Pag-ugmad sa Pagbarog pinaagi sa Kinaugalingong Paningkamot: Kinatibuk-ang Pagpasabot

Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

“Pag-ugmad sa Pagbarog pinaagi sa Kinaugalingong Paningkamot: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)

“Pag-ugmad sa Pagbarog pinaagi sa Kinaugalingong Paningkamot: Kinatibuk-ang Pagpasabot,” Manwal sa Magtutudlo sa Seminary sa Daang Tugon

Pag-ugmad sa Pagbarog pinaagi sa Kinaugalingong Paningkamot

Kinatibuk-ang Pagpasabot

Ang pagbarog pinaagi sa kinaugalingong paningkamot mao “ang abilidad, pasalig, ug paningkamot sa pagsangkap sa espirituwal ug temporal nga mga kinahanglanon sa kinabuhi alang sa kaugalingon ug sa pamilya” (Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 22.0, Librarya sa Ebanghelyo). Samtang nagpakita kita og hugot nga pagtuo diha ni Jesukristo, tabangan kita sa Langitnong Amahan ug ni Jesukristo sa pag-ugmad og pagbarog pinaagi sa kinaugalingong paningkamot diha sa tanang aspeto sa atong kinabuhi ug tabangan kita nga mas maatiman ug matabangan ang uban.

Sugyot sa gipaspason: Tingali labing epektibo ang pagtudlo niini nga mga leksiyon sumala sa pagkasunod-sunod dinhi niini nga dokumento. Ang unang duha sa leksiyon nagpaila sa mga estudyante sa mga baroganan sa pagbarog pinaagi sa kinaugalingong paningkamot ug motabang nga mas masabtan nila ang kataposang duha ka leksiyon. Makatabang usab ang pagtudlo sa unang duha niini nga mga leksiyon sa sayong bahin sa tuig sa kalendaryo aron makapangandam ang mga estudyante nga masabtan ang mga baroganan nga ilang tun-an sa “Pisikal ug Emosyonal nga Kahimsog,” “Pagpangandam alang sa Umaabot nga Edukasyon ug Panarbaho,” ug “Pagmalamposon sa Eskuwelahan” nga mga leksiyon.

Dugang pa, tulo sa mga leksiyon sa pagbarog pinaagi sa kinaugalingong paningkamot ang migamit sa mga bahin sa istorya ni Jose sa Ehipto nga naa sa Genesis 37–47. Depende sa panginahanglan sa imong mga estudyante ug sa uban pang mga konsiderasyon sa gipaspason, makapili ka sa pagtudlo sa pipila niini nga mga leksiyon sa pagbarog pinaagi sa kinaugalingong paningkamot nga dungan sa mga leksiyon sa Daang Tugon nga naghisgot sa parehong istorya. Tan-awa ang “Paghimo og Pagbansay sa Giya sa Gipaspason ” alang sa dugang tabang sa paghimo og mga desisyon sa gipaspason para sa mga leksiyon sa Pagpangandam sa Kinabuhi.

Pangandam sa Pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Pag-ugmad sa Pagbarog pinaagi sa Kinaugalingong Paningkamot diha sa Pamaagi sa Ginoo

Katuyoan sa leksiyon: Aron tabangan ang mga estudyante nga masabtan kon nganong importante ang pag-ugmad sa pagbarog pinaagi sa kinaugalingong paningkamot diha sa plano sa Langitnong Amahan para nato.

Pagpangandam sa estudyante: Ikonsiderar ang paghangyo sa mga estudyante nga mohimog usa ka butang sa ilang kaugalingon nga gihimo sa uban sauna para nila. Pananglitan, pwede silang mag-andam og pagkaon, manglaba, magbayad sa usa ka butang nga sagad ang ilang ginikanan ang mobayad, o ayohon ang usa ka butang diha sa ilang balay.
Mga materyal para sa mga estudyante: Mga kopya sa mga pamahayag gikan ni Bishop Waddell ug sa Mga Hilisgotan ug mga Pangutana nga ihatag ngadto sa duha ka estudyante
Hulagway: Hulagway sa gamayng langgam
Sulod nga ipakita: Mga pamahayag ni Bishop Waddell ug Mga Hilisgotan ug mga Pangutana; mga instruksiyon ug mga pangutana para sa pagsukod sa kaugalingon; mga instruksiyon, mga pakisayran sa kasulatan, ug mga pangutana para sa kalihokan sa grupo
Mga bidyo: “Ang Tanang Nakong Gikinahanglan” (1:44)

Pagpakitag Hugot nga Pagtuo diha ni Jesukristo sa Pag-ugmad sa Pagbarog pinaagi sa Kinaugalingong Paningkamot

Timan-i: Kini nga leksiyon naggamit sa mga bahin sa istorya ni Jose sa Ehipto nga makita sa Genesis 39–41. Pwede nimong ikonsiderar ang pagtudlo niini nga leksiyon sa samang panahon nga imong itudlo ang Leksiyon 33: “Genesis 37–41.” Tun-an sa mga estudyante ang daghang sama ra nga mga bersikulo sa kasulatan niining duha ka leksiyon.

