Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Хариултаа олоход нь туслахын тулд тэнгэрээс томилогдсон эх сурвалжуудад хандах: Их Эзэний тэнгэрээс томилогдсон эх сурвалжууд

“Хариултаа олоход нь туслахын тулд тэнгэрээс томилогдсон эх сурвалжуудад хандах: Их Эзэний тэнгэрээс томилогдсон эх сурвалжууд,” Хуучин Гэрээний семинарын багшийн гарын авлага (2026)

165-р хичээл: Төгс эзэмших сургаал: Асуултдаа хариулт олох

Хариултаа олоход нь туслахын тулд тэнгэрээс томилогдсон эх сурвалжуудад хандах

Их Эзэний тэнгэрээс томилогдсон эх сурвалжууд

A young woman in Thailand sits on a couch studying. In some shots her father is with her.

Бид олон хүн “мууг сайн, сайныг муу” (Исаиа 5:20) гэж нэрлэж буй цаг үед аж төрж байгаа учраас үнэнийг танихад хэцүү байдаг. Гэвч Тэнгэрлэг Эцэг, Есүс Христ хоёр хэрэгтэй тусламжаар хангаж байсан. Энэ хичээл Тэнгэрлэг Эцэг, Есүс Христ хоёрын хайраар өгсөн эх сурвалжуудаас үнэнийг эрэлхийлэхэд суралцагчдад тусална.

Суралцагчийн бэлтгэл: Гэрийн даалгавар, сонирхдог зүйл эсвэл хобби, түүхэн үйл явдал, Аврагчийн сайн мэдээ, Сүм гэх мэт зүйлсийн талаар асуух зүйл гарч ирэх үед аль эх сурвалжид хандсанаа бодож үзэхэд суралцагчдыг урь. Тэднийг яагаад тодорхойлсон эх сурвалжууд руугаа ханддаг талаараа тунгаан бодоход урь.

Боломжит суралцах үйл ажиллагаа

Бодит зүйл гэж юу вэ?

Хиймэл эд зүйл эсвэл дүрс харуулж хичээлээ эхлүүлэхийг бод. Жишээлбэл: Та дугуйчин, баавгай хоёрын зургийг хичээлийн дундуур үзүүлж болно. Тус зураг бодит гэдэгт итгэж буй эсэхээ хуваалцахыг суралцагчдаас хүс. Дараа нь зөвхөн дугуйчныг харуулсан бодит зургийг үзүүл.

Үнэн бодит эсэхэд эргэлзсэн зүйлийг та хэзээ харж эсвэл уншиж байсан бэ?
Өнөө үед үнэнийг таньж мэдэхэд юу саад болдог вэ?

Их Эзэн бошиглогч Исаиагаар дамжуулан өнөө үед бидэнд тохиолдож болох, үнэнийг танихад бэрх нэг асуудлын талаар сэрэмжлүүлжээ. Исаиа 5:20-ийг уншаад, Их Эзэний юу заасныг олж мэд.

Та нар хэзээ “сайн” гэж нэрийдсэн ямар нэгэн муу зүйлийг эсвэл “муу” гэж нэрийдсэн сайн зүйлийг харж байсан бэ?

Үнэнийг худлаас ялган танихдаа болгоомжтой байх хэрэгтэйг ойлгоход бидэнд туслахын тулд Тэргүүн зөвлөлийн ерөнхийлөгч Даллин Х.Өүкс ийн тайлбарлажээ.

Бид асар их хийгээд өргөн тархсан мэдээллийн эрин үед амьдарч байна. Гэвч эдгээр мэдээллийн зарим нь үнэн биш юм. Бид үнэнийг эрэлхийлж, тухайн судалгаанд тохирсон эх сурвалжийг сонгохдоо анхааралтай байвал зохино. Бид дэлхийн нэр төр, эрх мэдлийг үнэний баталгаатай эх сурвалж хэмээн үзэх ёсгүй. Бид урлагийн одод, нэртэй тамирчид, интернэт дэх тодорхойгүй эх сурвалжуудаас авсан мэдээлэл, зөвлөгөөнд итгэж найдахаас болгоомжилбол зохино. Нэг салбарын мэргэжилтнийг нөгөө салбарын үнэнийг мэддэг хүн гэж үзэж болохгүй. (“Үнэн ба төлөвлөгөө,” 2018 оны 10-р сарын Ерөнхий чуулган, 28)

Өөрөөсөө ийн асуу.

