Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Iosua 2–4: Faatinoina o le Faatuatua ia Iesu Keriso

“Iosua 2–4: Faatinoina o le Faatuatua ia Iesu Keriso,” Tusi Lesona a le Faiaoga Seminare o le Feagaiga Tuai (2026)

“Iosua 2–4: Faatinoina o le Faatuatua ia Iesu Keriso,” Tusi Lesona a le Faiaoga Seminare o le Feagaiga Tuai

Iosua 1–8; 23–24: Lesona 62

Iosua 2–4

Faatinoina o le Faatuatua ia Iesu Keriso

I le mavae ai o le malaga a le fanauga a Isaraelu i le vao, sa poloaiina e le Alii ia Iosua e taitai atu i latou i le nuu folafolaina. O le ulufale atu i le nuu folafolaina na manaomia ai lo latou faatinoina o le faatuatua ia Iesu Keriso. Na faatinoina e le fanauga a Isaraelu ma se fafine e igoa iā Raava lo latou faatuatua ia Iesu Keriso. E mafai ona fesoasoani lenei lesona i tagata aoga ia malamalama i le auala e mafai ona latou faatinoina ai le faatuatua ia Iesu Keriso.

Sauniuniga a tagata aoga: Valaaulia tagata aoga e sue se mau e fesoasoani ia i latou ia malamalama ai i le uiga o le faatuatua ia Iesu Keriso.Fai atu ia i latou e o mai sauni e faasoa mai i le vasega.Afai e manaomia, e mafai ona sueina le “Faatuatua” i le Taiala o Autu po o le Taiala i Tusitusiga Paia.

Gaoioiga e Ono Mafai Ona Aoao Ai

Faatuatua ia Iesu Keriso

Mafaufau e amata le vasega i le valaaulia o se tagata aoga e mafaufau i se upu e faatusa i ai o latou mausa po o mea e fiafia i ai—mo se faataitaiga, pasiketipolo po o le pepese. Fai atu i tagata aoga e faamatala a latou upu e aunoa ma le faaaogaina o le upu lava ia. E mafai e tagata o le vasega ona mate le upu.

O le isi, tusi [le upu] faatuatua i luga o le laupapa, ma valaaulia tagata aoga e faamatala le faatuatua ia Iesu Keriso. E mafai ona latou faasoa mai mea na latou maua o se vaega o a latou sauniuniga mo le vasega. Atonu e te manao e faasino atu e finagalo le Tama Faalelagi ia tatou faatino le faatuatua ia Iesu Keriso ina ia mafai ai ona Ia laveai ma faamanuia i tatou (tagai 2 Nifae 26:13; Eteru 12:12, 18; Moronae 7:33).

Faamanatu i tagata aoga o se tasi o matafaioi a le Agaga Paia o le taitai atu lea o i tatou i le upumoni (tagai Ioane 16:13). Uunaia tagata aoga e valaaulia le Agaga Paia e fesoasoani ia i latou ia malamalama lelei i le faatuatua ia Iesu Keriso.

E mafai faapefea e le faateleina o lou faatuatua ia Iesu Keriso ona fesoasoani ia te oe i ou tulaga o i ai nei?

Faitau le mea na aoao mai e Elder David A. Bednar o le Korama a Aposetolo e Toasefululua e uiga i le faatuatua ia Iesu Keriso, pe matamata le vitio “Saili le Aoaoina e ala i le Faatuatua” mai le faailo taimi 3:15 i le 4:33. O loo maua le vitio i le ChurchofJesusChrist.org.

33:36

Sa faamatala e le Aposetolo o Paulo le faatuatua o “le faalagolago lea i mea ua faamoemoe i ai [ma] o le mautinoa lea o mea e le o vaaia” (Eperu 11:1). Na folafola mai foi e Alema, o le faatuatua e le o le mautinoa lea o mea; ae afai ua ia te i tatou le faatuatua, tatou te “faamoemoe i mea e le o vaaia [ae] ua moni ia” (Alema 32:21). E le gata i lea, tatou te aoao i le Lectures on Faith o le faatuatua … “o le mataupu faavae o le faatinoga i tagata uma na foafoaina.”

