Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Бүхэл бодгальд зориулсан боловсрол: Оюуны болон сүнслэг боловсролыг эн тэргүүнд тавих

“Бүхэл бодгальд зориулсан боловсрол: Оюуны болон сүнслэг боловсролыг эн тэргүүнд тавих,” Хуучин Гэрээний семинарын багшийн гарын авлага (2026)

“Бүхэл бодгальд зориулсан боловсрол: Оюуны болон сүнслэг боловсролыг эн тэргүүнд тавих,” Хуучин Гэрээний семинарын багшийн гарын авлага

Ирээдүйн боловсрол, ажилд бэлтгэх: 189-р хичээл

Бүхэл бодгальд зориулсан боловсрол

Оюуны болон сүнслэг боловсролыг эн тэргүүнд тавих

Их Эзэн биднийг шашны болон шашны бус боловсролын аль алиныг амьдралдаа эн тэргүүнд тавихад урамшуулан дэмждэг (Сургаал ба Гэрээнүүд 88:77–80). Шашны болон шашны бус боловсрол бидний Бурханд болон бусдад үйлчлэх, бие даах чадварыг дээшлүүлдэг. Энэ хичээл нь бүрэн дунд боловсрол эзэмшсэний дараа шашны болон шашны бус боловсролоо үргэлжлүүлэх төлөвлөгөө гаргахад суралцагчдад тусална.

Суралцагчийн бэлтгэл: Ахлах сургуулиа төгссөний дараа хийж болох хамгийн багадаа хоёр боломжит зүйлийн тухай ангидаа хуваалцахаар бэлдэж ирэхийг суралцагчдад санал болго.

Боломжит суралцах үйл ажиллагаа

Боловсролыг эн тэргүүнд тавих

Рэжи ахлах сургуулиа төгссөний дараа үргэлжлүүлэн суралцахгүйгээр амьдралаа үргэлжлүүлэхийг хүсдэг. Тэр одоогийн ажилдаа илүү олон цагаар ажиллахыг хүсдэг. Тэр шийдвэр гаргахаасаа өмнө үргэлжлүүлэн суралцахын давуу болон сул талуудыг авч үзэхээр шийджээ.

Рэжи үргэлжлүүлэн боловсрол эзэмшихийн тулд ямар давуу талуудыг жагсаан бичиж болох вэ?
Ямар сул талууд байж болох вэ?

Суралцагчид хамтрагчтайгаа эсвэл жижиг бүлгээрээ жагсаалт гаргаж болно. Та самбар дээр давуу тал ба сул тал гэж бичээд, хариултаа самбар дээр бичихэд суралцагчдыг урь. Хэрэв та саяхан 188-р хичээл “Боловсролын ач холбогдол”-ыг заасан бол юүлүүр бүхий үзүүлэнт хичээлээр ярилцсан зүйлсийг нь суралцагчдад сануулж болно. Суралцагчид хичээлийн туршид энэ жагсаалт дээрээ нэмж бичиж болно.

Шашны ба шашны бус боловсрол

Сүмийн удирдагчид Бурханы бүх хүүхдэд боловсрол чухал гэдгийг онцолсон. Сүмийн удирдагчдын онцлон тэмдэглэдэг боловсролд шашны болон шашны бус боловсролын аль аль нь багтдаг.

Самбар дээр Давуу тал гэсний доор дараах гүйцэд бус өгүүлбэрийг бичээд, суралцагчдаар тэмдэглэл дээр нь бичүүл.

Шашны болон шашны бус боловсрол эзэмших нь … замаар бидэнд тусалдаг.

Дараах өгүүлбэрийг уншаад, өгүүлбэрийг гүйцээж болох өөр арга замуудыг олж мэд.

Далын ахлагч Кларк Г.Гилбэрт ийн заасан.

