Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Сайн мэдээний сэдэв, асуултыг мөнхийн талаас нь шинжлэн судлах: Юмсыг Их Эзэний хардгийн адил харахыг эрмэлзэх нь

“Сайн мэдээний сэдэв, асуултыг мөнхийн талаас нь шинжлэн судлах: Юмсыг Их Эзэний хардгийн адил харахыг эрмэлзэх нь,” Хуучин Гэрээний семинарын багшийн гарын авлага (2026)

“Сайн мэдээний сэдэв, асуултыг мөнхийн талаас нь шинжлэн судлах: Юмсыг Их Эзэний хардгийн адил харахыг эрмэлзэх нь,” Хуучин Гэрээний семинарын багшийн гарын авлага

164-р хичээл: Төгс эзэмших сургаал: Асуултууддаа хариулт олох

Сайн мэдээний сэдэв, асуултыг мөнхийн талаас нь шинжлэн судлах

Юмсыг Их Эзэний хардгийн адил харахыг эрмэлзэх нь

Бид асуултынхаа хариултыг эсвэл асуудлынхаа шийдлийг тэр даруй олж чадахгүй байж болох ч энэ нь асуудал биш. Эдгээр цаг мөч бол Тэнгэрлэг Эцэг, Есүс Христ хоёрт итгэх боломж юм. Тэд бидний харж чадахгүй зүйлийг хардаг. Тэд бидний мэдэхгүй зүйлийг мэддэг. Бид аливаа зүйлийг Тэдэн шиг харахыг хичээснээр өөрсдийн асуулт, сэтгэл зовоосон асуудлуудыг өөр өнцгөөс харж эхэлдэг. Энэ хичээл нь ойлголт, асуултуудыг мөнхийн талаас нь шинжлэн судлахад суралцагчдад тусална.

Суралцагчийн бэлтгэл: Юмсыг өөр өнцгөөс харахын үнэ цэнийг харуулахын тулд үзүүлэнт хичээл эсвэл аналоги зохиоход суралцагчдыг урь. Хичээлийн эхэнд тэдэнд санаа бодлоо хуваалцах боломж гаргаж өгч болно.

Боломжит суралцах үйл ажиллагаа

Мөнхийн талаас нь харах

Аливаа зүйлийг өөр өнцгөөс харахын үнэ цэнийг харуулах үзүүлэнт хичээл эсвэл зүйрлэл бодож олоход суралцагчдыг урих талаар бодож үз. Тэднийг санаа бодлоо ангийнхантайгаа хуваалцахад урь. Эсвэл та “Гэр орон–Хязгаарлагдмал үзэл санаа” гарчигтай зургуудыг үзүүлээд, хамтрагчтайгаа дараах асуултуудыг ярилцахад суралцагчдыг урьж болно.

Хэрэв та эдгээр байшингийн аль нэгд амьдрахыг сонгох бол алиныг нь сонгох вэ? Яагаад?

Өгөгдсөн зургуудын “Гэр орон–Нарийвчилсан үзэл санаа” нэртэй хоёр дахь хэсгийг үзүүлээд, дараагийн асуултыг авч ярилцахад суралцагчдыг урь.

Энэхүү нэмэлт үзэл санаа таны сонголтод хэрхэн нөлөөлж байна вэ?
Аливаа зүйлийг өөр өнцгөөс харах нь бидний ямар нөхцөл байдалд тус болж болох вэ?

Эдгээр байшин бидний сайн мэдээний талаарх асуулт эсвэл амьдралын нөхцөл байдлыг төлөөлж байна гэж төсөөлөөд үз дээ.

Асуулт эсвэл нөхцөл байдлыг илүү өргөн талаас нь харахыг хичээлгүйгээр дүгнэлт гаргах нь яагаад аюултай байж болох вэ?

Семинарын хичээлийн турш суралцагчид сайн мэдээний талаарх хувийн асуулт эсвэл сэтгэл зовоосон асуудлаа тодорхойлсон байж болно. Хэрэв тийм бол аль нэг асуултыг бодож үзэхэд тэднийг урь. Хэрэв үгүй бол тэднийг өөрсдөдөө болон бусдад байж болох асуулт эсвэл сэтгэл зовоосон асуудлаа одоо эргэцүүлэн бодоход урьж болно. Хичээлийн туршид мөнхийн талаас нь авч үзэх үзэл баримтлал хариулт, шийдэл эсвэл илүү амар амгаланг олоход хэрхэн тусалж болох талаар залбирч тунгаан бодоход суралцагчдыг урь.

