Alang sa Kalig-on sa mga Kabatan-onan: Paghimo og mga Pagpili

Katuyoan sa leksiyon: Kini nga leksiyon motabang sa mga estudyante sa pagpraktis gamit ang Alang sa Kalig-on sa mga Kabatan-onan: Usa ka Giya sa Paghimo og mga Pagpili aron makahimo og dinasig nga mga pagpili nga nakabase kang Jesukristo ug sa Iyang doktrina.

• Pagpangandam sa estudyante: Dapita ang mga estudyante nga rebyohon ang napili nilang seksiyon diha sa Alang sa Kalig-on sa mga Kabatan-onan. Pwedeng ikonsiderar sa mga estudyante kon sa unsang paagi ang mga pagtulun-an ni Jesukristo sa maong seksiyon makatabang nila sa paghimo og dinasig nga mga desisyon.

• Mga materyal para sa mga estudyante: Mga kopya sa Alang sa Kalig-on sa mga Kabatan-onan

• Sulod nga ipakita: Usa ka hulagway sa parola panahon sa bagyo

• Bidyo: “Jose sa Ehipto” (2:51) gikan sa time code 0:00 hangtod 0:41

• Handout: “Pagkonektar sa Atong mga Pagpili ngadto kang Jesukristo ug sa Iyang Doktrina”

Katuyoan sa leksiyon: Kini nga leksiyon makatabang sa mga estudyante sa paghimo sa Ginoo nga mahimong kabahin sa proseso samtang sila nagtakda ug nagtuman sa ilang personal nga mga tumong.

• Pagpangandam sa estudyante: Dapita ang mga estudyante sa pagpamalandong sa ilang dugay ug dali makab-ot nga mga tumong. Pwede usab nilang pangutan-on ang ilang mga kaila kon unsay ilang nakat-onan bahin sa pagtakda ug pagkab-ot og mga tumong.

• Sulod nga ipakita: Mga dayagram sa tulo ka bulan, usa ka tuig, ug lima ka tuig nga mga tumong

• Handout: “Mga Baroganan sa Pagtakda ug Pagkab-ot og mga Tumong”

Katuyoan sa leksiyon: Kini nga leksiyon mohatag sa mga estudyante sa kahigayonan nga pamalandongan ang ilang balaanong pagkatawo ug katuyoan.

• Pagpangandam sa estudyante: Dapita ang mga estudyante sa pagpamalandong sa unang linya sa “Tema sa Young Women” o “Tema sa Korum sa Aaronic nga Pagkapari.” Pwede nila kining sulayan sa pagmemorya o pag-recite og kadaghan sa tibuok adlaw. Pwede nga ipakigbahin sa mga estudyante kon sa unsang paagi ang paghimo niini makaimpluwensiya sa ilang mga kinaiya og binuhatan.

• Mga item nga ipakita: Usa ka samin

• Mga materyal para sa mga estudyante: Usa ka kopya sa mosunod nga pamahayag para sa kada estudyante

  Kadaghanan ninyo magsugod sa inyong adlaw pinaagi sa pagbarog sa samin. Ugma, niining semanaha, niining tuiga, sa kanunay, hunong kon motan-aw kamo sa inyong kaugalingon sa samin. Hunahunaa sa inyong kaugalingon, o isulti og kusog kon gusto ninyo, “Wow, tan-awa ko! Talagsaon ako! Ako usa ka anak sa Dios! Siya nakaila kanako! Siya nahigugma kanako!” (Gary E. Stevenson, “Mga Pag-aghat sa Espiritu,” Liahona, Nob. 2023, 45)

• Bidyo: “Mga Pag-aghat sa Espiritu” gikan sa time code 13:08 hangtod 13:38; “Ipatigbabaw ang Dios Labaw sa Tanan” gikan sa time code 10:40 hangtod 12:23

• Sulod nga ipakita: Tsart nga adunay mga tudling sa kasulatan sa Daang Tugon bahin sa balaang pagkatawo, instruksiyon para sa mga estudyante diha sa seksiyon nga “Pagtuon ug panaghisgot sa estudyante” sa leksiyon

Katuyoan sa leksiyon: Kini nga leksiyon makatabang sa mga estudyante sa paggamit sa mga pagtulun-an ni Jesukristo aron susihon ang ilang paggamit sa teknolohiya.

• Pagpangandam sa estudyante: Dapita ang mga estudyante sa paghunahuna bahin sa paggamit sa teknolohiya ug sa posibleng mga epekto niini ngadto sa ilang kaugalingon ug sa uban. Aron matabangan bahin niini, pwedeng tan-awon sa mga estudyante ang ilang mga device para sa setting o application nga nagpakita kon unsa kadugay gigamit ang device o ang mga application.

• Sulod nga ipakita: Hulagway sa usa ka tawo nga nagtindog sa nagsanga-sanga nga dalan, mga instruksiyon para sa mga estudyante sa seksiyong “Paggamit sa teknolohiya nga may katuyoan” nga leksiyon

• Mga materyal para sa mga estudyante: Mga kopya sa Alang sa Kalig-on sa Kabatan-onan

• Bidyo: “Gahom sa Pagbuntog sa Kaaway” gikan sa time code 3:12 hangtod 3:46

Katuyoan sa leksiyon: Kini nga leksiyon makatabang sa mga estudyante nga masabtan kon sa unsang paagi ang patriyarkal nga mga panalangin mao ang usa ka pagpahayag sa gugma sa Dios ug deklarasyon sa ilang linya sa kaliwatan sa balay sa Israel.

• Pagpangandam sa estudyante: Ikonsiderar ang pagdapit sa mga estudyante nga himoon ang usa sa mosunod sa wala pa ang klase: (1) basahon ang ilang patriyarkal nga mga panalangin o (2) hangyoa kadtong mga nakadawat na sa ilang patriyarkal nga mga panalangin nga ipakigbahin kon unsang paagi nakatabang nila ang ilang mga panalangin.

• Bidyo: “Bethany’s Story” (11:08) gikan sa time code 7:18 hangtod 8:55

Katuyoan sa leksiyon: Kini nga leksiyon makatabang sa mga estudyante sa pagserbisyo sama sa Manluluwas diha sa ilang mga calling.

• Pagpangandam sa estudyante: Ikonsiderar ang paghatag sa mga estudyante sa mosunod nga senaryo ug mga pangutana. Dapita sila nga ihanduraw kon unsay ilang isulti.

  • Unsa kaha tingali ang pipila sa mga calling nga si Evelyn gihangyo nga tumanon?

  • Unsa kahay bation ni Evelyn? Ngano man?

  • Unsay gusto ninyong mahibaloan ni Evelyn bahin sa pagdawat ug pagtuman sa mga calling?

• Bidyo: “Motuo, Mohigugma, Mobuhat” gikan sa time code 11:00 hangtod 12:08

• Handout: “Pagserbisyo Sama sa Manluluwas”