Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Pag-ugmad og Maayong mga Gawi: Makatabang Nato si Jesukristo sa Pag-usab sa Atong mga Gawi

“Pag-ugmad og Maayong mga Gawi: Makatabang Nato si Jesukristo sa Pag-usab sa Atong mga Gawi,” Manwal sa Magtutudlo sa Seminary sa Daang Tugon (2026)

“Pag-ugmad og Maayong mga Gawi: Makatabang Nato si Jesukristo sa Pag-usab sa Atong mga Gawi,” Manwal sa Magtutudlo sa Seminary sa Daang Tugon

Pisikal ug Emosyonal nga Kahimsog: Leksiyon 187

Pag-ugmad og Maayong mga Gawi

Makatabang Nato si Jesukristo sa Pag-usab sa Atong mga Gawi

Ang mga lihok nga atong gibalikbalik sa dugay nga panahon mahimong mga gawi. Makatabang ang pipila ka gawi aron mas masunod nato ang Manluluwas. Ang ubang mga gawi dili tingali maayong paagi sa pagtubag sa bug-at nga mga emosyon ug mahimong mosangpot sa atong pagbati nga halayo sa Langitnong Amahan ug ni Jesukristo. Ang pag-ugmad og maayong mga gawi motabang aron mobati kita ng duol ug mahimong mas mahisama Kanila. Kini nga leksiyon makatabang sa mga estudyante ang tinguhaon ang tabang gikan sa Langinong Amahan ug ni Jesukristo aron maugmad ang maayong mga gawi.

Pagpangandam sa estudyante: Dapita ang mga estudyante nga hunahunaon ang mga butang nga naandan na nilang himoon kada adlaw. Pwede pod nilang pamalandongan kon sa unsang paagi kini nga mga gawi, maayo man o dili, nakapaapektar sa ilang espirituwal nga pag-uswag.

Pagpangandam sa estudyante: Dapita ang mga estudyante sa paghunahuna sa mga butang nga ilang gibuhat kada adlaw nga nabatasan na. Pwede usab nilang pamalandongan kon sa unsang paagi kini nga mga gawi, maayo ug daotan, nakaapekto sa ilang espirituhanon nga paglambo.

Posibleng mga Kalihokan sa Pagkat-on

Ang mga gawi parehas sa usa ka garden

Pwede nimong sugdan ang klase pinaagi sa pagtandi sa pag-ugmad og maayong mga gawi ngadto sa paghimog garden. Aron mahimo kini, ikonsiderar ang pagpakita sa mosunod nga hulagway sa usa ka luna nga punog sagbot ug dayon ang hulagway sa mga laray sa mga bulak o tanom sa usa ka garden.

Ihanduraw nga ang usa ka higala nga gustong mahibalo kon unsaon paghimo og garden sa usa ka luna nga napuno og sagbot.

Unsay inyong itambag niya?

Hisgotan tingali sa mga estudyante ang parehas sa pagtangtang sa sagbot, pag-andam sa yuta, pagtanom og mga liso, pag-abono, ug pagbisbis sa mga tanom.
Sa unsang paagi matandi ang proseso sa pag-garden ngadto sa pag-ugmad og maayong mga gawi?

Ikonsiderar ang pagdapit sa mga estudyante nga hunahunaon ang mahitungod sa ilang mga gawi. Pwedeng tinguhaon sa mga estudyante ang tabang sa Espiritu Santo aron mailhan kon unsay maayo nilang gihimo ug kon unsa pay ilang mapauswag.

Sa ilang mga journal sa pagtuon, pwedeng idrowing sa mga estudyante ang usa ka sagbot ug usa ka bulak. Pwedeng ibutang sa mga estudyante ang label nga “Mga gawi nga gusto nakong bag-ohon” diha sa sagbot ug diha sa bulak ang “Mga gawi nga gusto nakong sugdan o ipadayon.”