Та үнэнийг таних өөрийн чадварт хэр итгэлтэй байна вэ?
Сайн мэдээтэй болон Сүмтэй холбоотой асуултуудад үнэн зөв хариулт өгнө гэдэгт та хэнд итгэж болох вэ?

Тэнгэрлэг Эцэг, Есүс Христ хоёр бидэнд хайртай бөгөөд юу нь бодитой, юу нь бодитой биш гэдгийг таньж мэдэхэд бидэнд туслахыг хүсдэг. Өнөөдрийн хичээлийн турш Тэдний бидэнд юу өгснийг ойлгохын тулд тусламж авахаар Сүнсний шивнээнд анхаарлаа хандуул.

Тэнгэрээс томилогдсон эх сурвалж

Төгс эзэмших сургаалыг судлах үндсэн материал (2023) дээрх “Сүнслэг мэдлэг олж авах” хэсгийн 11, 12-р догол мөрийг уншаад, асуултуудынхаа хариултыг эрэлхийлж байхдаа мэдэх нь чухал гэж үзсэн сургаалуудаа тэмдэглэ.

Та хамтрагчтайгаа юу олж мэдсэнээ, яагаад үүнийг чухал гэж үзэж байгаагаа хуваалцахад суралцагчдыг урьж болно.

Олж мэдсэн зүйлээ ангийнхантайгаа нэгтгэн дүгнэхэд суралцагчдыг урь. Тэд дараах үнэнүүдийг тодорхойлж болно.

Их Эзэн хариулт, удирдамжийг олоход маань туслах тэнгэрээс томилогдсон эх сурвалжуудыг бидэнд өгсөн.
Их Эзэн биднийг үнэнийг худлаас ялган танихын тулд Түүний тэнгэрээс томилогдсон эх сурвалжид хандах үед, тухайлбал Ариун Сүнснээс удирдамж эрэлхийлэх үед бидэнд туслах болно.

Бид асуултдаа хариулт эрэлхийлэхдээ Их Эзэний тэнгэрээс томилогдсон эх сурвалжид найдах нь яагаад чухал гэж та бодож байна вэ?

Үнэнийг худлаас ялган таних

Их Эзэний бидэнд үнэнийг худлаас ялган танихад тусалдаг талаарх жишээг суралцагчдад өгөхийн тулд та Мосе 1-ээс Сатаны Мосетой нүүр тулсан тухай судрын түүхийг судалж болно. Сатаны Мосетой нүүр тулсан тухай хичээл доторх зургийг үзүүлэхийг бод. Энэ түүхийн талаар юу мэддэг эсвэл юу санаж байгааг нь суралцагчдаас асуу.

Мосег Бурхантай нүүр тулж ярилцсаны дараа Сатан ирж, өөрийгөө бишрэн шүтүүлэхээр Мосег мэхлэх гэж оролджээ (Moсе 1:12-ыг үзнэ үү).

Суралцагчдыг хоёр хоёроор нь хуваарилахыг бод. Суралцагчид доорх шүлгүүдийг бие даан судлаад, дараа нь дараах асуултуудын хариултыг бие биетэйгээ хуваалцаж болно:

Мосе 1:13–16-г уншаад, Мосе Бурханыг Сатанаас хэрхэн ялган таньж чадсаныг олж мэд.

Та нар юу олж мэдсэн бэ?
Бид үнэнийг болон асуултынхаа хариултыг олох эх сурвалжийг сонгох үедээ Мосегийн туршлагыг амьдралтайгаа хэрхэн холбож болох вэ?

Суралцагчид дараах хариултуудыг ашиглан хариулж болно. Үүнд: Бид Бурхантай холбоотой туршлагаа тунгаан бодсоноор үнэнийг олж тогтоож чадна; бид үнэний эцсийн эх сурвалж болох Бурханд найдаж болно; эсвэл Бурхан гэрлийг харанхуйгаас ялган танихад бидэнд тусалж чадна.

Та “In Search of Truth (Үнэний эрэлд)” видеоны үлдсэн хэсгийг цагийн код 1:27-оос 3:03 хүртэл үзүүлж болно. Суралцагчид видеон дээрх хүмүүс үнэнийг олохын тулд ямар эх сурвалж ашигласныг олж мэдэн хуваалцаж болно.

