Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Taulimaina o le Faanoanoa ma le Atuatuvale: O le a Tauaveina e Iesu Keriso o Tatou Faanoanoaga ma Tigā

“Taulimaina o le Faanoanoa ma le Atuatuvale: O le a Tauaveina e Iesu Keriso o Tatou Faanoanoaga ma Tigā,” Tusi Lesona a le Faia’oga Seminare o le Feagaiga Tuai (2026)

“Taulimaina o le Faanoanoa ma le Atuatuvale: O le a Tauaveina e Iesu Keriso o Tatou Faanoanoaga ma Tigā,” Tusi Lesona a le Faia’oga Seminare o le Feagaiga Tuai

Soifua Maloloina Faaletino ma Faalelagona: Lesona 185

Taulimaina o le Faanoanoa ma le Atuatuvale

O le a Tauaveina e Iesu Keriso o Tatou Faanoanoaga ma Tigā

Artwork entitled "Healer" by Lightweave. Jesus Christ stands with his arms outstretched and comforting and elderly woman.

Na silafia e le Tamā Faalelagi o lenei olaga faitino o le a oo mai ai faanoanoaga, lotovaivai, le fiafia, ma le atuatuvale.Na Ia auina mai Lona Alo e tofo i mea uma ua tatou mafatia ai, ma se folafolaga o le a fesoasoani Lona mana ia i tatou ina ia maua le malolo (tagai i le Mataio 11:28–30).O lenei lesona e mafai ona fesoasoani i tagataa’oga ia malamalama i le auala o le a fesoasoani ai le Tamā Faalelagi ma Iesu Keriso ia i latou, e onosaia lagona o le faanoanoa ma le atuatuvale.

Sauniuniga a tagata a’oga: Valaaulia tagata a’oga e sue se mau po o se upusii mai se taitai o le Ekalesia, lea e mafai ona fesoasoani i se isi e taulai atu ai i le Tamā Faalelagi ma Iesū Keriso pe a latou lagona le faanoanoa po o le atuatuvale.E mafai ona latou sauni e faasoa mai la latou mau ma le vasega.

Gaoioiga e Ono Mafai Ona Aoaoina Ai

O avega o o tatou olaga

Manatua: E le manaomia ona avea oe ma se tagata poto faapitoa tau le soifua maloloina o le mafaufau ina ia aoao atu ai lenei lesona.Tatalo mo le taitaiga a le Tamā Faalelagi, mulimuli i mea e faaaoga mo le lesona, ma faalagolago i le Agaga Paia.Afai e faasoa mai e tagata a’oga ni o latou tauiviga patino o lo o latou feagai pe fai mai ni fesili e le mafai ona e taliina, faamautinoa atu ia i latou e alolofa le Tamā Faalelagi ma Iesu Keriso ia i latou.Uunaia i latou e saili fautuaga faaopoopo mai o latou matua, taitai o le Ekalesia, faufautua i le a’oga po o tagata tomai faapitoa i le soifua maloloina faalelagona.

Mafaufau e amataina le vasega e ala i le faaali atu o se ata o tagata sopo o lo o savavali i se ala i luga o se mauga. Valaaulia tagata a’oga e talanoaina pe faapefea e lenei mea ona pei o la tatou malaga i le lalolagi.Ona fai atu lea i tagata a’oga e vaai faalemafaufau i se tagata sopo o lo o amo se ato faafafa mamafa i la latou savaliga.

E ono faapefea ona faateleina e le ato faafafa mamafa le faigata o le savaliga?E mafai faapefea ona avea ma se faamanuiaga?

Ona e fai atu lea i tagata a’oga e faasoa mai nisi o “ato faafafa” faalelagona atonu o lo o tauaveina e talavou i aso nei.A uma ona faasoa mai tagata a’oga, ona faamatala atu lea o lenei lesona o le a taulai atu i lagona o le faanoanoa po o le atuatuvale tatou te tauaveina i nisi taimi i o tatou olaga.

E oo lava i lagona luitauina e pei o le faanoanoa ma le atuatuvale, e mafai ona avea ma vaega masani o la tatou malaga i le olaga faitino.E pei o se ato faafafa mamafa, o lagona faigata e mafai ona avea ai la tatou malaga e foliga faigata, ae o nei lagona e mafai foi ona fesoasoani ia i tatou ina ia tatou nofouta ma faaali ai le agaalofa i isi o lo o tauivi.

I totonu o lau api talaaga mo suesuega, tusi i lalo pe faapefea e lagona o le faanoanoa ma le atuatuvale ona aafia ai lou olaga i le taimi nei po o se aafiaga i se taimi ua tuanai.

