia i latou e saili se avanoa i nai aso o sosoo ai e faasoa atu ai a latou molimau i se isi tagata.