Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Foiaina o Lagona o le Ita: Tali Atu i le Ita e Ala i le Mulimuli i le Faaola

“Foiaina o Lagona o le Ita: Tali Atu i le Ita e Ala i le Mulimuli i le Faaola,” Tusi Lesona a le Faia’oga Seminare o le Feagaiga Tuai (2026)

“Foiaina o Lagona o le Ita: Tali Atu i le Ita e Ala i le Mulimuli i le Faaola,” Tusi Lesona a le Faia’oga Seminare o le Feagaiga Tuai

Soifua Maloloina Faaletino ma Faalelagona: Lesona 186

Foiaina o Lagona o le Ita

Tali Atu i le Ita e Ala i le Mulimuli i le Faaola

The Old Testament characters Jacob and Esau embracing one another. A desert landscape is portrayed in the background.

O se mea masani le lagona o le ita.E ui tatou te ono le mafai ona puleaina tulaga e mafua ai ona tatou lagona le ita, e mafai ona tatou filifili le auala e tali atu ai.Pe a tatou vaavaai atu ia Iesu Keriso, e mafai ona fesoasoani mai o Ia ia i tatou e tali atu i le auala e faapei ona o le a Ia faia.O lenei lesona e mafai ona fesoasoani i tagata a’oga e mulimuli i le faataitaiga a Iesu Keriso pe oo mai lagona o le ita.

Sauniuniga a le tagata a’oga: Valaaulia tagata a’oga e lisi tulaga e ono faaosoosoina ai i latou e tali atu ma le ita.E mafai foi ona latou iloilo pe faafia ona latou feita ma pe faapefea ona latou puleaina nei lagona.

Gaoioiga e Ono Mafai Ona Aoaoina Ai

Omiga faatupulaia

Mafaufau e faaali atu le ata lenei i luga o le laupapa po o le aumai o se apa inu suamalie e le’i tatalaina i le vasega.A o e talanoaina le fesili lenei, e mafai ona e lūlūina le apa inu, ae aua le tatalaina.

O le a se mea e tupu i totonu o le apa inu pe a e lūlūina pea lava pea?O le a se mea e ono tupu pe a e tatalaina?

Mafaufau e faaali atu le ata lenei.Afai na e aumaia se apa inu ma lūlū, aua le tatalaina; e mafai ona e faaauau ona faaali atu i le lesona atoa.

Thirsty man opens a can of shaken up beer during picnic

O a nisi o auala e mafai ona e fesootai ai i lenei faataitaiga i le lagona o le ita?

Afai e manaomia e tagata a’oga se fesoasoani, e mafai ona e faamatala atu o le apa inu e mafai ona sui tulaga ia i tatou, ma o le vai inu suamalie e mafai ona sui tulaga i o tatou lagona.O le lūlūina o le apa e mafai ona atagia mai a tatou faatinoga, tulaga, po o fegalegaleaiga lea e mafai ona taitai atu ai i le omiga faatupulaia (lagona ita) i totonu o i tatou.

E oo uma lava i tagata le ita.E pei lava ona o se mea masani le faateleina o omiga i totonu o se apa inu suamalie ua lūlūina, o se mea masani foi lo tatou oo i lagona ita.Peitai e mafai ona tatou filifili i auala tatou te tali atu ai i nei lagona.

Mafaufau loloto i fesili nei:

I se fua o le 1 i le 5 (1=maualalo; 5=maualuga), e faafia ona e ita?E ono faapefea ona fua e isi [tagata] le aofaiga o taimi e te ita ai?
O le a lau tali atu masani pe a oo mai lagona o le ita?

A o e suesue i le asō, saili mo le taitaiga a le Agaga Paia e fesoasoani ia te oe ia iloa pe o le a faapefea ona fesoasoani le Tamā Faalelagi ma Iesu Keriso ia te oe e pulea lagona o le ita.