Katuyoan sa leksiyon: Aron tabangan ang mga estudyante sa pagpakitag hugot nga pagtuo nga panalanginan sila sa Langitnong Amahan ug ni Jesukristo sa ilang paningkamot nga mobarog pinaagi sa kinaugalingong paningkamot.

Pagpangandam sa estudyante: Ikonsiderar ang pagdapit sa mga estudyante nga isulat ang mga babag nga nakapalisod nila sa pagbarog pinaagi sa kinaugalingong paningkamot sa usa o kapin pa sa mosunod nga bahin:
- Kahibalo sa ebanghelyo
- Pinansiyal nga mga panginahanglan karon ug sa umaabot
- Edukasyon ug panarbaho
- Pisikal nga mga panginahanglan
- Emosyonal ug sosyal nga panginahanglan
Sulod nga ipakita: Pagsukod sa kaugalingon sa estudyante, apil ang mga instruksiyon ug mga kategorya
Mga bidyo: “I Will Provide for My Saints” (3:08) gikan sa time code 0:00 hangtod 1:52
Handout: “Pagpakitag Hugot nga Pagtuo sa Pag-ugmad sa Pagbarog pinaagi sa Kinaugalingong Paningkamot”

Maalamong Pagdumala sa Pinansyal nga mga Kapanguhaan

Timan-i: Kini nga leksiyon naggamit sa mga bahin sa istorya ni Jose sa Ehipto nga makita sa Genesis 41 nga wala tun-i sa Leksiyon 33: “Genesis 37–41.” Pwede nimong itudlo kini nga leksiyon sa panahon nga imong itudlo ang leksiyon 33 aron hatagan ang mga estudyante og dugang pagsabot bahin niini nga asoy sa kasulatan.

Katuyoan sa leksiyon: Aron tabangan ang mga estudyante sa paggamit sa dinasig nga mga baroganan aron madumala ang mga desisyon bahin sa kwarta sa paagi sa Ginoo.

Pagpangandam sa estudyante: Sa dili pa itudlo kini nga leksiyon, ikonsiderar ang pagpakitay sa “Mapa sa Malamaposong Pagdumala sa Kwarta” diha sa pisara ug pagdapit sa mga estudyante sa pagkuha og hulagway niini diha sa ilang mga selpon. Pwede usab kang maghatag og giprinta nga mga kopya niini ngadto sa mga estudyante.
- Dapita ang mga estudyante sa pagtuon sa mapa ug hunahunaon kon sa unsang paagi kini makatabang nila sa paglakip sa Ginoo diha sa pagdumala sa ilang pinansyal nga mga kapanguhaan. Pasudla sila sa klase nga andam sa pagpakigbahin sa ilang nakat-onan.
Sulod nga ipakita: Tsart bahin sa mga desisyon bahin sa kwarta; ang “Mapa sa Malamaposong Pagdumala sa Kwarta”; pamahayag gikan ni Bishop L. Todd Budge
Handout: “Paghimog mga Desisyon bahin sa Kwarta sumala sa Pamaagi sa Ginoo”
Mga bidyo: “Ang mga Tamboanan sa Langit” (16:55) gikan sa time code 0:39 hangtod 2:22

Pagsangkap sa Atong Kaugalingon ug Pag-atiman Niadtong Nanginahanglan

Timan-i: Kini nga leksiyon naggamit sa mga bahin sa istorya ni Jose sa Ehipto nga makita sa Genesis 45; 47. Pwede nimong ikonsiderar nga itudlo kini nga leksiyon sa samang panahon nga imong itudlo ang Leksiyon 35: “Genesis 42–45.”

Katuyoan sa leksiyon: Aron tabangan ang mga estudyante nga mailhan ang mga paagi diin ang pagbarog pinaagi sa kinaugalingong paningkamot nga makapahimo nila sa pagtabang sa uban sama sa buhaton ni Jesukristo.

Pagpangandam sa estudyante: Dapita ang mga estudyante nga paminawon o basahon ang mga pulong sa himno nga “Ang Subo nga Magpapanaw” (Mga Himno, num. 20). Pwedeng mangita og paagi ang mga estudyante nga atong maatiman ang uban sama sa buhaton ni Jesus.
Hulagway: Hulagway sa mga oxygen mask sa eroplano
Mga bidyo: “Joseph Smith” (14:49) gikan sa time code 9:38 hangtod 10:20
Sulod nga ipakita: Hulagway sa oxygen mask nga idrowing sa mga estudyante; mga instruksiyon para sa kalihokan sa estudyante