Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Боловсролын ач холбогдол: Боловсролын материаллаг, сүнслэг адислал

“Боловсролын ач холбогдол: Боловсролын материаллаг, сүнслэг адислал,” Хуучин Гэрээний семинарын багшийн гарын авлага (2026)

“Боловсролын ач холбогдол: Боловсролын материаллаг, сүнслэг адислал,” Хуучин Гэрээний семинарын багшийн гарын авлага

Ирээдүйн боловсрол, ажилд бэлтгэх: 188-р хичээл

Боловсролын ач холбогдол

Боловсролын материаллаг, сүнслэг адислал

Боловсрол эзэмшихэд сорилт бэрхшээл их тулгарч болох ч золиослол, хүч чармайлт гаргах нь үнэ цэнтэй юм. Боловсрол зөвхөн биднийг адислаад зогсохгүй бидний эргэн тойронд байгаа хүмүүсийг адисалж, Их Эзэний ажлыг гүйцэлдүүлэх илүү сайн зэмсэг болоход биднийг бэлтгэдэг. Энэ хичээл нь боловсролын ач холбогдлыг материаллаг, сүнслэг аль аль талаас нь ойлгоход суралцагчдад тусална.

Суралцагчийн бэлтгэл: Сурах дуртай зүйлийнх нь талаар, энэ сонирхлоо хэрхэн хөгжүүлснээ тунгаан бодохыг суралцагчдаас хүс. Тэд мөн энэхүү сонирхлынхоо талаар сурч мэдэх нь тэдэнд хэчнээн үнэ цэнтэй байсныг тунгаан бодож болно.

Боломжит суралцах үйл ажиллагаа

Эрх чөлөө эсвэл хязгаарлалт

Самбар дээр доор харуулсны дагуу хоёр юүлүүрийн зураг зураарай. Суралцагчдаар судлах тэмдэглэл дээр нь юүлүүр зуруул. Түүнээс гадна та ангид юүлүүр авчирч эсвэл цаасаар энгийн юүлүүр хийж болно.

Суралцагчдаас юүлүүрийн илүү нарийссан үзүүрийг, мөн илүү нээлттэй эсвэл чөлөөтэй харагдах үзүүрийг тэмдэглэхийг хүс. Дараа нь эхний зургийн дээд талд Боловсрол эзэмших гэж бич.

Энэ юүлүүрийн нарийссан хэсгийг боловсрол эзэмших гэж төсөөлөөрэй.

Ямархуу арга замаар боловсрол эзэмших нь зарим хүнд хориглогдсон эсвэл хязгаарлагдмал санагддаг байж болох вэ?
Доод талын том онгорхой нь юуг төлөөлж байна вэ? Яагаад?

Боловсролтой болоход хичээл зүтгэл, сахилга бат, золиослол шаардагддаг ч энэ нь Их Эзэнээс ирэх адислал руу, тэр дундаа илүү их эрх чөлөө, боломж, өсөлт хөгжил рүү хөтөлдөг гэдгийг суралцагчдад тайлбарлаж болно.

Хоёр дахь зургийн дээд талд Боловсрол эзэмшихгүй байхыг сонгох гэж бич.

Одоо энэ юүлүүрийн том онгорхойг боловсрол эзэмшихгүй байх сонголт гэж төсөөл.

Доод хэсгийн жижиг онгорхой юуг төлөөлж байна вэ? Яагаад?

Суралцагчид боловсролтой болохын тулд хичээл зүтгэл гаргахгүй байх нь эхэндээ эрх чөлөөтэй мэт санагдаж болох ч эрх чөлөө, боломж, өсөлт хөгжлийг хязгаарлаж эсвэл хориглоход хүргэж болно гэдгийг тайлбарлаж болно.

Дараах асуултуудыг тунгаан бод.

Таны хувьд боловсрол хэр чухал вэ? Яагаад?
Боловсрол эзэмших эсэх сонголт нь танд болон таны эргэн тойрны хүмүүст хэрхэн нөлөөлж болох вэ?