Сүм яагаад боловсролд ийм их эх сурвалжуудын хөрөнгө оруулалт хийдгийг та нар мэдэх үү? Энэ нь та нарыг хайрлах Их Эзэний хайртай холбоотой. Тэр та нарыг Өөрт нь илүү их ойртож, сэтгэл санаа, оюун ухаан, сүнслэг хүч чадлыг олж аваасай гэж хүсдэг. Сүмийн удирдагчид ч мөн ийм зүйлийг хүсэж байна! Бид таны болон та бүхний амжилтын төлөө залбирч байна. Бид танд болон та бүхэнд тэнгэрлэг нөөц бололцоог нээхэд тань туслах хөрөнгө оруулалт хийдэг. (“Сүмийн боловсрол: Хүн бүрд орон зай байна,” Өсвөр үеийнхний бат бөх байдлын төлөө, 2023 оны 10-р сар, 18)

Суралцагчдын олж мэдсэн зүйлсийг хуваалцуулж, хариултуудыг нь самбар дээр бичүүл. Суралцагчдын хариултад дараах зүйлс багтаж болно. Үүнд:

… Их Эзэнд улам ойртох;

… Бурханаас хүч чадал олж авах;

… бурханлаг чадавхдаа хүрэх.

Их Эзэнээс эдгээр адислалыг авахын тулд яагаад шашны бус болон шашны боловсролын аль аль нь шаардлагатай байж болох вэ?

Шашны бус боловсрол эзэмших

Самбар дээр дараахтай адил хоёр ном зураарай. Эхнийхийг “шашны бус,” хоёр дахийг “шашны” гэж нэрлэ. Суралцагчдаар судлах тэмдэглэл дээр нь ижил төстэй ном зуруул.

“Шашны бус” гэсэн нэртэй номын доор суралцагчдад дараах асуултад хариулж бичихийг санал болго. Та тэднийг хоёр хоёроор нь эсвэл жижиг бүлгээр ажиллуул.

Ахлах сургуулиа төгссөний дараа шашны бус боловсрол эзэмших ямар хувилбар танд байгаа вэ?

Та онлайн хичээл, олон нийтийн коллеж, худалдааны сургууль, дагалдан суралцах боломж, ажил дээрх сургалт гэх мэт суралцагчдын дурдаагүй нэмэлт сонголтуудыг хуваалцаж болно.
Сүмийн боловсролын системээр (СБС) дамжуулсан ямар сонголтууд байдаг вэ?

Шашны боловсрол

Жагсаалтад орсон шашны бус боловсролын сонголт бүрийн хувьд ямар шашны боловсролын хувилбарыг сонгох боломжтой вэ?

Шашны бус боловсрол хэсэгт жагсаасан зүйл бүрээс эдгээрийг дагалдах шашны боловсролын аль нэг сонголтыг суралцагчдаар жагсаан бичүүл. СБС-ийн сургууль бүрийн сургалтын хөтөлбөрт шашны боловсрол багтсан гэдгийг суралцагчид ойлгосон эсэхийг бататга. Оюутнууд СБС-ийн аль ч сургуулийн хажууд шашны хичээл гэж бичиж болно.

Хэрэв суралцагчид энэ талаар дурдаагүй бол жагсаан бичсэн шашны бус боловсролын бусад сонголтод институт гэж нэмж бичүүл. Шаардлагатай бол институт нь дэлхийн аль ч орны залуучуудад (18–35 нас) шашны боловсролын хичээлийг үнэ төлбөргүй эзэмших газар юм гэдгийг тайлбарлаж өг.

Институтэд хамрагдах нь ирээдүйд хэрхэн тус болж болохыг ойлгоход нь семинарын суралцагчдад туслах арга замуудын тухай бод. Энэ жишээ болон дараах асуултуудын талаар ярилцах нь ийн үйлдэх нэг арга зам юм.

Жишээ нь: Рэжиг ахлах сургуулиа төгсөөд худалдааны сургуульд нэмэлт боловсрол эзэмшихээр шийдэж, мөн институтэд сурах хэрэгтэй эсэх талаар бодож байна гэж төсөөлье.