Kon nagkinahanglan og usa ka ehemplo ang mga estudyante, pwede nimong ipakita ang mosunod nga hulagway o idrowing kini diha sa pisara.
Unsay epekto sa mga gawi diha sa atong kinabuhi?
Unsay nakapalisod sa pagtul-id sa dili maayo nga mga gawi o pag-ugmad og maayong mga batasan?

Makatabang nato si Jesukristo sa pag-usab sa atong mga gawi

Pwede nimong ipasalig sa mga estudyante nga, bisan og kini nagkinahanglan og paningkamot sa pag-usab sa atong mga gawi, misaad ang Manluluwas kanato og tabang.

Basaha ang Ezequiel 36:26–27; Mosiah 3:19; ug Ether 12:27, nga pangitaon kon unsay gitudlo niini nga mga kasulatan bahin sa kon unsaon ni Jesukristo pagtabang kanato nga mausab.

Sa unsang paagi magamit kini nga mga bersikulo diha sa pagbag-o sa atong mga gawi?

Si Presidente Jeffrey R. Holland sa Korum sa Napulog Duha ka Apostoles mitudlo usab bahin sa pagbag-o sa atong mga gawi:

Dayag lang, kitang tanan adunay mga kinaiya o mga sayop o personal nga kasaysayan nga makapugong kanato sa hingpit nga espiritwal nga pagsubsob niini nga buhat. …[A]dunay balaanong tabang alang sa matag usa kanato bisan kanus-a nga mobati kita nga magbag-o sa atong kinaiya. Ang Dios mihatag ni Saul og “bag-ong kasingkasing.” Si Ezequiel miawhag sa tanang katawhan sa karaang Israel sa pagsalikway sa mga nangagi ug “[mag]bag-o … [sa] kasingkasing ug hunahuna.” Si Alma nagtawag alang sa usa ka “dako nga kausaban” nga maoy makaingon sa [ilang] kalag nga magmalipayon, ug si Jesus sa Iyang Kaugalingon mitudlo nga “walay makakita sa gingharian sa Dios gawas kon siya matawo pag-usab.” Tataw lang nga ang posibilidad sa kausaban ug pagpuyo sa mas balaan nga paagi mao gayod ang kanunay nga usa sa mga gasa sa Dios ngadto sa nagtinguha niini. (“Ang Labing Dako nga Katigayonan,” Liahona, Nob. 2021, 8-9)

Unsaon nimo pag-summarize sa gitudlo niini nga mga kasulatan ug ni Presidente Holland bahin sa mga nabatasan diha sa usa ka pahayag sa kamatuoran?

Samtang nagpakigbahin ang mga estudyante, tabangi silang mailhan ang kamatuoran nga sama sa: Samtang modangop kita ngadto ni Jesukristo, tabangan kita Niyang bag-ohon ang atong mga nabatasan na.
Sa imong hunahuna, nganong kinahanglan nato ang tabang ni Jesukristo aron mabag-o ang atong mga gawi?
Unsa ang pipila ka paagi nga makaduol kita Niya aron Iya kitang matabangan nga bag-ohon ang atong mga gawi?

Ehemplo ni Gideon

Aron tabangan ang mga estudyante nga makita kon unsang paagi kita matabangan sa Manluluwas, ikonsiderar ang pagkigbahin sa istorya ni Gideon. Kon kinahanglan, pwede nimong ipasabot nga si Baal maoy pagano nga dios nga gisimba sa mga tawo imbes ang Ginoo (tan-awaa ang “Baal,” Giya ngadto sa mga Kasulatan).

Human ang usa ka yugto sa pagkadaotan, gidaogdaog sa mga Mideanhon ang mga Israelita. Giandam sa Ginoo ang usa ka tawo nga ginganlan og Gideon aron motabang sa pagluwas sa Israel gikan sa ilang mga kaaway (tan-awa ang Mga Maghuhukom 6:11–14).

Samtang iyang gidawat ang asaynment sa Ginoo, gipahayag ni Gideon ang iyang kabalaka nga dili kini niya kayang matuman.

