Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faataitaiga o le Atamai i Aoaoga Faavae 4: Faaaoga Mataupu Faavae o le Mauaina o le Malamalama Faaleagaga

“Faataitaiga o le Atamai i Aoaoga Faavae 4: Faaaoga Mataupu Faavae o le Mauaina o le Malamalama Faaleagaga,” Tusi Lesona a le Faiaoga Seminare o le Feagaiga Tuai (2026)

“Faataitaiga o le Atamai i Aoaoga Faavae 4: Faaaoga Mataupu Faavae o le Mauaina o le Malamalama Faaleagaga,” Tusi Lesona a le Faiaoga Seminare o le Feagaiga Tuai

Iosua 1–8; 23–24: Lesona 64

Faataitaiga o le Atamai i Aoaoga Faavae 4

Faaaoga Mataupu Faavae o le Mauaina o le Malamalama Faaleagaga

O le atamai i aoaoga faavae e mafai ona fesoasoani i tagata aoga e fausia ai le faavae mo o latou olaga i luga o Iesu Keriso ma Lana talalelei. O lenei lesona o le a fesoasoani i tagata aoga ia faaaoga upumoni ua mauaina i fuaitau o le atamai i aoaoga faavae ma aoao ma faaaoga mataupu faavae paia mo le mauaina o le malamalama faaleagaga.

Sauniuniga a le tagata aoga: Mafaufau e valaaulia tagata aoga e filifili se tasi o fuaitau o le atamai i aoaoga faavae sa latou suesueina i lenei tausaga.Uunaia i latou e mafaufau i se tulaga moni lea e mafai ai ona faamanuiaina ai se talavou mai le faaaogaina o aoaoga o loo i lena fuaitau.E mafai ona maua se lisi o fuaitau i le Pepa Autu o le Atamai i Aoaoga Faavae (2023).

Gaoioiga e ono Mafai Ona Aoao Ai

Iloiloga o le atamai i aoaoga faavae: Faaaoga

Ina ia amata ona talanoaina le taua o le faaaogaina o fuaitau o le atamai i aoaoga faavae , mafaufau e aumai pe faaali atu ni ata o mea faitino e ono iloa e le toatele o talavou ae le iloa pe faapefea ona faaaoga. O nisi o faʻataʻitaʻiga e ono mafai ona i ai ua tuuina atu i lalo. Fesili atu i tagata aoga po o a aitema taitasi ma pe latou te iloa le auala e faaaoga ai.

Close up of hand on manual gear shift knob

Male hand turning retro radio button. Listen to music or news with old classic radio receiver. Vintage lifestyle

Aisea e taua ai le iloa e le gata po o le a le mea ae faapea foi le auala e faaaoga ai?
E mafai faapefea ona faatatau lenei mataupu faavae i la tatou suesuega o fuaitau o le atamai i aoaoga faavae?

O le asō o le a e faataitai ai le faaaogaina o fuaitau o le atamai i aoaoga faavae ma mataupu faavae o le mauaina o le malamalama faaleagaga i tulaga moni e tutupu o le olaga. Saili musumusuga mai le Agaga Paia e fesoasoani ia te oe e aoao ai nei fuaitau ma mataupu faavae ma faaaoga i lou olaga.

Mafaufau e valaaulia tagata aoga e lisi fuaitau o le atamai i aoaoga faavae ma fasifuaitau autu o mau na latou suesueina i lenei tausaga. Afai e manaomia, tagai i le Pepa o Faamatalaga Autu o le Atamai o Aoaoga Faavae (2022).

Faatulaga tagata aoga i ni nai vaega toalaiti ma avatu i vaega taitasi se laupepa. Tofi pe valaaulia ni vaega e filifili se fuaitau se tasi o le atamai i aoaoga faavae. Fai atu ia i latou e fatu se vaaiga faataitai (po o se tulaga) e mafai ona faamanuiaina ai se tasi mai le faaaogaina o le aoaoga faavae o loo i lena fuaitau. Mo se faataitaiga, o tagata aoga e filifilia le Iosua 24:15 e mafai ona tusia le vaaiga faataitai lenei: “E faaosoosoina se teineitiiti i se pati e fai se mea o loo faia e isi tagata uma ae ua ia iloa o le a le taliaina e le Alii.” Uunaia tagata aoga e aua nei tusia le mau faasino i luga o le pepa ae ia saunia e faasoa atu le mau faasino i se taimi mulimuli ane.

Ao mai pepa. E mafai ona e faitauina ia vaaiga faataitai i le vasega pe tufatufa atu i ni vaega eseese.