3:3

Хэрэв тустай гэж үзвэл дараах асуултуудыг үзүүлээд, хариултаа жижиг цаасан дээр бичихэд суралцагчдыг урих талаар бодож үз. Суралцагчид цаасаа нугалаад, саванд хийж болно. Дараа нь суралцагчид бусад суралцагчийн бичсэн хариултаас хэд хэдийг гаргаж ирээд уншиж болно.
Тэнгэрлэг Эцэгийн бидний цаг үед өгсөн тэнгэрээс томилогдсон эх сурвалжгүйгээр мэдэх боломжгүй юуг олж мэдсэндээ та нар талархаж байна вэ? Яагаад?

Дадлага

Дараах үйл ажиллагаа нь асуултынхаа хариултыг олохын тулд тэнгэрээс томилогдсон эх сурвалжид хандах дадлага хийхэд нь суралцагчдад туслах зорилготой.

Суралцагчдыг хоёр хоёроор нь эсвэл жижиг бүлгүүдэд хуваарилж, дараах мэдэгдлүүдийг үзүүл. Та суралцагчдынхаа хэрэгцээнд тохируулан эдгээр мэдэгдлийг өөрчилж болно.

Дараах худал мэдэгдлүүдээс нэгийг сонго эсвэл өөрөө нэгийг зохио.

Худал: Бид бусдыг гомдоогоогүй л бол бидний хэрхэн амьдрахыг Бурхан тоохгүй.
Худал: Энэ амьдралын дараа амьдрал байдаггүй. Бид төрөхөөсөө өмнө байгаагүй, нас барсныхаа дараа ч оршин байхгүй.
Худал: Бидэнд Библи байгаа учраас Мормоны Ном үнэндээ хэрэггүй.

Тэнгэрээс томилогдсон эх сурвалжуудыг ашиглаад, сонгосон худал мэдэгдлээ залруулах мэдэгдлүүдийг ол. Олж мэдсэнээ судлах тэмдэглэлдээ бич.

Таны ашиглаж болох тэнгэрээс томилогдсон эх сурвалжуудын жишээг харуулъя.

Төгс эзэмших сургаалын хэсгүүд, Судруудын удирдамж, Сэдэвчилсэн удирдамж эсвэл судрын индекс
ChurchofJesusChrist.org вэбсайт дээрх Сэдэв ба асуултууд
Ерөнхий чуулганы үгс
Gospel Library
Таны эцэг эх эсвэл Сүмийн удирдагч
Хэрэв суралцагчдад тусламж хэрэгтэй бол дараах эх сурвалжуудыг жишээ болгон хуваалцахыг бодоорой.
- Бид бусдыг гомдоогоогүй л бол бидний хэрхэн амьдрахыг Бурхан тоохгүй. (Гэтлэл 20:3–17; Сэдэв ба асуулт дахь “Зарлигууд”)
- Энэ амьдрал бол бүх зүйл юм. Бид төрөхөөсөө өмнө байгаагүй, нас барсныхаа дараа ч оршин байхгүй. (Aбрахам 3:22–23; Иеремиа 1:4–5; Иов 19:25–26; Сэдэв ба асуулт дахь “Авралын төлөвлөгөө” хэсэг)
- Бидэнд Библи байгаа учраас Мормоны Ном үнэндээ хэрэггүй. (Езекиел 37:15–17; 2 Нифай 29:6–10; Сэдэв ба асуулт дахь “Мормоны Ном”)
Хангалттай хугацаа өгсний дараа самбар дээр эдгээр худал мэдэгдэлд зориулсан үнэн мэдэгдлүүдийг бичихэд суралцагчдыг урь.

Ямар эх сурвалжид хандсанаа мөн эдгээр эх сурвалжаас юу олж мэдсэнээ хуваалцахад суралцагчдыг урь. Суралцагчид хариултуудаа олохын тулд юу хийснээ мөн хуваалцаж болно.

Хичээлийг өндөрлөхийн тулд дараах асуултыг тавих талаар бодож үз. Та мөн Тэнгэрлэг Эцэг, Есүс Христ хоёрын тэнгэрлэгээр томилогдсон эх сурвалжуудын талаарх туршлагаа эсвэл гэрчлэлээ хуваалцахыг хүсэж болно.
Тэнгэрлэг Эцэг, Есүс Христ хоёрын бидэнд хайраар өгсөн, тэнгэрлэгээр томилогдсон эх сурвалжуудын тухай та өнөөдөр юу мэдэж авсан бэ?

