Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mandresy ireo sakana amin’ny fanohizana ny fianarana: Mampiasa ireo loharanom-pitaovana rehetra misy

“Mandresy ireo sakana amin’ny fanohizana ny fianarana: Mampiasa ireo loharanom-pitaovana rehetra misy,“ Testamenta Taloha: Boky Torolalana Ho an’ny Mpampianatra Seminera Momba (2026)

“Mandresy ireo sakana amin’ny fanohizana ny fianarana: Mampiasa ireo loharanom-pitaovana rehetra misy,“ Testamenta Taloha: Boky torolalana ho an’ny mpampianatra seminera

Fiomanana amin’ny fianarana sy asa hatao any aoriana: Lesona 190

Mandresy ireo sakana amin’ny fanohizana ny fianarana

Mampiasa ireo loharanom-pitaovana rehetra misy

Nampianatra ny Tompo fa ny “voninahitr’ Andriamanitra dia ny faharanitan-tsaina” (Fotopampianarana sy Fanekempihavanana 93:36). Ankoatra izany dia namerimberina nampianatra ireo mpitarika ao amin’ny Fiangonana momba ny maha-zava-dehibe ny fianarana. Kanefa indraindray dia misy ireo sakana izay mampahasarotra ny fanohizana ny fianarantsika. Ity lesona ity dia afaka manampy ny mpianatra hamantatra ireo loharanom-pitaovana misy mba handresena ireo sakana amin’ny fanohizana ny fianarany.

Sahanasa fianarana azo atao

Mamantatra ireo sakana

Fanamarihana: Miovaova manerana an’izao tontolo izao ireo sakana amin’ny fanohizana ny fianarana. Azonao atao ny mampifanaraka ireo rafi-tantara na ireo sakana misy arakaraka ny faritra misy anao sy ny zavatra ilain’ireo mpianatrao.

Hevero ny hanomboka ny fotoam-pianarana amin’ny alalan’ny fanaovana sary na fampisehoana sarina zatovo iray mijery eny ampitan’ny renirano iray ny fanehoana ny fianarana any aoriana tahaka ity iray eto ambany ity. Avy eo dia zarao ity rafi-tantara manaraka ity.

Nandritra ny lesona seminera vao haingana dia nizara fanambarana vitsivitsy avy amin’ireo mpitarika ao amin’ny Fiangonana mikasika ny maha-zava-dehibe ny fianarana aorian’ny lisea ny mpampianatra an’i Liam. Mino izany torohevitra izany i Liam ary te hanaraka izany. Saingy rehefa mieritreritra ny hoavy izy dia feno ireo sakana mety hanakana azy tsy hanatratra ny tanjony ny sainy.

Rehefa avy nizara ny zavatra niainan’i Liam ianao dia azonao atao ny manasa ny mpianatra hitanisa ireo sakana eo ambony na akaikin’ny sarin’ilay renirano izay mety hanakana an’i Liam na ireo zatovo hafa tsy hanohy ny fianarany. Raha nanao ny fiomanan’ny mpianatra ireo mpianatra dia azonao atao ny manasa azy ireo hizara ny sakana sasantsasany ao amin’ny lisitra nataon’izy ireo.

Amporisiho ny mpianatra hieritreritra ireo sakana ivelany sy anatiny. Ireo sakana ivelany dia mety ahitana ny tsy fahampiana ara-bola, na naoty ambany, na tsy fahampian’ny fahafahana. Ireo sakana anatiny dia mety ahitana ny tsy fahampian’ny fahatokian-tena, na tsy fisian’ny fanantenana na faniriana.

Mba hanampiana ny mpianatra hieritreritra ireo mety ho sakana amin’ny fanohizana ny fianarany dia azonao atao ny manasa azy ireo hanao izao manaraka izao.

Valio ao anatin’ny diary fandalinanao ireto fanontaniana ireto:

Inona avy ireo sakana (eny amin’ny solaitrabe na hafa) mety mampiahiahy anao ka manembantsembana ny fanohizanao ny fianaranao?
Hatraiza ny fahatokian-tenana anananao ka ahafahanao mandresy ireo sakana ireo ianao?
Ahoana no hanampian’ny Mpamonjy anao handresy ireo sakana ireo?

Mandritra ny lesona androany dia mikatsaha fahatsapana avy amin’ny Fanahy mba hanampy anao hamantatra ireo fomba manokana handresena ireo sakana amin’ny fianaranao.

Miampita ny Reniranon’i Jordana

Mba hanampiana ny mpianatra hampiasa ny soratra masina hianarana ny fomba handresena ireo sakana amin’ny fianaran’izy ireo dia hevero ny hifanakalo hevitra momba ny tantaran’i Josoa sy ny zanak’Isiraely niampita ny Renirano Jordana (jereo ny Lesona 62: “Josoa 2–4“ mba hahitana antsipiriany bebe kokoa). Azonao atao ny mamaky na mamintina ity andiam-pehezan-teny manaraka ity raha ilaina.