Basaha ang Mga Maghuhukom 6:15–16, nga pangitaon kon unsay tubag sa Ginoo sa mga gikahadlokan ni Gideon.

Gisulti ni Gideon sa Ginoo ang iyang mga gikabalak-an. Nagpasalig ang Ginoo ni Gideon nga dili siya mag-inusara sa pag-atubang niini nga buluhaton (tan-awa ang Mga Maghuhukom 6:17–24).

Basaha ang Mga Maghuhukom 6:25–26, nga pangitaon kon unsang mga kausaban ang gusto sa Ginoo nga himoon ni Gideon.

Sa imong hunahuna, ngano kahang gisugo sa Ginoo nga lumpagon una ang halaran para ni Baal ug dayon magtukod og bag-ong halaran para sa Ginoo?
Kon atong itandi ang maong duha ka halaran (pagtukod og bag-ong halaran para sa Ginoo human malumpag ang halaran para ni Baal) ngadto sa atong mga gawi, unsay matudlo niini nga ehemplo bahin sa gustong ipahimo sa Ginoo aron mabag-o kita? Unsa ang pipila ka paagi nga Siya makatabang nato?

Pwede nimong itandi ang mga instruksiyon sa Ginoo ngadto ni Gideon sa pagtangtang una sa mga sagbot ug dayon pagtanom og mga liso nga naa sa sinugdanan sa leksiyon. Tabangi ang mga estudyante nga masabtan ang tinguha sa Ginoo nga tabangan kitang matangtang ang dili maayong mga nabatasan (pagtangtang sa mga sagbot/paglumpag sa halaran para sa mini nga dios) ug paghimog maayong mga batasan diha sa atong kinabuhi (pagtanom og mga liso, pagtukod og bag-ong halaran para sa Ginoo).

Pag-ugmad og maayong mga gawi

Pwedeng ilista sa mga estudyante diha sa pisara ang ilang mga tubag sa mosunod nga pangutana.

Basaha ang Alma 13:28–29, nga mangita og mga paagi nga makadangop kita kang Jesukristo aron matabangan kita Niya nga bag-ohon ang atong mga gawi.

Unsay inyong nakaplagan?
Unsang pipila ka dugang paagi nga makadangop kita ngadto Kaniya?

Tabangan kita sa Manluluwas sa pag-usab sa atong mga gawi

Sa unsang paagi gidasig kamo o ang inyong kaila sa Manluluwas nga maghimo og kausaban aron mas mahisama Kaniya?
Kon naay moingon nga lisod ang pagbag-o sa ilang mga gawi, unsay gusto ninyong hinumdoman nila bahin sa Langitnong Amahan ug kang Jesukristo?

Makatabang tingali ang pag-awhag sa mga estudyante nga magpailob ug makanunayong nilang mga paningkamot, kay sagad nagkinahanglan og panahon ug balikbalik nga paningkamot ang pagbag-o sa atong mga gawi. Pwede nimong basahon pag-usab ang Ezequiel 36:26–27 aron pahinumdoman ang mga estudyante nga nagsaad ang Manluluwas nga panalanginan Niya sila sa Iyang Espiritu aron tabangan sila sa paghimo sa gikinahanglang mga kausaban.

Dugang nga mga Kapanguhaan

Unsang balaan nga mga gawi ang pwede nakong paningkamotan nga himoon?

Si Elder David A. Bednar sa Korum sa Napulog Duha ka Apostoles mitudlo:

Ang atong sagrado nga responsibilidad mao ang pagpalambo og balaan nga mga kinaiya nga magdapit sa Espiritu sa Ginoo nga magauban nato sa tanang higayon—mga kinaiya sama sa pagtuman sa mga pakigsaad, pagsunod sa mga sugo, paghinulsol, pagpasaylo, pagsiksik sa mga kasulatan, pagserbisyo, ug pagsimba diha sa panimalay, diha sa simbahan ug diha sa templo.

