Atia’eina o Mamanu o Mafaufauga Lelei

• O a ni ituaiga mafaufauga tatou te ono oo i ai mai lo tatou lagonaina o le taotaomia (o le lua)?O a ni ituaiga mafaufauga e fesoasoani ia i tatou e agaigai ai i luma (o le ala)?

  E ono faailoa mai e tagata a’oga ni manatu e pei o le, “Na e faaitaina a’u,” e mafai ona mafua ai ona latou lagona le taotaomia.O le mafaufau “E mafai ona ou toe taumafai atili” e mafai ona fesoasoani ia i latou e agai ai i luma.

• O a nisi o filifiliga e ono faia e se tasi e faavae mai i ni manatu le sa’o pe le aogā?

Faaalu sina taimi e valaaulia ai le Agaga e fesoasoani ia te oe ia iloa le auala na e vaaia ai ua aafia au faatinoga ona o ou manatu.A o e suesue, saili le musumusuga e iloa ai le mea e mafai ona e faia ina ia faatoilalo ai nei mafaufauga le lelei.

Isaia 26:3–4

Iakopo 3:1–2

Mataupu Faavae ma Feagaiga 6:23, 36–37

• O a faamanuiaga e mafai ona tatou maua pe afai e taulai atu o tatou mafaufau (manatu) ia Iesu Keriso?

  E mafai ona e tusi le mataupu faavae lenei i luga o le laupapa: Pe a taulai atu o tatou mafaufau ia Iesu Keriso, o le a Ia foai mai ia i tatou le filemu ma le malosi.

  Ina ia faateleina le mautinoa o tagata a’oga o le a fesoasoani mai le Faaola ia i latou e taulai atu o latou mafaufau ia te Ia, e mafai ona e faaali atu le vitiō “Filling Our Minds with the Power of Jesus Christ” (2:07) e sui tulaga i le faamatalaga a Elder Andersen o lo o i lalo.

  

  2:7

• O le a sou manatu e faapefea e le taulai atu o o tatou mafaufau ia Iesu Keriso ona maua ai le filemu ma malosi?

Na aoao mai e Elder Neil L. Andersen o le Korama a Aposetolo e To’asefululua, le auala e mafai ai ona taulai atu o tatou mafaufau ia Iesu Keriso.

13:26

O le faatumuina o o tatou mafaufau i le mana o Iesu Keriso e le faapea ai ua na o Ia lava o i o tatou mafaufau.Ae o lona uiga o o tatou mafaufauga uma ua taaofa’i atu i Lona alofa, Lona soifuaga ma aoaoga, ma Lana taulaga togiola ma le Toetu mamalu.E le taitai ona iai Iesu i se tulimanu faagaloina, aua o o tatou mafaufauga ia te Ia o lo o iai pea i taimi uma ma “o mea uma o i totonu ia i [tatou e vivii atu] ia te ia!”Tatou te tatalo ma faamanatu i o tatou mafaufau aafiaga na avatu faalatalata atili ai i tatou ia te Ia.Tatou te taliaina i o tatou mafaufau ia ata paia, mau paia, ma viiga musuia e faafilemu malie ai mafaufauga le mafaitaulia o aso taitasi o loo fetaomi mai i o tatou olaga pisi.O lo tatou alofa ia te Ia e le malutia ai i tatou mai le faanoanoa ma le faavauvau i lenei olaga faitino, ae e mafai ai ona tatou savavali i le lotolotoi o luitau ma se malosiaga e sili atu nai lo o tatou lava malosi.(“Ua Ta Mau Lo’u Mafaufau i Lenei Manatu ia Iesu Keriso,” Liahona, Me 2023, 92) (mai le taimi 3:50 i le 5:02)

• O le fea o fautuaga mai ia Elder Andersen e tulaga ese ia te oe?

• E faapefea e ata, tusitusiga paia, po o musika paia ona fesoasoani ia te oe po o se isi e te iloa e taulai atu ai ia Iesu Keriso?

Pe a iai ni o tatou mafaufauga le lelei, e mafai ona tatou:

1. Iloa mafaufauga pe a oo mai ma lagona e maua mai ai.

2. Toe fetuunai o tatou mafaufauga.

3. Agai i luma ma le faatuatua ia Iesu Keriso.

A o faia le vasega o le matematika, na tauivi Tony ina ia malamalama i manatu faavae na malamalama lelei iai isi tagata a’oga.

