Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Fianarana ho an’ny fanahy manontolo: Fanaovana laharam-pahamehana ny fianaran’ny saina sy ny fanahy

“Fianarana ho an’ny fanahy manontolo: Fanaovana laharam-pahamehana ny fianaran’ny saina sy ny fanahy ,“ Testamenta Taloha: Boky torolalana ho an’ny mpampianatra seminera (2026)

“Fianarana ho an’ny fanahy manontolo: Fanaovana laharam-pahamehana ny fianaran’ny saina sy ny fanahy,“ Testamenta Taloha: Boky torolalana ho an’ny mpampianatra seminera

Fiomanana amin’ny fianarana sy asa hatao any aoriana: Lesona 189

Fianarana ho an’ny fanahy manontolo

Fanaovana laharam-pahamehana fianaran’ny saina sy ny fanahy

Mamporisika antsika ny Tompo mba hanao ny fianarana tsy ara-pivavahana sy ny fianarana ara-pivavahana ho laharam-pahamehana eo amin’ny fiainantsika (jereo ny Fotopampianarana sy Fanekempihavanana 88:77–80). Ny fianarana tsy ara-pivavahana sy ny fianarana ara-pivavahana dia afaka manatsara ny fahafahantsika manompo an’ Andriamanitra sy ny hafa ka hizaka tena. Ity lesona ity dia afaka manampy ny mpianatra hamorona drafitra entina hanohizana ny fianarany tsy ara-pivavahana sy ny fianarana ara-pivavahana any amin’ny sekoly ambaratonga ambony.

Fanomanana ny mpianatra: Hevero ny hanasa ny mpianatra ho tonga ao an-dakilasy vonona hizara farafahakeliny safidy roa izay eritreretiny ho ataon’izy ireo aorian’ny sekoly ambaratonga faharoa.

Sahanasa fianarana azo atao

Manao lahara-pahamehana ny fianarana

Te hanao zavatra hafa i Reggie aorian’ ny lisea fa tsy hanohy ny fianarany intsony. Te hiasa ora maro kokoa amin’ ny asany amin’ izao izy. Alohan’ny hamitana ny fanapahan-keviny dia nanapa-kevitra izy ny handinika ireo tombontsoa sy voka-dratsin’ny fanohizana ny fianarany.

Inona avy no mety ho tombontsoa sasantsasany izay azon’i Reggie tanisaina avy amin’ny fanohizana ny fianarany?
Inona no mety ho sasany amin’ireo voka-dratsiny?

Afaka manomboka manao lisitra ireo mpianatra miaraka amin’ny mpiara-mianatra iray na vondrona kely iray Azonao soratana eny amin’ny solaitrabe ny hoe Tombontsoa sy Voka-dratsy ary asao ny mpianatra hanoratra ny valiny tonga ao an-tsainy eny amin’ny solaitrabe. Raha vao haingana ianao no nampianatra ny lesona 188, “Ny maha-zava-dehibe ny fianarana,“ dia azonao ampahatsiahivina ny mpianatra ny zavatra nifanakalozan’izy ireo hevitra tamin’ilay lesona ampiasana zavatra azo tsapain-tanana mahakasika ilay lantonoara . Azon’ny mpianatra atao ny manohy manampy amin’io lisitra io mandritra ny lesona.

Fianarana tsy ara-pivavahana sy fianarana ara-pivavahana

Nanantitrantitra ny maha-zava-dehibe ny fianarana ho an’ny zanak’ Andriamanitra rehetra ireo mpitarika ao amin’ny Fiangonana. Ny fianarana izay antitranterin’ireo mpitarika ao amin’ny Fiangonana dia sady ahitana ny fianarana tsy ara-pivavahana no ahitana ny fianarana ara-pivavahana.

Soraty eny amin’ny solaitrabe eo ambanin’ny hoe Tombontsoa ity fehezanteny tsy feno manaraka ity ary asao ny mpianatra hanoratra izany ao amin’ny diarin’izy ireo.

Ny fanohizana ny fianarana tsy ara-pivavahana sy ny fianarana ara-pivavahana dia manampy antsika …

Vakio ity teny nambara manaraka ity mba hitadiavana fomba samihafa azonao hamenoana ilay fehezanteny.