Ang mga disipulo sa Manluluwas diha sa Basahon ni Mormon mipakita og ehemplo sa dugang nga balaan nga kinaiya: “Sila nag-ampo alang niana diin sila labing nagtinguha; ug sila nagtinguha nga ang Espiritu Santo kinahanglan ihatag ngadto kanila” (3 Nephi 19:9). (“Nga Kita sa Kanunay Mohinumdom Kaniya,” Liahona, Hunyo 2023, 6)

Kon naglisod ko sa pagbag-o sa usa ka gawi, asa ko kinahanglang magsugod?

Si Presidente Henry B. Eyring sa Unang Kapangulohan mitudlo:

Kadaghanan kanato may pipila ka kasinatian mahitungod sa mga paningkamot sa kaugalingong paglambo. Ang akong kasinatian mitudlo kanako niini mahitungod kon giunsa sa mga tawo ug sa mga organisasyon sa paglambo: ang labing maayong dapit nga tan-awon mao ang gagmay nga mga kausaban nga atong mahimo sa mga butang nga kanunay natong gihimo. Adunay gahum sa pagkamakanunayon ug sa pagbalik-balik. Ug kon kita magiyahan pinaagi sa inspirasyon sa pagpili sa hustong gagmay nga mga butang nga usbon, ang mapadayunong pagkamasulundon magdala og dakong paglambo. ( “The Lord Will Multiply the Harvest” [gabii sa General Authority, Peb. 6, 1998], 95)

Asa ko makakat-on og dugang bahin sa pag-ugmad og maayong mga gawi?

“Si Jesukristo motabang kaninyo,” Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022), 6–9.

“Ang Inyo bang mga Kinaiya sa Pagsagubang Nagtabang o Naghatag og Kadaot Kaninyo?,” Liahona, Agosto 2023, 30–33.

“Ang Inyong Tanaman sa mga Posibilidad,” Alang sa Kalig-on sa mga Kabatan-onan, Hunyo 2023, 12–14.

Dugang nga mga Kalihokan sa Pagkat-on

Alang sa Kalig-on sa mga Kabatan-onan nga giya nga basahon

Kon para nimo makabenepisyo ang mga estudyante sa paghisgot sa mga paagi diin tabangan ta sa Langitnong Amahan ug ni Jesukristo nga mabag-o ang atong mga nabatasan, pwede nimong basahon ang “Paghimo og dinasig nga mga pagpili” ug “Si Jesukristo motabang kaninyo” diha sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022).

Pwedeng parespareson ang mga estudyante. Pwedeng basahon sa kada pares ang usa sa mga seksiyon ug ipakigbahin ang ilang nakat-onan ngadto sa usag usa.

Gipaposible ni Jesukristo ang pagbag-o

Pwede nimong gamiton ang bidyo nga “Inspiring Short: Putting off the Natural ‘Horse’” (1:44) aron tabangan ang mga estuydante nga makita kon sa unsang paagi posible ang pagbag-o. Si Elder Carl B. Cook sa Seventy mipakigbahin og tambag bahin sa kon unsaon nato pagbuntog ang atong mga kalagmitan nga kinaiyanhon nga tawo (tan-awa ang Mosiah 3:19) ug tumana ang kabubut-on sa Ginoo diha sa atong kinabuhi. Dapita ang mga estudyante sa pagpakigbahin kon unsay ganahan nila niini nga istorya.

Pag-ila kon sa unsang paagi maimpluwensiyahan sa atong mga emosyon ang atong mga gawi

Pwede nimong gamiton ang bidyo nga “Taking Charge of Technology: Remedies” (3:45) ingon nga ehemplo sa pag-ila kon sa unsang paagi maimpluwensiyahan sa atong mga emosyon ang atong mga gawi ug kon sa unsang paagi nato mabag-o ang atong mga gawi. Human matan-aw ang bidyo, pwede nimong hangyoon ang mga estudyante nga ipakigbahin ang mga binuhatan nga gikan sa bidyo nga ilang gikinabuhi o gusto nilang sulayan.

3:46