Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Atia’eina o Mausa Lelei: E Mafai Ona Fesoasoani Iesu Keriso ia i Tatou e Suia a Tatou Mausa

Atia’eina o Mausa Lelei: E Mafai Ona Fesoasoani Iesu Keriso ia i Tatou e Suia a Tatou Mausa,” Tusi Lesona a le Faia’oga Seminare o le Feagaiga Tuai (2026)

“Atia’eina o Mausa Lelei: E Mafai Ona Fesoasoani Iesu Keriso ia i Tatou e Suia a Tatou Mausa,” Tusi Lesona a le Faia’oga Seminare o le Feagaiga Tuai

Soifua Maloloina Faaletino ma Faalelagona: Lesona 187

Atia’eina o Mausa Lelei:

E Mafai Ona Fesoasoani Iesu Keriso ia i Tatou e Suia a Tatou Mausa

O faatinoga tatou faia pea lava pea i le aluga o taimi, e mafai ona avea ma mausa.O nisi mausa e mafai ona fesoasoani ia i tatou e mulimuli lelei atili ai i le Faaola.O isi mausa atonu o ni auala le lelei e taulimaina ai lagona faigata ma e mafai ona taitai atu ai i lo tatou lagona o le taumamao mai le Tamā Faalelagi ma Iesu Keriso.O le faia o mausa lelei e fesoasoani tatou te lagona ai le latalata atu ma avea atili e faapei o i Laua.O lenei lesona e mafai ona fesoasoani i tagata a’oga i le sailia o le fesoasoani mai le Tamā Faalelagi ma Iesu Keriso e atia’eina ai mausa maloloina.

Sauniuniga a le tagata a’oga: Valaaulia tagata a’oga e mafaufau e uiga i mea latou te faia i aso uma ia ua avea ma mausa.E mafai foi ona latou manatunatu pe faapefea e nei mausa, lelei pe leaga, ona aafia ai lo latou alualu i luma faaleagaga.

Sauniuniga a le tagata a’oga: Valaaulia tagata a’oga e mafaufau e uiga i mea latou te faia i aso uma ua avea ma uigamasani.E mafai foi ona latou manatunatu pe faapefea e nei uigamasani, lelei uma ma le leaga, ona aafia ai lo latou alualu i luma faaleagaga.

Gaoioiga e Ono Mafai Ona Aoaoina Ai

O mausa e pei o se togalaau

E mafai ona e amata le vasega e ala i le faatusaina o le faia o mausa lelei i le totoina o se togalaau.Ina ia faia lenei mea, mafaufau e faaali atu se ata o se fasi pupu vaovao ma se ata o se laina fugalaau po o laau i se togalaau.

Vaai faalemafaufau ua manao se uo e iloa po o a mea e manaomia ona latou faia ina ia liliu ai se fasi eleele ua ufitia e le vao i se togalaau.

O le a se mea e te fautuaina i latou e fai?

E ono ta’ua e tagata a’oga mea e pei o le vele ese o vao, sauni le palapala, toto fatu, faafetalaisa ma fui laau.
E faapefea e le faagasologa o le totoina o se togalaau ona faatusa i le faia o ni mausa aoga?

Mafaufau e valaaulia tagata a’oga e mafaufau e uiga i a latou mausa.E mafai e tagata a’oga ona saili atu mo le fesoasoani a le Agaga Paia ina ia iloa mea o lo o latou faia lelei ma mea e mafai ona latou faaleleia.

I totonu o a latou api talaaga o suesuega, e mafai e tagata a’oga ona tusi se ata o se vao ma se fugalaau.E mafai e tagata aoga ona faaigoa le vao o “Mausa ou te manao e suia” ma faaigoa le fugalaau o “Mausa e amatalia pe faaauau.”

Afai e manaomia e tagata a’oga se faataitaiga, e mafai ona e faaali atu le ata lenei pe tusi lona ata i luga o le laupapa.
O le a se aafiaga o mausa i o tatou olaga?
O le a se mea e faafaigata ai le toe faasa’osa’oina o ni mausa le lelei po o le faia o ni mausa lelei?

E mafai ona fesoasoani Iesu Keriso ia i tatou e suia a tatou mausa

E te ono manao e faamautinoa atu i tagata a’oga e faapea, e ui e manaomia taumafaiga e suia ai a tatou mausa, na folafola mai e le Faaola o le a fesoasoani mai ia i tatou.

Faitau le Esekielu 36:26–27; Mosaea 3:19; ma le Eteru 12:27, vaavaai mo mea ua aoao mai e nei mau ia i tatou e uiga i mea e mafai ona fesoasoani Iesu Keriso ia i tatou e suia.

E faapefea ona faatatau nei fuaiupu i le suia o a tatou mausa?

