Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Боловсролоо дээшлүүлэхэд тулгардаг саад бэрхшээлийг даван туулах: Бүх боломжит эх сурвалжийг ашиглах нь

“Боловсролоо дээшлүүлэхэд тулгардаг саад бэрхшээлийг даван туулах: Бүх боломжит эх сурвалжийг ашиглах нь,” Хуучин Гэрээний семинарын багшийн гарын авлага (2026)

“Боловсролоо дээшлүүлэхэд тулгардаг саад бэрхшээлийг даван туулах: Бүх боломжит эх сурвалжийг ашиглах нь,” Хуучин Гэрээний семинарын багшийн гарын авлага

Ирээдүйн боловсрол, ажилд бэлтгэх: 190-р хичээл

Боловсролоо дээшлүүлэхэд тулгардаг саад бэрхшээлийг даван туулах

Бүх боломжит эх сурвалжуудыг ашиглах нь

Их Эзэн “Бурханы алдар суу бол оюун билиг” (Сургаал ба Гэрээ 93:36) хэмээн заасан. Үүнээс гадна Сүмийн удирдагчид боловсролын ач холбогдлын талаар ахин дахин заасаар ирсэн. Гэхдээ зарим үед саад бэрхшээлээс болоод боловсрол эзэмшихээ үргэлжлүүлэхэд хэцүү болдог. Энэ хичээл нь суралцагчдад боловсролоо дээшлүүлэхэд учирч буй саад бэрхшээлийг даван туулах боломжит эх сурвалжуудыг тодорхойлоход тусална.

Боломжит суралцах үйл ажиллагаа

Саад бэрхшээлийг тодорхойлох нь

Жич: Боловсролоо дээшлүүлэхэд тулгарах саад бэрхшээл дэлхий даяар янз бүр байдаг. Та баримт жишээ эсвэл болзошгүй саад бэрхшээлүүдийг өөрийн бүс нутаг, суралцагчдынхаа хэрэгцээнд тулгуурлан өөрчилж болно.

Ирээдүйн боловсролыг дүрслэн харуулахын тулд доорхтой адил, голын цаад тал руу ширтэн зогсох өсвөр насны хүүхдийн зургийг зурах юм уу иймэрхүү зураг үзүүлж хичээлийг эхлүүлээрэй. Дараа нь доорх жишээг хуваалц.

Саяхан семинарын хичээл дээр Лиамын багш ахлах сургуулиа төгсөөд үргэлжлүүлэн боловсрол эзэмшихийн ач холбогдлын талаар Сүмийн удирдагчдын хэлсэн зарим үгийг хуваалцжээ. Лиам энэ зөвлөгөөнд итгээд дагахыг хүссэн. Гэвч түүнийг ирээдүйн талаар бодох тусам оюун санаа нь зорилгодоо хүрэхэд саад болж болох бүх саад бэрхшээлээр дүүрдэг.

Та Лиамд тохиолдсон явдлыг хуваалцсаны дараа, Лиам болон өсвөр насны бусад хүүхдэд үргэлжлүүлэн боловсрол эзэмшихэд нь саад болж болзошгүй бэрхшээлүүдийг суралцагчдаар жагсаан бичүүл. Хэрэв суралцагчид суралцагчийн бэлтгэл хэсгийг гүйцэтгэсэн бол та жагсаан бичсэн саад бэрхшээлүүдийг нь суралцагчдаар хуваалцуулж болно.

Суралцагчдыг гадаад, дотоод саад бэрхшээлүүдийг авч үзэхэд урамшуул. Гадаад саад бэрхшээлд санхүүгийн хязгаарлалт, хангалтгүй дүн эсвэл хүртээмжгүй байдал зэргийг дурдаж болно. Дотоод саад бэрхшээлд өөртөө итгэл муутай байх, хүсэлгүй байх зэргийг багтааж болно.

Та үргэлжлүүлэн боловсрол эзэмшихэд учирч болзошгүй саад бэрхшээлүүдээ бодоход нь суралцагчдад туслахын тулд дараах зүйлсийг хийхэд уриарай.

