Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Ny maha-zava-dehibe ny fianarana: Ireo fitahiana ara-batana sy ara-panahy avy amin’ny fianarana

“Ny maha-zava-dehibe ny fianarana: Ireo fitahiana ara-batana sy ara-panahy avy amin’ny fianarana,“ Testamenta Taloha: Boky torolalana ho an’ny mpampianatra seminera (2026)

“Ny maha-zava-dehibe ny fianarana: Ireo fitahiana ara-batana sy ara-panahy avy amin’ny fianarana,“ Testamenta Taloha: Boky torolalana ho an’ny mpampianatra seminera

Fiomanana amin’ny fianarana sy asa hatao any aoriana: Lesona 188

Ny maha-zava-dehibe ny fianarana

Ireo fitahiana ara-batana sy ara-panahy avy amin’ny fianarana

Na dia mety ho tena sarotra aza ny fahazoana fianarana dia mendrika fahafoizan-tena sy ezaka izany. Tsy vitan’ny hoe afaka mitahy ny fiainantsika sy ireo manodidina antsika fotsiny ny fanabeazana fa manomana antsika ho fitaovana tsaratsara kokoa eo amin’ny fanatanterahana ny asan’ny Tompo. Ity lesona ity dia afaka manampy ny mpianatra hahatakatra ny maha-zava-dehibe ny fianarana na ara-batana na ara-panahy.

Fanomanana ny mpianatra: Asao ny mpianatra hisaintsaina zavatra iray izay tian’izy ireo ianarana momba izany fahalianana izany sy ny fomba nikolokoloan’izy ireo izany. Azon’izy ireo atao ihany koa ny misaintsaina ny maha-sarobidy ny fianarana izany fahalianana izany tamin’izy ireo.

Sahanasa fianarana azo atao

Fahalalahana na famerana

Hevero ny hanao sarina lantonoara roa eny amin’ny solaitrabe, araka izay aseho etsy ambany. Azon’ny mpianatra atao ny manao sarin’ireo lantonoara ao amin’ny diary fandalinan’izy ireo. Azonao atao ihany koa ny mitondra lantonoara roa na mamorona iray tsotsotra amin’ny taratasy .

Asao ny mpianatra mba hanondro ny ilan’ilay lantonoara izay somary teritery kokoa sy ilay ilany izay toa misokatra na malalaka kokoa. Avy eo dia soraty ny hoe Mahazo fianarana eo ambonin’ny sary voalohany.

Alaivo sary an-tsaina hoe ilay lavaka kely amin’io lantonoara io dia maneho ny fahazoana fianarana.

Amin’ny fomba ahoana no mety hahatonga ny fahazoana fianarana ho toa manisy sakana na famerana ny olona sasany amin’ny voalohany?
Inona no mety hasehon’ilay lavaka lehibe kokoa eo ambany? Nahoana?

Mety hanazava ny mpianatra fa na dia mitaky ezaka sy fitsipi-pifehezana ary fahafoizan-tena betsaka aza ny fahazoana fianarana dia afaka hitarika amin’ireo fitahiana avy amin’ny Tompo izany, anisan’izany ny fahalalana sy ireo fahafahana ary ny fivoarana bebe kokoa.

Soraty eo ambonin’ilay sary faharoa ny hoe Misafidy ny tsy hahazo fianarana:

Izao dia alaivo sary an-tsaina ilay lavaka lehibe kokoa amin’ilay lantonoara hoe maneho ny fisafidianana ny tsy handray fianarana.

Inona no mety hasehon’ilay lavaka kely eo ambany? Nahoana?

Mety hanazava ny mpianatra fa ny fisafidianana ny tsy hanao ezaka mba hahazoana fianarana dia mety ho toy ny manafaka amin’ny voalohany, saingy mety hitarika any amin’ny fahalalahana, sy fahafahana, ary fivoarana voafetra izany.