Na aoao mai foi Peresitene Jeffrey R. Holland o le Korama a Aposetolo e To’asefululua e uiga i le suia o a tatou mausa:

O le mea moni, e tofu i tatou uma ma ni mausa po o ni faaletonu po o talafaasolopito patino e ono mafai ona taotaomia ai i tatou mai le tofu atoa faaleagaga i lenei galuega. …[O] lo o iai se fesoasoani faalelagi mo tagata uma i soo se taimi tatou te lagona ai le faia o se suiga i a tatou amioga.Na tuu atu e le Atua ia Saulo se “isi loto.”Na poloaiina e Esekielu ia Isaraelu uma anamua e lafoai mea ua tuanai ae “fai… se loto fou ma se agaga fou.”Sa valaau atu Alema mo se “liua tele” lea e mafua ai ona faalautele le loto, ma sa aoao mai Iesu lava Ia e faapea “a le toe fanau le tagata, e le mafai ona iloa e ia le malo o le Atua.”Ua manino o le ono iai o se suiga ma le ola ai i se tulaga siitia sili atu, o se tasi lava lea o meaalofa e le aunoa a le Atua mo i latou o ē saili iai.(“O Le Oa Silisili,” Liahona, Nov. 2021, 9)

E faapefea ona e aotele nei mau ma le aoaoga mai ia Peresitene Holland e uiga i mausa, i se faamatalaga o le upumoni?

A o faasoa mai tagata a’oga, fesoasoani ia i latou ia faailoa se upumoni e pei o le: A o tatou o atu ia Iesu Keriso, o le a Ia fesoasoani ia i tatou e suia a tatou mausa.
Aisea e te manatu ai tatou te manaomia le fesoasoani a Iesu Keriso e suia ai a tatou mausa?
O a nisi o auala e mafai ona tatou o atu ia te Ia ina ia mafai ai ona Ia fesoasoani ia i tatou e suia a tatou mausa?

Faataitaiga a Kitiona

Ina ia fesoasoani i tagata a’oga ia iloa pe faapefea ona fesoasoani le Faaola ia i tatou e suia, mafaufau e faasoa atu le tala ia Kitiona.Pe a manaomia, e mafai ona e faamatala atu o Paala o se atua faapaupau sa tapuai iai tagata nai lo le Ali’i (tagai i le “Paala,” Taiala i Tusitusiga Paia).

Ina ua mavae se vaitaimi o le amioleaga, sa sauaina Isaraelu e tagata Mitiana.Na saunia e le Ali’i le tagata e igoa ia Kitiona e fesoasoani e laveai Isaraelu mai o latou fili (tagai i le Faamasino 6:11–14).

A o ia mauaina le valaauga a le Ali’i, sa faailoa atu e Kitiona le popole o le a le mafai ona ia faataunuuina.

Faitau le Faamasino 6:15–16, ma vaavaai pe na faapefea ona tali atu le Ali’i i popolega o Kitiona.

Na ave atu e Kitiona ona popolega i le Ali’i.Na faamautinoa atu e le Ali’i ia Kitiona o le a le feagai to’atasi na o ia ma lea galuega (tagai i le Faamasino 6:17–24).

Faitau le Faamasino 6:25–26, vaavaai mo suiga na fetalai atu le Ali’i ia Kitiona ina ia faia.

Aisea e te manatu ai na faatonuina e le Ali’i ia Kitiona e muai talepe i lalo le fata faitaulaga ia Paala ma fausia se fata faitaulaga fou i le Ali’i?
A tatou faatusatusa nei fata faitaulaga e lua (fausiaina o le fata faitaulaga fou i le Ali’i ia ua mavae le talepeina i lalo o le fata faitaulaga ia Paala) i a tatou mausa, o le a se mea e mafai ona aoao mai e lenei faataitaiga e uiga i le mea e finagalo le Ali’i tatou te faia e suia ai?O a ni auala e mafai ona fesoasoani mai ai o Ia ia i tatou?

E te ono manao e faatusatusa faatonuga a le Ali’i ia Kitiona i le muai aveeseina o vao ona toto lea o fatu mai le amataga o le lesona.Fesoasoani i tagata a’oga ia malamalama i le naunau o le Ali’i e fesoasoani ia i tatou e le gata i le aveesea o mausa le lelei i o tatou olaga (aveeseina o vao/talepeina i lalo o le fata faitaulaga i se atua sese) ma le faatinoina o mausa lelei i o tatou olaga (totoina o fatu, fausiaina o se fata faitaulaga fou i le Ali’i).

Faatutuina o mausa lelei

E mafai ona lisi e tagata a’oga i luga o le laupapa a latou tali i fesili nei.

Faitau le Alema 13:28–29, vaavaai mo auala e mafai ai ona tatou o atu ia Iesu Keriso ina ia mafai ai ona Ia fesoasoani ia i tatou e suia a tatou mausa.

O le a se mea na e mauaina?
O a nisi o auala faaopoopo e mafai ai ona tatou o atu ai ia te Ia?

2026 Old Testament Seminary Teacher Materials

O le a fesoasoani le Faaola ia i tatou e suia a tatou mausa

Ua faapefea ona musuia oe e le Faaola po o se isi e te iloa ina ia faia ni suiga e avea atili ai faapei o Ia?
Afai e fai ane se tasi e faigata ona suia a latou mausa, o le a se mea e te manao ia i latou e manatua e uiga i le Tamā Faalelagi ma Iesu Keriso?

