Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Iosua 1: O Le A Le Tuuaunoaina pe Tuulafoaiina i Tatou e le Alii

“Iosua 1: O Le A Le Tuuaunoaina pe Tuulafoaiina i Tatou e le Alii,” Tusi Lesona a le Faiaoga Seminare o le Feagaiga Tuai (2026)

“Iosua 1: O Le A Le Tuuaunoaina pe Tuulafoaiina i Tatou e le Alii,” Tusi Lesona a le Faiaoga Seminare o le Feagaiga Tuai

Iosua 1–8; 23–24: Lesona 61

Iosua 1

O Le A Le Tuuaunoaina pe Tuulafoaiina i Tatou e le Alii

I le avea ai ma perofeta filifilia a le Alii, sa faauuina Iosua e Mose e taitai Isaraelu i le nuu folafolaina. E ui atonu na foliga mai e taufaafefe lenei galuega, ae na poloaiina e le Faaola ia Iosua ina ia malosi ma lototele, faatasi ai ma se folafolaga o le a Ia le tuuaunoaina pe tuulafoaiina Lana perofeta (tagai Iosua 1:5–6). E mafai ona fesoasoani lenei lesona e faateleina ai le loto mautinoa o tagata aoga e mafai e le Alii ona fesoasoani ia i latou ia malolosi ma lototele pe a latou feagai ma luitau.

Sauniuniga a tagata aoga: Valaaulia tagata aoga e mafaufau i ni tulaga e ono manaomia ai e se talavou ona faaalia le lototele.E mafai e tagata aoga ona fesili atu i se tagata o le aiga po o se uo mo ni aafiaga na latou oo i ai e manaomia ai le lototele.

Gaoioiga e Ono Mafai Ona Aoao Ai

Lototele pe a feagai ma luitau

Ina ia amata le vasega, mafaufau e tusi le upu Lototele i luga o le laupapa. A o tali mai tagata aoga i fesili nei, valaaulia i latou e tusi a latou tali i luga o le laupapa.

E faapefea ona avea Iesu Keriso ma faataitaiga o le lototele?
O a nisi o tulaga e ono feagai ma se talavou e manaomia ai le lototele?

I lau api talaaga mo suesuega, tusi i lalo nisi o luitau o loo feagai ma oe i le taimi nei pe atonu foi e feagai i le lumanai e manaomia ai le lototele.

O le iloiloga–faaletagata lava ia e mafai ona fesoasoani i tagata aoga e iloilo ai o latou tulaga o i ai nei ma tuuina atu ai se avanoa mo le Agaga Paia e taulima ai o latou manaoga taitoatasi i le faagasologa atoa o le lesona. O se tasi auala e faia ai lenei mea o le valaaulia lea o tagata aoga e tali mai i uunaiga nei i a latou api talaaga mo suesuega.

Pe a talosagaina a’u e fai se mea e foliga mai e luitauina, e masani ona ou lagona le .
I se fua o le 1 (maualalo) i le 5 (maualuga), o le a lo’u mautinoa o le a fesoasoani le Tama Faalelagi ma Iesu Keriso ia te au e fetaiai ma ou luitau ma le lototele? Aisea?

A o e suesue i le asō, ia gauai atu i uunaiga mai le Agaga Paia e mafai ona fesoasoani ia te oe ia lototele ma faateleina lou mautinoa o loo faatasi le Alii ma oe.

Ua faauuina Iosua e taitai le fanauga a Isaraelu

Mafaufau e faaali atu se ata o Mose o faauuina Iosua, e pei o le ata mai le amataga o lenei lesona (tagai Teuteronome 34:9).

E ui lava sa faatasi Mose ma le fanauga a Isaraelu talu mai lo latou laveaiina mai Aikupito, ae sa valaauina e le Alii ia Iosua e taitai atu i latou i le nuu folafolaina.

O a nisi o luitau semanu e mafai ona feagai ma Iosua i le avea ai ma perofeta a le Alii ma taitai’au ia Isaraelu?

Fesoasoani i tagata aoga ia malamalama o le a i ai ia Iosua le tiutetauave o le taitaiga faaleagaga o Isaraelu. O Iosua foi o le taitaiau o le vaegaau ma o le a taitai atu Isaraelu e faoa le laueleele mai sa Kanana o e na matutua i le amioletonu (tagai 1 Nifae 17:31–40). Na folafola atu e le Alii lenei laueleele ia Aperaamo ma lana fanau amiotonu (tagai Iosua 1:1–4).