Saintsaino ireto fanontaniana manaraka ireto:

Zava-dehibe toy ny ahoana ny fianarana aminao? Nahoana?
Inona no mety ho fiantraikan’ny safidinao mba hahazo na tsy hahazo fianarana eo aminao sy ny manodidina anao?

Afaka manampy anao hamantatra ireo hafatra natao ho anao fotsiny ny Fanahy Masina. Rehefa mianatra momba ny fianarana ianao dia mifantoha amin’ireo fahatsapana izay mety hanampy anao amin’ireo tanjonao eo amin’ny fianarana sy ny fiainana.

Mianara mandrakariva

Asehoy ireto fehezanteny manaraka ireto. Azonao zaraina amin’ny mpianatra tsirairay ny torolalana Ho zatovo, Mahery! na asao izy ireo hitady izany ao amin’ny application Médiathèque de l’Évangile.

Azonao atao ny manasa ny mpianatra handalina manokana ireo fehezanteny dia avy eo hifanakalo hevitra momba ireto fanontaniana manaraka ireto ao anatina vondrona kely.

Vakio ireto fehezanteny manaraka ireto ka tadiavo ny zavatra nianaranao momba ny fianarana sy ny fanabeazana.

Nampianatra ny Filoha Russell M. Nelson hoe:

Manantena ireo zanany ny mpahary antsika na aiza na aiza misy azy ireo mba handranto fianarana ho tombontsoan’ny tena manokana. (“Education—A Religious Responsibility“ [Brigham Young University–Idaho fampaherezam-panahy, 26 Jan. 2010], byui.edu)

Manazava ny Ho zatovo mahery!: Torolalana amin’ny fanaovana safidy hoe:

Tian’ny Ray any An-danitra hianatra foana ireo zanakavaviny sy zanakalahiny. Manana antony ara-batana sy ara-panahy ianao ny hikatsaka sy hitia fianarana. Ny fandrantoana fianarana dia tsy natao hitadiavam-bola fotsiny ihany. Ampahany amin’ny tanjonao mandrakizay mba ho lasa tahaka ny Ray any An-danitra kokoa izany. …

Mianara mandrakariva Mitadiava fahafahana hampivelarana ny sainao sy hampitomboana ny fahaiza-manao anananao. Mety ho tafiditra ao anatin’ireo fahafahana ireo ny fianarana ara-dalàna any an-tsekoly na ny fiofanana arak’asa sy ny fianarana ataon’ny tena manokana avy amin’ireo loharanom-pahalalana atokisanao. Ampandraiso anjara amin’ny ezaka ataonao ny Tompo dia hitarika anao Izy. Rehefa mianatra momba ny tontolo manodidina anao ianao dia mianara ihany koa momba ny Mpamonjy izay nahary izao tontolo izao. Halalino ny fiainany sy ny fampianarany. Ampidiro ao anatin’ny fianarana ataonao mandritra ny fiainana ny seminera sy ny institiota ary ny fandalinana ny filazantsara ataon’ny tena manokana. …

Mampitombo ny fahaizanao manompo ny Tompo ny fandrantoana fianarana. Manome hery anao hitahy ny hafa izany, indrindra fa ny fianakavianao. Arakaraka ny ianaranao no ahafahanao manampy amin’ny fanorenana ny fanjakan’ Andriamanitra sy mitaona izao tontolo izao amin’ny tsara. (Ho zatovo mahery!: Torolalana amin’ny fanaovana safidy [2022], 31–32)

