Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Pag-atiman sa Atong Pisikal nga Lawas: Pagpalambo sa Atong Pisikal ug Emosyonal nga Kahimsog

“Pag-atiman sa Atong Pisikal nga Lawas: Pagpalambo sa Atong Pisikal ug Emosyonal nga Kahimsog,” Manwal sa Magtutudlo sa Seminary sa Daang Tugon (2026)

“Pag-atiman sa Atong Pisikal nga Lawas: Pagpalambo sa Atong Pisikal ug Emosyonal nga Kahimsog,” Manwal sa Magtutudlo sa Seminary sa Daang Tugon

Pisikal ug Emosyonal nga Kahimsog: Leksiyon 182

Pag-atiman sa Atong Pisikal nga Lawas

Pagpalambo sa Atong Pisikal ug Emosyonal nga Kahimsog

Gihatagan kita sa Langitnong Amahan og pisikal nga mga lawas ingon nga bahin sa Iyang plano nga kita mahisamaNiya. (tan-awa ang “Ang Pamilya: Usa ka Pamahayag ngadto sa Kalibotan,” ChurchofJesusChrist.org). Apan ang atong pag-atiman sa atong lawas dili lang makaapektar sa atong umaabot, apektado usab niini ang atong gibati karon. Kini nga leksiyon makatabang sa mga estudyante nga masabtan kon sa unsang paagi apektado ang atong pisikal ug emosyonal nga kahimsog sa atong mga pagpili.

Pag-andam sa estudyante: Dapita ang mga estudyante nga hunahunaon ang ilang pagpili sa kahimsog (pagkaon, pagkatulog, pag-ehersisyo, ug uban pa) sa miaging semana. Awhaga sila nga timbang-timbangon kon sa unsang paagi kadtong mga pagpili nakaapekto sa ilang gibati sa pisikal ug emosyonal nga paagi.

Posibleng mga Kalihokan sa Pagkat-on

Pisikal ug emosyonal tang maapektohan sa atong mga pagpili

Ang mosunod nga senaryo gigamit sa tibuok leksiyon aron tabangan ang mga estudyante nga masabtan kon sa unsang paagi ang maayo ug dili maayong mga desisyon nga atong himoon sa kada adlaw makaapektar nato sa pisikal ug emosyonal. Ang senaryo naggamit sa ngalan nga “Maya,” apan pwede nimong dapiton ang mga estudyante nga mopili og ngalan o dugangan o usbon ang mga detalye sa istorya.

Pila ka semana nang mibatig kakapoy ug walay kadasig si Maya. Gipakita sa mosunod nga hulagway ang pipila sa mga pagpili nga gihimo ni Maya nianang panahona.

Late night office work with tired woman sleep on desk illustration.

Unsa ang pipila ka gihimong pagpili ni Maya nga mahimong makaapektar sa iyang gibati?

Hisgotan tingali sa mga estudyante nga dugay siyang matulog, dili sustansyado ang iyang gipangkaon, ug nabalda siya sa iyang selpon. Pwede nimong dapiton ang mga estudyante nga idugang ang mga pagpili sa mga tin-edyer diha sa inyong dapit nga posibleng anaay negatibong epekto sa ilang pisikal ug emosyonal nga kahimsog.

Makatabang tingali ang pagpasabot sa mga estudyante nga, ingon nga bahin sa plano sa kalipay sa Langitnong Amahan, suod nga konektado ang atong mga lawas ug espiritu (tan-awa ang Doktrina ug mga Pakigsaad 88:15). Busa, ang atong mga pagpili bahin sa atong kahimsog adunay mas dakong epekto nato kay sa basta pagbati lang sa pisikal.
Sa unsang paagi ang mga pagpili ni Maya makaapektar sa iyang gibati sa pisikal? sa emosyonal?
Unsa ang uban pang mga pagpili nga atong mahimo nga makaapektar sa atong gibati samtang atong giatiman ang atong pisikal nga mga lawas?

Pwede nimong ilista sa pisara ang mga tubag sa mga estudyante sa nag-unang pangutana gamit ang duha ka kolum, “maayo” ug “dili maayo” nga mga pagpili. Pwedeng gamiton sa mga estudyante ang mga tubag diha sa pisara o lain nga ilang mahunahunaan og maghimo og kaugalingon nilang tubag aron kompletohon ang tsart sa sunod nga kalihokan

Himoa ang mosunod nga tsart diha sa inyong journal sa pagtuon. Ilista ang maayo ug dili maayo nga mga kalihokan diha sa unang tulo ka kahon nga nakaapektar sa imong gibati atol sa milabayng semana. Samtang magtuon kamo, dapita ang Espiritu Santo nga tabangan kamong mailhan ang mga paagi nga mapalambo ninyo ang inyong pag-atiman sa inyong lawas ug ilista kini sa kahon 4.