Faitau le Iosua 1:5–9, ma faailoga folafolaga ma faatonuga faifai pea mai le Alii lea e mafai ona fesoasoani ia Iosua e taulai atu ai ia te Ia pe a feagai ma luitau.

O a ni mea ua e maua e taua mai i nei fuaiupu?
E faapefea ona e aoteleina se upumoni e fesoasoani ai i se tasi o loo feagai ma luitau?

A o faasoa mai e tagata aoga upumoni ua latou faailoaina, fesoasoani ia i latou ia iloa, a tatou iloa o loo faatasi le Alii ma i tatou, e mafai ona tatou malolosi ma lototetele. E mafai ona e faaaogaina nisi po o fesili uma nei e fesoasoani ai i tagata aoga ia malamalama i lenei upumoni. E mafai ona galulue tagata aoga ma se paga po o se vaega toalaiti ona faasoa atu lea o mea na latou talanoaina ma le vasega.

Mafaufau i tulaga luitau o loo lisiina i luga o le laupapa ma i lau api talaaga.

E faape’ī foliga o le malosi ma maua le lototele pe a feagai ma nei luitau?
O le a se mea ua e iloa e uiga i le Alii e mafai ona fesoasoani i se tasi ia malosi ma ia lototele? E faapefea ona e iloa lenei mea?

Faitau le Mataupu Faavae ma Feagaiga 84:88, ma vaavaai mo auala o loo faatasi ai le Alii ma i tatou.

Auala e valaaulia ai le fesoasoani a le Alii

O gaoioiga nei e mafai ona fesoasoani i tagata aoga e iloa ai auala e valaaulia ai le fesoasoani a le Alii pe a manaomia ona latou malolosi ma lototetele. Valaaulia tagata aoga e filifili se tasi o gaoioiga. A maea se taimi talafeagai, e mafai e tagata aoga ona faasoa atu mea na latou aoaoina ia i latou o e na filifilia le isi gaoioiga.

E ono mafai ona e tuuina atu se tasi o faamatalaga o loo maua i Punaoa Faaopoopo mo tagata aoga e suesue ai i gaoioiga taitasi.

Gaoioiga A: Usiusitai i le tulafono a le Atua

Faitau le Iosua 1:7 ma se tasi pe sili atu o mau nei: Ioane 15:10; 1 Nifae 3:7; Mosaea 2:41; Mataupu Faavae ma Feagaiga 93:20.

O a ni fesootaiga ua e vaaia i le va o le usiusitai i poloaiga a le Atua ma le avea ma se tagata malosi ma le lototele?
O a nisi o auala e mafai ai e le Tama Faalelagi ma Iesu Keriso ona faamanuiaina i tatou ona o lo tatou usiusitai?

Gaoioiga E: Mafaufau loloto i le afioga a le Atua

Faitau le Iosua 1:8 ma se mau se tasi pe sili atu o mau nei: 2 Timoteo 3:15–17; 2 Nifae 31:20; 32:3.

O le a se mea e fesoasoani ia te oe e mafaufau loloto ai i tusitusiga paia?
E faapefea i lou manatu ona fesoasoani le mafaufau loloto i afioga a le Atua ia te oe e te lagona ai le latalata atu ia te Ia?

Two people sitting at a table. Text boxes representing communication.

O le manatuaina o le Alii o loo faatasi ma i tatou

O a nisi o auala na e lagonaina ai le faatasi o le Alii ma oe i taimi o ou luitau?

Tuu atu se avanoa mo tagata aoga e mafaufau ai i mea ua latou aoaoina ma lagonaina i le asō. E mafai ona latou valaaulia le Agaga e fesoasoani ia i latou ia iloa pe na faapefea e a latou taumafaiga ona faateleina lo latou mautinoa o le a faatasi le Alii ma i latou.

I lau api talaaga mo suesuega, mafaufau i luitau o loo e feagai i le taimi nei pe atonu foi e te lua feagai i le lumanai.

O a mea ua e aoaoina pe lagonaina e uiga i le Tama Faalelagi ma Iesu Keriso e mafai ona fesoasoani ia te oe ia e malosi ma lototele pe a feagai ai ma luitau?
Mai mea na e aoaoina pe lagonaina e uiga i le Tama Faalelagi ma Iesu Keriso, o le a se mea e te manao e manatua i le isi taimi e te lagona ai le le mautonu e uiga i lou gafatia e taulima ai se tulaga faigata?