Ариун Сүнс зөвхөн танд зориулсан захиаснуудыг ойлгоход тусална. Боловсролын талаар судалж байхдаа таныг боловсрол, амьдралын зорилгодоо хүрэхэд тусалж болох сэтгэгдлүүдэд анхаарал хандуул.

Үргэлж суралцдаг байх

Дараах мэдэгдлүүдийг үзүүл. Та Өсвөр үеийнхний бат бөх байдлын төлөө удирдамжийг суралцагч бүрд тарааж өг эсвэл тэдэнд Gospel Library апп-аас олж үзэхийг санал болго.

Та мэдэгдлүүдийг бие даан судлахад суралцагчдыг урьж, дараа нь тэднийг жижиг бүлгүүдэд хуваан, гарах асуудлуудын талаар ярилцуулж болох юм.

Дараах мэдэгдлүүдийг уншаад, сурч боловсрох талаар юу сурснаа олж мэд.

Ерөнхийлөгч Рассэлл М.Нэлсон ийн заасан.

Бүтээгч маань газар бүрд буй Өөрийн хүүхдүүдийг боловсролтой болоосой гэж хүсдэг. (“Боловсрол—шашны хариуцлага” [Айдахо дахь Бригам Янгийн Их Сургуулийн онцгой цугларалт, 2010 оны 1-р сарын 26], byui.edu)

Өсвөр үеийнхний бат бөх байдлын төлөө: Сонголт хийхэд туслах хөтөч удирдамжид ийн тайлбарласан байдаг.

Тэнгэрлэг Эцэг Өөрийн хөвгүүд, охидыг үргэлж суралцдаг байгаасай гэж хүсдэг. Суралцахыг эрэлхийлж, бас суралцахад дурлахад танд материаллаг, сүнслэг хэрэгцээний аль аль нь байгаа. Боловсрол бол зөвхөн мөнгө олох тухай асуудал биш юм. Энэ бол Тэнгэрлэг Эцэгтэйгээ илүү адилхан болох мөнхийн зорилгын тань нэг хэсэг юм. …

Үргэлж суралцдаг бай. Оюун ухаанаа тэлж, ур чадвараа сайжруулах боломжийг эрэлхийл. Энэ боломж нь сургууль болон мэргэжил сургалтын төвөөс авч болох албан ёсны боловсролоос гадна өөрийн найдвартай гэж үзсэн боловсролын албан бус эх үүсвэрүүд байж болно. Хичээл зүтгэлдээ Их Эзэнийг оролцуул. Тэр таныг удирдах болно. Амьдарч буй эх дэлхийнхээ талаар суралцахдаа, дэлхийг бүтээсэн Аврагчийн талаар түүнчлэн суралц. Түүний амьдрал, сургаалаас суралц. Институт, семинар, сайн мэдээнээс суралцах хувийн сургалтаа насан туршид суралцах үйл явцынхаа нэг хэсэг болго. …

Боловсрол Их Эзэнд үйлчлэх чадварыг тань нэмэгдүүлнэ. Энэ нь та нарт бусдыг, ялангуяа гэр бүлээ адислах хүч чадлыг өгөх болно. Илүү ихийг сурч мэдэх тусмаа та нар Бурханы хаант улсыг байгуулж, дэлхийд сайнаар нөлөөлөх болно. (Өсвөр үеийнхний бат бөх байдлын төлөө: Сонголт хийхэд туслах хөтөч [2022], 31–32)

Эдгээр мэдэгдлээс аль үнэн нь танд хамгийн чухал санагдаж байна вэ? Яагаад?
Эдгээр мэдэгдлээс бид ямар мөнхийн үнэнийг мэдэж авч болох вэ?
Суралцагчдын хуваалцсан үнэнийг самбар дээрх эхний юүлүүрийн хажууд бич. Суралцагчид үүнийг мөн адил зургаар илэрхийлж болно. Тэд дараах үнэнийг хуваалцаж магадгүй.
- Боловсрол бол Тэнгэрлэг Эцэгтэйгээ илүү адилхан болох бидний мөнхийн зорилгын нэг хэсэг юм.
- Тэнгэрлэг Эцэг Өөрийн хөвгүүд, охидыг үргэлж суралцдаг байгаасай гэж хүсдэг.
- Боловсрол Их Эзэнд үйлчлэх болон бусдыг адислах бидний чадварыг нэмэгдүүлдэг.
Сурч, боловсрох нь яагаад Тэнгэрлэг Эцэгийн төлөвлөгөөний чухал хэсэг болдог вэ?
Боловсролыг хориотой, хязгаарлагдмал зүйл гэж үздэг хэн нэгэнд эдгээр үнэн хэрхэн тусалж болох вэ?