1. Mga pagpili nga wala nako himoa	2. Mga pagpili nga pila ka beses nakong gihimo
3. Mga pagpili nga kanunay nakong himoon	4. Mga pagpili nga pwede nakong himoon

Magdalag mga panalangin ang pag-atiman sa atong pisikal nga lawas

Ihanduraw nga nag-istorya mo ni Maya, nga mipakigbahin, “Unta dili na ko perming mobatig kakapoy ug kaluya.” Nakita nimo nga wala makabantay si Maya nga naapektohan siya sa iyang mga pagpili.

Pag-andam og tubag nga adunay mga kasulatan ug mga pagtulun-an gikan sa mga lider sa Simbahan nga makatabang aron makasabot sa usa ka tawo parehas kang Maya:

Kon sa unsang paagi ang iyang mga pagpili nakaapektar kaniya sa pisikal ug emosyonal.
Nganong nagpakabana ang Dios kon giunsa nato pag-atiman ang atong lawas.
Ang panalangin nga gisaad sa Dios niadtong nag-atiman sa ilang lawas.

Tabangan kita sa Manluluwas nga mohimog maayong mga pagpili

Posibleng apil sa mga kamatuoran nga mailhan sa mga estudyante gikan sa handout maglakip sa tungod kay ang atong lawas gasa gikan sa Dios, Siya naglaom nga atimanon nato kini.

Aron tabangan ang mga estudyante nga maghunahuna kon unsang paagi ang Langitnong Amahan ug si Jesukristo makatabang nila sa pag-atiman sa ilang lawas, hisgoti ang pangutana nga sama sa mosunod:

Sa unsang paagi nimo nakita kon giunsa pagpanalangin sa Ginoo kadtong kinsa naningkamot sa pag-atiman sa ilang pisikal nga lawas?
Sa unsang paagi motabang nato ang Langitnong Amahan ug si Jesukristo sa paghimog maayong mga pagpili sa pag-atiman sa atong lawas, bisan pa kon gibati nato nga dili gusto?

Ikonsiderar ang pagdapit sa mga estudyante nga idugang ngadto sa seksiyon 4 sa maayong mga pagpili nga tsart diha sa sinugdanan sa leksiyon.

Tan-awa ang tsart nga inyong gihimo diha sa inyong journal sa pagtuon. Idugang ang inyong mga tubag sa mosunod nga mga pangutana:

Gikan sa unsay inyong gitun-an, asa nga mga pagpili ang inyong ipahiangay aron mapalambo ang inyong pisikal ug emosyonal nga kahimsog?
Unsaon ninyo pag-apil ang Langitnong Amahan ug si Jesukristo diha sa imong mga paningkamot?

Pwede nimong taposon pinaagi sa imong pagpamatuod sa Langitnong Amahan, Iyang plano sa kaluwasan, ug mga panalangin nga imong nakita tungod sa pagpaningkamot sa paghimog maayong mga pagpili.

Dugang nga mga Kapanguhaan

Nganong kinahanglan nakong ampingan ang akong pisikal nga lawas karon?

Si Bishop Gérald Caussé, sa Tigdumalang Bishopric mitudlo:

Ang pipila kaninyo tingali maghunahuna nga isip batan-ong mga tawo dili kamo madutlan sa pisikal nga mga kadaot. Sa katugbang, ang mga batasan nga inyong naestablisar karon kalabot sa inyong personal nga kaayohan, makaapektar kaninyo sa temporal ug espirituwal nga paagi sa tibuok ninyong kinabuhi. Ang inyong tumong kinahanglan dili sa pagsunod sa kawang nga uso sa kalibotan. Dili lang kini usa ka pangutana sa pagkawala sa pipila ka tambok sa inyong lawas o pag-alsa og dugang nga baynte libras aron mas matso nga tan-awon kay sa inyong kauban sa kwarto! Ang tumong mao nga mas momaayo ang pamati ug mabalanse sa inyong temporal ug espirituwal. Mohatag kini ninyo sa labing maayo nga higayon nga makabaton og tibuok kinabuhi nga himsog nga panglawas, nga mohatag ninyo og kalipay ug pagsalig sa inyong mortal nga mga abilidad ug mas maayong pagsabot sa inyong mahangtorong potensyal. (“Harmony of Body and Spirit: A Key to Happiness,” [debosyonal sa Brigham Young University, Okt. 13, 2020], 5, speeches.byu.edu)

Si Presidente Dieter F. Uchtdorf, kanhi sa Unang Kapangulohan, mipakigbahin:

Daw lain hunahunaon ang pagbaton og relasyon uban sa atong kaugalingon, apan naghimo kita niini. Ang pipila ka mga tawo dili igkasabut ang ilang kaugalingon. Ilang gisaway ug gipakaubos ang ilang kaugalingon sa tibuok adlaw hangtud nga magsugod sila og kasuko sa ilang kaugalingon. Akong isugyot nga inyong minusan ang inyong pagdali-dali ug mogahin og gamayng panahon nga mas maila-ila ninyo ang inyong kaugalingon. … Kat-uni ang pagtan-aw sa inyong kaugalingon sama sa pagtan-aw sa Langitnong Amahan kaninyo—isip Iyang bililhon nga mga anak nga adunay balaang potensyal. (“Kabahin sa mga Butang nga Labing Mahinungdanon,” Liahona, Nob. 2010, 22)

Unsay angay nakong buhaton kon maglisod ko sa paghimog maayong pagpili nga maylabotan sa kong pisikal nga lawas?