Andin-teny inona tao amin’ireo fehezanteny ireo no manan-danja indrindra aminao? Nahoana?
Inona no fahamarinana ara-panahy azontsika ianarana avy amin’ireo fehezanteny ireo?
Raketo an-tsoratra ireo fahamarinana izay zarain’ny mpianatra eo akaikin’ilay lantonoara voalohany eny amin’ny solaitrabe. Afaka manao toy izany koa ny mpianatra amin’ny sary nataon’izy ireo. Mety hizara fahamarinana toy ireto manaraka ireto izy ireo:
- Ampahany amin’ny tanjontsika mandrakizay mba ho lasa tahaka ny Ray any An-danitra kokoa ny fianarana.
- Tian’ny Ray any An-danitra hianatra foana ireo zanakavaviny sy zanakalahiny.
- Ny fianarana dia hampitombo ny fahafahantsika manompo ny Tompo sy mitahy ny hafa.
Nahoana no ampahany manan-danja ao amin’ny drafitry ny Ray any An-danitra ny fianarana sy ny fanabeazana?
Ahoana no mety hanampian’ireo fahamarinana ireo ny olona iray izay mahita ny fianarana ho sakana na famerana?

Ny maha zava-dehibe ny fianarana

Ny fianarana sy ny fanabeazana dia ampahany manan-danja foana amin’ny fivoarana ho an’ireo zanaky ny Ray any An-danitra. Ohatra, i Adama sy i Eva dia nampianatra ny zanany ireo zavatra ara-panahy sy ara-nofo (jereo ny Mosesy 5:10–12; 6:5–6), izay nanampy azy ireo ho lasa tahaka ny Ray any An-danitra kokoa.

Inona avy ireo fitahiana avy amin’ny Tompo hitanao teo amin’ny fiainanao na teo amin’ny fiainan’ny hafa noho ny fianarana sy ny fanabeazana?
Inona avy ireo zavatra niainanao ka nanampy anao hahita fa miraharaha ny fianaranao ny Ray any An-danitra?

Famintinana

Alaivo sary an-tsaina hoe manana namana iray izay mankahala sekoly ianao ary mieritreritra safidy izay tsy hitaky fianarana bebe kokoa aorian’ny lisea. Soraty ny zavatra tianao hozaraina amin’ilay namanao amin’ny fampiasana ny zavatra nianaranao androany. Ireto manaraka ireto dia ohatra amin’ny zavatra azonao ampidirina ao anatin’izany:

Ireo fitahiana ara-batana sy ara-panahy izay azon’ny Ray any An-danitra sy i Jesoa Kristy itahiana antsika noho ny fahazoana fianarana.
Soratra masina, na teny nindramina, na eritreritra manokana na zavatra niainana izay manan-danja aminao.

Manasà mpianatra vitsivitsy hizara amin’ny iray kilasy. Hevero ny hijoro ho vavolombelona momba maha fitahiana lehibe ny fianarana eo amin’ny fiainantsika, indrindra amin’ny fanampiana antsika ho tonga tahaka ny Ray any An-danitra sy i Jesoa Kristy kokoa.

Loharanom-pitaovana fanampiny

Nahoana no zava-dehibe ny fianarana?

Nampianatra ny Filoha Gordon B. Hinckley (1910–2008) hoe:

“Tokony handranto fianarana faran’izay vitanao ianao. Lasa tena sarotra sy anjakan’ny fifaninana ny fiainana. tsy afaka ny hieritreritra ianareo hoe hisy zavatra hatolotra anareo fotsiny. Handrasana avy aminareo ny fanaovana ezaka lehibe sy ny fampiasana ny talenta tsara indrindra anananareo mba handrosoanareo mankany amin’ilay hoavy tena mamirapiratra izay ho tratranareo. Afoizo ny fiara; afoizo izay zavatra tokony hafoy mba hahamendrika anareo hanao ny asan’izao tontolo izao. Izany tontolo izany dia hanefa anao betsaka izay heveriny fa mendrika anao araka ny hasarobidinao, ary izany hasarobidinao izany dia hitombo rehefa mahazo fianarana sy fahaiza-manao eo amin’ny sehztra nofinidinao ianao. (“Words of the Prophet: Seek Learning,“ New Era, sep. 2007, 3–4)

Nanazava ny Filoha Dallin H. Oaks sy ny Rahavavy Kristen M. Oaks hoe:

Arakaraky ny habetsaky ny fahalalana ananantsika momba ny lalàn’ny lanitra sy ny zavatra eto amin’izao tontolo izao, no alehiben’ny hery ahafahantsika mampiasa ny tsara amin’ireo olona manodidina antsika sy ny ahatonga antsika ho voaaro kokoa amin’ireo hery mamohehatra sy ratsy izay mety hampikorontan-tsaina sy hanimba antsika. (“Learning and Latter-day Saints,“ Liahona, apr. 2009, 22–23)

Ahoana raha toa ka tsy misy fanabeazana mety ho ahy?

