Fausiaina o le Malosi i Faalelagona i le Alii

O faalogona o le tali masani a le tino i aafiaga o aso uma.O nisi taimi, o nei lagona e māmā ma faigofie ona faafoefoe, e pei o se savili o le taumafanafana.O nisi taimi, tatou te aafia ai i lagona faigata e ono pei o ni asiosio.

O laau e taia e asiosio e masani ona iai a’a e tutupu vave, mafiafia, ma sosolo mamao, ma faamalosiaina ai le gafatia o le laau e tu pea. A o ōia e matagi, e atiina a’e foi e le laau se fausaga o sela o itutino e mafai ai ona mafiafia le ogalaau ma lala.I le auala lava e tasi, o le a’oa’o ai e tali atu i taimi o lagona malolosi e ala i le mulimuli atu i le Faaola, o le a faamalosia ai ou gafatiaga e tumau ai.

O se isi auala, e mafai ona e faaali atu le faamatalaga a Elder Andersen i le mea e tupu i se laau e ōia i matagi i le vitiō “piritual Whirlwinds,” i le faailo taimi 0:00 i le 1:10, mai le ChurchofJesusChrist.org.

15:55

I totonu o lau api talaaga o suesuega, tusi ni nai asiosio faalelagona na feagai ma oe i le taimi ua mavae po o feagai ai i aso nei.

I le talanoaina ai o asiosio o le olaga, na a’oa’o mai Elder Neil L. Andersen o le Korama a Aposetolo e To’asefululua:

15:55

E manino lava e sili atu lou taua i le Atua nai lo o se laau.O oe o Lona atalii po o Lona afafine.Na Ia foafoaina lou agaga ia malosi ma mafai ona tetee atu i asiosio o le olaga.O asiosio i taimi o lou talavou, e pei o le matagi e taia ai se laau mu’a, e mafai ona faateleina ai lou malosi faaleagaga, e saunia ai oe mo tausaga o i luma atu.(“O Asiosio Faaleagaga,” Liahona, Me 2014, 18)

• E mafai faapefea e le savali a Elder Andersen ona fesoasoani i se talavou o loo lagona le mafatia mai asiosio faalelagona?

O le faateleina o lo tatou malosi faalelagona, e fesoasoani ia i tatou e atiina a’e auala talafeagai e taulima ai manatua ma lagona faigata e aafia ai i tatou.E mafai ona tatou a’oa’o ia iloa le ala o lo o faamalosia ai i tatou e le Tamā Faalelagi ma Iesu Keriso pe a ia i tatou lagona faapea, ma pe a uunaia i tatou e saili se fesoasoani faaopoopo.

A o e suesue, valaaulia le Agaga Paia e fesoasoani ia te oe ia faailoa aula e mafai ona e saili ai le fesoasoani a le Tamā Faalelagi ma Iesū Keriso, pe a e aafia i asiosio faalelagona.

Sa iai Iosua i se tulaga faigata a o ia tauaveina le matafaioi o le perofeta ma le taitai au, mo le faavaeina o se nuu fou i le mavae ai o le taitaiga a Mose.

• O a ni lagona e te manatu e ono oo ia te oe pe ana e iai i le tulaga o Iosua?

Faitau le Iosua 1:1, 5–9, vaavaai po o le a se mea na folafola atu e le Alii ia Iosua a o ia feagai ma nei luitau.

• O a ni mea tatou te a’oa’oina e ono mafai ona fesoasoani ia i tatou e feagai ai ma luitau o le olaga?

E ono faailoa mai e tagata a’oga ni upumoni e pei o le a o tatou mulimuli ma le lototele i le Alii, o le a Ia faatasi ma faamalosia i tatou.

Ina ia fesoasoani i tagata a’oga e lagona le mamana o lenei upumoni, e mafai ona e faaali atu le tele o le savali a Elder Andersen i le “Asiosio Faaleagaga,” mai le faailo taimi 1:33 i le 2:12 mai le ChurchofJesusChrist.org, pe faasoa atu lana savali o le konefesi aoao mai le “Asiosio Faaleagaga,” faailo taimi 4:12–4:48.

15:55

15:55

Faamae’a uunaiga nei i totonu o lau api talaaga o suesuega, i lalo ifo o le ata o le laau.

• Faamatala lou gafatia e faafetaiaia ai luitau faalelagona.O a lagona e te manatu e te faatautaia lelei?O le a se mea e lagonaina pea le faafaigata?

• Faamatala lou gafatia e maua ai le fesoasoani mai le Alii mo nei lagona.O a ni manuia na e mauaina?O le a se mea na e taumafaia ae le’i faamanuiaina e pei ona sa e fa’amoemoe iai?

Toe faitau le Iosua 1:8, vaavaai po o le a se mea na ono fesoaosoani ia Iosua e mulimuli ai i le Alii.

• O le a se mea na e mauaina?

  E te ono faailoa atu e faapea, a o feagai Iosua ma ona luitau, na fetalai atu le Alii ia te ia e manatunatu loloto pe mafaufau loloto i tusitusiga paia (“tusi o le tulafono”) i le ao atoa ma le po (tagai i le Iosua 1:8).Mafaufau e faailoa atu o se tasi o auala e mafai ona tatou maua ai le malosi faalelagona i le Alii, e ala lea i le mafaufau loloto i tusitusiga paia.

• E ono mafai faapefea e le mafaufau loloto i afioga a le Alii ona fesoasoani i se tasi i le taulimaina o luitau faalelagona?

I le vaavaai atu i le lisi o lagona i luga o le laupapa, saili se tasi pe sili atu o fuaitau o mau e ono mafai ona fesoasoani i se tasi o lagonaina nei lagona.

Lofituina: Isaia 40:28–31.

Fefe: Ioane 14:27

Faanoanoa: Faaaliga 21:3–5

Faagaloina: Luka 12:6–7

Faavaivai: Isaia 43:1–2, 5

Tuua to’atasi: Mataupu Faavae ma Feagaiga 68:6

Filifili se lagona ua lisiina i luga o le laupapa o lo o e lagonaina pe na e lagonaina i aso ua mavae.Faitau le mau o lo o sosoo ma le lagona ma mafaufau loloto i upu o le fuaiupu, e ala i le fai ifo ia te oe lava o fesili e pei o nei:

• O a upu po o fasifuaitau o le a ono fesoasoani pe a ou oo i ni lagona faapea?

• O le a se mea ua fesoasoani lenei mau ia te a’u ia malamalama ai e uiga i le alofa ma le mana o le Ali’i?

  A uma se taimi talafeagai, e te ono valaaulia tagata a’oga e faasoa mai le lagona ua latou filifilia, o se mau na latou mafaufau loloto iai, ma pe aisea latou te lagona ai o le tomanatu i afioga a le Alii e mafai ona fesoasoani ia i latou e maua ai le faasiliga malosi faalelagona ia te Ia.

• O anafea na maua ai e oe po o se isi e te iloaina le mafanafana po o le malosi o le Tamā Faalelagi ma Iesu Keriso mai le mafaufau loloto ai i se fuaitau o mau?