Судлах тэмдэглэл дээрээ дараах асуултуудад хариулж бич.

Таныг үргэлжлүүлэн боловсрол эзэмшихэд ямар саад бэрхшээлүүд (самбар дээрх эсвэл бусдын хэлсэн) гарч болзошгүй гэж та санаа зовдог вэ?
Та эдгээр саад бэрхшээлийг давж чадна гэдэгтээ хэр итгэлтэй байна вэ?
Эдгээр саад бэрхшээлийг даван туулахад Аврагч танд хэрхэн тусалж болох вэ?

Өнөөдрийн хичээлийн явцад, боловсрол эзэмшихэд тулгарах саад бэрхшээлүүдийг даван туулах тодорхой арга замуудыг тодорхойлоход тань туслах Сүнснээс илэрхийлэлт аваарай.

Иордан голыг гаталж байгаа нь

Суралцагчдыг боловсрол эзэмшихэд тулгарах саад бэрхшээлүүдийг хэрхэн даван туулж болох талаар мэдэхийн тулд судруудыг ашиглахад нь туслахын тулд, Иошуа болон Иордан голыг гаталсан Израилын хүүхдүүдийн түүхийн талаар ярилцахыг бод (62-р хичээл: “Иошуа 2–4”-өөс дэлгэрэнгүй үзнэ үү). Шаардлагатай бол та дараах догол мөрүүдийг уншиж эсвэл нэгтгэн дүгнэж болно.

Иошуа болон Израилын хүүхдүүдийг Канаанд ирэхэд Их Эзэн тэдэнд Иордан голын нөгөө эрэг дээрх бүх нутгийг амласан билээ (Иошуа 1:1–7-г үзнэ үү). Гэвч тэд зорилгодоо хүрэхийн тулд үерлэсэн голыг гатлах саад бэрхшээлтэй тулгарчээ (Иошуа 3:15-ыг үзнэ үү).

Та дараах шүлгүүдийг суралцагчдаар уншуулж, ярилцуулахын тулд тэднийг хосууд болгон хуваарил. “Овоорон тогтох болно” (13-р шүлэг), “тогтон овоороод” (16-р шүлэг) гэдэг нь Иордан голын урсгал тасарч буйг хэлж байгааг тайлбарлах нь тустай байж болох юм.

Иошуа 3:6–8, 13–17-г уншаад, дараах зүйлсийг олж мэд.

Израилын хүүхдүүдэд Иордан голыг гатлах боломж олгохын төлөө үйлдсэн пристүүдийн итгэлийн үйлдлүүд
Израилын хүүхдүүдэд Иордан голыг гатлахад Бурханы үзүүлсэн тусламж

Суралцагчид олж мэдсэн зүйлээ хамтрагчтайгаа хуваалцаж болно. Тэд пристүүдийн итгэлийн үйлдлүүд болон Их Эзэний тусламж хэрхэн Израилын хүүхдүүдэд энэ саад бэрхшээлийг даван туулах боломжийг олгосон талаар ярилцаж болно.

Дараа нь та ангийнханд дараах асуултыг тавь.
Үргэлжлүүлэн боловсрол эзэмшихэд нь саад бэрхшээл тулгарч буй өсвөр насны хүүд энэ түүх хэрхэн тус болох вэ?

Сурч мэдсэн зүйл дээрээ үндэслэн, боловсролоо дээшлүүлэхэд учрах саад бэрхшээлүүдийг даван туулахад хэрэглэж болох үнэний мэдэгдлийг судлах тэмдэглэлдээ бич.

Суралцагчид өөрсдийн үгээр дараахтай адил үнэнийг хуваалцаж болох юм. Биднийг Есүс Христэд итгэн урагшлах үед Тэр бидэнд тулгардаг саад бэрхшээлийг даван туулахад тусална.

Боловсрол эзэмшихэд тулгардаг саад бэрхшээлүүдийг даван туулахын тулд яагаад Есүс Христэд итгэн (чадах бүхнээ хийх) урагшлах шаардлагатай вэ?
Боловсрол эзэмшихэд тулгардаг саад бэрхшээлүүдийг даван туулахын тулд яагаад Бурханы тусламжийг итгэлтэйгээр эрэлхийлэх шаардлагатай вэ?