Rehefa tonga tany Kanana i Josoa sy ny zanak’Isiraely dia nampanantenain’ny Tompo azy ireo ny tany rehetra teo ampitan’ny reniranon’i Jordana (jereo ny Josoa 1:1–7). Na izany aza anefa dia niatrika ny sakan’ny fiampitana ilay renirano tondraka izy ireo mba hanatratrarana ny tanjon’izy ireo (jereo ny Josoa 3:15).

Azonao atao ny mandamina ireo mpianatra ho tsiroaroa mba hamaky sy hifanakalo hevitra momba ireto andininy manaraka ireto. Mety hanampy ny fanazavana fa ireo andian-teny hoe “hijanona ho toy ny antontan-javatra“ (andininy 13) sy ny hoe “tonga ho toy ny antontan-javatra“ (andininy 16) dia entina ilazana ny fikorianan’ny Renirano’i Jordana izay nijanona.

Vakio ny Josoa 3:6–8, 13–17, dia tadiavo ireto manaraka ireto:

Ireo fihetsika feno fahatokiana nataon’ireo mpisorona dia nitondra ny zanak’Isiraely hiampita ny Reniranon’i Jordana
Ny fanampian’ Andriamanitra ny zanak’Isiraely mba hiampita ny Renirano Jordana

Azon’ny mpianatra atao ny mizara amin’ny mpiara-miasa ny zavatra hitany. Azon’izy ireo atao ny mifanakalo hevitra momba ny fomba nahafahan’ny asa feno fahatokiana nataon’ireo mpisorona sy ny fanampian’ny Tompo nanampy ny zanak’Isiraely handresy ilay sakana.

Azonao atao avy eo ny manontany ny iray kilasy izao manaraka izao:
Ahoana no ahafahan’io tantara io manampy zatovo iray izay miatrika sakana amin’ny fanohizana ny fianarany?

Manorata ao anatin’ny diary fandalinanao fehezanteny milaza fahamarinana iray miainga amin’ny zavatra nianaranao ka azo ampiharina amin’ny fandresena ireo sakana amin’ny fanohizana fianaranao.

Mety hampiasa ny teniny manokana ny mpianatra mba hizarana fahamarinana toy izao: Rehefa mandroso amim-pinoana an’i Jesoa Kristy isika dia hanampy antsika Handresy ireo sakana izay atrehintsika Izy.

Nahoana no ilaina ny mandroso amim-pinoana an’i Jesoa Kristy (manao ny zava-drehetra amin’ny herintsika) mba handresena ireo sakana amin’ny fianarana?
Nahoana no mety ilaina ny fikatsahana amim-pahatokiana ny fanampian’ Andriamanitra mba handresena ireo sakana amin’ny fianarana?

Azonao atao ny mampahatsiahy ireo mpianatra fa tafiditra ao anatin’ny fandrosoana amim-pinoana an’i Jesoa Kristy ny ezaka rehetra mety hataon’izy ireo. Ohatra, ny firesahana amin’ny mpanolotsaina iray, sy ny fitadiavana vola, ary ny fandoavana amim-pahatokiana ny fahafolonkarena dia samy fomba handrosoana amim-pinoana an’i Jesoa Kristy avokoa mba handresena ireo sakana amin’ny fianarana.

Mampihatra rafi-tantara

Ity sahanasa manaraka ity dia manampy ny mpianatra hampihatra ny fisainana tia manadihady. Azonao atao ny manazava amin’ny mpianatra fa ny fisainana tia manadihady dia fahaiza-manao izay afaka manampy antsika handray fanapahan-kevitra tsara. Tafiditra ao anatin’izany ny (1) fandinihana sy fanangonana fampahalalana momba ilay fanapahan-kevitra, (2) mametraka fanontaniana momba ny zavatra dinihinao, (3) mifanakalo hevitra momba ny zavatra nodinihinao amin’ny hafa, ary (4) mamaha olana miainga avy amin’ny zavatra nianaranao. Azonao atao ny manasa ny mpianatra hamita ny tsirairay amin’ireo dingana ireo ao anatin’ity sahanasa ity.

Asao ny mpianatra hamorona rafi-tantara iray ahitana sakana tena mihatra amin’ny tanora. Raha mila fanampiana izy ireo dia afaka mameno ny banga ao amin’ity fehezanteny manaraka ity.

(anaran’ny zatovo) dia mahafantatra fa manan-danja ny fianarana aorian’ny lisea. Saingy sakana iray amin’ny fanohizana ny fianarany ny (fariparito ny sakana).