Нэмэлт эх сурвалж

Би үнэнийг хаанаас олох вэ?

Ерөнхийлөгч Рассэлл М.Нэлсон ийн гэрчилжээ.

Бурхан бүх үнэний эх сурвалж мөн. Шинжлэх ухааны лабораторид судалсан байна уу, Бурханаас шууд илчлэлээр хүлээн авсан байна уу, Түүний хүүхдүүддээ илэрхийлдэг бүх үнэнийг Есүс Христийн Хожмын Үеийн Гэгээнтнүүдийн Сүм хүлээн зөвшөөрдөг. (“Юу үнэн бэ?” Лиахона, 2022 оны 11-р сар, 30)

Үнэний эх сурвалжуудыг танихад надад юу тус болж чадах вэ?

Тэргүүн зөвлөлийн ерөнхийлөгч асан Дийтр Ф.Угдорф ийн тайлбарлажээ.

Үнэндээ, таны үнэний төлөөх энэхүү тасралтгүй үргэлжилж буй эрэл хайгуулд хүчирхэг хамтрагч, найдвартай хөтөч байгаа. Хэн гээч? Тэр бол Ариун Сүнс. Тэнгэрлэг Эцэг маань бидэнд мөнх бус амьдралдаа хоорондоо зөрчилдөж буй бүх дуу хоолойг шигшээд, үнэнийг олж мэдэх нь хэчнээн хэцүү болохыг мэдэж байсан юм. Тэрээр биднийг үнэний зөвхөн нэг хэсгийг л харах бөгөөд Сатан биднийг хууран мэхлэхийг хичээнэ гэдгийг мэдэж байсан. Тиймээс Тэр бидний оюуныг гэрэлтүүлж, бидэнд заан, үнэнийг гэрчлэх тэнгэрлэг Ариун Сүнсний бэлгийг бидэнд өгсөн. (“What Is Truth?“ [worldwide devotional for young adults, Jan. 13, 2013], Gospel Library)

Есүс Христийн Хожмын Үеийн Гэгээнтнүүдийн Сүмийн Ерөнхий гарын авлага дээр ийн дурджээ.

Өнөөгийн дэлхийд мэдээллийг төвөггүй авч, хуваалцах боломжтой болсон. Энэ нь сурч боловсорч, мэдээлэл авах хүсэлтэй хүмүүсийн хувьд асар том адислал байж болно. Гэхдээ мэдээллийн олон эх сурвалж найдваргүй бөгөөд сэнхрүүлдэггүй. Зарим эх сурвалж уур хилэн, зөрчилдөөн, айдас болон ул үндэсгүй хуйвалдааны онолыг тараахыг эрэлхийлдэг (3 Нифай 11:30; Mозая 2:32-ыг үзнэ үү). Тиймээс Сүмийн гишүүд үнэнийг эрэлхийлэхдээ ухаалаг байх нь чухал юм.

Сүмийн гишүүд баталгаатай, найдвартай, баримттай мэдээллийн эх сурвалжийг эрэлхийлж, хуваалцах ёстой. Тэд таамаг, ул үндэсгүй цуурхал дээр үндэслэсэн эх сурвалжаас зайлсхийх хэрэгтэй. Ариун Сүнсний удирдамжаас гадна нухацтай судлах нь гишүүдэд үнэн, худлыг хооронд нь ялган танихад тусална (Сургаал ба Гэрээ 11:12; 45:57-г үзнэ үү). Сургаал, Сүмийн бодлоготой холбоотой асуудалд зөвшөөрөгдсөн эх сурвалж нь зөвхөн судрууд, амьд бошиглогчдын сургаал болон Ерөнхий гарын авлага байна. (Ерөнхий гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь, 38.8.41, Gospel Library)

Бид Есүс Христийн зөв сургаалыг хаанаас олж болох вэ?

Арван хоёр төлөөлөгчийн чуулгын ахлагч Нийл Л.Андэрсэн ийн заажээ.