Ny Loholona Clark G. Gilbert ao amin’ny Fitopololahy dia nampianatra hoe:

Fantatrao ve hoe nahoana ny Fiangonana no mandany vola amin’ny loharanom-pitaovana marobe eo amin’ny fianarana? Noho ny fitiavan’ny Tompo anao izany. Tiany hanakaiky Azy bebe kokoa ianao ary hahita tanjaka ara-pihetseham-po sy ara-tsaina ary ara-panahy. Maniry ny toy izany koa ireo mpitarika ao amin’ny Fiangonana! Mivavaka ho anareo sy ho an’ny fahombiazanareo izahay. Mandany vola izahay ho anareo sy hanampiana anareo hahatratra ny fahafahanareo ho tonga andriamanitra. (“Fianarana ny Filazantsaran’ny Fiangonana: Misy toerana ho an’ny rehetra,“ Ho zatovo mahery!, ôktôbra 2023, 18)

Asao ny mpianatra hizara ny zavatra hitany ary tanisao eny amin’ny solaitrabe ny valintenin’izy ireo. Mety ahitana izao manaraka izao ny valitenin’ny mpianatra:

… hanakaiky kokoa ny Tompo

… hahazo hery avy amin’ Andriamanitra.

… hahatratra ny fahafahako ho tahaka an’ Andriamanitra.

Nahoana no samy ilaina ny fianarana tsy ara-pivavahana sy ny fianarana ara-pivavahana mba hanasana ireo fitahiana avy amin’ny Tompo ireo?

Fianarana tsy ara-pivavahana

Hevero ny hanao sarina boky roa eny amin’ny solaitrabe tahaka ireto manaraka ireto. Asio anarana hoe “Tsy ara-pivavahana“ ny voalohany ary ny faharoa hoe “Ara-pivavahana.“ Asao hanao sarina boky mitovitovy amin’izany ao amin’ny diary fandalinan’izy ireo ny mpianatra.

Asao ny mpianatra hitanisa ny valintenin’izy ireo amin’ity fanontaniana manaraka ity eo ambanin’ilay boky misy soratra hoe: “Tsy ara-pivavahana“ Azonao atao ny manasa azy ireo hiara-hiasa tsiroaroa na anatina vondrona kely.

Inona avy ireo safidy misy ho an’ny fianarana tsy ara-pivavahana aorian’ny lisea?

Azonao atao ny mizara safidy fanampiny izay tsy nolazain’ny mpianatra toy ny fianarana en ligne, ny oniversite, ny sekoly mampianatra asa, ny fahafahana mianatra asa, ny fiofanana arak’asa, sns.
Inona avy ireo safidy misy amin’ny alalan’ny Departemantan’ny Fampianarana an’ny Fiangonana (CES)?

Fianarana ara-pivavahana

Fianarana ara-pivavahana inona no safidy misy ho an’ny safidy fianarana tsy ara-pivavahana tsirairay voatanisa?

Ho an’ny zavatra tsirairay voatanisa eo ambanin’ny fianarana tsy ara-pivavahana dia asaivo mitanisa safidy fianarana ara-pivavahana izay afaka miaraka amin’izany ny mpianatra. Ataovy izay hahatakaran’ny mpianatra fa ny sekolin’ny CES tsirairay dia misy fianarana ara-pivavahana ao anatin’ny fandaharam-pampianarany izay takina. Azon’ny mpianatra atao ny manoratra hoe kilasy ara-pivavahana eo akaikin’izay misy ny sekolin’ny CES rehetra.

Raha tsy voalazan’ny mpianatra izany dia asao izy ireo hanoratra hoe institiota miaraka amin’izay safidy fianarana tsy ara-pivavahana hafa rehetra voatanisa. Raha ilaina dia hazavao fa ho an’ireo izay tsy mianatra ao amin’ny sekolin’ny CES dia ny institiota no toerana ahafahan’ny tanora rehetra (18–35 taona), na aiza na aiza eto amin’izao tontolo izao, mandray fianarana ara-pivavahana maimaimpoana.

Mieritrereta fomba azonao hanampiana ny mpianatra seminera hahita ny fomba ahafahan’ny fanatrehana institiota manampy azy ireo amin’ny hoavy. Ny fifanakalozan-kevitra momba ity rafi-tantara ity sy ny sasany amin’ireto fanontaniana manaraka ireto dia fomba iray ahafahanao manao izany.