Inona avy ireo fanontaniana mety hapetrak’io olona io rehefa mandinika ireo loharanom-pitaovana misy izy ireo? Iza no azon’izy ireo ifanakalozana hevitra momba ny sasany amin’ireo fanontanian’izy ireo?
Inona avy ireo asa azon’io olona io atao mba handrosoana amim-pinoana an’i Jesoa Kristy mba handresena ny zavatra manakana azy ireo?
Ahoana no mety hanampian’ Andriamanitra io olona io handresy ny zavatra manakana azy ireo?

Famintinana

Azonao atao ny manasa ny mpianatra hamerina hijery ny lisitr’ireo sakana manokana izay hitan’izy ireo tany am-piandohan’ny fotoam-pianarana. Amporisiho izy ireo hikatsaka fitarihana avy amin’ny Fanahy rehefa mamaly ity fanontaniana manaraka ity ao amin’ny diariny izy ireo.

Inona avy ireo loharanom-pitaovana azonao ampiasaina avy amin’ny fifanakalozan-kevitra androany mba hanampiana anao handresy ireo sakana sy hiomana amin’ny fianarana amin’ny any aoriana?
Inona avy ireo asa feno fahatokiana azonao atao mba hahafahan’ny Ray any An-danitra sy i Jesoa Kristy manampy anao handresy ireo zavatra manakana anao?

Azonao faranana amin’ny alalan’ny fijoroana ho vavolombelona fa rehefa manao amim-pifaliana ny zava-drehetra amin’ny herintsika isika dia hanampy antsika handresy ireo zavatra manakana antsika ny Ray any An-danitra sy i Jesoa Kristy mba hanohizana ny fianarantsika.

Loharanom-pitaovana fanampiny

Ahoana no ahafahan’ny finoana an’i Jesoa Kristy mampitombo ny ezaka ataoko hanohizana ny fianarako?

Ny Loholona Clark G. Gilbert ao amin’ny Fitopololahy dia nampianatra hoe:

Mba hanaovana izay rehetra andrasana aminareo amin’ ny maha- … mpianatra anareo dia mila miasa mafy ianao ary maneho ny herim-po. Kanefa ny fandehanana any amin’ny toerana tokony halehanao dia mitaky zavatra bebe kokoa. Mila mikatsaka ilay hery mampatanjaky ny sorompanavotan’i Jesoa Kristy ianao.

Fantatro fa mety ho sarotra ny manohy ny fianaranareo ary mitaky fahafoizan-tena. Fantatro fa tena sarotra ny asa ataonareo ary misy alina sarotra maro rehefa miari-tory ianareo mba hamita ireo enti-mody, hianatra hevitra vaovao, ary hitantana ireo fanolorantena hafa mitaky ezaka lehibe eo amin’ny fiainanareo. Saingy mifikira hatrany. Manehoa fikirizana hatrany. Fa mivonòna ihany koa hivoatra avy amin’ny fikirizana mankany amin’ny fianteherana amin’ny fahasoavana. Ampandraiso anjara ny Tompo. Mivavaha mba hahazo ny fanampiany, dia hampitombo ny ezaka ataonao Izy. (“From Grit to Grace“ [Fampaherezam-panahy maneran-tany an’ny BYU-Pathway Worldwide, Sep. 25, 2018], 1, 2, byupathway.edu)

Nizara ny Loholona Carl B. Cook ao amin’ny Fitopololahy hoe:

Hanampy antsika handresy ny hakiviana ilay Andriamanitry ny lanitra sy ny tany, sy izay sakana rehetra atrehantsika, raha toa isika ka mitodika any Aminy sy manaraka ny bitsiky ny Fanahy Masina, ary manohy mandroso fotsiny—amim-pinoana.

Soa ihany fa rehefa osa sy tsy mahay isika dia afaka mampatanjaka ny finoantsika ny Tompo. Afaka mampitombo ny fahafahantsika manao zavatra Izy. (“Manohy mandroso fotsiny—amim-pinoana,” Liahona, mey 2023, 14)

Inona no andraikitro mahakasika ny fianarana?