Mafaufau e faasoa atu lau molimau o le a tausia e le Alii Lana folafolaga e faatasi ma i tatou e le aunoa, e le tuuaunoaina pe tuulafoaiina i tatou, e pei lava ona Ia folafola atu ia Iosua.

O Punaoa Faaopoopo

O le a so tatou malamalama e uiga i le maliu o Mose? (Teuteronome 34:5–7; Iosua 1:1–2)

E ui lava o nisi o fuaiupu o le Feagaiga Tuai o loo faasino i le maliu o Mose, ae ua tatou iloa mai tusitusiga paia o le toefuataiga e lei tofo Mose i le oti (tagai Alema 45:19) ae nai lo lena, sa aveolaina. O tagata ua aveolaina e le oo i tiga po o le oti i le taimi o totoe o lo latou olaga faitino. Ona toetutu lea o i latou i le taimi lava lea i le tino ola pea (tagai 3 Nephi 28:8). O tagata ua aveolaina e faatinoina ni tofiga patino e manaomia ai se tino faitino. Na faaali mai Mose i le Mauga o Liua a o lei oo i le Toetu o Iesu (Mareko 9:2–4). Ana faapeao Mose ua na o se agaga, semanu na te le mafai ona tuuina atu ki o le perisitua i le tagata faitino o Peteru, Iakopo, ma Ioane i luga o le mauga (tagai “Mose” i le Lomifefiloi o le Tusi Paia).

E faapefea ona avea Iosua ma se faatusa o Keriso?

I le avea ai ma taitai faaletino ma faaleagaga o le fanauga a Isaraelu, o Iosua foi o se faatusa ma se faa’ataata o Iesu Keriso. O le igoa Iesu o “le faaupuga Eleni o le igoa o Iosua po o Iesua, ‘O le Atua o le fesoasoani’ po o le ‘Faaola’” (Lomifefiloi o le Tusi Paia, “Iesu”). Iosua/Iesua/Iesu o lē o le a ia taitai atu Isaraelu i le nuu folafolaina.

E mafai faapefea e le usiusitai ona faateleina lo tatou loto mautinoa i le Alii?

Na faamalamalama mai e Brother M. Joseph Brough o le Au Peresitene Aoao o Alii Talavou:

I totonu o le matou aiga, e i ai se faaupuga na faapea ona avea ma se vaega taua o le matou misiona. Sa fai si umi o aoao mai e Peresitene Russell M. Nelson lea manatu. Sa ia faaupuina faapenei: “O le usiusitai e aumaia ai le manuia; o le usiusitai a’ia’i e aumaia ai vavega.” (R. Scott Lloyd, “Elder Nelson Delivers Spiritual Thanksgiving Feast to MTCs,” newsroom.ChurchofJesusChrist.org)

Ou te le malamalama atoatoa po o le a le uiga o le usiusitai a’ia’i, ae o le mea lenei ua ou malamalama i ai. E le faapea ua tatou usitai atoatoa i le taimi nei i mea uma lava, e ui e mafai ona tatou atoatoa i le usitaia o le tele o poloaiga a le Alii. O le mea lea, e ao ai ona avea le salamo ma se vaega autu taua o le usiusitai a’ia’i. O le usiusitai a’ia’i e manaomia ai se tuuto i lapataiga ma uunaiga uma ma poloaiga e tuuina mai e le Tama Faalelagi ia i tatou. (“O Se Leo Filemu, Laitiiti i Faaiuga Tetele,” Liahona, Tes. 2018, 44)

E mafai faapefea e le suesue i tusitusiga paia ona faateleina lo tatou lotomautinoa i le Alii?

Na saunoa mai Peresitene Russell M. Nelson:

Pe a ou mafaufau i le Tusi a Mamona, ou te mafaufau i le upu mana. O upumoni o le Tusi a Mamona ua i ai le mana e faamalolo ai, faamafanafana, toefuatai, fesoasoani, faamalosia, faatoafimalie, ma faafiafia o tatou agaga. …

Ou te folafola atu a outou suesueina ma le agaga tatalo le Tusi a Mamona i aso uma, o le a outou faia ni faaiuga lelei atu i—aso uma. Ou te folafola atu a outou mafaufau loloto i mea tou te suesuea, o le a matala mai pupuni o le lagi, ma o le a outou mauaina tali i a outou lava fesili ma le taitaiga mo o outou lava olaga. Ou te folafola atu a e faatofu oe lava i le Tusi a Mamona, e mafai ona puipuia oe mai mea leaga o le aso.” (“O Le Tusi a Mamona: Faamata e Faapei Lou Olaga e aunoa ma Ia?” Liahona, Nov. 2017, 62–63)

