Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mahita mpanorohevitra: Mametraka olona fakan-tahaka eo amin’ny lalantsika ny Tompo

“Mahita mpanorohevitra: Mametraka olona fakan-tahaka eo amin’ny lalantsika ny Tompo,” Testamenta Taloha: Boky torolalana ho an’ny mpampianatra seminera (2026)

“Mahita mpanorohevitra: Mametraka olona fakan-tahaka eo amin’ny lalantsika ny Tompo,” Testamenta Taloha: Boky torolalana ho an’ny mpampianatra seminera

Fiomanana amin’ny fianarana sy asa hatao any aoriana: Lesona 191

Mahita mpanorohevitra

Mametraka olona fakan-tahaka eo amin’ny lalantsika ny Tompo

A series of images showing mentors talking to individuals, groups of people talking together, training on the computer, working on a forklift in the warehouse, working in D.I., working on a computer and answering phones and graduating from college.

Rehefa misaintsaina ny fiainanao ianao dia tamin’ny fomba ahoana no nanampian’ireo mpanorohevitra azo itokisana anao? Avy amin’i Mosesy sy Josoa ka hatrany amin’i Ely sy i Samoela, ireo tantara avy ao amin’ny soratra masina dia maneho ny lanjan’ny fifandraisana amin’ny mpanorohevitra. Ireo tantara ireo dia manondro antsika any amin’ireo mpanorohevitra tonga lafatra antsika, dia ny Ray any An-danitra sy i Jesoa Kristy. Ity lesona ity dia afaka manampy ny mpianatra hanao drafitra hamantarana sy hifandraisana amin’ireo izay mety ho mpanorohevitra mikasika ny fianarana sy ny asa.

Fanomanana ny mpianatra: Asao ny mpianatra hieritreritra ireo tanjona amin’izao fotoana izao sy amin’ny hoavy amin’ny fianarana sy ny asa. Angataho ny mpianatra hanao lisitra ireo olon-dehibe vitsy azo antoka izay afaka ny ho maodely na mpanorohevitra mba hanampiana azy ireo hanatanteraka ireo tanjona ireo sy hitondra ny lisitr’izy ireo ao an-dakilasy.

Sahanasa fianarana azo atao

Iza no tianao harahina?

A young man walking with a walking stick on a trail.

Hevero ny hanomboka ny lesona amin’ny alalan’ny fanasana ny mpianatra haka sary an-tsaina hoe anisan’ny andiana namana iray izay hanomboka dia iray hamakivaky ala mikitroka matevina izy ireo. Nambara tamin’ilay vondrona fa ho sarotra ilay dia, saingy ho mahatalanjona ilay toerana haleha ary mendrika ny hisasarana izany. Nasaina ilay vondrona hisafidy olona hitarika azy ireo.

Inona avy ireo fepetra sasantsasany tianao ananan’ilay mpitarika anao? Nahoana?
Inona no havalinao raha toa ka manoro hevitra ny mpikambana iray ao amin’ilay vondrona fa tsy mila mpitarika ianareo?

Asao ny mpianatra hieritreritra ny fomba azo ampiharana io rafi-tantara io amin’ny drafitra ara-pianarana sy arak’asa ataon’izy ireo. Azonao atao ny milaza fa ity lesona ity dia hifantoka amin’ny famantarana sy ny fifandraisana amin’ireo mpanorohevitra.

Fanamarihana: Mety manana mpianatra izay tsy mahita ny filana mpanorohevitra iray ianao. Azonao atao ny mitady fahafahana hanampiana azy ireo hahatakatra ny lanjan’ireo mpanorohevitra sy ireo lafin-javatra izay ahafahan’izy ireo mahazo fanampiana anio. Ampio ireo mpianatra hamantatra fa, tahaka ny mpitarika iray, ny mpanorohevitra dia afaka mitondra traikefa sy hevi-baovao izay afaka manampy antsika hamakivaky ireo fanapahan-kevitra ara-pianarana sy arak’asa raisintsika.

Halalino ireo fehezan-teny ireo mba hitadiavana ny fomba ahafahan’ny Tompo mitarika anao amin’ny alalan’ny torohevitry ny mpanorohevitra.