E silafia lelei e Iesū Keriso o tatou lagona

Faamanatu atu i tagata a’oga na aoao mai e perofeta i aso anamua ma aso nei, e mafai ona fesoasoani le Faaola ia i tatou i le onosaia o lagona faigata uma.

Faitau le Isaia 53:3–5 ma le Alema 7:11–12, vaavaai mo upumoni e uiga i le mana o le Faaola e fesoasoani ai ia i tatou pe a tatou faanoanoa, loto vaivai, pe atuatuvale.

O a ni upu po o ni fasifuaitau e tulaga ese ia te oe?
E faapefea e lenei mea ona fesoasoani i se tasi o lo o tauivi e onosaia le mamafa o nei avega faalelagona?

O le iloaina ai e faapea o le a mafatia fanau a le Tamā Faalelagi i lenei olaga, na faapea mai Peresitene Russell M. Nelson:

Ou te aioi atu ia outou o mai ia [Iesu Keriso] ina ia mafai ona Ia faamalolo outou! …O le a Ia faamalolo oe mai le faanoanoa ma le fefe.O le a Ia faamalolo oe mai manu’aga o lenei lalolagi.

Po o a lava au fesili po o faafitauli o iai, e maua lava le tali i le soifuaga ma aoaoga a Iesu Keriso.Aoao atili e uiga i Lana Togiola, Lona alofa, Lona alofa mutimutivale, Lana aoaoga faavae, ma Lana talalelei toefuataiina o le faamalologa ma le alualu i luma.Liliu Atu ia te Ia!Mulimuli ia te Ia!(“O Le Tali Lava o Iesu Keriso i Taimi Uma,” Liahona, Me 2023, 127)

E faapefea ona e aoteleina mea ua e aoaoina mai ia Isaia, Alema, ma Peresitene Nelson e uiga i le taulimaina o avega e pei o faanoanoaga ma faavauvauga.

Faatasi ai ma isi mea e ono faasoa mai e tagata a’oga, fesoasoani atu ia i latou ia faailoa se upumoni e pei o le: Pe a tatou o atu ia te Ia, o le a fesoasoani le Faaola i le tauaveina o o tatou avega o faanoanoaga ma faavauvauga.

E ono aoga i tagata a’oga vitiō Facebook o le O Mai Ia Keriso “Aua na maliu Iesu Keriso …” (1:06) po o le “Toetu,” (1:42) mai le ComeUntoChrist/facebook.com.
O le a se mea e ono uiga iai le “o atu ia te Ia,” “liliu atu ia te Ia,” ma le “mulimuli ia te Ia” mo se tasi o lo o saili mo le fesoasoani a le Faaola i le faanoanoa, loto vaivai po o le atuatuvale?
E faapefea ona e manatu o le a mafai ona fesoasoani le malamalama ai i lenei upu moni se tasi o lo o tauivi ma nei lagona?

Valaaulia le Agaga Paia e fesoasoani ia te oe ia iloa auala o lo o auauna patino atu ai le Faaola ia te oe a o e taulimaina le faanoanoa, faavauvau, po o se isi lava avega faalelagona.

Faatasi ai ma le Faaola, e mafai ona tatou onosai tumau

Elijah sitting among rocks with a ray of light shining on him.

O le tala i le perofeta o Elia e mafai ona fesoasoani ia i tatou ia iloa ai auala e fesoasoani ai le Faaola ia i tatou e onosaia luitau faalelagona.

Mafaufau e faaali atu se ata o Elia ua tau lava o ia i luga o le mauga.A o faalogologo tagata a’oga i auiliiliga nei mai le tala, valaaulia i latou e vaai faalemafaufau po o a ni o latou lagona i se tulaga talitutusa faapena.

Ina ua uma ona ta’usalaina e Elia perofeta pepelo a Paala i le Mauga o Karamelu (tagai i le 1 Tupu 18), sa saili le masiofo amio leaga o Iesepela e fasiotia o ia.Na lapataia e le Ali’i ia Elia, o lē na sola na’o ia i le vao (tagai i le 1 Tupu 19:1–3).

O a ni lagona e ono oo ia te oe i lenei tulaga?

Faitau le 1 Tupu 19:4, vaavaai mo lagona na oo ia Elia.

2026 Old Testament Seminary Teacher Materials

O a nisi o auala ua e vaaia ai le fesoasoani a le Tamā Faalelagi ma Iesu Keriso ia te oe po o se isi e te iloa e taulima ai avega faalelagona?

