Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Асуултдаа хувийн илчлэл хүлээн авахыг эрэлхийлэх: Их Эзэний тантай хэрхэн ярьдгийг ойлгох нь

“Асуултдаа хувийн илчлэл хүлээн авахыг эрэлхийлэх: Их Эзэний тантай хэрхэн ярьдгийг ойлгох нь,” Хуучин Гэрээний семинарын багшийн гарын авлага (2026)

“Асуултдаа хувийн илчлэл хүлээн авахыг эрэлхийлэх: Их Эзэний тантай хэрхэн ярьдгийг ойлгох нь,” Хуучин Гэрээний семинарын багшийн гарын авлага

162-р хичээл: Төгс эзэмших сургаал: Асуултынхаа хариултыг олох

Асуултдаа хувийн илчлэл хүлээн авахыг эрэлхийлэх

Их Эзэний тантай хэрхэн ярьдгийг ойлгох нь

Тэнгэрлэг Эцэг Өөрийн бодол санаа, тааллыг хүүхдүүддээ илчлэхийг хүсдэг. Үүнийг мэдэх нь бидэнд асуултынхаа хариултыг эрэлхийлэх, чухал шийдвэр гаргах, Есүс Христийн илүү сайн шавь болохоор хичээхэд тусална. Энэ хичээл нь Ариун Сүнсээр дамжуулан Тэнгэрлэг Эцэгээс удирдамж, илчлэл хэрхэн хүлээн авч болохыг ойлгоход суралцагчдад тусална.

Боломжит суралцах үйл ажиллагаа

Дуу хоолойг таних нь

Суралцагчдыг ангид орж ирэх үед цөөн хүнд дараах зааврыг өгч, өөр дугаар өг: “Намайг чиний дугаарыг дуудах үед ‘Их Эзэн Ариун Сүнсээр дамжуулан бидэнтэй ярьдаг’ гэж хэл.” Дугаарыг нь дуудах үед тэд тэрхүү үгийг шивнэх эсвэл ердийн дуу хоолойгоор хэлэх сонголт хийх боломжтой гэдгийг тайлбарла.

Хичээлээ эхлүүлэхдээ суралцагчдыг нүдээ анихад урь. Тэд ангийнхнаа дуу хоолойгоор нь танихыг хичээх болно гэдгийг тайлбарла. Дуудах бүрдээ өөр өөр дугаарыг дууд. Дугаарыг нь дуудсан суралцагч бүр дээрх хэллэгийг хэлсний дараа, хэн ярьсныг мэдэж байвал гараа өргөхийг ангийн үлдсэн суралцагчдаас хүс.

Тэгээд дараах асуултуудыг тавь.

Хэн ярьж байгааг танихад амархан эсвэл хэцүү байсан уу? Яагаад?
Ангид ирсэн зочны хувьд хэн ярьсныг танихад яагаад хэцүү байж болох вэ?

Дараах өөрийгөө үнэлэх үнэлгээг үзүүлээд, хариултынхаа талаар тунгаан бодоход суралцагчдыг урь.

Дараах асуултуудад өгөх хариултаа тунгаан бод. Та өөрт төрсөн зарим бодол санааг судлах тэмдэглэлдээ бичиж болох юм.

Би амьдралдаа Их Эзэний дуу хоолойг таньж чадна гэдэгтээ хэр итгэлтэй байна вэ?
Тэнгэрлэг Эцэгээс илчлэл хүлээн авах талаар надад ямар ямар асуулт байна вэ?

Тэнгэрлэг Эцэг Өөрийн хүүхэд бүрд хандан ярихыг хүсдэг гэдгийг гэрчлэхийг бод. Биднийг илчлэл эрэлхийлэх үед Тэр бидэнд Өөрийнх нь дуу хоолойг таньж, Түүнээс хариулт, удирдамж хүлээн авах итгэлийг маань нэмэгдүүлэхэд туслах болно гэдгийг тайлбарла.

Намуун, зөөлөн дуу хоолой

Бошиглогч Елиа амийг нь авахаар ирсэн хүмүүсээс зугтан, агуйд нуугдав (1 Хаад 19:1–10-ыг үзнэ үү). Тэнд байхад нь Их Эзэн түүнтэй ярьжээ.

1 Хаад 19:9–12-ыг уншаад, Их Эзэний бидэнтэй хэрхэн харьцдаг талаар Елиагийн сурсан зүйлийг олж мэд.

Та Елиагийн туршлагаас Их Эзэний талаар юу мэдэж авсан бэ?

Их Эзэний бидэнтэй харьцдаг арга замуудын нэг нь Ариун Сүнсний намуун, зөөлөн дуу хоолой гэдгийг олж тогтооход суралцагчдад тусал.

Зарим суралцагч Бурхан үнэхээр тэдэнтэй ярьдаг эсэхэд эргэлздэг бөгөөд Түүнийг яривал хэрхэн танихаа мэддэггүй байж болно. Дараах мэдэгдэл болон 3 Нифай 11-ийг судлах үйл ажиллагаа эдгээр асуудлыг шийдвэрлэхэд тусална.

