Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Pagtukod og Emosyonal nga Kalig-on diha sa Ginoo: Ang Manluluwas Makatabang Nato nga Mouswag ang Atong Emosyonal nga Kalig-on

“Pagtukod og Emosyonal nga Kalig-on diha sa Ginoo: Ang Manluluwas Makatabang Nato nga Mouswag ang Atong Emosyonal nga Kalig-on,” Manwal sa Magtutudlo sa Seminary sa Daang Tugon (2026)

“Pagtukod og Emosyonal nga Kalig-on diha sa Ginoo: Ang Manluluwas Makatabang Nato nga Mouswag ang Atong Emosyonal nga Kalig-on,” Manwal sa Magtutudlo sa Seminary sa Daang Tugon

Pisikal ug Emosyonal nga Kahimsog: Leksiyon 181

Pagtukod og Emosyonal nga Kalig-on diha sa Ginoo

Ang Manluluwas Makatabang Nato nga Mouswag ang Atong Emosyonal nga Kalig-on

A young boy shielding himself from flying objects.

Unsa ka kamaayo sa pag-atubang sa imong emosyonal nga mga hagit? Ang lisod nga mga pagbati normal nga bahin sa kinabuhi. Mouswag ang atong abilidad nga matinud-anong molahutay niini nga mga pagbati samtang mosalig kita sa kalig-on ug gahom sa Langitnong Amahan ug ni Jesukristo. Kini nga leksiyon makatabang sa mga estudyante nga mokuha og kusog gikan sa Langitnong Amahan ug ni Jesukristo aron masagubang nila ang ilang emosyonal nga mga hagit.

Pagpangandam sa estudyante: Dapita ang mga estudyante sa paghunahuna o pagpangutana og usa ka tawo nga ilang nailhan bahin sa ilang mga kasinatian sa pagsagubang sa lisod nga mga pagbati. Kon angay, mahimo silang mopakigbahin sa kasinatian diha sa klase.

Posibleng mga Kalihokan sa Pagkat-on

Ang mga bagyo sa atong kinabuhi

Fallen tree and rootball in yard after tornado destruction in Albany, Georgia, USA, January 2017. (horiz)

Cutaway showing the roots of a tree growing in windy conditions.

Sa pagsugod sa klase, ikonsiderar ang pagpakita og hulagway sa usa ka kahoy nga naibot sa mga bagyo ug hulagway sa laing kahoy nga nagpabiling lig-on ug wala maibot. Pwede usab nimong dapiton ang usa ka estudyante nga magdrowing og kahoy diha sa pisara samtang drowingon sa nahibiling mga sakop sa klase ang susamang kahoy diha sa ilang mga journal sa pagtuon. Sa wala nga bahin sa kahoy, ikonsiderar ang paghangyo sa mga estudyante nga ilista ang pipila sa lisod nga mga emosyon nga atubangon sa mga tin-edyer.

Ang mga emosyon mao ang normal nga tubag sa lawas sa inadlawng mga kasinatian. Usahay, kini nga mga pagbati gaan ug sayon ra idumala, sama sa huyohoy sa hangin sa ting-init. Usahay, makasinati ta og lisod nga mga emosyon nga sama sa mga alimpulos.

Ang mga kahoy nga naigo sa mga alimpulos sagad naay mga gamot nga mas paspas modako, mas baga, ug mas lagyo ang katag, nga maoy mopalig-on sa kahoy aron makalahutay. Samtang kusokusohon kini sa hangin, maghimo usab ang kahoy og mga estraktura sa cell aron mas mobaga ang punoan ug mga sanga niini. Sa samang paagi, ang pagkat-on sa pagtubag sa emosyonal kaayo nga mga sitwasyon pinaagi sa pagsunod sa Manluluwas mopalig-on sa atong abilidad nga makapadayon.

Sa imong journal sa pagtuon, isulat ang pipila ka emosyonal nga mga bagyo nga imong giatubang sa una o sa karon.

Naghisgot bahin sa mga bagyo sa kinabuhi, si Elder Neil L. Andersen sa Korum sa Napulog Duha ka Apostoles mitudlo:

15:55

Kamo mas bililhon gayud ngadto sa Dios kay sa kahoy. Kamo Iyang mga anak. Siya mihimo sa inyong espiritu nga lig-on ug dili mabali sa mga alimpulos sa kinabuhi. Ang mga alimpulos sa inyong kabatan-on, sama sa mga hangin nga mohuros sa linghod nga kahoy, makapalambo sa inyong espirituhanong kalig-on, mag-andam kaninyo alang sa katuigan nga moabut. (“Espirituhanong mga Alimpulos,” Liahona, Mayo 2014, 18)

Sa unsang paagi makatabang ang mensahe ni Elder Andersen sa usa ka tin-edyer nga gibati ang kabug-at sa emosyonal nga mga bagyo?