Ina ua taunuu Tony i le fale mai le a’oga, na faalālā atu e ona matua o le a aveese lana telefoni pe afai na te le tapenaina lona potu.

I lena po, na iloa ai e Tony o le toatele o ana uo o loo o i se patī e le’i valaauliaina ai o ia.

• O a ni manatu o Tony sa ono iai i le aso atoa?

  O auala nei e ono tali ane ai tagata a’oga.O upu o loo i puipui o igoa ia o mamanu masani o mafaufauga le sa’o.E mafai ona e aoao atili iai i le Mauaina o le Malosi i le Ali’i: Malosi Faalelagona, “Mamanu o Mafaufauga Maloloina: A’oa’o.”

  • “Ou te le lelei i le matematika.E popoto uma atu isi ia te a’u.”(Sese le faaigoaina)

  • “E le taitai faapea mai o’u matua ou te sa’o; e fai mai i taimi uma lava i mea e tatau ona ou faia ina ia lelei sili atu.”(Mea Uma po o le Leai)

  • “E le fiafia a’u uo ia te a’u.”(Oso i Faaiuga)

  • “E leai se mea lelei na tupu i lenei aso.Sa na’o le toilalo i luga o le isi toilalo.”(Faamāmā Faalemafaufau Le Lelei; Faaitiitia o Mea Lelei)

• O a lagona e ono oo ia Tony mai nei mafaufauga?

• O a nisi o auala le aogā e ono faaosoosoina Tony e faatino ona o nei lagona?

Faamatala

O le toe fetuunai o o tatou mafaufauga o lona uiga, pe a tupu a’e se manatu le aogā, tatou te iloiloina mai se isi vaaiga.E mafai ona tatou faia lenei mea e ala i le fai atu o fesili e pei o le:

• E sa’o lenei manatu?

• E aogā?

• E faapefea e le mafaufau ai i le Tamā Faalelagi, Iesu Keriso ma a La’ua aoaoga ona fesoasoani ia te a’u i lenei manatu?

Faataitaiga

Faafoliga e faapea o oe o Tony, ma o loo ia te oe se manatu “Ou te le lelei i le matematika.”

Fesoasoani ia Tony e toe fetuunai lea manatu e ala i le taliina o fesili nei:

• E sa’o lenei manatu?

• E aogā?

• E faapefea e le mafaufau ai i le Tamā Faalelagi, Iesu Keriso ma a Laua aoaoga ona fesoasoani ia te a’u i lenei manatu?

E te ono toe fetuunai le manatu o Tony i se mea e pei o le: “E le aogā lenei manatu (e tusa lava pe ua sa’o i le taimi nei).Ou te iloa e faafofoga ma tali mai le Tamā Faalelagi i a’u tatalo.E mafai ona ou tatalo mo Lana fesoasoani.O le a fesoasoani lo’u faia’oga ia te a’u, ma e mafai ona ou faia se galuega faaopoopo.”

• O a nisi o auala e mafai ona toe fetuunai ai mafaufauga o Tony?O le a se mea e mafai ona ia faia ina ia agai ai i luma ma le faatuatua ia Keriso?

Faataitai

Filifili se tasi o manatu a Tony ina ia faataitai ai le tomai e toe fetuunai ai e ala i le tali atu i fesili.

1. Iloa. Tusi se manatu lē lelei ma lē aoga na ia te oe pe ono iai i le lumanai i le li’o o mafaufauga i le lua.Faailoa soo se lagona e mafai ona o faatasi ma le manatu.

2. Toe fetuunai ou mafaufauga.Fai ifo ia te oe lava fesili nei, e fesoasoani ia te oe e toe fetuunai ai le manatu.E mafai ona e tusi tali i autafa o le apefa’i.

   • E sa’o lenei manatu?E aogā?

   • E faapefea e le taulai atu ai i le Tamā Faalelagi, Iesu Keriso ma Laua aoaoga ona fesoasoani ia te a’u i lenei manatu?

3. Agai i luma ma le faatuatua ia Iesu Keriso.Tusi se manatu fou o le a fesoasoani ia te oe ina ia agai ai i luma ma le faatuatua ia Iesu Keriso, i le li’o o mafaufauga i fafo o le lua.Tusi i lalo se mau po o se viiga, saili se ata, po o le lisi o se isi auala e mafai ona tumau ai lou taulai ia Keriso (Isaia 26:3–4; Mataupu Faavae ma Feagaiga 6:36) ina ia pulea lena manatu.