14:55

Хэдэн арван жилийн өмнө Сүмийн нэг удирдагчийн хэлсэн үг бидний сургаалтай нийцэхгүй байгаа мэт санагдсан үед цөөн хүн итгэлдээ эргэлзсэн явдал бий. Сүмийн сургаалд удирдлага болгодог нэг чухал зарчим байдаг. Аль нэг сургаалыг Тэргүүн зөвлөл болон Арван хоёр төлөөлөгчийн чуулгын 15 гишүүн бүгдээрээ адилхан заадаг. Энэ нь хэн нэгний хэлсэн тодорхой бус үгсээр халхлагдсан байдаггүй. Үнэн зарчмуудыг олон удаа, олон хүн заасан байгаа. Манай Сүмийн сургаалыг олж үзэхэд ямар ч төвөггүй. (“Итгэлийн тань сорилт,” 2012 оны 10-р сарын Ерөнхий чуулган, 51)

Нэмэлт суралцах үйл ажиллагаа

Хичээл зүтгэлийн ач холбогдол

Ерөнхийлөгч Рассэлл М.Нэлсоны дараах мэдэгдлийг хуваалцахыг бод.

Залхуу суралцагч, хойрго дагалдагчдад итгэлийн жижиг хэлтэрхийг ч болов бий болгоход үргэлж хэцүү байх болно.

Аливаа зүйлийг сайн хийж сурахад хичээл зүтгэл хэрэгтэй байдаг. Есүс Христийн үнэн дагалдагч болоход ч мөн адил юм. Түүнд итгэх итгэл, найдвараа нэмэгдүүлэхэд зүтгэл хэрэгтэй. (“Христ амилсан бөгөөд Түүнд итгэх итгэлээр уулсыг нүүлгэж чадна,” 2021 оны 4-р сарын Ерөнхий чуулган, 103)

Энэ мэдэгдэл асуултынхаа хариултыг олохын тулд тэнгэрлэгээр томилогдсон эх сурвалжид хандахтай ямар холбоотойг юу гэж мэдэрсэн талаараа хуваалцахад суралцагчдыг урь.

Шаргуу эрэл хайгуул хийх, суралцахдаа залхуурах хоёрын нэг жишээ болгож Мормоны Номын бошиглогч Лихай зүүднийхээ талаар гэрийнхэндээ ярьсан гэдгийг тайлбарла. Гэр бүлийнхэн нь зүүдийг нь ойлгосонгүй. 1 Нифай 10:17–19; 11:1 ба 1 Нифай 15:1–3, 6–9-ийг тус тус уншаад, Нифайн хариултыг Лемен, Лемүел хоёрынхтой харьцуулахад урь. Мөн та дараахтай адил асуултуудыг тавьж болно.

Та Нифай, түүний ах нарын үлгэр жишээнээс юу сурч болох вэ?
Бурхан бидэнд зөвхөн хариулт өгөхийн оронд хичээл зүтгэл гаргахыг хүлээдэг нь ямар адислал болдог гэж та бодож байна?

Найдвартай эх сурвалжтай зөвлөлдөх

Мэдээллийн эх сурвалжийнхаа чанарыг хэрхэн үнэлж дүгнэхийг мэдэхэд нь суралцагчдад туслахын тулд “Найдвартай эх сурвалжтай зөвлөлдөх нь” нийтлэл дэх зөвлөгөөг хуваалцахыг бодоорой. Та зөвлөгөөг суралцагчдад оноож, уншсан зүйлээ болон яагаад энэ зөвлөгөөг чухал гэж бодож байгаагаа дүгнэхэд тэднийг урьж болно.

Үнэнийг худлаас ялгах

Хэрэв найдвартай эх сурвалжийг олж тогтоох тухай дэлгэрэнгүй ярилцах нь суралцагчдад тустай гэж үзвэл дараах эшлэлүүдийг самбар дээр бичихийг бод. Та суралцагчдыг хоёр хоёроор нь хуваарилж, суралцагч тус бүрээр нэг эсвэл хоёр судрын шүлэг судлуулж болно. Дараа нь суралцагчид найдвартай, найдваргүй эх сурвалжуудыг таних талаар олж мэдсэн зүйлээ нэг нэгэндээ тайлбарлаж болно.

Тэнгэрлэг эх сурвалжуудаас үнэнийг олж тогтоох

“Тэнгэрээс томилогдсон эх сурвалжууд” (9:16) видеоны зарим хэсгийг эсвэл бүгдийг үзүүлэх талаар бодож үз. Ингэснээр суралцагчид зарим өсвөр насныхны үнэнийг олохын тулд тэнгэрээс томилогдсон эх сурвалжуудад хандсан туршлагыг сонсоно. Та энэ видеог дадлага хийх үйл ажиллагааны өмнө эсвэл дараа үзүүлж болно.

9:16