Rahalahy Milton Camargo, izay Mpanolotsaina Voalohany tao amin’ny Fiadidian’ny Sekoly Alahady Maneran-tany dia nilaza hoe:

Amin’ny fotoana sasany mandritra ny dianao [ao amin’ny] fianarana … [dia] mety hahatsapa ho tototra amin’ny zavatra maro tokony hatao ianao. Tsarovy fa tsy irery ianao mandritra ireo fanamby atrehanao. Nomen’ny Tompo olona maro izay afaka manohana anao ianao—olona ao amin’ny fianakaviana; mpitarika ao amin’ny Fiangonana; namana; ary koa ireo mpampianatra, na mpanorohevitra anao. Ary mazava ho azy fa ny Tompo mihitsy no vonona mandrakariva hampionona sy hampahery anao. (“Persevere with the Lord’s Help” [BYU–Pathway Worldwide devotional, Mar. 1, 2022], 2, byupathway.edu)

Nampianatra izao ny Loholona Ronald A. Rasband ao amin’ny Kôlejin’ny Apôstôly Roambinifolo:

Efa nandeha teo anoloantsika [ireo mpanorohevitra] ary fantatr’izy ireo ny lalana. … Olona iray manana traikefa sy azo itokiana kokoa no mpitarika sy mpanorohevitra mahomby raha oharina amin’ny olona tsy dia manana traikefa, manampy amin’ny famolavolana ny fahatakaran’ilay olona sy mampianatra ireo fitsipika izay hahatonga azy hahomby kokoa, ho matanjaka kokoa, ho hendry kokoa, ary ho sarobidy kokoa amin’ny maha-mpanompon’ Andriamanitra azy” (“Thy Friends Do Stand by Thee” [Brigham Young University devotional, Mar. 7, 2010], 3, speeches.byu.edu).

Inona no nanaitra anao tao amin’io torohevitra io?

Rehefa avy mamaly ny mpianatra dia soraty eo amin’ny solaitrabe ity fahamarinana manaraka ity: Afaka mitarika antsika amin’ny alalan’ireo mpanorohevitra azo itokisana ny Tompo.

Asao ny mpianatra hisaintsaina izao manaraka izao:
Oviana ianao na ny olona iray fantatrao no nandray fanampiana avy tamin’ny mpanorohevitra iray?
Inona avy ireo lafiny sasantsasany amin’ny drafitra ara-pianaranao na arak’asanao izay mety hahazo tombontsoa avy amin’ny fitarihan’ny Tompo anao amin’ny alalan’ny torohevitry ny mpanorohevitra iray?

Afaka mizara ohatra iray momba ny olona iray izay efa mpanorohevitra anao ianao. Hevero ny hizara ny zavatra niainanao rehefa niara-niasa tamin’izany olona izany ianao sy ny fomba nanampian’izany anao hahita ny fitarihan’ny Mpamonjy teo amin’ny fiainanao.

Rehefa mandalina ianao anio, dia asao ny Fanahy Masinahanampy anao hamantatra ireo mpanorohevitra azo itokisana eo amin’ny fiainanao izay afaka manampy anao hikatsaka ny fitarihan’ny Tompo rehefa mandray fanapahan-kevitra momba ny drafitra ara-pianarana sy arak’asanao ianao.

Ohatra amin’ny mpanorohevitra ao amin’ny soratra masina

Mety hanampy ny mizara fa iray amin’ireo anarana nomena ny Ray any An-danitra ny hoe “Lehilahin’ny Torohevitra,” (jereo ny Mosesy 7:35). Azonao atao ny manasa ny mpianatra hamaky ny Jaona 5:19–20 sy ny Jaona 8:26–28, ka hitady ny fomba nanoroan’ny Ray any An-danitra hevitra an’i Jesoa Kristy Zanany. Afaka mametraka fanontaniana toy izao ianao:

Manampy antsika hahatakatra inona momba ny filan’ny Mpamonjy mpanorohevitra izany?

Mety hilaza ny mpianatra fa nianatra avy tamin’ny ohatra nasehon’ny Rainy i Jesoa ary nikatsaka ny torohevitra sy ny fitarihan’ny Rainy Izy.

Rehefa avy mizara ny mpianatra dia azonao atao ny manome ireto ohatra ao amin’ny soratra masina manaraka ireto izay ahitana ny Tompo mitarika ny vahoakany amin’ny alalan’ireo mpanorohevitra nentanim-panahy. Afaka miara-miasa amin’ny namana iray ny mpianatra ary misafidy tantara iray hohalalinina sy hamaliana ireo fanontaniana manaraka izany.

Mosesy sy Josoa: Deoteronomia 3:21–22 (i Mosesy nitarika an’i Josoa), 28 (ny torolalana nomen’ny Tompo an’i Mosesy)

I Debora mpaminany vavy sy i Baraka, izay mpibaiko miaramilany: Mpitsara 4:4–10, 14; Mpitsara 5:1–3 (mankalaza ny fandresen’i Isiraely)

I Ely mpisorona avo sy i Samoela ilay mpaminany tanora, 1 Samoela 3:1–10

Ahoana no fomba nanomezan’ny Tompo ny fitarihany tamin’ny alalan’io mpanorohevitra io?
Ahoana no ahafahan’io tantara io manampy olona iray izay misalasala ny hikatsaka fanampiana avy amin’ny mpanorohevitra iray?

Mitarika antsika amin’ny alalan’ny mpanorohevitra azo itokisana ny Tompo.