“O nei aoaoga ua faamamafa mai ai ni elemene faavae se tolu o le faatuatua: (1) faatuatua o le mautinoa lea o mea o loo faamoemoe i ai ua moni, (2) faatuatua o le faamaoniga o mea e le o vaaia, ma le (3) faatuatua o le mataupu faavae o le faatinoga a tagata uma na foafoaina. Ou te faamatalaina nei itutino e tolu o le faatuatua i le Faaola, e o faatasi ma le vaai atu i le lumanai, tepa i le taimi ua tuanai, ma le amatalia o le faatinoga i le taimi nei. (“Seek Learning by Faith,” Ensign, Set. 2007, 61–62)

O le ata “Faatinoina o le faatuatua ia Iesu Keriso” e mafai ona fesoasoani i tagata aoga ia malamalama i le faauigaga a Elder Bednar o le faatuatua ia Iesu Keriso. Tusi le ata i luga o le laupapa pe faaali atu mo tagata aoga e faasino i ai i le gasologa atoa o le lesona.

O le a se mea na faia e le Atua i aso ua mavae e mafai ona fesoasoani ia te oe e faatuatua ai ia te Ia?
E mafai faapefea e le i ai o le faamoemoe i faamanuiaga folafolaina a le Atua ona fesoasoani ia te oe e faatino ai le faatuatua ia te Ia?
E faapefea ona e aoteleina aoaoga a Elder Bednar e uiga i le faatuatua ia Iesu Keriso?

Fesoasoani i tagata aoga e faailoa mai se upumoni e pei o le: Tatou te faatino le faatuatua ia Iesu Keriso a o tatou feagai ma le lumanai, vaai i le taimi ua tuanai, ma galulue i le taimi nei.

O faataitaiga o le faatuatua

Afai e i ai ni fesili a tagata aoga e uiga i le faaumatiaga o tagata i Ieriko, e mafai ona e faasino i le fesili “Aisea na faaumatia ai sa Kanana?” i le vaega o Punaoa Faaopoopo o le Lesona 63: “Iosua 23–24.”

A uma ua lava se taimi, ona valaaulia lea o ni tagata aoga e faasoa mai i le vasega mea na latou aoaoina e uiga i le faatuatua ia Iesu Keriso. E mafai e tamaiti aoga ona uu le filo lanumumu, seevae, po o le maa a o latou faasoa atu. E mafai foi ona fesoasoani fesili e pei o nei.

O le a se mea ua e aoaoina e uiga i le faatinoina o le faatuatua ia Iesu Keriso? E mafai faapefea e mea na e aoaoina ona fesoasoani i le autalavou i aso nei?

Mafaufau e valaaulia tagata aoga e faasoa mai pe na faapefea e i latou po o se tasi latou te iloa ona faatinoina le faatuatua ia Iesu Keriso e ala i le feagai ai ma le lumanai, faatinoga i le taimi nei, ma vaavaai atu i le taimi ua tuanai. E mafai foi ona e faasoa atu se aafiaga patino e uiga i le faaaogaina o le faatuatua ia Iesu Keriso.

O Punaoa Faaopoopo

E faapefea ona ou faatino le faatuatua ia Iesu Keriso?

Na aoao mai Elder David A. Bednar o le Korama a Aposetolo e Toasefululua e faapea:

33:36

“O le faatuatua o le mautinoa lea o mea o loo faamoemoe i ai i le lumanai. …

O le faatuatua ia Keriso e fesootai tonu lava i le, ma o le taunuuga o le, faamoemoe ia Keriso mo lo tatou togiola ma le faaeaga. O le mautinoa ma le faamoemoe e mafai ai ona tatou savavali i le faatausiusiuga o le malamalama ma faia nai la’a i totonu o le pouliuli—faamoemoe ma le talitonuga e faasolosolo atu le malamalama ma faamalamalamaina ai le ala. O le tuufaatasiga o le mautinoa ma le faamoemoe, e amatalia ai le faatinoga i le taimi nei.