Mafaufau e valaaulia tagata a’oga e faasoa mai se mau e fiafia iai, viiga, po o se ata na fesoasoani ia i latou e faalagolago atu ai i le Tamā Faalelagi ma Iesu Keriso ina ua latou lagona le faanoanoa ma le atuatuvale.

O le1 Tupu 19:4 e ono tulai ane ai ni fesili e uiga i le faamanu’alia o le tagata lava o ia lava po o le pule i le ola.O nei mataupu e tatau lava ona manatu mamafa pea iai i taimi uma.Faamanatu atu i tagata a’oga o lo o latou faatino le faatuatua ia Iesu Keriso pe a latou faailoa atu i se isi o latou lagona.O puna’oa faaopoopo e uiga i le atuatuvale ma le puipuiga mai le pule i le ola, e mafai ona maua i le Gospel Library ma Gaoioiga Faaopoopo e Aoaoina Ai i le lomiga upegatafailagi o lenei tusi lesona.

Faasoa atu mea sa e lagonaina

Manatua: Fesoasoani i tagata a’oga ia malamalama, e ui i le tausiga agalelei, alofa, ma le faifaipea a le Ali’i, e tumau pea lagona faigata i nisi o taimi.O le atuatuvale e ono faalavefau i nisi taimi i lo tatou gafatia e lagonaina ai le alofa o le Faaola po o le iloaina ai o le fesoasoani a le Agaga Paia.

I lau api talaaga o suesuega, filifili se tasi pe sili atu o mea nei e faauma.

Tusi i lalo se mea ua e aoaoina pe lagonaina i le asō, lea e mafai ona fesoasoani ia te oe e faalagolago ai i le Tamā Faalelagi ma Iesu Keriso pe a e lagona le faanoanoa po o le atuatuvale.
Tusi i lalo se fuaitau o mau e mafai ona fesoasoani ia te oe pe a e lagona le faanoanoa po o le atuatuvale (e pei o le Isaia 53:3–5; Salamo 34:18; po o le Alema 7:11–12).E mafai faapefea e upu po o fasifuaitau mai lenei fuaitau ona fesoasoani ia te oe e lagona ai le latalata atu i le Tamā Faalelagi ma Iesu Keriso?
Afai na iai sau uo na lagona le faanoanoa po o le atuatuvale, o le a se mea e te ono manao i lenei tagata e malamalama iai e uiga i le Tamā Faalelagi, Iesu Keriso, ma le mea ua e aoaoina i le asō?Tusi i lalo mea e te ono faasoaina atu.

O Puna’oa Faaopoopo

Pe e silafia e le Faaola o’u lagona?

Na faamanatu mai e Peresitene Jeffrey R. Holland o le Korama a Aposetolo e To’asefululua ia i tatou:

Atonu e faigata ia te oe ona talitonu o le a finagalo Iesu e fesoasoani ia te oe i le tulaga o se tagata e toatasi mai le miliona o tagata e tausaga tutusa.Afai e i ai se taimi e te manatu ai o loo i ai ni mea e sili atu ia te Ia ona fai nai lo le faamalosia o oe i taimi e te manaomia ai, mafaufau ia te Ia i totonu o lena faatoaga, mafaufau ia te Ia i luga o lena satauro.“Sa puapuagatia o Ia, sa maligi le toto ma maliu” mo oe ona sa Ia silafia e te agavaa iai.O loo Ia silafia pea lena mea.E matua’i fiafia lava o Ia, naunau, ma e mafai ona fesoasoani ia te oe—i le taimi nei ma le faavavau.Na Ia tuuina mai Lona soifua ina ia mafai ona Ia faamalosia oe a o e taliaina Lana valaaulia e suia ai le olaga: “O mai ia te a’u” (Mataio 11:28).(“Mauaina O Lou Malosi ia Iesu Keriso,” Mo Le Malosi o le Autalavou, Mat. 2024, 5)

Na saunoa mai Elder Ulisses Soares o le Korama a Aposetolo e To’asefululua:

E mafai e le Faaola, e sili lelei atu nai lo se isi lava, ona faamalolo aafiaga o soo se tulaga faigata o le olaga faitino.I ni isi o taimi, atonu e le faamaloloina vave faaletino i tatou mai tiga po o ma’i, ae e mafai ona faamaloloina faaleagaga i le tuuina mai o le malosi, malamalama, ma le onosai e tauave ai avega e faae’e i o tatou luga.O lea a o tatou liliu atu o tatou loto i lo tatou Faaola, o le a Ia faia mea ofoofogia i o tatou olaga. (“Onosaia o Tofotofoga” [faigalotu i le lalolagi atoa mo talavou matutua, Fep. 18, 2024], broadcasts.ChurchofJesusChrist.org)

O fea e mafai ona ou aoao atili ai e uiga i le faanoanoa, atuatuvale, ma le puipuiga mai le pule i le ola?