Рэжи институтэд хамрагдахгүй байх ямар шалтгааныг дурдаж болох вэ?
Таныг сургуульд явж байхад семинар хэрхэн тус болж байсан бэ?
Худалдааны сургуульд сурч байхдаа Тэнгэрлэг Эцэг, Есүс Христ хоёрын талаар үргэлжлүүлэн суралцах нь Рэжид хэрхэн тустай байж болох вэ?

ChurchofJesusChrist.org дээрх “Институтэд хамрагдах хувийн урилга” (2:44) видеог үзүүлээрэй. Институтэд хамрагдахад адислахаар амласан адислалуудыг олж мэдэхэд суралцагчдыг урь. Та мөн институтийн тухай тараах материалаас уншихад суралцагчдыг урьж болох юм.

2:51

Та энэ ярилцлагын нэг хэсэг болгон, суралцагчдын хуваалцаж буй давуу тал гэсэн жагсаалтад самбар дээр илүү олон санаа нэмж болно.
Институтэд хамрагдсан үед ерөнхийлөгч Нэлсоны амласан адислалуудаас ямар адислалууд танд хамгийн онцгой сэтгэгдэл төрүүлсэн бэ?
Та бүхний ярилцсан зүйлээс харахад, Рэжиг институтэд суралцахад юу нөлөөлнө гэж та нар бодож байна вэ?

Суралцагчдыг ахлах сургуулиа төгссөнийхөө дараа хаана ч амьдардаг байсан myinstitute.ChurchofJesusChrist.org/findInstitute руу орж, институтийг хэрхэн олж болохыг ойлгоход нь туслаарай. Эхний номны доор дурдсан боловсролын сонголтуудаас хэд хэдийг сонго. Институтийн байршлыг хэрхэн олох мөн бүртгүүлэхийг үзүүлэхийн тулд эдгээр сонголтын байршлыг тодорхойлж, хотын нэрийг вэбсайт руу оруул. Мөн энэ холбоосоор онлайн институтийг хэрхэн олохыг үзүүлж болно.

Төлөвлөгөө гаргах

Энэ жил ахлах сургуулиа төгсөх эсэхээс үл хамааран шашны болон шашны бус боловсролын төлөвлөгөө гаргах нь тустай байх талаар суралцагчидтай хуваалц. Суралцагчдад төлөвлөгөө гаргахад нь туслахын тулд дараах зааварчилгаа, асуултуудыг үзүүл. Суралцагчдад судлах тэмдэглэлдээ дараах асуултуудад хариулахыг санал болго.

Заавар авахын тулд доорх асуултуудыг ашиглан өөрийн ирээдүйн шашны болон шашны бус боловсролын төлөвлөгөөг гарга. Тунгаан бодож, хариултуудаа бичиж байхдаа Ариун Сүнсээр дамжуулан Тэнгэрлэг Эцэгээс удирдамж эрэлхийл.

Таны ирээдүйн зорилгууд юу вэ?
Таныг эдгээр зорилгодоо хүрэхэд боловсролын ямар сонголтууд туслах вэ?
Дараа жил эсвэл дараа дараагийн жилүүдэд шашны боловсролын ямар төлөвлөгөө гаргаж болох вэ?

Бусад суралцагчийн саналыг сонсох нь суралцагчдад тустай байдаг. Цөөн суралцагчаар төлөвлөгөөг нь хуваалцуул.

Амьдралынхаа туршид шашны болон шашны бус боловсролыг эн тэргүүнд тавихын ач холбогдлын тухай гэрчлэлээ хуваалцаарай.

Нэмэлт эх сурвалж

Шашны боловсролыг эн тэргүүнд тавих нь намайг хэрхэн адислах вэ?

Арван хоёр төлөөлөгчийн чуулгын ерөнхийлөгч М.Рассэлл Баллард (1928–2023) ийн заажээ.