Та Есүс Христэд итгэн урагшлахын тулд хичээл зүтгэл гаргах хэрэгтэй гэдгийг суралцагчдад сануулж болно. Жишээ нь: Зөвлөхтэйгөө ярилцах, мөнгө олох, аравны нэгээ итгэлтэйгээр төлөх зэрэг нь боловсрол эзэмшихэд тулгарах саад бэрхшээлүүдийг даван туулахын тулд Есүс Христэд итгэн урагшлах арга зам юм.

Дадлага хийх жишээ

Дараах үйл ажиллагаа нь суралцагчдад шүүмжлэлт сэтгэлгээний дадлага хийхэд тусална. Та шүүмжлэлт сэтгэлгээ бол биднийг зөв шийдвэр гаргахад тусалдаг чадвар гэдгийг суралцагчдад онцлон хэлж болно. Үүнд: 1) ямар шийдвэр гаргаж байгааг ажиглаж, мэдээлэл цуглуулах, 2) ажигласан зүйлийнхээ талаар асуух, 3) ажигласан зүйлээ бусадтай ярилцах, 4) сурч мэдсэн зүйлдээ үндэслэн асуудал шийдэх зэрэг багтана. Та энэ үйл ажиллагааны нэг хэсэг болгон, эдгээр алхам бүрийг суралцагчдаар хийлгээрэй.

Өсвөр насныханд тохиолдож болох саад бэрхшээлүүдийг харуулсан жишээг цаасан дээр бичихийг суралцагчдад санал болго. Хэрэв тэдэнд тусламж хэрэгтэй бол тэд дараах өгүүлбэрийн дутуу хэсгийг бөглөж болно.

(Өсвөр насны хүүхдийн нэр) ахлах сургуулиа төгсөөд боловсрол эзэмших нь чухал гэдгийг мэддэг. Гэхдээ үргэлжлүүлэн боловсрол эзэмшихэд тулгарч буй саад бэрхшээл нь (саад бэрхшээлийг дүрсэл).

Энэ хүн боломжит эх сурвалжуудын талаар бодож үзэхдээ ямар асуултууд тавьж болох вэ? Тэд зарим асуултаа хэнтэй ярилцаж болох вэ?
Энэ хүн тулгарсан саад бэрхшээлийг даван туулах зорилгоор Есүс Христэд итгэн урагшлахын тулд ямар үйлдлүүд хийж болох вэ?
Бурхан тулгарсан саад бэрхшээлийг давахад нь түүнд хэрхэн тусалж болох вэ?

Дүгнэлт

Та хичээлийн эхэнд тодорхойлсон хувийн саад бэрхшээлийн жагсаалтыг эргэж харахад суралцагчдыг урь. Тэднийг тэмдэглэл дээрээ дараах асуултад хариулахдаа Сүнсний удирдамжийг эрэлхийлэхэд урамшуул.

Та саад бэрхшээлүүдийг даван туулж, таныг ирээдүйд боловсрол эзэмшихэд бэлтгэхэд туслах өнөөдрийн ярилцлагаас ямар эх сурвалжуудыг ашиглаж болох вэ?
Тэнгэрлэг Эцэг, Есүс Христ хоёроос саад бэрхшээлийг даван туулахдаа тусламж авахын тулд та ямар итгэлийн үйлдлүүдийг хийж чадах вэ?

Та бид бүх зүйлийг чадах чинээгээрээ баяртайгаар хийвэл Тэнгэрлэг Эцэг, Есүс Христ хоёр боловсролоо дээшлүүлэхэд тулгарах саад бэрхшээлүүдийг даван туулахад бидэнд туслах болно гэдгийг гэрчилснээр хичээлээ өндөрлүүлж болно.

Нэмэлт эх сурвалж

Үргэлжлүүлэн боловсрол эзэмших миний хичээл зүтгэлийг Есүс Христэд итгэх итгэл хэрхэн өсгөн нэмэгдүүлэх вэ?