Gaoioiga Faaopoopo e Aoao Ai

Faataitai ona “mafaufau loloto” i afioga a Keriso

Afai e manuia tagata aoga mai se avanoa e faataitai ai le mafaufau loloto po o le manatunatu loloto i se mau, e mafai ona e faasoa atu le saunoaga lenei mai ia Elder D.Todd Christofferson o le Korama a Aposetolo e Toasefululua:

11:21

O lo’u fai atu e “suesue,” o lona uiga, o se mea e sili atu nai lo le na ona faitau. O se mea lelei i nisi taimi le faitau o se tusi mai tusitusiga paia, mo sina taimi ia maua ai se lagona aoao o lana savali, ae mo le liua, e tatau ona sili atu ona e manatu mamafa i le tele o le taimi e te faaaluina i tusitusiga paia, nai lo le tele o lau faitau i lena taimi. Ou te iloa o nisi taimi tou te faitauina ai ni nai fuaiupu, ona taofi lea e mafaufau i ai, ma toe faitau ma le faaeteete na lava fuaiupu, ma a o outou mafaufau pe o le a le uiga,tatalo mo se malamalama, tuufesilisili i lou mafaufau, ma faatalitali mo ni lagona faaleagaga, ma tusitusi i lalo lagona ma malamalamaaga e oo mai ina ia mafai ai ona outou manatua ma aoao atili ai. O le suesue ai faapea, atonu e le tele ni mataupu po o ni fuaiupu tou te faitauina i se afa itula, ae peitai o le a e tuua ai se vaega i lou loto mo le upu a le Atua, ma o le a fetalai atu o Ia ia te oe. (“Pe a Liua Mai Oe,” Liahona, Me 2004, 11)

Valaaulia tagata aoga e filifili se fuaitau o mau e faataitai ai le mafaufau loloto i ai. Saunia le potu, ma aveese le tele o mea faalavefau e mafai ai.

E mafai e tagata aoga ona fatu se lisi o mea e mafai ona latou faia e faavae i le upusii a Elder Christofferson. Afai latou te manaomia se fesoasoani faaopoopo, e mafai ona e tuuina atu nisi o mea nei:

Faitau ma toe faitau le fuaitau na e filifilia ma le manao e aoao mai ai nai lo le tau lava ina uma.
Mafaufau i mea o loo e faitauina, le uiga o upu, ma le auala e faatatau ai ia te oe. Mafaufau loloto i ai pea lava pea.
Taumafai e faaauai lou mafaufau i se faagasologa malosi, sailiili faalemafaufau ma mafaufau e uiga i mau, upu ma fasifuaitau, ma le auala e mafai ai ona fesoasoani le savali o le fuaiupu ia te oe.
Tusi i lalo soo se manatu po o ni lagona e oo mai a o e faataitai.

A uma se taimi faatulagaina, faafetai atu ma le faamaoni i tagata aoga mo lo latou naunautai e auai i le gaoioiga. E mafai ona e faamanatu atu ia i latou e faapea, o le auala ma le taimi e faamanuia ai i tatou e le Alii mo a tatou taumafaiga e mafaufau loloto i Lana afioga e pule ai lava o Ia. Valaaulia i latou e faaauau pea ona vaavaai mo avanoa e faataitai ai lenei tomai o se vaega o a latou suesuega masani o le talalelei.

Faataitaiga o le lototele ma le lotomautinoa i le Alii

Afai o le a faamanuiaina tagata aoga mai se faataitaiga a le Alii i le faateleina o lo tatou lototele ma le lotomautinoa, e mafai ona e faaali atu le vitio “Dare to Stand Alone” (4:20). O loo faaalia i lenei vitio le tala ia Peresitene Monson, o le na mauaina le lotomautinoa i le Alii a o ia lagonaina lona tu na o ia lava.

4:20

O le vitio “Your Great Adventure: Overcoming Life’s Obstacles” mai le taimi faailoilo 5:48 i le 8:19 e mafai ona faaaoga e faapupula ai le auala na faateleina ai e le Alii le lototele ma le mautinoa o se alii talavou e fetaiai ai ma luitau o le olaga.

9:44