E ono fesoasoani le uunaia o tagata a’oga ina ia onosai ma tumau i a latou taumafaiga, ona e masani ona tele se taimi ma taumafaiga faifai pea ina ia suia ai a tatou mausa.E te ono toe faitau le Esekielu 36:26–27 ina ia faamanatu ai i tagata a’oga le folafolaga a le Faaola e faamanuiaina i latou e le Agaga Paia ia faia suiga manaomia.

O Puna’oa Faaopoopo

O a nisi o mausa paia e mafai ona ou taumafai e atia’eina?

Na aoao mai Elder David A. Bednar o le Korama a Aposetolo e To’asefululua e faapea:

O lo tatou tiutetauave paia o le atia’eina lea o mausa paia e valaaulia ai le Agaga o le Alii e faatasi ma i tatou i taimi uma—o mausa e pei o le faamamaluina o feagaiga, usiusitai i poloaiga, salamo, faamagalo atu, suesue i tusitusiga paia, auauna atu, ma tapuai i le aiga, i le lotu, ma i le malumalu.

Sa faaa’oa’o e soo o le Faaola i le Tusi a Mamona se mausa paia faaopoopo: “Sa latou tatalo mo le mea na sili ona latou mananao i ai; ma sa latou mananao ia tuuina mai le Agaga Paia ia te i latou” (3 Nifae 19:9).(“Ina Ia Tatou Manatua Pea o Ia,” Liahona, Iuni 2023, 6)

Afai o lo o o’u tauivi e suia se mausa, o fea e tatau ona ou amata mai ai?

Sa aoao mai e Peresitene Henry B. Eyring o le Au Peresitene Sili:

O le to’atele o i tatou na iai ni aafiaga i taumafaiga o le faaleleia-patino.O lo’u aafiaga na aoaoina ai au e uiga i le auala e faaleleia atili ai tagata ma faalapotopotoga: o le nofoaga sili e tagai iai mo ni suiga laiti e mafai ona tatou faia i mea tatou te faia soo.E iai le mana i le mausalī ma le fai soo.Ma pe a mafai ona taitaia i tatou e le musumusuga e filifili mea sao laiti e suia, o le usiusitai faifaipea o le a aumaia le faaleleia sili. ( “The Lord Will Multiply the Harvest” [afiafi ma se Pulega Aoao, Fep. 6, 1998], 95)

O fea e mafai ona ou aoao atili ai e uiga i le faavaeina o ni mausa maloloina?

“O le a fesoasoani Iesu Keriso ia te oe,” Mo le Malosi o le Autalavou: O Se Taiala mo le Faia o Filifiliga (2022), 6–9.

“Pe o Fesoasoani le Taulimaina o Au Mausa Ia te Oe po o Faaleagaina ai Oe?,” Liahona, Aok 2023, 30–33.

“O Lau Togalaau o Avanoa,” Mo Le Malosi o le Autalavou, Iuni 2023, 12–14.

Gaoioiga Faaopoopo e Aoao Ai

O le tusitaiala o le Mo Le Malosi o le Autalavou

Afai e te lagona e ono aoga mo tagata a’oga le talanoaina o auala e mafai ai e le Tamā Faalelagi ma Iesu Keriso ona fesoasoani ia i tatou e suia a tatou mausa, e mafai ona tou faitau le “Fai ni filifiliga musuia” ma “O le a fesoasoani Iesu Keriso ia te oe” i le Mo Le Malosi o le Autalavou: O se Taiala i le Faia o Filifiliga (2022).

E mafai ona faatulaga tagata a’oga i ni paga.E mafai ona faitau e paga ta’itasi se tasi o vaega ma faasoa mea latou te mauaina ma isi.

Ua mafaia e Iesu Keriso ona faia suiga

E mafai ona e faaaoga le vitiō “Inspiring Short: Putting off the Natural ‘Horse’” (1:44) ina ia fesoasoani i tagata a’oga e iloa le auala e mafai ai [ona fai] suiga.Ua faasoa mai e Elder Carl B. Cook o le Fitugafulu se fautuaga e uiga i le auala e mafai ai ona tatou faatoilaloina o tatou uiga faaletagata natura (tagai i le Mosaea 3:19) ma gauai atu i le finagalo o le Ali’i i o tatou olaga.Valaaulia tagata a’oga e faasoa mai mea na faagaeetia ai i latou mai lenei tala.

Iloaina o le auala e faatosina ai e o tatou lagona a tatou mausa.

E mafai ona e faaaoga le vitiō “Taking Charge of Technology: Remedies” (3:45) e fai ma faataitaiga o le iloaina o auala e faatosina ai e o tatou lagona a tatou mausa ma pe faapefea ona tatou suia a tatou mausa.A uma ona matamata le vitiō, e mafai ona e fai atu i tagata a’oga e faasoa mai faataitaiga mai le vitiō na oo ia i latou pe mananao foi e faataitai.

3:45