Si Elder David A. Bednar sa Korum sa Napulog Duha ka Apostoles mitambag:

14:33

Kita dili makaangkon og kahingpitan niini nga kinabuhi, apan makahi-mo kita ug kinahanglan kita nga mopadayon sa unahan nga may hugot nga pagtuo kang Kristo subay sa higpit ug pig-ot nga dalan ug magkanunay pag-usbaw padulong sa mahangturong padulngan. Ang paagi sa Ginoo sa espirituhanong paglambo mao ang “pagtulun-an human sa usa ka pagtulun-an, lagda human sa usa ka lagda, diyutay dinhi ug diyutay didto” (2 Nephi 28:30). Ang gamay, makanunayon, magtubo sa espirituhanong pag-uswag nga mga lakang ang buot sa Ginoo nga atong buhaton. Ang pagpangandam nga maglakaw nga walay kasaypanan sa atubangan sa Dios usa sa nag-unang mga katuyoan sa mortalidad ug ang paningkamot sa tibuok kinabuhi; kini dili resulta sa panagsang paninguha og mainiton nga espirituhanong kalihokan.

Ako mosaksi nga ang Manluluwas molig-on ug motabang kanato sa paghimo og malungtaron nga inanay nga pag-uswag. (“Limpyo nga mga Kamot ug Putli nga Kasingkasing,” Liahona, Nob. 2007, 82)

Dugang nga mga Kalihokan sa Pagkat-on

Dugang nga mga kapanguhaan sa paghimog maayong mga pagpili

Samtang tun-an sa mga estudyante ang handout, makahatag kag dugang nga mga kapanguhaan nga motabang nila sa pagtubag sa mga pangutana ni Maya.

Mga Gawi sa Pagkaon on Himsog nga Pagkaon: “Ang Pulong sa Kaalam: Unsa ang Apil, Unsay Dili,” New Era, Ago. 2019, 26–27
Imahe sa Himsog nga Panglawas: “More Than a Body: Seeing as God Sees,” New Era, Ago. 2019, 8–11
Mga Gawi sa Pagkatulog: “Six Ways to Get Your ZZZs,” Liahona, Mar. 2003, 68–69
Aktibong Paagi sa Pagkinabuhi: “Move More, Stress Less!” Ensign, Aug. 2004, 58–59
“Mga Panalangin sa Pulong sa Kaalam,” Liahona, Ago. 2021, 49

Makita ang Dugang nga mga Kapanguhaan sa Healthy Living.

Ang pag-atiman sa atong lawas makaapektar sa atong pagbati

Makabenepisyo tingali ang mga estudyante nga mas masabtan kon sa unsang paagi ang mga pagpili sa pesrsonal nga panglimpyo makaapektar sa atong gibati sa pisikal ug emosyonal. Ang mosunod pwedeng dugang nga pangutana panahon sa kalihokan sa handout.

Sa unsang paagi ang akong personal nga kalimpyo makaapektar sa akong pagbati?

Doktrina ug mga Pakigsaad 42:41
2 Mga Taga-Corinto 7:1
“Kinatibuk-ang mga Sumbanan alang sa Pamustura,” Mga Sumbanan sa Misyonaryo alang sa mga Disipulo ni Jesukristo, 4.9.2

Si Presidente Gordon B. Hinckley (1910–2008) mitudlo sa mosunod:

Pagkagwapa sa usa ka batan-ong babaye nga maayog pamustura nga hinlo sa lawas ug hunahuna. Siya usa ka anak nga babaye sa Dios nga ikapasigarbo sa Mahangtorong Amahan. Pagkagwapo sa batan-ong lalaki nga maayog pamustura. Siya anak nga lalaki sa Dios, nga angayan sa paggunit sa balaang pagkapari sa Dios. (“A Prophet’s Counsel and Prayer for Youth,” Liahona, Ene. 2001, 2)

Ang kaimportante sa atong pisikal nga mga lawas

Aron suportahan ang kamatuoran nga ang atong pisikal nga mga lawas mao ang bahin sa plano sa Langitnong Amahan, pwede nimong ipasalida ang mosunod nga mga video:

2:48
Lawrence E. Corbridge, “Inspiring Short: The Miracle of the Ordinary” (3:00)

Dayon pangutan-a ang ma estudyante kon sa unsang paagi ang pag-atiman sa atong pisikal nga mga lawas motabang nato nga bug-os nga matuman ang atong paglalang ingon nga bahin sa plano sa Langitnong Amahan.