Rehefa ampy ny fotoana nomena hanaovana izany dia asao ny mpianatra maromaro hizara ny zavatra noresahan’izy ireo tao amin’ny vondrona nisy azy. Azonao atao ny manasa ny mpianatra hizara ny drafitr’izy ireo amin’ny iray kilasy.

Mety hanampy ny fanazavana fa ny ray aman-dreny, ny mpampianatra, ny mpanolotsaina any an-tsekoly, ary ireo hafa dia afaka manampy ny mpianatra hamantatra mpanorohevitra mifanaraka amin’izay ilaina. Ny sampana sy paroasy ary tsatòka sasany dia mety hanana manam-pahaizana manokana momba ny fianarana sy ny asa mihitsy aza. Omeo toky ireo mpianatra fa mametraka olona maro azo itokisana eo amin’ny lalantsika izay afaka ny ho mpanorohevitra ny Tompo. Ny olona sasany dia mpanorohevitra mandritra ny fotoana fohy ary mifanaraka amin’ny zavatra manokana ilaintsika. Afaka miara-miasa amintsika mandritra ny fotoana maharitra kokoa ireo mpanorohevitra hafa.

Asao ny mpianatra hikatsaka ny fanampian’ny Ray any An-danitra mba hahitany sy hifandraisany amin’ireo mpanorohevitra izay afaka manampy azy ireo. Mijoroa ho vavolombelona fa hanome azy ireo ny fanampiana ilain’izy ireo Izy.

Loharanom-pitaovana fanampiny

Inona avy ireo toetra tokony hotadiaviko ao amin’ny mpanorohevitra iray?

Rehefa nisaintsaina ny lehilahy iray izay mpanorohevitra azy ny Filoha Henry B. Eyring dia nilaza izy hoe:

Hofintiniko ny zavatra tokony hotadiavina rehefa mamantatra izay mety ho mpanorohevitra tena tsara …

Voalohany, ary azo antoka fa manan-danja indrindra, ny fahatakarany momba ny tontolo tiako hotetezina. … Tsy fantany fotsiny ny momba izany; nanana sarintany iray izy, ary sarintany tena tsara izany. Ary fantatro ankehitriny hoe karazana sarintany toy ny ahoana no tena manan-danja—dia izay hanondro anao hoe aiza no hisy lanjany ho anao any aoriana any. Tsy fantany fotsiny ny teoria momba ny fanapahan-kevitra sy ny teoria momba ny fandaminana; fa tsapany hoe ho aiza no halehan’ny fitambaran’izany ary inona no hanan-danja indrindra ho an’ny olona miasa amin’izany fitambarana izany rehefa nandroso izahay. Afaka niteny izy hoe: “Io anjara biriky io na izany anjara biriky izany no hampiova zavatra indrindra.” (“To Choose and Keep a Mentor,” [BYU University Conference, 26 Aog. 1993], 3, speeches.byu.edu).

Hoy ny Loholona Robert D. Hales (1932–2017) tao amin’ny Kôlejin’ny Apôstôly Roambinifolo:

Nandritra ireo taona naha-tanora tokan-tena ahy, dia nikatsaka torohevitra avy amin’ny ray aman-dreniko aho sy avy amin’ireo mpanorohevitra ahy izay mahatoky sy nitokisako. Ny iray tamin’izany dia mpitarika iray ao amin’ny fisoronana; ny iray hafa dia mpampianatra izay nahatoky ahy. … Misafidiana am-bavaka ireo mpanorohevitra izay tena mikatsaka tokoa ny hahasoa ny ara-panahinao. “Miatrika ireo fanamby apetrak’izao tontolo izao ankehitriny,” Liahona, nôv. 2015, 45)

Ahoana no ahafahako mahazo tombontsoa avy amin’ny fahitana mpanorohevitra?

Nampianatra ny Rahavavy Susan L. Gong:

5:29

Nampianatra ny Filoha Nelson hoe: “Ny fianarana no tsy mampitovy ny hoe mangetaheta ny ho afaka hanampy ny hafa sy ny hoe afaka manampy azy ireo.”

Ireo zavatra tsara sy manan-danja ianaranao amin’izay dia hamolavola sy hitahy ny fiainanao manontolo.