“O le faatuatua o le faamaoniga o mea e le o vaaia, e vaai atu i le taimi ua tuanai ma faamaonia ai lo tatou faalagolago i le Atua ma lo tatou lotomautinoa i le moni o mea e le o vaaia. Tatou te laa atu i le pogisa faatasi ma le mautinoa ma le faamoemoe, ma tatou te maua foi le molimau ma le faamaoniga a o sosolo atu le sulu ma maua ai le faamalamalamaga tatou te manaomia. O le molimau tatou te mauaina pe a mavae ona tofotofoina lo tatou faatuatua (tagai Eteru 12:6) o le faamaoniga lea e faateleina ma faamalosia ai lo tatou mautinoa.

O faamautinoaga, faatinoga, ma faamaoniga e uunaia ai e le tasi le isi i se faagasologa faifai pea. O lenei faataamilosaga e pei o se milosaga, ma a o taavili agai i luga e faatupulaia ma faalauteleina. O nei elemene e tolu o le faatuatua—faamautinoaga, faatnoga, ma faamaoniga—e le mavaevae ma e le maioio; ae, e fesootai ma faasolosolo pea ma e taamilomilo agai i luga. Ma o le faatuatua e uunaia lenei faagasologa faifai pea e tupuolaola, faasolosolo, ma suisui pea. A o tatou toe liliu atu ma faasaga i luma agai i se lumanai le mautonu, o le faamautinoaga e taitai atu ai i faatinoga ma maua ai faamaoniga, lea e faatupulaia atili ai le faamautinoaga. O lo tatou lotomautinoa o le a faamalosia atili mai lea fuaiupu i luga o lea fuaiupu, i lea mataupu i luga o lea mataupu, o sina mea itiiti i i ma sina mea itiiti i o. (“Seek Learning by Faith,” Ensign, Set. 2007, 62−63)

E mafai faapefea ona ou faatinoina le faatuatua e ala i le vaai atu i le taimi ua tuanai ma le lumanai?

Na faamalamalama mai e Peresitene Jeffrey R. Holland o le Korama a Aposetolo e Toasefululua:

O le tuanai e mo le aoaoina mai ai, ae le o le ola ai. Tatou te vaai i tua e pue mai aloiafi mai aafiaga susulu ae le o lefulefu. Ma afai ua tatou aoaoina mea e manaomia ona tatou aoaoina ma ua tatou aumaia ma i tatou mea sili atu na tatou aafia ai, ona tatou vaavaai lea i luma ma tatou manatua o le faatuatua e masani lava ona faasino atu i le lumana. O le faatuatua e masani lava ona aafia ai faamanuiaga ma upumoni ma gaoioiga na o le a oo lava ona aoga i o tatou olaga. (“The Best Is Yet to Be,” Ensign, Jan. 2010, 24)

O le a se mea e mafai ona ou faia e faateleina ai loʻu faatuatua ia Iesu Keriso?

Na valaaulia mai Peresitene Russell M. Nelson:

O le a se mea e te faia pe afai ua ia te oe se faasiligā faatuatua? Mafaufau i ai. Tusitusi e uiga i ai. Ona maua atili lea o le faatuatua e ala i le faia o se mea e manaomia atili ai le faatuatua. …

O le faatuatua ia Iesu Keriso o le mana silisili lea ua avanoa mo i tatou i lenei olaga. E mafaia mea uma ia i latou o ē talitonu.

O lou faatuatua tuputupu a’e ia te Ia o le a aveese ai mauga—e le o mauga o papa o loo faamatagofie ai le lalolagi ae o mauga o faanoanoaga i o outou olaga. O lou faatuatua uluuluola o le a fesoasoani ia te oe e liliu luitau i le tuputupu a’e ma avanoa lē mafaatusaliaina. (“Ua Toetu Keriso: O le Faatuatua ia te Ia o le a Aveese ai Mauga,” Liahona, Me 2021, 103, 104)

Sa folafola mai e Peresitene Henry B. Eyring o le Au Peresitene Sili:

Uso e ma tuafafine, e manaomia le faatuatua e usitai ai i poloaiga a le Alii. E manaomia le faatuatua ia Iesu Keriso e auauna atu ai i isi mo Ia. E manaomia le faatuatua e alu atu ai e a’oa’o atu Lana talalelei ma ofo atu i tagata atonu e lē o lagonaina le si’ufofoga o le Agaga pe ono faafitia le moni o le savali. Ae a tatou faatinoina lo tatou faatuatua ia Keriso—ma mulimuli i Lana perofeta soifua—o le a faatuputeleina le faatuatua i le lalolagi atoa. (“O Le Faatuatua e Ole Atu ai Ona Faatino Ai Lea,” Liahona, Nov. 2021, 75)

