Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Gabay na Para sa Lakas ng mga Kabataan: Pag-uugnay ng Ating mga Pagpili kay Cristo

“Para sa Lakas ng mga Kabataan: Pag-uugnay ng Ating mga Pagpili kay Cristo,” Manwal ng Titser ng Seminary para sa Lumang Tipan (2026)

“Para sa Lakas ng mga Kabataan: Pag-uugnay ng Ating mga Pagpili kay Cristo,” Manwal ng Titser ng Seminary para sa Lumang Tipan

Para sa Lakas ng mga Kabataan: Paggawa ng mga Pagpili: Lesson 171

Gabay na Para sa Lakas ng mga Kabataan

Pag-uugnay ng Ating mga Pagpili kay Cristo

Sa buong buhay natin, palagi tayong gumagawa ng mga pagpili. Kapag nahihirapan tayong gumawa ng mga tamang desisyon, makapagbibigay sa atin ng lakas at patnubay si Jesucristo at ang Kanyang doktrina. Ang Para sa Lakas ng mga Kabataan: Isang Gabay sa Paggawa ng mga Pagpili ay isang sanggunian na magagamit natin para makahanap ng mga katotohanan tungkol kay Jesucristo at sa Kanyang doktrina. Ang lesson na ito ay makatutulong sa mga estudyante na magsanay sa paggamit ng gabay na aklat na Para sa Lakas ng mga Kabataan para gumawa ng mga inspiradong pagpili na naaayon kay Jesucristo at sa Kanyang doktrina.

Paghahanda ng estudyante: Sabihin sa mga estudyante na rebyuhin ang isang bahagi na pinili nila sa Para sa Lakas ng mga Kabataan. Maaaring pag-isipan ng mga estudyante kung paano sila matutulungan ng mga turo ni Jesucristo sa bahaging iyon na gumawa ng mga inspiradong pasiya.

Mga Posibleng Aktibidad sa Pag-aaral

Si Jesucristo ang aking bato

Bago simulan ang lesson, bigyan ang mga estudyante ng kopya ng Para sa Lakas ng mga Kabataan: Isang Gabay sa Paggawa ng mga Pagpili o tulungan silang hanapin ang electronic na bersiyon sa Gospel Library.

Maaari mong simulan ang klase sa pamamagitan ng pagpapakita ng larawan ng isang parola habang bumabagyo.

Ano ang ilang alituntunin ng ebanghelyo na maaari mong ituro sa isang tao sa pamamagitan ng paggamit ng larawang ito?

Kung kailangan ng mga estudyante ng tulong, maaari mong itanong sa kanila kung ano ang maaaring katawanin ng bagyo o bato kung ang parola ay kumakatawan sa ating buhay. Maaaring magbahagi ng iba’t ibang alituntunin ang mga estudyante. Pasalamatan sila sa pakikibahagi sa talakayan.

Basahin ang Mga Awit 62:5–7, at alamin kung paano nauugnay ang mga salita sa awit na ito sa larawan ng parola.

Bakit magandang paglalarawan kay Jesucristo ang bato?

Basahin ang sumusunod na pahayag ni Elder Dieter F. Uchtdorf ng Korum ng Labindalawang Apostol, at alamin kung paano natin gagawing bato natin si Jesucristo.

Tuwing gumagawa kayo ng mabuting pagpili batay sa mga walang-hanggang katotohanan ng Tagapagligtas, ipinapakita ninyo na gusto ninyo Siya sa inyong buhay. Ang mga pagpiling iyon ang nagbubukas sa mga pintuan ng langit, at ang Kanyang lakas ay bumubuhos sa inyong buhay. …

… Kapag itinatayo natin ang ating buhay, mahalagang gumawa ng mabubuting pasiya. At mahalagang maunawaan ang walang hanggang katotohanan ng Tagapagligtas. Ngunit ang lakas na kakailanganin natin para mapaglabanan ang mga unos ng buhay ay dumarating kapag iniuugnay natin ang ating mga pagpili kay Jesucristo at sa Kanyang doktrina. Iyan ang tinutulungan tayong gawin ng Para sa Lakas ng mga Kabataan. (“Para sa Lakas ng mga Kabataan: Ang Mensahe ng Tagapagligtas sa Inyo,” Para sa Lakas ng mga Kabataan, Marso 2024, 38)

Ano ang matututuhan natin mula kay Elder Uchtdorf?

