Pagdawat ug Pagtuman sa mga Calling

Usa ka batan-ong babaye nga gingalan og Evelyn ang makigkita sa usa ka sakop sa bishopric. Sa dihang iyang gidapit siya nga makigkita kaniya, miingon siya nga adunay calling nga gusto niyang ikonsiderar niya. Wala pa siyay calling kaniadto.

• Unsa kaha tingali ang pipila sa mga calling nga si Evelyn gihangyo nga tumanon?

  Ang pipila sa posibleng mga tubag mao ang pagkapresidente sa klase, diha sa mga komite sa misyonaryo ug family history sa imong ward, ug ingon nga tigpangalagad sa usa ka tawo diha sa ilang ward.

• Unsa kahay bation ni Evelyn? Ngano man?

  Ang pipila sa mga ehemplo nga tingali ipakigbahin sa mga estudyante mao nga nakulbaan tingali siya nga dili niya mahimo ang labing maayo, mao nga nabalaka siya sa pagdawat og laing responsibilidad samtang busy siya, o nga mahinamon siyang moserbisyo kay nangita siyag laing paagi sa pagtabang sa uban.

• Unsay gusto ninyong mahibaloan ni Evelyn bahin sa pagdawat ug pagtuman sa mga calling?

Paggahin og panahon sa pagpamalandong kon unsa kamo kaandam sa pagdawat ug pagtuman og usa ka calling. Samtang magtuon kamo niini nga leksiyon, tinguhaa ang direksiyon gikan sa Ginoo aron makat-onan ug mabati kon unsay labing makatabang ninyo sa pagdawat ug pagserbisyo sa mga calling.

Si Elder Dieter F. Uchtdorf sa Korum sa Napulog Duha ka Apostoles mitudlo sa usa sa mga rason kon nganong atong dawaton ug tumanon ang mga calling:

19:39

Diha sa buhat sa Manluluwas, sa kanunay kini pinaagi sa gagmay ug yano nga “[mga] dagko nga butang ipahinabo” [Alma 37:6].

Nakahibalo kita nga gikinahanglan ang pagbalik-balik og buhat aron mahanas sa bisan unsang butang. Bisan sa pagdula sa clarinet, sa pagpatid og bola ngadto sa net, pag-ayo og sakyanan, o bisan sa pagpalupad og eroplano, pinaagi lang sa pagbansay nga kita mahimong mas maayo.

Ang organisasyon sa atong Manluluwas namugna sa yuta—Ang Simbahan ni Jesukristo sa mga Santos sa Ulahing mga Adlaw—makatabang nato sa pagbuhat gayud niana. Nagtanyag kini og dapit sa pagpraktis nga magpakabuhi sa paagi nga Iyang gitudlo ug mopanalangin sa uban sama sa Iyang gihimo.

Isip miyembro sa Simbahan, gihatagan kita sa mga calling o responsibilidad, ug mga oportunidad sa pagtabang gumikan sa kalooy ug pagserbisyo ngadto sa uban. (“Motuo, Mohigugma, Mobuhat,” Liahona, Nob. 2018, 48)

• Unsaon nimo pag-summarize ang gitudlo ni Elder Uchtdorf?

  Ang mga estudyante mahimong mopakigbahin og lainlaing mga kamatuoran. Dapita sila sa pagpasabot kon nganong importante kini nga mga kamatuoran. Kon dili natural kini nga hisgotan sa mga estudyante, isulat ang mosunod nga kamatuoran diha sa pisara: Ang mga calling sa Simbahan mao ang mga kahigayonan sa pagpanalangin ug pagserbisyo sa uban sama sa gihimo sa Manluluwas.

  Ikonsiderar ang pag-display og hulagway sa Manluluwas ug ipangutana ang mosunod. Pwedeng isulat sa mga estudyante ang ilang mga tubag palibot sa hulagway sa Manluluwas.

• Kanus-a ka giserbisyohan sa usa ka tawo sama sa pagserbisyo sa Manluluwas? Unsay epekto niini diha kaninyo?

• Ngano kahang ganahan man sa usa ka tawo nga moserbisyo sa laing tawo sama sa gihimo sa Manluluwas, bisan pa og makulbaan tingali sila sa pagdawat sa usa ka calling?

• Sa unsang mga paagi motabang nato ang mga calling sa pagkat-on sa pagpanalangin ug pagserbisyo sa uban sama sa Manluluwas?

Tun-i ang usa o daghan pa sa mga ehemplo diha sa handout nga para ninyo makatabang samtang inyong ikonsiderar ang pagdawat ug pagtuman sa mga calling diha sa Simbahan sa Manluluwas.