Gaoioiga Faaopoopo e Aoao Ai

Iosua 3:5. “Faapaia outou lava”

Atonu e aoga i au tagata aoga le suesue pe faapefea e le faapaiaina o i tatou lava ona fesoasoani ia i tatou e faatino ai le faatuatua ia Iesu Keriso ma tutupu ai vavega. Faitau le Iosua 3:5. Ona mafai lea ona e faaali atu le vitio “Faapaiaina Outou Lava” (4:37). Valaaulia tagata aoga e vaavaai pe na faapefea ona faaaoga e le Alii se alii talavou ma agavaa o loo umia le Perisitua Mekisateko e faia se vavega. A maea, talanoa po o le a le uiga o le faapaia o i tatou lava ma le auala e agavaa ai i tatou e maua vavega a le Alii. Pe a manaomia, fesoasoani i tagata aoga ia malamalama o le faapaia o lona uiga o le faia ia paia po o le mama faaleagaga.

4:38

Iosua 3:6. “Ua latou ave le atolaau o le feagaiga, ma o atu i luma o le nuu”

O mea nei e mafai ona fesoasoani i tagata aoga e vaavaai atu ai ia Iesu Keriso a o latou faatino le faatuatua ia te Ia ma fetaomi atu i luma. Valaaulia tagata aoga e faitau Iosua 3:6–16, vaavaai mo mea na faia e faitaulaga i le atolaau o le feagaiga.

Faamanatu i tagata aoga o le atolaau o le feagaiga e mafai ona faatusa ia Iesu Keriso. Ona valaaulia lea o tagata aoga e toe vaai i fuaiupu, ma mafaufau i mea ua latou aoaoina e uiga ia Iesu Keriso. Talanoaina auala e mafai ona tatou fetaomi atu ai i luma ma faamoemoe i vavega pe a tatou maua le faatuatua e muamua atu Iesu Keriso ia i tatou. Mafaufau e fefaasinoai nei fuaiupu i le Iosua 3 ma le Isaia 52:12 ma le Mataupu Faavae ma Feagaiga 84:88.

Iosua 4. Faailoga faamanatu o le faatuatua

Mafaufau e fesoasoani i tagata aoga e sue a latou lava faailoga faamanatu po o faataitaiga o le faatuatua. A uma ona suesue le Iosua 4, e mafai ona e valaaulia tagata aoga e mafaufau i le talatofi o le faatuatua na tuua e o latou aiga po o le Au Paia o Aso e Gata Ai i lou atunuu. E mafai ona talanoa tagata aoga i (atonu foi e faafesootai i le taimi o le vasega) se matua po o matua matutua, pe mafai foi ona latou faaaogaina le polokalama o le Gafa o le Aiga e sue ai manatuaga o le aiga. E mafai foi e tagata aoga ona mafaufau i se nofoaga sa latou maua ai se aafiaga taua faaleagaga.

E mafai foi e tagata aoga ona saili le Global Histories i le ChurchofJesusChrist.org e vaavaai ai mo tala o le Au Paia Aso e Gata Ai faatuatua i lo outou atunuu.

Valaaulia tagata aoga e faasoa mai mea na latou maua.

Eteru 12:6. E oo mai se molimau pe a mavae le tofotofoga o le faatuatua.

Ina ia fesoasoani i tagata aoga e faafesootai mea o loo latou suesueina i le Tusi a Mamona, valaaulia i latou e faitau le Eteru 12:6. Talanoaina pe aisea e masani ona oo mai ai le molimau pe a uma ona tofotofoina le faatuatua. Valaaulia tagata aoga e faasoa mai pe na faapefea ona moni lenei mea i le olaga o Raava (tagai Iosua 2; Iosua 6:25) ma i le sopoiaina e tagata Isaraelu o le Vaitafe o Ioritana (tagai Iosua 3). Fai atu i tagata aoga e faasoa mai ni aafiaga na latou maua ai se molimau ina ua mavae le tofotofoina o lo latou faatuatua.