Ikonsiderar ang pagpakigbahin nga ang abilidad sa paglahutay niini nga mga bagyo gitawag og emosyonal nga kalig-on. Pwede nimong ipakigbahin nga sa tibuok tuig, makakat-on ang mga estudyante og mga kahanas nga motabang nila nga mouswag ang ilang emosyonal nga kalig-on.

Makatabang ang pagpauswag sa atong emosyonal nga kalig-on aron maugmad nato ang nahiangayng mga paagi para makaya nato ang lisod nga mga hunahuna ug mga pagbati nga atong nasinatian. Makakat-on kita sa pag-ila kon giunsa kita paglig-on sa Langitnong Amahan ug ni Jesukristo dihang mobati ta og ingon niini ug dihang aghaton kita nila nga tinguhaon ang dugang tabang.

Samtang magtuon ka, dapita ang Espiritu Santo nga tabangan kang mailhan ang mga paagi nga mahimong tinguhaon nimo ang tabang sa Langitnong Amahan ug ni Jesukristo dihang makasinati ka og emosyonal nga mga bagyo.

Nagsaad ang Manluluwas nga ubanan ug lig-onon kita

Aron tabangan ang mga estudyante nga makita ang ehemplo sa makapalig-on nga gahom sa Ginoo, ikonsiderar ang pagpakigbahin sa istorya ni Josue. Natun-an na tingali sa mga estudyante ang asoy ni Josue nga gitawag sa Ginoo sa pagdumala sa Israel human ni Moises diha sa Leksiyon 61: “Josue 1.”

Lisod ang sitwasyon ni Josue dihang mipuli siya sa tahas nga propeta ug lider sa militar nga maoy responsable sa pagtukod og usa ka bag-ong nasod sunod sa pagpangulo ni Moises.

Sa imong hunahuna, unsa nga mga emosyon kaha ang imong bation kon ikaw pa ang anaa sa sitwasyon ni Josue?

Basaha ang Josue 1:1, 5–9, nga pangitaon kon unsay gisaad sa Ginoo kang Josue samtang gisagubang niya kini nga mga hagit.

Unsay atong makat-onan nga makatabang nato sa pag-atubang sa mga hagit sa kinabuhi?

Kompletoha ang mosunod nga mga pag-aghat diha sa imong journal sa pagtuon ubos sa drowing nga kahoy.

Ihulagway ang imong abilidad sa pagsagubang sa emosyonal nga mga hagit. Para nimo unsang mga emosyon ang kaya ra kaayo nimo? Unsa ang tingali malisdan pa gihapon ka?
Ihulagway ang imong abilidad sa pagdawat sa tabang sa Ginoo alang niini nga mga emosyon. Unsang mga kalamposan ang imong naangkon? Unsay imong nasulayan nga dili epektibo ingon man usab ang imong gilaoman?

Ang pagpamalandong sa kasulatan nagtabang nato aron mabati ang kalig-on sa Ginoo

Basaha ang Josue 1:8, nga mangita pag-usab kon unsay nakatabang kang Josue sa pagsunod sa Ginoo.

Unsay imong nakaplagan?

Pwede nimong ipasabot nga samtang giatubang ni Josue ang iyang mga hagit, gisultihan siya sa Ginoo nga pamalandongan ang mga kasulatan (“basahon sa balaod”) adlaw ug gabii (tan-awa ang Josue 1:8). Ikonsiderar ang pagpasabot nga ang usa ka paagi nga atong makaplagan ang kalig-on sa emosyon diha sa Ginoo mao ang pagpamalandong sa mga kasulatan.
Sa unsang paagi ang pagpamalandong sa mga pulong sa Ginoo motabang niadtong nag-atubang og emosyonal nga mga hagit?

Samtang nagtan-aw sa lista sa mga emosyon diha sa pisara, pangitag usa o kapin pang mga tudling sa kasulatan nga makatabang tingali sa usa ka tawo nga mibati niini nga mga emosyon.

Pwedeng pangitaon sa mga estudyante ang mga kasulatan pinaagi sa pagtan-aw sa mga tudling sa doktrinal nga kahanas o sa Giya ngadto sa mga Kasulatan, nga pangitaon ang mga pulong nga sama sa “paghupay,” “kalinaw,” “kalig-on,” o “paglaom.” Tingali makatabang usab ang artikulong “12 ka Kasulatan alang sa Higayon nga Kamo Mobati nga…” (Alang sa Kalig-on sa mga Kabatan-onan, Mar. 2024, 41). Samtang ipakigbahin sa mga estudyante ang mga kasulatan, ilista ang kasulatan sa tuong bahin sa kahoy tupad sa emosyon nga ilang napili. Ang mosunod mao ang mga ehemplo nga ipakigbahin tingali sa mga estudyante.