Toy izao no nolazain’ny Filoha Dieter F. Uchtdorf, fony izy tao amin’ny Fiadidiana Voalohany:

18:45

Raha tsy misy ny rafi-pampianarana dia aza avela hanakana anao tsy hanovo ny fahalalana rehetra irianao izany. Raha izany no toe-javatra misy anao dia azo laizana fa ny boky tsara indrindra no lasa “sekolinao”—ka izany dia azo sokafana foana ary mandray izay rehetra misoratra anarana ao aminy. Miezaha mampitombo ny fahalalanao amin’izay zavatra rehetra “mendrika, maha-te ho tia, tsara na mendri-piderana.” Mikatsaha fianarana “amin’ny alalan’ny fandinihana ary koa amin’ny alalan’ny finoana.” (“Two Principles for Any Economy,“ Liahona, nôv. 2009, 58) (mari-potoana 15:28 hatramin’ny 16:05)

Sahanasa fianarana fanampiny

Fomba hafa hanombohana

Hevero ny hanomboka ny fotoam-pianarana amin’ny alalan’ny fampisehoana sarina varavarana misokatra.

Avy eo dia asehoy ity teny nambara manaraka ity, ka avelao ho banga ny teny voalohany. Asao ireo mpianatra haminavina ireo teny banga. Rehefa mizara ny valiny azo atao izy ireo dia azon’izy ireo atao ny manazava ny antony nisafidianany ny teny izay nataony.

Nampianatra izao manaraka izao ny Filoha Gordon B. Hinckley (1910–2008):

no fanalahidy izay hamaha ny varavaran’ny fahafahana ho anao. Rariny loatra raha hahafoizan-tena izany. (“Inspirational Thoughts,“ Ensign, Jona 1999, 4)

Rehefa nomena fotoana ampy dia soraty eo amin’ny banga ny hoe Ny fianarana. Asao ny mpianatra hizara ny fomba mety hahamarina ilay fehezanteny. Raha tsy milaza izany ny mpianatra, dia hevero ny hanazava ny fomba hamahan’ny fianarana ny varavaran’ny fahafahana ho antsika satria manampy antsika hianatra sy hivoatra izany, ka ho lasa tahaka ny Ray any An-danitra sy i Jesoa Kristy kokoa(jereo ny Fotopampianarana sy Fanekempihavanana 93:36).

Avy eo dia mampisehoa sarina varavarana mihidy.

Asao ny mpianatra hizara ny antony mety hisafidianan’ny olona sasany ny tsy hikatsaka ny fianarana sy ny fanabeazana. Azonao atao ny manasa ny mpianatra hisaintsaina ny fomba fijerin’izy ireo manokana ny fianarana.

Ny fianarana no fanalahidy manokatra ny fahafahana.

Ho an’ny safidy iray hafa azo atao ao amin’ny fizarana “Ny maha zava-dehibe ny fianarana,“ dia hevero ny hampiseho ny horonan-tsary “Education Is the Key to Opportunity“ (1:38). Ato amin’ity lhoronan-tsary ity i Thomas S. Monson sy i Gordon B. Hinckley dia miresaka momba ny maha-zava-dehibe ny fianarana. Azonao atao ny manasa ny mpianatra hijery ilay lantonoara eny amin’ny solaitrabe ary hitady ireo fomba hanokafan’ny fianarana ny varavarana hahazoana fahafahana sy fitahiana bebe kokoa.

1:38