Habang nagbabahagi ang mga estudyante, tulungan silang matukoy ang isang katotohanang tulad nito: tumatanggap tayo ng lakas mula kay Jesucristo kapag iniuugnay natin ang ating mga pagpili sa Kanya at sa Kanyang doktrina. Maaari mong isulat sa pisara ang katotohanang ito.
Ano sa palagay ninyo ang ibig sabihin ng iugnay ang ating mga pagpili kay Jesucristo at sa Kanyang doktrina?

Maaaring magbahagi ang mga estudyante ng mga bagay tulad ng pagsunod sa halimbawa ni Jesucristo, paggawa ng mga pagpili batay sa Kanyang mga turo, o pagdarasal para mapatnubayan ng Ama sa Langit habang nagpapasiya.

Tiyaking nauunawaan ng mga estudyante na ang Para sa Lakas ng mga Kabataan: Isang Gabay sa Paggawa ng mga Pagpili ay isang kasangkapan na makatutulong sa atin na maiugnay ang ating mga pagpili kay Jesucristo.

Maaari mo ring ibahagi ang sumusunod na halimbawa mula kay Elder Uchtdorf.

Ipinaliwanag ni Elder Uchtdorf kung ano ang maaaring mangyari kung iuugnay natin ang ating mga pagpili kay Jesucristo at sa Kanyang doktrina.

Maaaring alam ng mga kaibigan ninyo na hindi kayo mandaraya o magsisinungaling at seryoso kayong mag-aaral. Pero alam ba nila na ito ay dahil sa itinuro ni Jesucristo na “ang katotohanan ay magpapalaya sa inyo”? [Juan 8:32; “Ang katotohanan ay magpapalaya sa inyo,” Para sa Lakas ng mga Kabataan, Marso 2024, 30]. (“Para sa Lakas ng mga Kabataan: Ang Mensahe ng Tagapagligtas sa Inyo,” Para sa Lakas ng mga Kabataan, Marso 2024, 38)

Paano tayo mapapalakas ng pag-uugnay ng ating mga pagpili kay Jesucristo upang makayanan ang mga unos ng buhay?

Mag-isip ng isang sitwasyon na kinakaharap ninyo sa kasalukuyan, o inaasahang kakaharapin sa mga darating na araw, kung saan maaaring kailanganin ninyong gumawa ng mahihirap na pagpili. Isipin kung paano kayo matutulungan ni Jesucristo at ng Kanyang ebanghelyo.

Makinig sa mga pahiwatig ng Espiritu habang nagsasanay kayong iugnay ang inyong mga pagpili kay Jesucristo sa tulong ng gabay na aklat na Para sa Lakas ng mga Kabataan.

Ang balangkas ng gabay na aklat

Layunin ng bahaging ito na tulungan ang mga estudyante na maging pamilyar sa pagkakaayos ng gabay na aklat na Para sa Lakas ng mga Kabataan. Kung pamilyar na ang iyong mga estudyante sa gabay na aklat, maaari mong laktawan ang bahaging ito at pumunta sa bahaging ipakita.

Ipabasa sa mga estudyante ang graphic sa ibaba ng “Gumawa ng mga inspiradong pagpili” sa gabay na aklat, o ipakita ang sumusunod na impormasyon mula sa graphic.

“Sa Para sa Lakas ng mga Kabataan, matatagpuan ninyo ang mga turo ni Jesucristo at ng Kanyang mga propeta. Gamit ang mga katotohanang ito bilang gabay ninyo, makagagawa kayo ng mga inspiradong pagpili na magpapala sa inyo ngayon at sa buong kawalang-hanggan.” (“Gumawa ng mga inspiradong pagpili,” Para sa Lakas ng mga Kabataan: Isang Gabay sa Paggawa ng mga Pagpili [2022], 4). Ang gabay na aklat ay nahahati sa iba’t ibang paksa, at ang bawat paksa ay may tatlong bahagi:

Mga walang-hanggang katotohanan, o doktrina ng ipinanumbalik na ebanghelyo ni Jesucristo
Mga paanyaya na kumilos ayon sa mga katotohanang iyon
Mga ipinangakong pagpapala na ibinibigay ng Panginoon sa mga taong namumuhay ayon sa Kanyang mga turo

Pagpapakita sa proseso

Basahin ang Genesis 39:9–12, at alamin kung paano iniugnay ni Jose ang kanyang mga pagpili kay Jesucristo at sa Kanyang doktrina.