Nabug-atan: Isaias 40:28–31.

Nahadlok: Juan 14:27

Naguol: Pagpadayag 21:3–5

Nakalimtan: Lucas 12:6–7

Nawad-an og paglaom: Isaias 43:1–2, 5

Nag-inusara: Doktrina ug mga Pakigsaad 68:6

Pamalandongi ang Iyang pulong

Aron tabangan ang mga estudyante nga magpraktis sa pagpamalandong sa mga kasulatan dihang mag-atubang og mahagitong mga emosyon, ipakita ang mosunod.

Pagpili og emosyon nga nalista sa pisara nga gibati nimo karon o sauna. Basaha ang kasulatan tupad sa emosyon ug pamalandongi ang mga pulong sa bersikulo pinaagi sa pagpangutana sa imong kaugalingon og sama niini:

Unsang mga pulong o hugpong sa mga pulong ang makatabang dihang mobati ko og ingon niini?
Unsa ang nakatabang kanako niini nga kasulatan nga masabtan ang mahitungod sa gugma ug gahom sa Ginoo?

Human ang igong panahon, pwede nimong dapiton ang mga estudyante nga ipakigbahin ang emosyon nga ilang napili, ang kasulatan nga ilang gipamalandongan, ug kon nganong gibati nila nga ang pagpamalandong sa mga pulong sa Ginoo motabang nila aron makakaplag og dugang emosyonal nga kalig-on diha Kaniya.
Kanus-a ka o ang imong kaila nakakaplag og kahupayan o kalig-on sa Langitnong Amahan ug ni Jesukristo tungod sa pagpamalandong sa usa ka tudling sa kasulatan?

Ikonsiderar ang pagtapos sa klase pinaagi sa pagpakigbahin sa kaugalingon nimong kasinatian diin nabati nimo ang paghupay o kalig-on sa Ginoo gikan sa usa ka tudling sa kasulatan. Dapita ang mga estudyante nga padayong mosalig sa mga kasulatan nga motabang aron mabati nila ang gahom sa Langitnong Amahan ug ni Jesukristo samtang nag-atubang og emosyonal nga mga kalisdanan.

Dugang nga mga Kapanguhaan

Unsaon nato pagpangandam para sa mga emosyonal nga mga bagyo sa kinabuhi?

Si Elder D. Todd Christofferson sa Korum sa Napulog Duha ka Apostoles mitudlo:

23:27

Ang pagsabot sa plano sa atong Langitnong Amahan bahin sa katubsanan—labi na ang mahinungdanong elemento niana nga plano, ang Pag-ula ni Jesukristo—naghatag gayod og kaseguroan. Kini makaugmad ug makapreserbar sa espirituwal ug sa emosyonal nga kalig-on—nahibalo sa mga pangutana sa atong pagpakabuhi ug sa atong katuyoan sa mortal nga kinabuhi. Kita nagtudlo, pinaagi sa lagda ug ehemplo, kon kang kinsa sila motan-aw alang sa kalingkawasan ug suporta. Tugoti nga ang mga pulong sa Manluluwas magpabilin sa ilang kasingkasing: “Gisulti ko kini kaninyo aron nga dinhi kanako makabaton kamog kalinaw. Paantoson kamo sa kalibotan: apan ayaw kahadlok; kay nabuntog ko na ang kalibotan.” Ang atong pakigsaad nagbugkos kanato ngadto Kaniya, ug uban Kaniya kita usab makabuntog sa kalibotan. (“Salig sa Dios,” S&I nga Tinuig nga Sibya, Ene. 26, 2024], broadcasts.ChurchofJesusChrist.org)

Nganong kinahanglan kita nga makakat-on sa pagsalig ni Jesukristo alang sa tabang para sa mga emosyon?

Si Presidente Jeffrey R. Holland sa Korum sa Napulog Duha ka Apostoles miingon:

Niini nga panaw, mag-atubang kamo og mga panahon sa kalisod, personal nga pagsulay, pagkawala sa kadasig, ug kasagmuyo nga mahimong mabati nga sobra ra kaayo. Tingali gibati ninyo nga nalit-ag sa ingon nga panahon karon gayod.