Valaaulia tagata aoga e faasoa se fuaitau o le atamai i aoaoga faavae e mafai ona fesoasoani i le tagata o loo i le vaaiga faataitai. Fesoasoani ia i latou ia malamalama e sili atu ma le tasi le fuaitau e ono talafeagai mo vaaiga faataitai taitasi. E mafai foi e tagata aoga ona talanoaina pe faapefea e le faaaogaina o le aoaoga faavae o loo aoaoina i le fuaitau ona fesoasoani i le tagata e faamalosia ai la latou sootaga ma le Tama Faalelagi ma Iesu Keriso. Afai e manaomia, ona mafai lea e le vaega na tusia le vaaiga faataitai ona faasoa atu le uluai mau faasino na latou filifilia ma faamatala pe faapefea ona fesoasoani i la latou vaaiga faataitai na filifilia.

Tuu le 20–30 minute mo le gaoioiga “Aoao ma faaaoga mataupu faavae o le mauaina o le malamalama faaleagaga” o loo i lalo.

O manatu faaopoopo mo le fesoasoani ai i tagata aoga e faaaoga fuaitau o le atamai i aoaoga faavae o loo i ai i le vaega faaopoopo i lalo o le “O Gaoioiga Toefaamanatu o le Atamai i Aoaoga Faavae.”

Aoao ma faaaoga mataupu faavae o le mauaina o le atamai faaleagaga

O le vaega o totoe o le lesona e taulai atu i le fesoasoani ai i tagata aoga e faaaoga mataupu faavae o le mauaina o le malamalama faaleagaga i tulaga talafeagai. Atonu e te manao e toeiloilo muamua mataupu faavae o le mauaina o le malamalama faaleagaga. O gaoioiga fautuaina e iloilo ai o loo aofia ai i le faaopoopoga o anomea i lalo o le “Gaoioiga o le Iloiloga o le Atamai i Aoaoga Faavae.” O loo maua faamatalaga o mataupu faavae i parakalafa 5–12 o le “Mauaina o le Malamalama Faaleagaga” i le vaega o le Pepa Autu o le Atamai i Aoaoga Faavae (2023).

Mafaufau loloto i manaoga o au tagata aoga ma saili le fesoasoani a le Alii e filifili pe fetuunai se tasi o tulaga faataitai nei pe fatu ai foi se tasi o au lava tulaga.

E le o mae’a ia tulaga faataitai uma e lua. Fesoasoani i tagata aoga e faatumu avanoa o le vaaiga faataitai ua filifilia i se auala talafeagai ma anoa.

O se alii talavou e igoa ia [igoa o le talavou] o loo lagonaina le uunaiga mai [se tagata po o se vaega] e soli le poloaiga a le Alii o [se poloaiga e ono lagona moni lava e se talavou le faaosoosoina e soli]. E masani ona ta’uina atu ia te ia e le o se mea tele le solia o lenei poloaiga aua [o se mafuaaga e ono manatu ai se tasi e le afaina le solia o lenei poloaiga]. Ua lagona e [Igoa o le talavou] le le mautonu ma e le iloa le mea e fai.
O se tamaitai talavou e igoa ia [igoa o le talavou] e fiafia pe a oo i lona matua lea e tuua ai le fale o ona matua ma nofo na o ia. I le fale o ona matua, e tatau ona ia tausia le poloaiga o le [se poloaiga atonu e le manao moni lava se talavou e tausia]. E manao o ia e avea ma se tagata lelei, ae na te le iloa pe o le a faaauau pea ona ia tausia lena poloaiga pe a ia tuua le aiga. E mafua lenei mea ona [o se mafuaaga atonu e le manao ai se tasi e tausia lenei poloaiga].
O le a faaaoga nei e tagata aoga ia mataupu faavae o le mauaina o le malamalama faaleagaga e fesoasoani ai i le tagata o loo i le tulaga faataitai ua filifilia. E mafai foi ona galulue tagata aoga i ni paga po o ni vaega toalaiti.

Faaali atu mataupu faavae e tolu o le mauaina o le malamalama faaleagaga.
- Faatino i le faatuatua.
- Iloilo manatu faavae ma fesili ma se vaaiga e faavavau.
- Saili le malamalama atili e ala mai punaoa faaleagaga ua filifilia.
Valaaulia tagata o le vasega e talanoaina fesili nei.
O le fea mataupu faavae o le mauaina o le malamalama faaleagaga e te manatu e sili ona fesoasoani mo le tagata o loo i le vaaiga faataitai? Aisea?
O le fea fuaitau o le atamai i aoaoga faavae po o isi fuaitau o mau e te lagona e mafai ona fesoasoani i le tagata o loo i le vaaiga faataitai? Aisea?