Төгс эзэмших сургаалыг судлах үндсэн материал (2023) дахь Сүнслэг мэдлэг олж авах нь хэсгийн 8–10 дахь догол мөрийг уншаад, утга санаа, асуултыг мөнхийн талаас нь шинжлэн судлах талаар юу судалж болохоо олж мэд.

Суралцагчдыг уншиж дуусмагц олж мэдсэн зүйлээ хуваалцахад урь. Тэднийг хуваалцаж байх хооронд та дараахтай адил нэг эсвэл хоёр дагалдах асуултыг тавьж болно.

Есүс Христ, Тэнгэрлэг Эцэг хоёрын хардагтай адилаар юмсыг харах сэдлийг тань төрүүлэх Тэдний талаарх юуг та мэдэх вэ?
Та асуулт эсвэл нөхцөл байдлаа мөнхийн талаас харахад нь хүмүүст туслахын тулд тэдэнд ямар зөвлөгөө өгөх байсан бэ?
Аливаа зүйлийг мөнхийн талаас нь харахад төгс эзэмших сургаалын эсвэл бусад судрын ямар ямар хэсэг тусалдаг вэ?

Та өмнөх асуултад хариулахад нь туслахын тулд Төгс эзэмших сургаалыг судлах үндсэн материал дээрх төгс эзэмших сургаалын хэсгүүдийн жагсаалтаас хайж олоход суралцагчдыг урьж болно.

Энэ ярилцлагын дараа суралцагч бүрд хуудас цаас өг. Утга санаа, асуултуудыг мөнхийн талаас нь шинжлэн судлах талаар сурсан зүйлээ нэг өгүүлбэрт багтаан хураангуйлан бичихэд суралцагчдыг урь. Тэднийг бичиж дууссаны дараа таныг “зогс” гэж хэлэх хүртэл 10 секундын турш аль болох олон суралцагчтай бичсэн цаасаа солилцоход суралцагчдыг урь.

Бусдаас авсан цаасан дээрх өгүүлбэрийг уншуулахаар хэдэн суралцагчийн нэрийг дууд. Суралцагчид хамтдаа дараахтай адил зүйлийг хэлж болох юм. Өөрсдийн асуултыг мөнхийн талаас шинжлэн судлах нь түүнийг Их Эзэний хардгийн адил илүү сайн харахад бидэнд тусална.

Авсан цааснуудаа хадгалж үлдэхийг суралцагчдад зөвлө. Эдгээрийг дараагийн хичээл дээр ашиглаж болно.

Мөнхийн талаас нь харах жишээ

Судруудаас дараах жишээнүүдийн аль нэгийг сонго. Мөнхийн талаас харах нь энэ хүмүүсийн үзэл бодолд хэрхэн нөлөөлснийг олж мэд.

Суралцагчдыг судалж эхлэхээс өмнө та жишээ тус бүрийн нэмэлт хам сэдвийг гаргаж өгч болно. Та Адам, Ева хоёрын түүхийг уншдаг хүмүүст хандаж, зарим хүн Уналт нь дэлхийд нүгэл, үхэл, зовлон зүдүүрийг авчирсан учраас сөрөг зүйл гэж үздэг тухай тайлбарлаж болно. Иовын хувьд та гэр бүлийн олон гишүүн нь нас барж, эд хөрөнгөө алдаж, эрүүл мэндийн хувьд ноцтой асуудлуудтай тулгарсан гэдгийг дурдаж болох юм.

Адам, Ева хоёр Уналтыг тайлбарладаг. Мосе 5:10–11
Иов сорилт бэрхшээлийн үед гэрчлэлээ хуваалцдаг. Иов 19:25–26

Та нар энэ хүний өөрийнхөө нөхцөл байдлыг Тэнгэрлэг Эцэгийн авралын төлөвлөгөөний хүрээнд харж байсан ямар нотолгоог харсан бэ?
Энэ хүний Христийн тухай гэрчлэл нөхцөл байдлыг харахад нь хэрхэн нөлөөлсөн бэ?

Суралцагчдыг олж мэдсэнээ хуваалцсаны дараа, дараах асуултыг тавихыг бод.

Есүс Христийн амьдралд мөнхийн талаас нь авч үзэх үзэл баримтлалтай тулгарсан ямар ямар жишээ байдаг вэ?