15:45

Номлолд үйлчлэхээр бэлтгэж буй ахлах сургуулийн сурагчид та бүхнийг би семинарт хамрагдаж мөн төгсөхөд урамшуулан дэмжиж байна. Залуучууд та нар шашны институтэд бүртгүүлсэн байх хэрэгтэй. Хэрэв та Сүмийн ямар нэгэн сургуульд сурч байгаа бол улирал болгонд шашны боловсролын нэг хичээлийг оруулж бай. Нас биед хүрсэн хүний хувьд номлол, мөнхийн гэрлэлт, амьдралд бэлтгэх энэ чухал үедээ та суралцаж, өсөж хөгжих мөн Ариун Сүнсээр дамжуулан илчлэлт, удирдамж хүлээн авах арга замуудыг үргэлжлүүлэн хайж олох ёстой. Институт, семинар эсвэл шашны боловсролын ангиудаар дамжуулан сайн мэдээний талаар хичээнгүйлэн залбирч судлах нь зорилгодоо хүрэхэд тань та нарт туслах болно.

Та Сүмийн сургуульд болон коллежид сурдаг ч бай, үгүй ч бай, сайн мэдээнээс судлах цаг зав гарахгүй байна гэж бүү бод. Институт, семинар эсвэл шашны боловсролын ангиуд нь судраас болон бошиглогч, төлөөлөгчдийн сургаалаас судлах өөр нэгэн боломжийг танд гаргаж өгснөөр амьдралыг тань тэнцвэртэй болгон, таны иргэний боловсролд тус болно. (“Залуучуудын хамгийн агуу үеийнхэн,” 2015 оны 4-р сарын Ерөнхий чуулган, 55–58)

Тэргүүн зөвлөлийн ерөнхийлөгч Хэнри Б.Айринг ийн заасан.

Бидний хамгийн түрүүнд анхаарах ёстой зүйл бол сүнслэг суралцахуй юм. …

Сүнслэг боловсролыг эн тэргүүнд тавих нь шашны бус зүйлсэд суралцахаас биднийг чөлөөлөхгүй нь тодорхой. Эсрэгээрээ, энэ нь бидэнд шашны бус боловсрол эзэмших зорилгыг өгч, илүү хичээнгүйлэн ажиллах сэдлийг төрүүлдэг.

Хэрэв бид сүнслэг боловсролыг зохих газарт нь авч үлдвээс цагаа хэрхэн ашиглах тал дээр хэцүү сонголт хийхэд хүрдэг. Гэвч сүнслэг байдлыг амьдралдаа хоёрдугаарт тавихыг ухамсартайгаар сонгож болохгүй. (“Бодит амьдралд зориулсан боловсрол,” Ensign, 2002 оны 10-р сар, 17, 18)

Ерөнхийлөгч Гордон Б.Хинкли (1910–2008) ийн хуваалцжээ.

Бүхий л зүйлдээ түүнээс суралц. Бүхий л суралцах үйл явцдаа Эзэний мэдлэгийг эрэлхийл. Энэхүү мэдлэг нь амьдрал, зан төлөвт тань өөр ямар ч аргаар олж авч чадамгүй бүрэн дүүрэн байдлыг өгөх бөгөөд олж авсан шашны бус боловсролыг тань гайхалтайгаар нөхөх болно. (Conference Report, 1964 оны 10-р сар, 118)

Ирээдүйн талаарх шийдвэрүүд дааж давшгүй мэт санагдвал яах вэ?

Тэргүүн зөвлөлийн ерөнхийлөгч Даллин Х.Өүкс, Кристен М.Өүкс нар ийн заасан.

Ирээдүйдээ юу хийхийг мэдэхгүй байхаас илүү таагүй зүйл байдаггүйг бид мэднэ. Харин хүнд авьяас чадвараа нээж илрүүлэхээс илүү их урам хайрладаг зүйл байдаггүй юм билээ. Патриархын адислалаа уншиж, мэдлэгийн аль нэг салбар юм уу аль нэг сэдвийн талаарх чадавх, авьяас чадвараа үнэлж дүгнээд, цааш урагшил. Эхний алхмаа тавь, тэгсэн цагт үүд хаалгууд нээгдэх болно. (“Суралцахуй ба хожмын үеийн гэгээнтнүүд,” Ensign, 2009 оны 4-р сар, 25)

Арван хоёр төлөөлөгчийн чуулгын ахлагч Нийл А.Максвэлл (1926–2004) ийн хуваалцсан.