Боловсролын ач холбогдол

Сурч, боловсрох нь Тэнгэрлэг Эцэгийн хүүхдүүдийн өсөлт хөгжлийн нэн чухал хэсэг байсаар ирсэн билээ. Жишээ нь: Адам, Ева хоёр хүүхдүүддээ шашны болон шашны бус зүйлсийн аль алиныг заадаг байсан (Moсе 5:10–12; 6:5–6-г үзнэ үү) ба ийнхүү Тэнгэрлэг Эцэгтэйгээ илүү адилхан болоход нь тэдэнд тусалсан.

Та суралцаж, боловсролтой болсноор өөрийн эсвэл бусдын амьдралд Их Эзэнээс ирэх ямар адислалуудыг харж байсан бэ?
Тэнгэрлэг Эцэг таны боловсролд анхаарал тавьж байгааг та ямар тохиолдолд анзаарч байсан бэ?

Дүгнэлт

Сургуулийг үзэн яддаг, цаашид үргэлжлүүлэн боловсрол эзэмших шаардлагагүй гэж бодож байгаа нэг найзтай гэж төсөөл. Өнөөдөр сурсан зүйлээ ашиглан, найзтайгаа хуваалцах зүйлээ бичээрэй. Та дараах жишээнүүдийг багтаахыг хүсэж болох юм.

Боловсрол эзэмшсэнээр Тэнгэрлэг Эцэг, Есүс Христ хоёрын биднийг адисалж чадах материаллаг, сүнслэг адислалууд.
Таны хувьд утга учиртай судар, эшлэл, хувийн бодол санаа эсвэл туршлагууд.

Цөөн суралцагчаар ангийнхантай санаа бодлыг нь хуваалцуул. Боловсрол бидний амьдралд агуу адислал болдог, ялангуяа Тэнгэрлэг Эцэг, Есүс Христ хоёртой илүү адил болоход тусалдаг тухай гэрчлэхийг бодоорой.

Нэмэлт эх сурвалж

Яагаад боловсрол эзэмших чухал вэ?

Ерөнхийлөгч Гордон Б.Хинкли (1910–2008) ийн заасан.

Та нар боломжтой бүхий л мэдлэг, боловсролыг эзэмших ёстой. Амьдрал их ээдрээтэй, өрсөлдөөнтэй болсоор байна. Та нарт эрх дарх оногдсон гэж бодож болохгүй. Та нарт өөрсдийн бүтээж чадах хамгийн гайхалтай ирээдүйд хүрэхийн тулд асар их хүчээл зүтгэл гаргаж, хамаг авьяас чадвараа дайчлах шаардлага тулгарна. Машинаа золиосол; дэлхийн ажил хийхэд өөрийгөө тэнцэхуйц болгоход шаардлагатай бүхнийг золиосол. Энэ дэлхий та нарыг өөрсдийгөө хэр үнэ цэнтэй гэж боддог тэр хэмжээгээр тань төлөх болно мөн сонгосон салбартаа боловсрол эзэмшин, мэргэжлийн түвшинд хүрэх тусам таны үнэ цэн өсөх болно. (“Words of the Prophet: Seek Learning,” New Era, Sep. 2007, 3–4)

Ерөнхийлөгч Даллин Х.Өүк,Кристэн М.Өүкс эгч хоёр ийн тайлбарлажээ.