Далын ахлагч Кларк Г.Гилбэрт ийн заасан.

Суралцагчийн хувиар танаас хүсэн хүлээдэг бүх зүйлийг хийж гүйцэтгэхийн тулд та шаргуу ажиллаж, хичээл зүтгэлээ харуулах ёстой. Гэхдээ очих ёстой газар луугаа явахад үүнээс илүү зүйл шаардагдана. Та нарт Есүс Христийн Цагаатгалын хүчирхэгжүүлэгч хүчийг эрэлхийлэх хэрэгтэй болно.

Боловсрол эзэмших хэцүү бөгөөд золиос шаарддаг гэдгийг би мэднэ. Би та нарыг хэчнээн шаргуу ажиллаж байгааг мөн даалгавраа хийж дуусгах, шинэ зүйл сурч мэдэх, амьдралдаа шаардлагатай бусад үүрэг даалгавраа биелүүлэхийн тулд хүнд хэцүү олон өдөртэй золгож байгааг мэднэ. Хичээсээр байгтун. Үргэлжлүүлэн тэвчээртэй бай. Мөн тэвчээрээс ач ивээлд хандахад бэлэн бай. Их Эзэнийг оролцуул. Түүнээс тусламж хүсэн залбир. Тэрээр хичээл зүтгэлийг тань ерөөх болно. (“From Grit to Grace” [BYU-Pathway дэлхий даяарх онцгой цугларалт, 2018 оны 9-р сарын 25], 1, 2, byupathway.edu)

Далын ахлагч Карл Б.Күк ийн хуваалцжээ.

Хэрэв бид тэнгэр, газрын Бурхан руу харж, Ариун Сүнсний өдөөлтийг даган, итгэлээр үргэлжлүүлэн явах аваас Тэрээр бидэнд ямар ч саад бэрхшээл, урам хугарах зүйл тохиолдсон бай даван туулахад тусална.

Аз болоход, биднийг сул дорой, хүч мөхөстсөн үед Их Эзэн бидний итгэлийг хүчирхэгжүүлж, чадавхыг байгаагаас маань илүү нэмэгдүүлж чадна. (“Итгэлтэйгээр үргэлжлүүлсээр бай,” Лиахона, 2023 оны 5-р сар, 14)

Би боловсролтой холбоотой ямар үүрэг хариуцлага хүлээдэг вэ?

Тэргүүн зөвлөлийн ерөнхийлөгч асан Дийтр Ф.Угдорф ийн зөвлөжээ.

18:45

Сүмийн гишүүдийн хувьд боловсролтой болох нь зөвхөн сайн санал зөвлөмж биш, харин зарлиг юм. “Тэнгэр дэх мөн дэлхий дэх мөн дэлхий доорх зүйлүүдийн тухай, байсаар ирсэн зүйлүүд, байгаа зүйлүүд, удахгүй тохиох зүйлүүд; гэрт байгаа зүйлүүд, хол байгаа зүйлүүдэд [Сургаал ба Гэрээнүүд 88:79–80] бид суралцах ёстой.”

… Чадлынхаа хэрээр суралцах нь та бидний үүрэг юм. Гэр бүл, чуулгын гишүүдээ мөн хүн бүрийг сурч, илүү их боловсрол эзэмшихэд урамшуул. Албан ёсны боловсрол эзэмших боломжгүй байгаа бол энэ байдлыг боломжтой бүх мэдлэгийг олж авахад тань саад болохыг битгий зөвшөөр. Иймэрхүү нөхцөл байдалд нэг талаар хамгийн шилдэг номууд та нарын “их сургууль” буюу хүссэн бүгдийг оруулдаг нээлттэй анги чинь болдог юм шүү. “Ариун журамтай, сайхан, эсвээс сайн гэгддэг буюу сайшаалтай [Итгэлийн тунхаг 1:13]” бүхнээр мэдлэгээ тэлэхийг хичээ. “Судлахаар мөн тэрчлэн итгэлээр” (Сургаал ба Гэрээнүүд 109:7) мэдлэгийг эрэлхийл. Даруу сүнс, харууссан зүрх сэтгэлээр эрэлхийл [Сургаал ба Гэрээнүүд 136:33].” (“Ямар ч эдийн засгийн үед хамаарах хоёр зарчим,” Ерөнхий чуулган, 2009 оны 10-р сар, 65–68)