O taunuuga o faatinoga e faia ma le ita

Sa i ai ia Isaako ma Repeka se masaga tama o Esau ma Iakopo.I le avea ai ma ulumatua, sa agavaa Esau i le faamanuiaga o le tofi o le ulumatua a lona tamā.O le tofi ulumatua o lona uiga o le a tuufaasolo atu ia Esau meatotino a lona tamā ma avea ma tausi aiga ma taitai faaleagaga.Ae ona o amioga le amiotonu a Esau (tagai i le Kenese 25:31–34; 26:34–35), na tuuina atu ai ia Iakopo le faamanuiaga o le tofi o le ulumatua (tagai i le Kenese 27:1–33).

Faitau le Kenese 27:41–45, vaavaai pe na faapefea ona tali atu Esau ina ua ia iloa ua tuu atu e lona tamā le faamanuiaga o le tofi ulumatua ia Iakopo.

O le a le taunuuga o le ita a Esau?
O a isi taunuuga e ono oo i se tasi mai le faia o faatinoga a o ita?

E ono aoga pe a faamatala atu na valavala lenei auuso e toʻalua mo le 20 tausaga seia oo ina i’u ina la toe faalelei (tagai i le Kenese 33:4).

O le faataitaiga a le Faaola

Mafaufau e faatulaga tagata a’oga i ni paga, ma tuuina atu i tagata a’oga taitasi e faitau se tasi o fuaitau o mau o loo i lalo.A mae’a, ona talanoaina lea e paga taitasi pe o le a faapefea ona tali atu i le fesili o i lalo.

Faitau mau nei, vaavaai po o le a se mea e te aoaoina mai le tali atu i lagona o le ita:

Salamo 103:8

Faataoto 16:32

E faapefea ona e aoteleina mea e mafai ona tatou aoaoina e uiga i le taulimaina o le ita?

Fesoasoani i tagata a’oga ia faailoa se upumoni e pei o le: Pe a telegese lo tatou ita, ua tatou mulimuli i le faataitaiga a le Ali’i.
O le a le uiga ia te oe o le telegese le ita?

Mafaufau i se faataitaiga na telegese ai le to’asa o Iesu.

Afai e manaomia e tagata a’oga se fesoasoani, e mafai ona e faasino i latou i faataitaiga e pei o nei:

Luka 9:51–56 (Na teena Iesu e se nuu Samaria.)
Luka 23:8–11 (Na fesiligia e Herota ia Iesu.)
Ioane 19:3–12 (Na pueina Iesu.)

E faapefea ona fesoasoani lenei mea i se tasi e vaai ai i le auala na tali atu ai Iesu i nei tulaga?

Laasaga o le puleaina o le ita

2026 Old Testament Seminary Teacher Materials

Faaiuga

A uma ona faatumu e tagata a’oga le pepa e tufa atu, mafaufau e fai atu ni fesili nei e talanoaina pe a lava le taimi:

O le a se mea ua e aoaoina i le asō e mafai ona fesoasoani i se tasi o lo o tauivi e puleaina lo latou ita?
O a ni aafiaga na e maua pe na maua e isi i le puleaina o le ita i se ala faaKeriso?

O nisi tagata a’oga e ono lagona e le mafai ona latou le lagonaina le ita.Mafaufau e faauma e ala i le valaaulia o i latou e faitau le Eteru 12:27, vaavaai pe faapefea ona fesoasoani Iesu Keriso i se tasi o lo o tauivi ma soo se vaivaiga.Molimau atu e faapea, talu ai o Lana Togiola, e mafai ai e Iesu Keriso ona liliu o tatou vaivaiga i ni malosiaga—e aofia ai le puleaina o lo tatou ita.

O Puna’oa Faaopoopo

Aisea e taua ai le puleaina o lo’u ita?

Na faapea mai Elder Ulisses Soares o le Korama a Aposetolo e To’asefululua:

14:29

[A]fai tatou te mananao ia le taofiofia le Agaga o le Ali’i i o tatou olaga, e le mafai la ma e le tatau ona iai ni o tatou lagona agaleaga agai i soo se tasi.O le tuuina i o tatou loto po o mafaufau o se avanoa mo lagona po o manatu agaleaga, o le a maua mai ai upu ma amioga agaleaga, pe o luga o ala o faasalalauga agafesootai po o totonu o o tatou aiga, e afua ai ona alu ese le Agaga o le Ali’i mai o tatou loto.(“Talitonuga o le Feagaiga e ala ia Iesu Keriso,” Liahona, Me 2024, 21) (mai le faailo taimi 12:50 i le 13:21)

Na aoao mai Elder Lynn G. Robbins o le Fitugafulu:

7:36

O le ita o se gauai atu ai lea i le faatosinaga a Satani e ala i le faamatuuina atu o lo tatou loto pulea.O le mafaufau-agasala e taitai atu ai i lagona po o amioga faamisa.O le mea faama’ite ita i luga o le alatele, tutuafi i malae taaloga, ma sauaga faalelotoifale i totonu o aiga.