Eritrereto hoe nanapa-kevitra i Reggie ny handranto fianarana fanampiny taorian’ny lisea any amin’ny sekoly fianarana asa ary nieritreritra raha toa ka tokony hanatrika institiota ihany koa izy.

Inona avy ireo antony mety homen’i Reggie tsy hanatrehany institiota?
Tamin’ny fomba ahoana no nanampian’ny seminera anao nandritra ny fianaranao?
Ahoana no ahafahan’ny fanohizana mianatra momba ny Ray any An-danitra sy i Jesoa Kristy manampy an’i Reggie mandritra ny fianarany any amin’ny sekoly fianarana asa?

Asehoy ny horonan-tsary “Personal invitation to Attend Institute“ (2:44), izay hita ao amin’ny ChurchofJesusChrist.org. Asao ny mpianatra hitady ireo fitahiana nampanantenaina amin’ny fanatrehana institiota. Azonao atao ihany koa ny manasa ny mpianatra hamaky momba ny institiota ao amin’ilay taratasy zaraina.

2:50

Azonao atao ny manampy hevitra misimisy kokoa amin’ilay lisitra eny amin’ny solaitrabe eo ambanin’ny Tombontsoa izay zarain’ny mpianatra ao anatin’ity fifanakalozan-kevitra ity.
Inona avy ireo fitahiana nanaitra anao indrindra tamin’ireo izay nampanantenain’ny Filoha Nelson ho an’ny fianarana institiota?
Raha miainga avy amin’ny zavatra noresahinao dia inona araka ny eritreritrao no mety mandrisika an’i Reggie hanatrika institiota?

Ampio ny mpianatra hahatakatra ny fomba hahitana institiota iray any amin’ny toerana ipetrahan’izy ireo aorian’ny sekoly ambaratonga faharoa amin’ny alalan’ny fandehanana ao amin’ny myinstitute.ChurchofJesusChrist.org/findInstitute. Hevero ny hisafidy sasantsasany amin’ireo safidy momba ny fianarana voalaza tany am-boalohany eo ambanin’ny boky voalohany. Fantaro ny toerana misy ireo safidy ireo ary ampidiro ao amin’ilay tranonkala ilay tanàna mba hanehoana ny fomba hahitana sy hisoratana anarana amin’ny institiota. Azonao atao ihany koa ny mampiseho ny fomba fitadiavana institiota an-jotra ao amin’ilay rohy teo ihany.

Manaova drafitra

Zarao amin’ny mpianatra fa raha mahavita fianarana avy any amin’ny lisea izy ireo amin’ity taona ity na tsia dia afaka mahazo tombontsoa amin’ny fanaovana drafitra ho an’ny fianaran’izy ireo tsy ara-pivavahana sy ny ara-pivavahana. Mba hanampiana ny mpianatra hanao drafitra dia asehoy ireto torolalana sy fanontaniana manaraka ireto. Asao izy ireo hamaly ireo fanontaniana ao amin’ny diary fandalinan’izy ireo.

Amin’ny alalan’ny fampiasana ireo fanontaniana etsy ambany mba hitarihana anao dia manaova drafitra ho an’ny fianaranao tsy ara-pivavahana sy ny fianaranao ara-pivavahana amin’ny hoavy. Katsaho ny fitarihan’ny Ray any An-danitra amin’ny alalan’ny Fanahy Masina rehefa misaintsaina sy manoratra ny valinteninao ianao.

Inona avy ireo tanjona amin’ny hoavy anananao?
Inona avy ireo safidy ara-pianarana izay hanampy anao hanatanteraka ireo tanjona ireo?
Inona avy ireo drafitra azonao atao ho an’ny fianaranao ara-pivavahana amin’ny taona ho avy? ao amin’ireo taona maro any aoriana?

Matetika dia manampy ny mpianatra ny maheno hevitra avy amin’ny mpianatra hafa. Hevero ny hanasa mpianatra vitsivitsy izay mazoto hizara ny drafitr’izy ireo.

Zarao ny fijoroana ho vavolombelona anananao momba ny maha-zava-dehibe ny fanaovana ny fianarana tsy ara-pivavahana sy ny fianarana ara-pivavahana ho laharam-pahamehana mandritra ny fiainana.