Нэмэлт суралцах үйл ажиллагаа

Орон нутгийн эх сурвалжуудыг олж илрүүлэх

Танай бүсийн боловсролын асуудалд тулгарч байгаа саад бэрхшээлүүдийн хувьд та суралцагчдадаа зориулан орон нутгийн эх сурвалжуудын жагсаалтыг бэлтгэн өгч болно. Эдгээр эх сурвалжийн зарим нь дараах зүйлсийн тухай дэлгэрэнгүй мэдээллийг агуулж болох юм. Үүнд:

Үе тэнгийнхнээсээ суралцах
Эерэг үлгэр дуурайлал
Онлайн эх сурвалжууд
Олон нийтийн дэмжлэг
Тэтгэлэг ба мөнгөн тусламжууд
Ур чадвар хөгжүүлэх хөтөлбөрүүд

Та боловсрол олж авахад тулгардаг нийтлэг саад бэрхшээлийг даван туулахын тулд ангийнхнаар орон нутгийн эх сурвалжуудыг судлуулахад цаг гарга. Түүнээс гадна та орон нутгийн Сүмийн удирдагч эсвэл зөвлөхийг ангид урьж, эх сурвалжуудыг тайлбарлуулж болно.

Боловсролоо эзэмшихээ үргэлжүүлэхийн чухлыг онцолсон видео

Ахлагч Жозэф В.Ситати Кени улсад сайн боловсролтой болохын тулд саад бэрхшээлийг хэрхэн даван туулсан тухайгаа ярьсан. Боловсрол эзэмшсэнээр тэр эхнэртэй, найдвартай ажилтай болсон төдийгүй Есүс Христийн сайн мэдээг хүлээн авах боломжтой болсон юм.

4:56

Та видеог хуваалцсаны дараа, суралцагчдад ахлах сургуулиа төгсөөд үргэлжлүүлэн суралцсан гэр бүлийн гишүүн, найз нөхдөдөө мессеж илгээх эсвэл э-мэйл бичихийг санал болго. Боловсрол эзэмшихэд тулгарсан саад бэрхшээлүүдийг хэрхэн даван туулсныг нь тэднээс асуухад суралцагчдыг урь.

Есүс Христэд итгэх итгэлээр урагшлах

Хичээл дээрх тодоор бичсэн үнэнийг онцлохын тулд суралцагчдыг Сургаал ба Гэрээнүүд 123:17 болон Арван хоёр төлөөлөгчийн чуулгын ахлагч Гэррит В.Гонгийн дараах мэдэгдлийг уншаад, эдгээр эх сурвалж саад бэрхшээлийг даван туулах талаар юу зааж байгааг олж мэдэхийг хүс.

Сургаал ба Гэрээний 123-р хэсгийн 17-р шүлэгт Их Эзэн нэг чухал зарчмыг зааж, гайхамшигтай амлалт өгсөн байдаг.

Их Эзэний заасан хамгийн чухал зарчим бол: “Өөрсдийн хүчээр хийх боломжтой бүх зүйлийг баяртайгаар хий” гэх зарчим юм. Энэ бол итгэлийн болон үйлдлийн зарчим. … Өөрсдийн хүчээр хийх боломжтой бүх зүйлийг хийх нь бидэнд Бурханы тусламж, сүнслэг нөлөөг хүлээж авахад тусалдаг. Биднийг хамгийн сайнаараа хичээж зүтгэхэд Бурханы тусламж ямагт дагалдаж байдаг. (“Cheerfully Do All Things in Our Power” [BYU–Pathway дэлхий даяарх онцгой цугларалт, 2023 оны 12-р сарын 5], 1, byupathway.edu)

Есүс Христэд итгэн урагшлахад хэн нэгэн хүнд тусалж болох юуг ахлагч Гонг заасан бэ?