Их сургууль, коллеж эсвэл мэргэжлийн сургуульд суралцах ёстой эсэхдээ эргэлздэг залуус олон байдаг. Сонголт бол таных! Сонголт нь ихэвчлэн зарчмын асуудал биш харин сонголтын асуудал байдаг. Тийм учраас сонголт хийхээсээ өмнө авьяас чадвар, боломж бололцоогоо тооцож үзээрэй. Өөрийн мэдрэмж, хүсэл сонирхлыг бодож үз. Дараа нь өөрийн сонирхол, чадварыг хамгийн сайн тусгасан боловсрол, дадлага туршлага олж авахын төлөө тууштай хичээ. Хүндтэй ажил хийдэг бол нэр төртэй байдгийг санаарай. (“Судлахаар мөн тэрчлэн итгэлээр, суралцахыг эрэлхийлэгтүн,” 1994 видео кассет).

Нэмэлт суралцах үйл ажиллагаа

Сүмийн сургуулиудад өргөдөл гаргах эцсийн хугацаа хэзээ байдаг вэ?

Суралцагчдад Сүмийн сургуулиудад хэзээ өргөдөл бөглөж илгээж болохыг мэдэхэд нь туслахын тулд дараах холбоосыг ашиглан шинэчлэгдсэн мэдээллийг авна уу.

БЯИС-ийн Pathway хөтөлбөр: https://www.byupathway.edu/academic-calendar

БЯИС: https://enrollment.byu.edu/admissions/when-should-i-apply

Хавай дахь БЯИС: https://ai1.ivy-cdn.com/storage/assets/Ve6D4xkngR0YrMOv2zPW8wdbZEKB2QOo.png

Айдахо дахь БЯИС: https://www.byui.edu/admissions/application-deadlines

Ensign Коллеж: https://www.ensign.edu/admissions-dates-deadlines

Институт хүн бүрд зориулагдсан

Институтийн талаар нэмэлт мэдээлэл авах нь суралцагчдад тустай бол “Би институтэд хайртай” медиа хуудаснаас нэг эсвэл хэд хэдэн видео үзүүлэхийг бодоорой. Эдгээр видеонд дэлхийн өнцөг булан бүрээс ирж суралцаж буй залуучууд институтийн ач холбогдлыг гэрчилдэг.

Хичээлийг эхлүүлэх өөр арга зам

Та дараах мэдээллийг хуваалцаж хичээлээ эхлүүлж болно. Дэлхийн эрүүл мэндийн байгууллагын мэдээлснээр, дэлхий даяар дундаж наслалт ойролцоогоор 73 нас байна. (Дэлхийн Эрүүл Мэндийн Байгууллагын вэбсайт).

Хэрэв хэн нэгэн 16 нас хүрсэн бөгөөд 73 нас хүртлээ амьдарна гэж үзвэл, амьдралынх нь 78 орчим хувь тэдний өмнө зурайж байна гэдгийг та суралцагчидтай хуваалцаж болно.

Ахлах сургуульд сурч байхад таны өмнө амьдралын тань ихэнх үе зурайж буйг ойлгох нь яагаад чухал гэж та бодож байна вэ?

Бүрэн дунд боловсрол эзэмшсэнийхээ дараа сурч боловсроход хөрөнгө оруулалт хийх нь ирээдүйн олон жилийн амьдралд тань нөлөөлж болно гэдгийг ойлгоход суралцагчдад тусал. Хэрэв та 188-р хичээл “Боловсролын ач холбогдол”-ыг аль хэдийн заасан бол яагаад боловсрол чухал болох талаар санаж байгаа зүйлсээ хуваалцахад суралцагчдыг урь.