Ano ang nalaman ninyo?

Maaari mong hatiin ang klase sa mga grupo na may tigtatatlong miyembro. Anyayahan ang bawat miyembro ng grupo na pumili ng magkakaibang numero mula isa hanggang tatlo na tumutugma sa isa sa mga sumusunod na tanong.

Pag-aralan ang bahaging “Ang inyong katawan ay sagrado” sa Para sa Lakas ng mga Kabataan nang nakatuon sa isa sa mga sumusunod:

Sa inyong palagay, anong “Mga walang-hanggang katotohanan” ang nakatulong kay Jose na gawin ang pagpiling ginawa niya?
Anong “Mga paanyaya” ang sinunod ni Jose?
Sa inyong palagay, alin sa “Mga ipinangakong pagpapala” ang naranasan ni Jose?

Anyayahan ang mga estudyante na ibahagi sa kanilang grupo ang nalaman nila. Maaari mong ituro na kahit na ibinilanggo si Jose dahil sa kanyang desisyong tumakas sa asawa ni Potifar, patuloy siyang sinamahan ng Panginoon (tingnan sa Genesis 39:20–21; 41:38–43).

Magsanay

Pagkatapos makumpleto ng mga estudyante ang handout, maaari mo silang anyayahang ibahagi kung paano sila pinalakas ni Jesucristo nang iugnay nila ang kanilang mga pagpili sa Kanya at sa Kanyang doktrina.

Maaari kang muling sumangguni sa Mga Awit 62:5–7. Pagkatapos ay maaari mong itanong sa mga estudyante ang sumusunod.

Ano ang natutuhan ninyo ngayon tungkol sa pananatiling nakaugnay kay Jesucristo at sa Kanyang doktrina sa inyong mga desisyon?

Maaari mong ibahagi ang iyong patotoo tungkol kay Jesucristo. Maaari mong tapusin ang klase sa pamamagitan ng isang pahayag mula sa bahaging “Tutulungan kayo ni Jesucristo,” sa Para sa Lakas ng mga Kabataan. Hikayatin ang mga estudyante na iugnay ang kanilang mga pagpili sa Kanya at sa Kanyang doktrina.

Karagdagang mga Resource

Ano ang layunin ng Para sa Lakas ng mga Kabataan: Isang Gabay sa Paggawa ng mga Pagpili?

Itinuro ni Elder Dieter F. Uchtdorf ng Korum ng Labindalawang Apostol:

14:11

Ang bagong bersyon na ito ng Para sa Lakas ng mga Kabataan ay may subtitle na Isang Gabay sa Paggawa ng mga Pagpili.

Para maging napakalinaw, ang pinakamahusay na gabay na posibleng mapasainyo sa paggawa ng mga pagpili ay si Jesucristo. Si Jesucristo ang lakas ng mga kabataan.

Ang layunin ng Para sa Lakas ng mga Kabataan ay ibaling kayo sa Kanya. Itinuturo nito sa inyo ang mga walang-hanggang katotohanan ng Kanyang ipinanumbalik na ebanghelyo—mga katotohanan tungkol sa kung sino kayo, kung sino Siya, at ano ang maisasakatuparan ninyo gamit ang Kanyang lakas. Itinuturo nito sa inyo kung paano gumawa ng mabubuting pasiya batay sa mga walang-hanggang katotohanang iyon.

Mahalaga ring malaman ninyo kung ano ang hindi ginagawa ng Para sa Lakas ng mga Kabataan. Hindi ito nagpapasiya para sa inyo. Hindi ito nagsasabi sa inyo ng “oo” o “hindi” sa bawat pagpiling kakaharapin ninyo. Ang Para sa Lakas ng mga Kabataan ay nagtutuon sa pundasyon ng inyong mga pagpili. Nagtutuon ito sa mga pinahahalagahan, alituntunin, at doktrina sa halip na sa bawat partikular na pag-uugali. (“Si Jesucristo ang Lakas ng mga Kabataan,” Liahona, Nob. 2022, 10–11)

Paano ako matutulungan sa paggawa ng mga desisyon ng pagtutuon sa Diyos at sa Kanyang katotohanan?