Хэрэв тэдэнд жишээ олоход тусламж хэрэгтэй бол та Исаиа 53:3–5, 10-ыг уншихад урь мөн мөнхийн талаас нь авч үзэх үзэл баримтлалын үүднээс, “Түүнийг няцалж, зовоох нь Их Эзэний таалал байв” (Исаиа 53:10) гэдгийн учир шалтгааныг авч ярилцахад суралцагчдыг урьж болно. (Есүс Христийн зовж шаналахыг харах нь Тэнгэрлэг Эцэгийг гуниглуулсан ч Түүний мөнхийн талаас нь харах үзэл баримтлал Түүнд Түүний Хүүгийн Цагаатгал Түүний бүх хүүхдийн төлөөх авралын төлөвлөгөөний чухал хэсэг байсныг харах боломж олгосон.)

Тэнгэрлэг Эцэг, Есүс Христ хоёрын үлгэр жишээг дагахад аливаа зүйлийг мөнхийн талаас харахад туслах нөхцөл байдал өөрт тань тулгарч байгаа эсэхийг тунгаан бод.

Дадлага

Дараагийн үйл ажиллагаанд зориулж, суралцагчид мөнхийн талаас нь харах үзэл баримтлалын тухай нэг өгүүлбэрт багтаасан хураангуйг хуваалцсаны дараа өмнө нь авсан цаасыг ашиглаж болно.

Өсвөр насны хүүхдэд тулгарч болох, мөнхийн талаас нь авч үзвэл тустай асуулт эсвэл нөхцөл байдлын талаар бич.

Суралцагч бүрийг ямар нэг зүйл бичсэний дараа, таныг “зогс” гэж хэлэх хүртэл 10 секунд цаасаа солилцоход тэднийг урь. Дараа нь үйл ажиллагааны үлдсэн хугацаанд суралцагчдыг хос хосоор нь байрлуулж болно.

Хамтрагчтайгаа дараах асуултуудын аль нэгийг юм уу хоёуланг таны хүлээн авсан цаасан дээр бичсэн зүйлтэй холбон ярилц. Хос бүрийн эхний асуултыг Төгс эзэмших сургаалыг судлах үндсэн материал дахь “Сүнслэг мэдлэг олж авах” хэсгийн 8-р догол мөрөөс авсан байгааг анхаар.

Би Тэнгэрлэг Эцэг, Түүний төлөвлөгөө, Түүний Өөрийнхөө хүүхдүүдтэй хэрхэн харьцдаг талаар юу мэдэх вэ?

Тэгвэл энэ нь тухайн асуулт эсвэл нөхцөл байдлыг авч үзэх хандлагыг хэрхэн өөрчилж болох вэ?
Сайн мэдээний ямар сургаал энэ утга санаа эсвэл асуудалтай холбоотой эсвэл эдгээрийг тодруулж өгч байна вэ?

Энэ сургаалыг батлах ямар судар эсвэл Сүмийн удирдагчийн хэлсэн үгс байдаг вэ?

Хариултуудаа ярилцсаны дараа цаасан дээрээ товч хариулт бич.

Суралцагчдыг дууссаны дараа, цаасан дээрх асуулт эсвэл нөхцөл байдлыг ангийнхандаа сайн дураараа уншиж өгөн бичсэн хариултуудаа хуваалцахыг цөөн суралцагчаас хүс. Та асуулт эсвэл нөхцөл байдлыг мөнхийн талаас харахад нь өсвөр насны хүүхдүүдэд туслах нэмэлт ойлголтуудыг ангийнхны бусад хэсгээс асууж болно.

Биднийг Тэнгэрлэг Эцэг рүү хандах үед Тэрээр аливаа зүйлийг Түүний байр сууринаас харахад бидэнд тусална гэдэг гэрчлэлээ хуваалц. Мөн бид Түүний хардаг зүйлсийг хараахан харж чадахгүй байгаа мэт санагдах үедээ Түүнд үргэлжлүүлэн итгэж болно гэдгийг та хуваалцаж болно (Сургаалт үгс 3:5–6-г үзнэ үү). Асуулт, нөхцөл байдлаа мөнхийн талаас нь шинжлэн судлахыг үргэлж хичээхэд суралцагчдыг урамшуулан дэмж.

Нэмэлт эх сурвалж

Миний Тэнгэрлэг Эцэг, Есүс Христ хоёрт итгэх итгэл үзэл бодолд маань хэрхэн нөлөөлөх вэ?

Арван хоёр төлөөлөгчийн чуулгын ахлагч Дэвид А.Бэднар ийн заасан.