Loharanom-pitaovana fanampiny

Ahoana no ahafahan’ny fanabeazana ara-pivavahana mitahy ahy?

Nampianatra ny Filoha M. Russell Ballard (1928–2023) tao amin’ny Kôlejin’ny Apôstôly Roambinifolo hoe:

15:46

Ianareo izay any amin’ny sekoly ambaratonga faharoa ka miomana ny hanao asa fitoriana dia mamporisika anareo aho mba handray anjara sy hahavita hatramin’ny farany ny seminera. Ho anareo tanora mpitovo kosa dia tokony hisoratra anarana amin’ny institiota fianarana filazantsara ianareo. Raha toa ka mianatra ao amin’ny sekolin’ny Fiangonana ianareo dia atsofoy tsy tapaka ao anatin’ny taom-pianarana iray ny kilasy fianarana filazantsara. Tsy maintsy mitozo amin’ny fitadiavana fomba hianarana sy hitomboana ary handraisana fitaomam-panahy sy fitarihan’ny Fanahy Masina ianareo mandritra io fotoana manan-danja hiomanana amin’ny asa fitoriana ny filazantsara na fanambadiana mandrakizay io sy ny fiainana amin’ny maha-olon-dehibe anareo. Afaka manampy anareo hahatratra izany tanjona izany ny fandalinana tsara sy ombam-bavaka ny filazantsara amin’ny alalan’ny seminera, ny institiota na kilasy fianarana filazantsara.

Na mianatra ao amin’ny sekolin’ny Fiangonana ianareo na tsia, na mianatra eny amin’ny oniversite ianareo na tsia, dia aza mieritreritra hoe be atao loatra ka tsy afaka mandalina ny filazantsara. Hanome fandanjalanjana eo amin’ny fiainanareo ny seminera, institiota na ireo kilasy fianarana filazantsara ka hanampy ny fianarana tsy ara-pivavahana ataonareo amin’ny fanomezana anareo fahafahana ny handany fotoana hianarana ny soratra masina sy ny fampianaran’ny mpaminany sy ny apôstôly. “Taranaka tanora tsara indrindra,,“ Liahona, mey 2015, 69)

Nampianatra ny Filoha Henry B. Eyring ao amin’ny Fiadidiana Voalohany hoe:

Ny fianarana ara-panahy no tokony laharam-pahamehantsika. …

Mazava fa ny fanaovana ny fianarana ara-panahy ho lohalaharana dia tsy manafaka antsika amin’ny fianarana zavatra tsy ara-pivavahana. Ny mifanohitra amin’izany aza, mampisy tanjona ny fianarantsika zavatra tsy ara-pivavahana izany ary mamporisika antsika hiezaka mafy kokoa amin’izany.

Raha hazonintsika amin’ny toerana tokony hisy azy ny fianarana ara-panahy, dia tsy maintsy hanao safidy sarotra vitsivitsy isika eo amin’ny fomba hampiasantsika ny fotoanantsika. Saingy tsy tokony hisy velively ny fanaovana safidy an-tsitrapo hamela ny zavatra ara-panahy ho lasa ambinkambin-javatra eo amin’ny lamina arahina eo amin’ny fiainantsika. (“Education for Real Life,“ Ensign, Ôkt. 2002, 17, 18)

Nizara ny Filoha Gordon B. Hinckley (1910–2008) hoe:

Mianara aminy, ao anatin’ny fianarana rehetra ataonareo. Mikatsaha fahalalana avy amin’ilay Mpampianatra ao anatin’ny fandalinana rehetra ataonareo. Izany fahalalana izany dia hameno ny fomba mahafinaritra amin’ny fiofanana an-tsekoly noraisinao ary manome ny fahafenoana eo amin’ny fiainanao ary toetra izay afaka tonga amin’ny fomba hafa. (ao amin’ny Conference Report, Ôkt. 1964, 118)

Ahoana raha tsapa ho mavesatra ny fanapahan-kevitra ho an’ny hoaviko?