A ua lava se taimi, valaaulia tagata aoga e faasoa mai mea na latou talanoaina.

Faaali atu le ata mai le amataga o le lesona. Faatulaga tagata aoga in paga e faamaea ai le gaoioiga lenei.

Vaai faalemafaufau i le tagata o loo i le tulaga faataitai ua filifili e le amanaiaina le aoaoga faavae a le Faaola. Fuafua po o le a le mea e ono tupu ia i latou. Ona fuafua lea po o le a le mea e ono tupu pe afai latou te filifili e faatino lena aoaoga faavae ma mataupu faavae o le mauaina o le malamalama faaleagaga.

Pe a uma ona tuuina atu i tagata aoga se taimi ia lava e talanoaina ai a latou tali, valaaulia i latou e faasoa mai o latou manatu i le vasega. A o faasoa mai e tagata aoga, mafaufau e fai atu ni fesili tulitatao e pei o fesili nei e fesoasoani e taialaina ai se talanoaga anoa a le vasega:

O le a se isi mea e te faaopoopo atu i mea na faasoa mai e se tasi o lau vasega?
E mafai faapefea e isi mataupu faavae o le mauaina o le malamalama faaleagaga ona fesoasoani i le tagata o loo i lenei tulaga faataitai e filifili e mulimuli ia Iesu Keriso?
O le a se mea ua e iloa e uiga i le Tama Faalelagi po o Iesu Keriso e ono taua mo le tagata o loo i le vaaiga faataitai ia manatua?

Valaaulia tagata aoga e mafaufau loloto pe na faapefea ona fesoasoani fuaitau o le atamai i aoaoga faavae po o mataupu faavae o le mauaina o le malamalama faaleagaga ia i latou i a latou lava filifiliga patino. E mafai ona e valaaulia tagata aoga e tusi pe faasoa mai o latou manatu.

Gaoioiga Faaopoopo e Aoao Ai

Faataitaiga o tulaga faataitai ua mae’a

Nai lo le valaaulia o tagata aoga e faatumu se tasi o tulaga faataitai e le i mae’a, e mafai ona e faaaogaina se tasi po o vaaiga uma nei e lua:

O loo lagona e se alii talavou e igoa ia Franco le uunaiga mai ana au taaalo ina ia faaaoga gagana masoā ma ’ata i tausuaga e le talafeagai. E masani ona ta’uina atu ia te ia e le o se mea e afaina le faaaoga o gagana masoā aua o le toatele o tagata e tautatala faapena. E lagona e Franco le le mautonu ma ua le iloa le mea e fai.

O se tamaitai talavou e igoa ia Maria e fiafia tele pe a oo i lona matua e tuua ai le fale o ona matua ae alu e nofo na o ia. I le fale o ona matua, e tatau ona ia usitai i le Upu o le Poto. E manao o ia e avea ma se tagata lelei, ae na te le iloa pe o le a usiusitai i lena poloaiga pe a tuua lona aiga. E toaitiiti ana uo e usitai i ai, ma e foliga o i latou [o ni tagata] lelei.

O se isi vaaiga faataitai

Afai e te manatu o le a manuia au tagata aoga mai se tulaga faataitai e ese le taulaiga, e mafai ona e faaaogaina pe fetuunai le tulaga faataitai lenei:

O taimi uma lava e auai ai Samantha i le lotu, e tele ni faaaliga e maua mai i lana telefoni. Na te filifili e vaai ma tali atu i faaaliga i le taimi o le sauniga faamanatuga ma ana vasega faalelotu. Ua valaaulia o ia e se taitai po o se faiaoga e tuu ese lana telefoni pe na o le faaaoga tau lava mo le lesona. Sa ia tuu ese ma le musua mo ni nai minute, ae sa ia lagona le ita. Ua ia mafaufau, “Pe afaina moni ea le auala ou te faaaoga ai la’u telefoni i le lotu, pau lava le mea ia ou le faia se mea e leaga?” Ua amata ona ia lagona le le fiafia i lena taitai po o le faiaoga, ma ua amata ona musua e toe sau i le lotu.

Fesoasoani i tagata aoga e talanoaina mataupu faavae o le mauaina o le malamalama faaleagaga e peiseai o loo latou feagai ma se tulaga talitutusa e pei o Samantha.