Nampianatra ny Filoha Dieter F. Uchtdorf, fony izy tao amin’ny Fiadidiana Voalohany hoe:

18:45

Ho an’ny mpikamban’ny Fiangonana dia tsy hoe zavatra tsara azo atao fotsiny ny fianarana—didy izany. Mila mianatra “ny amin’ny zavatra any an-danitra sy ety an-tany ary any ambanin’ny tany; zavatra izay efa nisy, zavatra izay misy, ary zavatra izay tsy maintsy ho avy tsy ho ela; zavatra izay eo an-toerana, zavatra izay any ivelany” isika. [Fotopampianarana sy Fanekempihavanana 88:79–80].“

… Manana ny adidy hianatra araka izay tratranareo ianareo. Mba amporisiho ny fianakavianareo, ny olona ao amin’ny kôlejinareo, ny rehetra, hianatra sy ho lasa olona nahita fianarana. Raha tsy misy ny rafi-pampianarana dia aza avela hanakana anao tsy hanovo ny fahalalana rehetra irianao izany. Raha izany no toe-javatra misy anao dia azo laizana fa ny boky tsara indrindra no lasa “sekolinao”—ka izany dia azo sokafana foana ary mandray izay rehetra misoratra anarana ao aminy. Miezaha mampitombo ny fahalalanao amin’izay zavatra rehetra “mendrika, maha-te ho tia, tsara na mendri-piderana [Fanekampinoana 1:13].” Mikatsaha fianarana “amin’ny alalan’ny fandinihana ary koa amin’ny alalan’ny finoana [Fotopampianarana sy Fanekempihavanana109:7].“ Mikatsaha amin’ny fanahy feno fanetren-tena sy ny fo torotoro [Fotopampianarana sy Fanekempihavanana 136:33].“ (“Two Principles for Any Economy,“ Liahona, nôv. 2009, 58)

Sahanasa fianarana fanampiny

Mikaroka ireo loharanom-pitaovana eo an-toerana

Ho an’ireo sakana amin’ny fianarana eo amin’ny faritra misy anao manokana dia azonao atao ny manomana ny lisitr’ireo loharanom-pitaovana eo an-toerana ho an’ny mpianatrao. Ny sasany amin’ireto loharanom-pitaovana ireto dia mety ahitana antsipiriany momba ny:

Fianarana miaraka amin’ny mpiara-mianatra
Maodelin’andraikitra tsara
Loharanom-pitaovana an-jotra
Tohana avy amin’ny fiarahamonina
Vatsim-pianarana sy famatsiam-bola
Fandaharan’asa fampivoarana ny fahaiza-manao

Azonao atao ny mandany fotoana vitsy miaraka amin’ny kilasy hikarohana ireo loharanom-pitaovana eo an-toerana mba handresena ireo sakana mahazatra amin’ny fianarana. Ankoatra izany dia azonao atao ny manasa mpitarika iray na mpanolotsaina iray ao amin’ny Fiangonana eo an-toerana mba ho tonga ao an-dakilasy ary hanazava ireo loharanom-pitaovana azo isafidianana.

horonan-tsary manamafy ny maha-zava-dehibe ny fitohizan’ny fianarana

Ny Loholona Joseph W. Sitati dia niresaka momba ny fomba nandreseny ny vato misakana mba hahazoana fianarana tsara tany Kenya. Ny fanohizana fianarana dia nahafahany nahita ny vadiny, sy asa azo antoka, ary nanaiky ny filazantsaran’i Jesoa Kristy.

4:56

Rehefa avy nizara ilay horonan-tsary ianao dia azonao atao ny manasa ireo mpianatra mba handefa hafatra na email amin’ireo olona ao amin’ny fianakaviana na namana izay nanohy ny fianarany taorian’ny lisea. Asao ny mpianatra hanontany ny fomba nandresen’izy ireo ireo sakana mba hahazoana ny fianarany.

Mandroso amim-pinoana an’i Jesoa Kristy.

Mba hanamafisana ilay fahamarinana antitranterona ao amin’ny lesona dia azonao atao ny manasa ny mpianatra hamaky ny Fotopampianarana sy Fanekempihavanana 123:17 sy ity fanambarana manaraka nataon’ny Loholona Gerrit W. Gong ao amin’ny Kôlejin’ny Apôstôly Roambinifolo ity, ka hitady ny zavatra ampianarin’ireo loharanom-pahalalana ireo momba ny fandresena ny sakana.

Ao amin’ny Fotopampianarana sy Fanekempihavanana, fizarana 123, andininy 17, ny Tompo dia mampianatra fitsipika iray manan-danja ary manolotra fampanantenana miavaka.

Izao no fitsipika manan-danja ampianarin’ny Tompo: “Aoka isika hazoto hanao ny zava-drehetra izay tratry ny herintsika.“ Fitsipiky ny finoana sy ny asa izany. … Ny fanaovana ny zava-drehetra izay tratran’ny herintsika dia manampy antsika handray ny fanampian’ Andriamanitra sy ny fankaherezana avy aminy. Ny ezaka tsara indrindra ataontsika sy ny fanampian’ Andriamanitra dia miara-mandeha. (“Cheerfully Do All Things in Our Power” [BYU–Pathway Worldwide devotional 5 des 2023], 1 byupathway.edu)

Inona no ampianarin’ny Loholona Gong ka afaka manampy ny olona iray hiroso amim-pinoana an’i Jesoa Kristy?