Nampianatra ihany koa ny Filoha Dallin H. Oaks ao amin’ny Fiadidiana Voalohany sy Kristen M. Oaks hoe:

Fantatsika fa tsy misy mampikorotan-tsaina mihoatra noho ny tsy fahafantarana izay hataonao ho an’ny hoavinao, saingy tsy misy zavatra mahafaly mihoatra noho ny fahalalana ny fahaiza-manaonao manokana. Vakio ny tsodranon’ny patriarka nomena anao ary diniho ny hery sy ny talenta ara-boajanahary anananao ary mandrosoa hatrany. Ataovy ny dingana voalohany ary dia hisokatra ireo varavarana. (“Learning and Latter-day Saints,“ Ensign, Apr. 2009, 25)

Ny Loholona Neal A. Maxwell (1926–2004) tao amin’ny Kôlejin’ny Apôstôly Roambinifolo dia nizara fa:

Zatovo maro no manontany tena raha toa izy ireo ka tokony handeha any amin’ny oniversite iray na any amin’ny ambaratonga ambony, na any amin’ny sekoly manome fanofanana arak’asa. Anao ny safidy. Mazàna ny safidy hatao dia resaka zavatra tiana, fa tsy fitsipika. Noho izany, alohan’ny hisafidianana, dia diniho am-pahendrena tsara ireo zavatra mahaliana anao sy ny fahaiza-manao anananao ary ny toe-javatra iainanao. Henoy ny fahatsapana anananao sy ny zavatra tianao manokana. Avy eo dia mirosoa sy mifantoha amin’ny fahazoana ilay karazana fianarana sy fiofanana izay maneho tsara ny zavatra mahaliana anao sy ny fahaizanao. Tsarovy fa ny asa rehetra izay manan-kaja dia azo omen-kaja. (“Seek Learning, Even by Study and Also by Faith,” 1994 videocassette).

Sahanasa fianarana fanampiny

Inona avy ireo fe-potoana farany amin’ny fisoratana anarana ao amin’ny sekolin’ny Fiangonana?

Mba hanampiana ny mpianatra hahafantatra ny fotoana mety hisoratana anarana any amin’ny sekolin’ny Fiangonana dia ampiasao ireto rohy manaraka ireto mba hahazoana fampahalalana farany.

BYU Pathway: https://www.byupathway.edu/academic-calendar

BYU: https://enrollment.byu.edu/admissions/when-should-i-apply

BYU–Hawaii: https://ai1.ivy-cdn.com/storage/assets/Ve6D4xkngR0YrMOv2zPW8wdbZEKB2QOo.png

BYU–Idaho: https://www.byui.edu/admissions/application-deadlines

Ensign College: https://www.ensign.edu/admissions-dates-deadlines

Ny Institiota dia ho an’ny olona rehetra

Raha toa ka mety hahasoa ny mpianatra ny fampahalalana misimisy kokoa makasika ny institiota dia hevero ny haneho ny iray na maromaro amin’ireto horonan-tsary avy amin’ny pejin’ny haino vaky jerin’ny “I Love Institute“ ireto. Ao anatin’ireo horonan-tsary ireo dia mijoro ho vavolombelona momba ny maha-zava-dehibe ny institiota ireo tanora efa lehibe manerana izao tontolo izao.

Fomba hafa hanombohana ny fotoam-pianarana

Azonao atao ny manomboka ny fotoam-pianarana amin’ny alalan’ny fizarana ity fampahalalana manaraka ity: Araka ny Fikambanana iraisam-pirenena momba ny fahasalamana dia eo amin’ny 73 taona eo ho eo ny androm-piainan’ny olona maneran-tany. (Tranonkalan’ny Fikambanana iraisam-pirenena momba ny fahasalamana).

Azonao zaraina amin’ny mpianatra fa raha 16 taona ny olona iray ka niaina hatramin’ny faha-73 taonany, dia ho 78 isan-jaton’ny fiainany sisa no tavela.

Nahoana araka ny eritreritrao no zava-dehibe any amin’ny lisea ny mahafantatra hoe mbola misy ampahany lehibe toy izany ny fiainana?

Ampio ny mpianatra hahatakatra fa mety hisy fiantraikany eo amin’ny taona maro amin’ny fiainany ho avy ny fandanian’izy ireo ho an’ny fianarana ambaratonga ambony. Raha efa nampianatra ny Lesona 188, “Ny maha-zava-dehibe ny fianarana“ ianao dia asao ny mpianatra hizara ny zavatra tadidiny momba ny antony maha-zava-dehibe ny fianarana.