“Dealing with Depression”
“Mourn With Those That Mourn: Hope Works” (mai le taimi 2:20 i le 5:55)

11:48
“Suicide Prevention and Ministering” i le ChurchofJesusChrist.org

Gaoioiga Faaopoopo e Aoao Ai

Sa oo le Faaola i le faanoanoa

Mafaufau e amata le vasega e ala i le faaali atu o le fesili lenei i luga o le laupapa, “O le a se taimi na e tagi ai, ma aisea?”Tuu atu i tagata a’oga sina taimi e mafaufau loloto ai i le aafiaga e oo atu i o latou mafaufau.Faamanatu atu i le vasega, e tele faataitaiga i tusitusiga paia na tutulu faaaliali ai le Faaola.Ona faaali atu lea o ata nei:

Valaaulia tagata a’oga e filifili se tasi o fuaitau o mau nei, ma vaavaai mo mea tatou te aoaoina e uiga i le Faaola.E ono fesoasoani le faitau o le autu o le mataupu ina ia malamalama ai i le faatatauga o le aafiaga o le Faaola.

Ioane 11:32–35
Mataio 26:36–39
3 Nifae 17:14–16

Valaaulia tagata a’oga e faasoa ma se paga mea na latou aoaoina.Afai e te manatu o le a aoga mo tagata a’oga le iloaina o le taimi e sili atu ai ona faanoanoa i latou po o se tasi latou te iloa ma manaomia se fesoasoani faaopoopo, e mafai ona e faasoa atu mea nei.

Pe a Sili Atu Nai lo Le Faanoanoa

O le faaalia ai o le tigā alofa ia i latou o lo o faavauvau

E ono aoga mo tagata a’oga le talanoaina o nisi o auala e mafai ai ona tatou auauna atu i se tasi o lo o mafatia.Ia faasoa atu e faapea o le mulimuli ai i le faataitaiga a le Faaola, tatou te faaalia ai le alofa muamua ma le sili.

Valaaulia tagata a’oga e faitau le Iopu 2:11–13, vaavaai mo mea o lo o aoao mai ai ia i tatou e uiga i le tausiaina o e faanoanoa pe mafatia.

Mafaufau e faasoa atu e faapea, talu ai tatou te le iloa tonu lagona o lena tagata (e tusa pe na tatou oo i se mea talitutusa faapena), e mafai ona tatou faasoa atu faamatalaga e faaali ai le alofa ma le agaalofa (tigā alofa).E te ono tuu atu i tagata a’oga e faataitai le tali atu i se tasi o lo o mafatia.

O faamatalaga e pei o nei, e mafai ona fesoasoani e faaalia atu ai le tigā alofa:

“Ou te le iloa se tala e fai atu, ae ou te manao ia e iloa e alofagia oe e le to’atele, e aofia ai ma a’u.”
“E te le tau talanoa mai pe afai e te le manao ai, ae o lea ou te iinei e faalogo atu pe a e manao ai.”
“E leai se mea e afaina ai le iai o lagona eseese mai lea aso i le isi aso, po o le tasi taimi i le isi.”
“E leai se ala sa’o e tasi e lagonaina ai.Tau lava ina tuuina atu o oe lava e talia o lagona a o faagasolo mai.”
“Ou te alofa ia te oe, ma o lo o o’u tatalo mo oe.”

Faasoa ma tagata aoga e faapea, e ui ina lelei sa latou tali atu i le taimi muamua, ae sa tau le fesoasoani uo a Iopu mulimuli ane a o faaauau pea ona ia tauivi (tagai i le Iopu 4).

Fesoasoani i tagata a’oga ia malamalama, atonu e le aoga nisi faamatalaga i se tasi o lo o faavauvau.E te ono iloilo ni isi faamatalaga e le matua aoga e pei o le:

“O se vaega o le fuafuaga a le Atua.”
“O le mea sili …” (“O le mea sili latou te leʻi mafatia.”)
“E tatau ona e …” po o le “O le a e …”
“Sa oo ia te a’u se aafiaga talitutusa faapena.”
“O le a faasolo ina lelei tulaga [uma] i le gasologa o taimi.”

Mo fesoasoani faaopoopo i le auauna atu ia i latou o e faavauvau, tagai i le, “Grief and Loss” i Couseling Resources i le ChurchofJesusChrist.org.