Тэнгэрлэг хуулиуд болон дэлхийн юмсын талаар бид хэчнээн их мэдлэг эзэмшинэ, эргэн тойрныхоо хүмүүст төдий чинээ сайн нөлөө үзүүлж, биднийг төөрөгдүүлж, хөнөөж мэдэх бусармаг [хөнөөлт] явдал, хилэнцэт нөлөөнөөс аюулгүй байх болно. (“Суралцахуй ба хожмын үеийн гэгээнтнүүд,” 2009 оны 4-р сарын Ерөнхий чуулган, 23)

Би албан ёсны боловсрол эзэмших боломжгүй бол яах вэ?

Тэргүүн зөвлөлийн ерөнхийлөгч асан Дийтр Ф.Угдорф ийн хэлсэн.

18:45

Албан ёсны боловсрол эзэмших боломжгүй байгаа бол энэ байдлыг боломжтой бүх мэдлэгийг олж авахад тань саад болохыг битгий зөвшөөр. Иймэрхүү нөхцөл байдалд нэг талаар хамгийн шилдэг номууд та нарын “их сургууль” буюу хүссэн бүгдийг оруулдаг нээлттэй анги чинь болдог юм шүү. “Ариун журамтай, сайхан, эсвээс сайн гэгддэг буюу сайшаалтай” бүхнээр мэдлэгээ тэлэхийг хичээ. “Бүр судлахаар мөн тэрчлэн итгэлээр, суралцахыг эрэлхийлэгтүн.” (“Ямар ч эдийн засгийн үед хамаарах хоёр зарчим,” 2009 оны 10-р сарын Ерөнхий чуулган, 68) (цагийн код 15:28-аас 16:05 хүртэл)

Нэмэлт суралцах үйл ажиллагаа

Эхлүүлэх өөр хувилбар

Нээлттэй хаалганы зурaг үзүүлж хичээлээ эхлүүлээрэй.

Дараа нь эхний үгийг хоосон үлдээгээд, дараах эшлэлийг үзүүл. Суралцагчдаар хоосон зайд ямар үг байгааг таалгуул. Тэд боломжит хариултуудыг хуваалцах үедээ яагаад тухайн үгийг сонгосноо тайлбарлаж болно.

Ерөнхийлөгч Гордон Б.Хинкли (1910–2008) ийн заасан.

бол танд боломж нээх түлхүүр юм. Үүний төлөө золиос гаргах нь зүйтэй. (“Inspirational Thoughts,” Ensign, 1999 оны 6-р сар, 4)

Хангалттай хугацаа өнгөрсний дараа хоосон зайд Боловсрол гэж бич. Суралцагчдыг энэ мэдэгдэл хэрхэн үнэн байж болох талаар хуваалцуул. Хэрэв суралцагчид ярихгүй бол боловсрол бидэнд суралцах, өсөж хөгжих, тэгснээр Тэнгэрлэг Эцэг, Есүс Христтэй илүү адил болоход тусалдаг учраас бидний хувьд боломжуудын үүдийг хэрхэн нээж өгдөг тухай тайлбарла (Сургаал ба Гэрээнүүд 93:36-г үзнэ үү).

Дараа нь хаалттай хаалганы зураг үзүүл.

Зарим хүн сурч, боловсрохыг эрэлхийлэхгүй байж болох шалтгаануудыг хуваалцахыг суралцагчдаас хүс. Та суралцагчдыг боловсролын талаарх хувийн үзэл бодлоо тунгаан бодоход урьж болно.

Боловсрол бол боломжийг нээх түлхүүр юм

“Боловсролын ач холбогдол” хэсэг дэх өөр нэг үйл ажиллагааны хувилбар болгож “Боловсрол бол боломжийг нээх түлхүүр юм” (1:38) видеог үзүүлээрэй. Энэ видеонд Томас С.Монсон, Гордон Б.Хинкли нар боловсролын ач холбогдлын талаар ярилцаж байгаа тухай гардаг. Та самбар дээрх юүлүүрийг харахад мөн боловсрол нь цаашдын боломж, адислалын үүдийг ямар арга замаар нээж өгдгийг олж мэдэхэд суралцагчдыг урь.

1:38