15:19

Итгэлтэй байх нь мунхаглал эсвэл хэт улайран шүтэх явдал биш юм. Харин энэ нь Есүс Христэд Аврагчийнх нь хувьд болон Түүний нэрэнд мөн Түүний амлалтуудад итгэж, найдахыг хэлнэ. Бид “найдварын төгс гэрэлтэйгээр, мөн Бурханыг болон бүх хүмүүнийг хайрлах хайрыг агуулан Христэд тууштайгаар итгэн урагш тэмүүлснээр” [2 Нифай 31:20] бидний мөнх бус амьдралын хязгаарлагдмал чадавхаас хамаагүй өргөн хүрээг хамардаг мөнхийн төлөвлөгөө болон алсын хараагаар адислагддаг. (“Үүгээр бид тэднийг нотлох болно,” 2020 оны 10-р сарын Ерөнхий чуулган, 7)

Ерөнхийлөгч Дийтр Ф.Угдорф Тэргүүн зөвлөлийн гишүүнээр үйлчилж байхдаа ийнхүү хуваалцжээ.

21:33

Бид Бурханы хардаг зүйлийг хардаггүй мөн Тэрээр бидний мэдэхгүй зүйлийг мэддэг гэдэгт итгэхийг итгэл гэж хэлнэ [Исаиа 55:8–9-ийг үзнэ үү]. Заримдаа зөвхөн өөрсдийнхөө алсын хараа, үзэл бодолд найдах нь хангалтгүй байдаг.

Би үүнийг онгоцны нисгэгч байхдаа өтгөн манан, үүлсийн дундуур нисэж, өмнөх хэдхэн тохой газрыг л харах боломжтой байхдаа сурсан юм. Тэр үед надад хаана, хаашаа явж байгааг заадаг төхөөрөмждөө найдаж, агаарын хөдөлгөөний хянагчийн үгийг сонсох хэрэгтэй байдаг байсан. Би надаас илүү нарийн тодорхой мэдээлэлтэй байгаа хэн нэгний удирдамжийг дагах ёстой байсан. Би өөрөөсөө илүү үнэн зөв мэдээлэлтэй хүний удирдамжийг дагах хэрэгтэй болсон. Харж чадахгүй ч итгэж сурах шаардлагатай байсан хэн нэгнийг. Миний харж чадаагүй зүйлийг харж чадаж байсан түүнийг дагах ёстой байсан. Би зорьсон газартаа аюулгүй газардахын тулд итгэж найдан, үйлдэх ёстой байсан. (“Дөрөвдүгээр давхрын сүүлчийн хаалга,” 2016 оны 10-р сарын Ерөнхий чуулган, 137)

Асуудлыг мөнхийн талаас авч үзэх нь сонголт хийхэд надад хэрхэн туслах вэ?

Ерөнхийлөгч Рассэлл М.Нэлсон:

19:15

Сонгохдоо алсын хараагаар буюу мөнхийн талаас нь харахад би та нарыг урьж байна. Есүс Христийг нэгт тавь. Учир нь та нарын мөнх амьдрал Түүнд болон Түүний Цагаатгалд итгэх итгэлээс тань хамааралтай. Энэ нь мөн Түүний хуулийг дуулгавартай дагахаас тань хамааралтай. Дуулгавартай байх нь өнөөдөр баяр баясгалантай амьдралд, маргааш мөнхийн шагналд хүргэх замыг та нарт тавьж өгдөг.

Та нар мухардалд орвол селестиел ухаанаар бодогтун! Уруу таталтад орохдоо ч селестиел ухаанаар бодогтун! Амьдрал эсвээс таны хайртай хүмүүс урмыг тань хугалах үед селестиел ухаанаар бодогтун! Хэн нэгэн зуурдаар нас барах үед селестиел ухаанаар бод. Хэн нэгэн аймшигт өвчин эмгэгт нэрвэгдсэн үед селестиел ухаанаар бод. Амьдралын ачаа дарамтад нухлуулах үед селестиел ухаанаар бодогтун! (“Селестиел ухаанаар бодогтун!” Лиахона, 2023 оны 11-р сар, 118)

Нэмэлт суралцах үйл ажиллагаа

Түүхэн нөхцөл байдал

Суралцагчид Төгс эзэмших сургаалыг судлах үндсэн материалын 9-р догол мөрөөс “өнөөгийн үзэл бодол, хандлагыг тулгахын оронд тухайн үеийн ёс заншил, жишгүүдийг харгалзан үзэж” хэрэгжүүлэхийн ач холбогдлын талаар унших болно. Та үүнийг илүү сайн ойлгоход нь суралцагчдад туслахын тулд дараах зүйлийг асууж болно.

Хэрэв өнөө үед хийгдсэн бол Хуучин Гэрээний үеийн ямар ямар соёлын жишиг хачирхалтай санагдах байсан бэ?