Atol niana nga mga panahon, palihog hinumdomi nga ang inyong Langitnong Amahan nahigugma kaninyo. Gibuhat Niya kanunay, ug buhaton Niya kanunay. Tungod sa Iyang walay kataposan ug hingpit nga gugma, Siya mipadala sa Iyang Anak, si Jesukristo, aron sa paglig-on kaninyo ug pagtabang kaninyo nga mopadayon sa pag-uswag. Ug si Jesus mianhi tungod kay Siya usab nahigugma gayod og maayo kaninyo. (“Pangitaa ang Inyong Kalig-on diha kang Jesukristo,” Alang sa Kalig-on sa mga Kabatan-onan, Mar. 2024, 4)

Si Sister Tracy Y. Browning sa Kinatibuk-ang Kapangulohan sa Primary mipasabot:

Nabunyagan ko sa dihang 16 anyos ko ug nagpuyo sa Dakbayan sa New York. Sa sinugdanan gibati nako nga naggahin ko og daghang panahon sa pagbalanse tali sa akong bag-ong nakaplagan nga pagtuo, uban sa pakigsaad nga relasyon sa Dios niini, ug sa akong mga relasyon sa mga higala.

Nabalaka ko nga wala kaayoy mga higala sa eskwelahan nga akong masuod. Apan ang akong mga higala naanad sa pagbuhat sa mga butang nga akong naamgohan nga makadaot sa akong espiritu ug wala nahiuyon sa akong pagdala sa akong kaugalingon sa ngalan ni Jesukristo. Nasayod ko nga gusto ni Jesukristo nga mohimo ko og mas maayo nga mga pagpili.

Unsay wala nako masayri mao nga kon ang Manluluwas nakasabot ba nga nagkasupak ang akong mga gibati. Nahimong mas lisod ang matag adlaw samtang gidapit ko sa pagbuhat sa mga butang nga nasayod ko nga dili maayo. Usahay nangatorangan ko nga kini dili makadaot, apan nasayod ko nga akong gikompromiso ang mga butang nga kinahanglang dili nako ikompromiso.

Gikinahanglan nakong masayod nga ang Manluluwas nakasabot kon unsa ang pag-inusara ug pagkasad-an ang akong gibati sa dihang gikonsiderar gani nako ang pagpaubos sa mga sumbanan sa ebanghelyo aron makabati ko og pagkahisakop sa akong mga higala. Gibati nako nga ingon og nalumos ko. Gikinahanglan nako og pagluwas. Gikinahanglan nako si Jesukristo.

Ang akong relasyon kang Jesukristo milig-on sa dihang nakaplagan nako sa akong kaugalingon kon nganong gikinahanglan nako Siya. (“Nganong Nagkinahanglan Ko ni Jesukristo,” Alang sa Kalig-on sa mga Kabatan-onan,” Mar. 2024, 11)

Dugang nga mga Kalihokan sa Pagkat-on

Mga istorya sa matinud-anong nakatutok ngadto ni Jesukristo

Makabenepisyo tingali ang mga estudyante sa pagkakita kon sa unsang paagi ang ubang tinun-an ni Kristo misalig Kaniya para sa emosyonal nga kalig-on ug suporta. Daghang mga istorya alang sa lainlaing emosyonal nga mga hagit ang anaa sa “Pagdawat og Pagluwas gikan sa Atong mga Panglimbasog pinaagi sa Langitnong Amahan ug ni Jesukristo” (Liahona, Okt. 2022, digital lamang). Pwede kang mopili og usa sa mga istorya diha sa artikulo nga may kalabotan sa imong klase. Pwede tingali nimong dapiton ang mga estudyante nga mopili og usa ka istorya nga parehas sa ilang personal nga mga pakigbisog.

Ang bidyo nga “Paminawa Siya aron Makakaplag og Kalinaw Panahon sa Kagubot” (2:02) makatabang tingali sa mga estudyante nga mabati ang gahom sa Manluluwas sa paglig-on kanila bisan unsa pa ang emosyonal nga mga hagit nga ilang giatubang.

2:2

Ilha ang emosyonal nga mga kasinatian

Makabenepisyo tingali ang mga estudyante sa pagrebyo sa pipila sa mga kapanguhaan nga anaa sa MentalHealth.ChurchofJesusChrist.org. Pwedeng gamiton ang worksheet nga “Pag-atubang sa mga Hagit: Usa ka Giya sa Pagtabang sa Kaugalingon” aron tabangan ang mga estudyante nga mas mailhan unsa nga mga emosyon ang ilang gibati. Makatabang tingali kini nila nga mailhan ang emosyonal nga mga hagit nga ilang gisinati ug kon sa unsang paagi sila gipalig-on sa Manluluwas.