Afai e le taofiofia, e mafai e le ita ona vave amoti se pa pasae o ni upu sauā ma isi ituaiga o sauāga faalelagona ia e mafai ona faamanu’alia ai se loto agamalu.O lenei o “mea e sau mai le gutu,” na fetalai ai le Faaola; “o le mea lea e leaga ai le tagata” (Mataio 15:11).(“Agency and Anger,” Ensign, May 1998, 81) (taimi faailo 5:01 i le 5:35)

Pe mafai e se isi ona faaita a’u?

Na aoao mai e Peresitene Thomas S. Monson (1927–2018):

18:17

O le ita o le faamatuu atu lea i le faatosinaga a Satani.E leai se tasi e mafai ona faia tatou ia tatou feita.O la tatou lava filifiliga.Afai tatou te mananao ia i ai se agaga lelei e faatasi ma i tatou i taimi uma, e tatau ona tatou filifili e aloese mai le ita.Ou te molimau atu e mafai ona faia lena mea.(“School Thy Feelings, O My Brother,” Liahona, Nov. 2009, 67) (mai le taimi 8:34 i le 8:57)

O a ni auala e mafai ona faaalia ai le ita?

Sa fautua mai Peresitene Dieter F. Uchtdorf, a o iai i le Au Peresitene Sili:

[A]fai e oo mai i lo tatou lava faaitu’au ma faitioga, e tele ina tatou ta’uamiotonuina lo tatou ita faapea ua tonu, ma ua na o la tatou faamasinoga e faatuatuaina ma talafeagai.E ui e le mafai ona tatou vaai i le loto o le isi tagata, ae tatou te manatu lava tatou te iloaina se uiga leaga po o se tagata leaga pe a tatou vaaia se tagata faapena.Tatou te faia ni ’alofaga pe a oo mai i o tatou lava le fiafia ona ua tatou lagonaina lena mea, i o tatou tulaga, ua ia i tatou faamatalaga uma tatou te manaomia e ta’uleaogaina ai le isi tagata. …

Ou uso e ma tuafafine, mafaufau i fesili nei e fai ma suega patino mo le tagata lava ia:

Pe o e faafailele se lagona o le ita i le isi tagata?

Pe e te faitatala, e tusa lava pe moni le mea lena e te tautala ai?

Pe e te vavaeesea, tulei ese, pe faasala isi ona o se mea na latou faia?

Pe e te lotovale faalilolilo i le isi tagata?

Pe o e manao e faamanu’a se isi tagata?

Afai o lau tali i soo se tasi o nei fesili o le ioe, e mafai ona e faaaoga le lauga e lua upu na se’i faato’a mavae atu: tuu loa!(“O E Alolofa Atu E Alofaina Mai,” Liahona, Me 2012, 70, 76)

Pe afai o faatinoga i le ita e ta’usalaina e le Ali’i, aisea e masani ai ona faasino atu tusitusiga paia i le toasa o le Atua?

I le Feagaiga Tuai, tatou te faitau ai e uiga i le toasa o le Ali’i (tagai i le Esoto 4:14; Teuteronome 1:37; 4:25; 9:18; Salamo 85:4; Isaia 48:9; 65:3; Ieremia 8:19; 32:30).O le faitau ai e uiga i faamatalaga o le toasa o le Atua, e ono fenumia’i ma taitai atu ai i le le malamalama i tusitusiga paia po o uiga o le Atua.Na faamalamalama mai e Peresitene Dallin H. Oaks o le Au Peresitene Sili o le toasa o le Atua o se faamaoniga lea o Lona alofa:

15:3

“Tatou te toe faitau ai pea lava pea i le Tusi Paia ma i tusitusiga paia i ona po nei i le toatamai o le Atua i e amioleaga ma Lona faatinoina i Lona toasa faasaga ia i latou o e solia Ana tulafono.E faamaonia faapefea e le to’atamai ma le toasa Lona alofa?Na aoao mai e Iosefa Samita e faapea na ‘faatuin[a] e le Atua tulafono ina ia maua ai [e agaga o le a Ia auina mai i le laolagi] se avanoa e alualu ai i luma faapei o ia lava’ [Aoaoga a Peresitene o le Ekalesia: Iosefa Samita (2007), 210].E atoatoa naua le alofa o le Atua, o lea ua Ia finagalo ai ma le agaalofa ia tatou usitai i Ana poloaiga aua ua Ia silafia, e na o le usiusitai lava i Ana tulafono e mafai ai ona tatou atoatoa, e faapei o Ia.Mo lenei mafuaaga, o le toatamai o le Atua ma Lona toasa, e le o se feteenaiga o Lona alofa ae o se faamaoniga o Lona alofa.”(Dallin H. Oaks, “Alofa ma le Tulafono,” Liahona, Nov. 2009, 27) (mai le faailo taimi 4:30 i le 5:22)

Gaoioiga Faaopoopo e Aoao Ai

E mafai ona tatou puleaina le auala tatou te tali atu ai i le ita

Ina ia fesoasoani i tagata a’oga ia malamalama e mafai ona latou puleaina le auala latou te tali atu atu ai i lagona o le ita, mafaufau e fai atu fesili nei:

O a nisi o ’alofaga e faaaoga e tagata e tauamiotonuina ai faatinoga e afua mai le ita?

E ono tali mai tagata a’oga i ni tali e faapei o le: “E pau lava o a’u ia,” “E le’i mafai ona ou teteeina e a’u lava,” “Na ia faaitaina a’u,” ma isi.

Ona mafai lea ona e faaali atu le vitiō “E Manaomia Tagata Faatupu Filemu,” mai le faailo taimi 0:23 i le 1:48, lea e talanoa mai ai Peresitene Nelson e uiga i se foma’i tipitipi na oso lona ita.Po o lou faaali atu o le “Agency and Anger ,” mai le faailo taimi 2:50 i le 3:28, e faaali atu ai le tautalaga a Elder Robbins e uiga i se tagata taalo pasiketipolo a le a’oga maualuga o se na ia aoaoina le auala e pulea ai lona ita.

19:4

7:36

Fesoasoani i tagata a’oga ia iloa pe faapefea e la tatou tali atu i lagona ita ona avea ma se filifiliga, ma e mafai ona tatou faaaoga la tatou faitalia e faatino talafeagai ai.

O le a se taimi na e filifili ai e tali atu ma le talafeagai i lagona ita?
O a ni meafaigaluega e fesoasoani ia te oe e tali lelei atu ai i lou ita?
Aisea e ono avea ai le liliu atu i le Faaola ma meafaigaluega sili ona malosi e tetee atu ai i le ita?(Afai e manaomia e tagata a’oga se fesoasoani i le taliina o le fesili lenei, e mafai ona e faasino i latou i le Eteru 12:27 po o le Alema 7:12.)

Iloiloga faaletagata lava ia

Ina ia fesoasoani i tagata a’oga e iloilo ni o latou lagona ita atonu o iai, e mafai ona e faaaoga le faamatalaga a Peresitene Uchtdorf o lo o i Puna’oa Faaopoopo.E mafai e tagata a’oga ona mafaufau loloto pe faapefea ona latou tali atu i ana fesili ta’itasi.

Fautuaga mo le faatoilaloina o lagona o le ita

Mo tomai faaopoopo mo le faatoilaloina o lagona o le ita, mafaufau e valaaulia tagata a’oga e suesue i fautuaga o lo o maua i le mataupu 3 o le tusi lesona “Fetuunaiga i le Olaga o Faifeautalai Auauna: Tusi Puna’oa.”E mafai ona filifili e tagata a’oga se fautuaga se tasi pe lua latou te mananao e taulai iai.