Боломжит хариултуудаас дурдвал:

Золиослолууд

Ууган хүүгийн өв залгамжлал

Левийн гэрлэлт

Хэрэв Хуучин Гэрээний үед хийгдсэн бол өнөөгийн ямар соёлын жишиг хачирхалтай санагдах байсан бэ?
Энэ үзэл баримтлал түүхэн үйл явдлыг судлахад хэрхэн тусалж болох вэ?

Авралын төлөвлөгөө

Та дараах хүснэгтийг самбар дээр хуулаад, авралын төлөвлөгөөний хам сэдэв дэх ойлголтуудыг ойлгох дадлага хийхэд суралцагчдад тусалж болно. 1-р баганыг аль хэдийн бөглөж дууссан. Самбарын өмнө гарч ирээд, 2-р багананд мөнхийн талаас нь харахад тустай сэдэв эсвэл асуудлуудыг бичихэд суралцагчдыг урь. Жишээ нь: Тэд ариун явдал, мэргэн ухааны үг, үхэл, бодгалийн үнэ цэн, гэрлэлт гэх мэт үгсийг бичиж болно.

1. Авралын төлөвлөгөө

2. Сэдэв эсвэл асуудлууд

1. Авралын төлөвлөгөө

Мөнх бус байдлын өмнөх амьдрал

Мөнх бус амьдрал

Үхлийн дараах амьдрал

Есүс Христийн Цагаатгал

Суралцагчдыг хоёр дахь баганыг бөглөсний дараа жижиг бүлгүүдэд хуваарилж, багана бүрээс үг хэллэг сонгоод хоосон зайг бөглөж, дараах асуултын дагуу ярилцахад урь. Тэд хоосон зайг бөглөх өөр арга замуудыг сонгон, асуултад хэд хэдэн удаа хариулж болно.

Хэн нэгэнд мөнхийн талаас нь харахад туслах (2-р баганаас ямар нэг зүйл сонго) таны ойлгосон зүйл (1-р баганаас сэдэв сонго) юу вэ?

Асуултыг хэрхэн бөглөж болох нэг жишээ:

Гэрлэлтийг мөнхийн талаас нь харахад хэн нэгэнд тусалж болох, үхлийн дараах амьдралын тухай та юу ойлгож байна вэ?

Асуултыг өөрөөр тавих

“Examining Questions with an Eternal Perspective (Асуултыг мөнхийн талаас нь шинжлэн авч үзэх нь)” видеог үзсэний дараа та суралцагч бүрд “Асуултыг өөрөөр тавих нь” гэсэн тараах материалыг өгч болно. Дараахыг гүйцэтгэхэд суралцагчдыг урь.

Нэг асуулт эсвэл нийгмийн асуудлыг сонго. Үүнийг хүрээ бүрийн голд бич.
Тухайн сэдвийн талаар танд эсвэл тухайн асуудлыг дэлхийн өнцгөөс хардаг хүнд байж болох таамгийн талаар бод. Эдгээрийг “Хязгаарлагдмал ойлголт” хүрээнд тойруулан бич.
Яг тэр асуулт эсвэл нийгмийн асуудлыг мөнхийн талаас нь хар. “Би Тэнгэрлэг Эцэг, Түүний төлөвлөгөөний тухай мөн Түүний хүүхдүүдтэйгээ хэрхэн харилцдаг талаар юу мэддэг вэ?,” “Сайн мэдээний аль сургаал энэ утга санаа эсвэл асуудалтай холбоотой ба тэдгээрийг тодруулдаг вэ?” гэх мэт асуултыг тунгаан бод. Өөрийн бодлыг “Мөнхийн ойлголт” хүрээнд тойруулан бич.

Тулгарах сорилт бэрхшээлд мөнхийн талаас нь хандах

“Асуултыг мөнхийн талаас нь шинжлэн авч үзэх нь” гэдгийг үзэхийн оронд та ямар нэг асуудалтай тулгарч байгаа хүний тухай видео үзэж болно. Видеон дээрх хүн хэрхэн сорилт бэрхшээлээ мөнхийн талаас нь авч үзсэнийг олж мэдэхэд суралцагчдыг урь. Байж болох нэг боломжит хувилбар бол:

“Аз жаргалын онцгой тэмдэг” видеог цагийн код 8:11-ээс 9:12 хүртэл үзэх. Далын ахлагч Гари Б.Сабин бяцхан охин нь уушги шилжүүлэн суулгах мэс засалд орохдоо мөнхийн талаас нь хэрхэн хандсан тухай хуваалцжээ.

12:15