Itinuro ni Pangulong Russell M. Nelson:

18:52

Kapag nahaharap kayo sa tukso—dumating man ang tukso sa oras na kayo ay pagod o sa mga panahong dama ninyo na kayo ay nalulungkot o di-nauunawaan—isipin ang maiipon ninyong lakas ng loob sa pagpiling hayaang manaig ang Diyos sa inyong buhay at sa pagsamo ninyo sa Kanya na palakasin kayo.

Kapag ang pinakahangarin ninyo ay hayaang manaig ang Diyos, maging bahagi ng Israel, maraming desisyon ang nagiging mas madali. Maraming isyu ang nagiging hindi na mahalaga! Alam ninyo kung paano magiging kaiga-igaya. Alam ninyo ang dapat panoorin at basahin, kung saan dapat mag-ukol ng oras, at sino ang dapat makasama. Alam ninyo kung ano ang gusto ninyong maisakatuparan. Alam ninyo ang uri ng taong talagang nais ninyong kahinatnan. (“Hayaang Manaig ang Diyos,” Liahona, Nob. 2020, 94)

Mga Karagdagang Aktibidad sa Pag-aaral

Ang halimbawa ni Elder Uchtdorf sa pag-uugnay ng mga pagpili kay Jesucristo

Sa artikulo ni Elder Uchtdorf sa magasing Para sa Lakas ng mga Kabataan, inilista niya ang ilang halimbawa ng maaaring mangyari kung iuugnay natin ang ating mga pagpili kay Jesucristo at sa Kanyang doktrina. Kung maaaring makinabang ang iyong mga estudyante sa ibang halimbawa, tingnan ang iba pa niyang mga halimbawa sa “Para sa Lakas ng mga Kabataan: Ang Mensahe ng Tagapagligtas sa Inyo.”

Pag-unawa sa pagsisisi

Sa halip na gamitin ang bahaging “Ang inyong katawan ay sagrado” at Si Jose sa Ehipto para sa halimbawa, maaari mong ipakita kung paano gamitin ang gabay na aklat na Para sa Lakas ng mga Kabataan gamit ang bahaging “Tutulungan kayo ni Jesucristo.” Maaari mong ipalista sa mga estudyante kung ano ang maaaring maging mahirap sa isang tinedyer tungkol sa pagsisisi. Ang mga estudyante ay maaaring magbahagi ng mga bagay tulad ng pagkadama ng kahihiyan o kawalan ng halaga, panghihina ng loob pagkatapos ng ilang pagtatangkang magbago, o pagdududa kung sila ay napatawad.

Sabihin sa mga estudyante na pag-aralan ang bahaging “Tutulungan kayo ni Jesucristo” mula sa gabay na aklat, at hanapin ang natutuhan nila tungkol sa Panginoon at sa Kanyang ebanghelyo na makatutulong sa isang tinedyer na nakararanas ng mga bagay na inilista nila.

Si Jesucristo ang lakas ng mga kabataan

Para ipakilala ang Para sa Lakas ng mga Kabataan: Isang Gabay sa Paggawa ng mga Pagpili, maaari mong anyayahan ang mga estudyante na pumili ng isa sa mga sumusunod na talata, at maghanap ng matututuhan nila tungkol kay Jesucristo. Maaaring isulat ng mga estudyante sa pisara ang nahanap nila.

Mga Awit 18:1–3
Mga Awit 28:7–8
Mga Awit 62:5–8

Pagkatapos pag-aralan ang mga talata, maaaring talakayin ng mga estudyante kung paano maaaring maging lakas natin si Jesucristo o magbahagi ng mga karanasan kung paano naging lakas nila si Jesucristo.

Pagkatapos ay anyayahan ang mga estudyante na tingnan ang gabay na aklat, at hanapin ang matututuhan nila tungkol kay Jesucristo at sa Kanyang doktrina na makapagpapalakas sa mga kabataan ngayon.