Izao no fotoana hikatsahana mpanorohevitra hendry sy mandala fahamarinana toy ny ray aman-dreny na raibe aman-drenibe, mpampianatra, namana, mpitarika ato amin’ny Fiangonana, ary indrindra indrindra an’i Jesoa Kristy, mba hanampy antsika hanorina fiainana manan-danja. Mambole fifandraisana manan-danja amin’ireo izay afaka manampy anareo hianatra sy hivoatra. (“Antony hananana fanantenana,” [Fampaherezam-panahy maneran-tany ho an’ny tanora tokan-tena sy mpivady vao herotrerony an’ny S&I, 10 jan. 2021], Médiathèque de l’Évangile)

Sahanasa fianarana fanampiny

Katsaho ny torohevitr’ireo izay hendry sy be traikefa

Rehefa mijery ohatra amin’ny fanoroana hevitra ao amin’ny soratra masina ny mpianatra dia mety hahazo tombontsoa izy ireo avy amin’ny fahitana ny vokatry ny tsy fanarahana ny torohevitr’ireo izay manana traikefa kokoa. Ho fanaovana izany dia azonao atao ny mizara ny tantaran’i Rehoboama Mpanjaka, izay nanaraka an’i Solomona Mpanjaka rainy, izay mpitarika an’i Isiraely.

Asao ny mpianatra hamaky ny 1 Mpanjaka 12:1–4, ka hitady ny olana nambaran’i Jeroboama, izay avy tao amin’ny fokon’i Efraima, tamin’ny Isiraelita.

Avy eo dia azon’ny mpianatra atao ny mamaky ny 1 Mpanjaka 12:6–11. Halamino hiara-hiasa tsiroaroa ireo mpianatra. Afaka mitady ny torohevitra nomen’ireo “lehilahy taloha” izay nanompo an’i Solomona Mpanjaka ny Mpanjaka Rehoboama ny mpiara-miasa iray. Ny mpiara-miasa iray hafa kosa dia afaka mitady ny zavatra nasain’ireo tanora naman’i Rehoboama hataony. Afaka mametraka fanontaniana entina hifanakalozan-kevitra amin’ny mpianatra toy izao ianao:

Nahoana no mety hanintona ny hanaraka ny torohevitr’ireo namana tsy manan-traikefa?

Azon’ny mpianatra atao ny mamaky ny 1 Mpanjaka 12:12–16, ary mitady ny vokatry ny fanarahan’i Rehoboama ny torohevitr’ireo namany (nikomy nanohitra an’i Rehoboama ny foko folo ary lasa Fanjakana Avaratr’i Isiraely).

Ampio ny mpianatra hahatakatra ny maha-zava-dehibe ny famantarana ny fitarihan’ny Tompo amin’ny alalan’ny fahendren’ireo mpanorohevitra tsara. Ny traikefan’izy ireo dia afaka manampy antsika handray fanapahan-kevitra tsara kokoa sy hanaraka ny Tompo.

Fahitana sy fihaonana amin’ny mpanorohevitra

Aorian’ny sahanasa momba ny taratasy zaraina dia azonao atao ny mandamina ireo mpianatra ho mpiara-miasa. Asaivo mizatra miresadresaka izy ireo sy ny mpiara-miasa aminy, izay hilalao ny anjara asan’ilay mety ho mpanorohevitra. Azon’ny mpianatra atao ny manao fanazaran-tena amin’ny fomba hanasany io olona io ho lasa mpanorohevitra azy ireo, amin’ny alalan’ny fampiasana ireo fanontaniana telo na maromaro nosoratan’izy ireo. Afaka manome fanehoan-kevitra ilay mpianatra milalao ny anjaran’ilay mpanorohevitra (ny zavatra nety tsara, inona no tokony hovaina, na izay mety ho sosokevitra avy aminy). Avy eo dia azon’ny mpianatra atao ny mifamadika anjara ka mamela ilay mpiara-miasa hafa hanao fanazaran-tena.

Rehefa avy nanana fahafahana hanao fanazaran-tena sy handray fanamarihana ny mpiara-miasa tsirairay dia azonao atao ny manontany ny zavatra niainan’ireo mpianatra izay mety hahatonga ny famantarana sy ny fifandraisana amin’ny mpanorohevitra iray ho sarotra na miambakavaka ary hifanolotra sosokevitra mikasika ny fomba handresena ireo olana ireo.

Raha toa ka hahazo tombontsoa avy amin’ny fitarihana fanampiny ny mpianatra mba hanampiana azy ireo hanao drafitra hihaonana amin’ny mpanorohevitra iray dia azonao atao ny manome ity loharanom-pitaovana manaraka ity: “Mihaona amin’ny mpanorohevitrao.” Azon’ny mpianatra atao ny mameno ilay taratasy iasana amin’ny endrika nomerika ary mizara hevitra amin’ny mpiara-mianatra aminy avy eo.

Mety hahazo tombontsoa avy amin’ny fahitana ny fomba hahazoan’ireo mpianatra ao amin’ny BYU tombontsoa avy amin’ny fifandraisana amin’ny mpanorohevitra eo amin’ny fianarany ny mpianatra. Azonao atao ny mampiseho ny horonan-tsary “BYU First Year Mentoring | Experiences of Growth (Fanoroan-kevitra mandritra ny taona voalohany ao amin’ny BYU | Zavatra niainana momba ny fivoarana)” (2:48).