Ерөнхийлөгч Рассэлл М.Нэлсон ийн заасан.

Бид Тэнгэрлэг Эцэгтээ хандан залбирч, удирдамж, чиглэл хүлээн ав[ах] … чадвартай болдог. Хэрэв бид Ариун Сүнсийг үнэхээр хүлээн авч, Түүний өдөөлтүүдийг ялган таньж, ойлгох талаар мэдэж авах юм бол их бага ямар ч асуудлуудад зааж чиглүүлэгдэх болно.

…Бурхан тантай ярихыг үнэхээр хүсдэг үү? Тийм ээ! (“Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 118)

Дараах шүлгийг уншуулахаар суралцагчдыг хоёр хоёроор нь хуваарилах талаар бодож үз. Суралцагчдад судлахад нь туслахын тулд тэднийг шүлэг бүрийг уншсаны дараа түр зогсож, Бурханаас ирэх илчлэлийг сонсож таньж мэдэхэд туслах олж мэдсэн зүйлээ хамтрагчтайгаа ярилцахад урь.

3 Нифай 11:1–7-г уншаад, Бурханаас ирэх илчлэлийг сонсож таньж мэдэх талаар юу сурч болохыг олж мэд.

Та энэ түүхээс илчлэл хүлээн авах талаар юу олж мэдсэн бэ?

Бурханаас ирсэн илчлэлийг таньж мэдэх нь

Бидний амьдралдаа Их Эзэний дуу хоолойг таньж сурах нэг арга зам бол Түүний бидэнтэй харилцдаг өөр өөр арга замыг ойлгох явдал гэдгийг тайлбарла. Их Эзэн бидэнтэй хэрхэн харилцдаг талаар мэдэж авахад нь суралцагчдад туслахын тулд тэдэнд ухаалаг гар утас харуулж эсвэл гар утасны зураг үзүүлж, самбар дээр дараах асуултыг бичих талаар бодож үз.

Ухаалаг гар утсаар дамжуулан мессеж хүлээн авах ямар арга зам байдаг вэ?

Боломжит хариултуудад утсаар ярих, мессеж, апп доторх мессеж, тэр ч байтугай гар утсан дээрээ үзүүлэхээр сонгосон зураг ч багтаж болно. Дээрх асуултын дагуу товчхон ярилцсаны дараа “ухаалаг гар утас” гэдэг үгийг арилгаж, “Ариун Сүнс” гэдэг үгээр соль.
Та Ариун Сүнсээр дамжуулан ямар ямар арга замаар мессеж хүлээн авч болох вэ?
Ариун Сүнснээс захиас хүлээн авах нь ухаалаг утсан дээрээ мессеж хүлээн авахаас юугаараа ялгаатай вэ?

Хэрэв дараах судар судлах үйл ажиллагаа суралцагчдад тань хэцүү санагдаж байвал эхний хэсгийг уншаад, Бурханыг бидэнтэй Ариун Сүнсээр дамжуулан ярьж байхад таньж мэдэх арга замуудын талаар тус шүлэгт юу зааж байгааг ангийнхнаас асуу. Хэрэв та судрын хэсгийг уншсан бол бид мэргэн ухаан, ойлголт, мэдлэгээ өсөн нэмэгдэхийг мэдрэх үедээ Бурханы Ариун Сүнсээр дамжуулан харьцаж байгааг мэдэж болно гэдгийг энэ шүлгээс олж харахад суралцагчдад тусалж болно. Дараа нь суралцагчид дараагийн судрын бусад хэсгийг хоёр хоёроороо эсвэл жижиг бүлгүүдэд хуваарилагдан судалж болно. Суралцагчид эдгээр бүх судрыг заавал судлах шаардлагагүй.

Дараах судрын хэсгүүдийн заримыг судал. Судалсан хэсэг бүр дээрээ Бурханы Ариун Сүнсээр дамжуулан бидэнтэй ярьж байгааг таньж мэдэх арга замыг тодорхойл. Судалсан хэсгүүдээ болон сурсан зүйлээ судлах тэмдэглэлдээ бич.

Гэтлэл 31:3

Иохан 14:26–27

Иохан 16:13

Галат 5:22–23

Сургаал ба Гэрээнүүд 6:21-23

Сургаал ба Гэрээнүүд 8:2–3

Сургаал ба Гэрээнүүд 11:12–13

Иосеф Смит—Түүх 1:11–12

Тэнгэрлэг Эцэгийн бидэнтэй Ариун Сүнсээр дамжуулан өөр ямар арга замаар харилцдаг гэдгийг ойлгох нь Түүнээс ирэх илчлэлийг танихад хэрхэн тусалж болох вэ?

Бурхан танд хандан ярьдаг

Дараах жишээнд өгөх хариултаа хуваалцахад нь суралцагчдад туслахын тулд тэднийг хамтрагчтайгаа хамт доорх асуултад хариулахад урьж болно. Ингэснээр суралцагч бүрд сурч мэдсэн зүйлээ хуваалцах боломж олдоно.

Эсвэл та хоёр суралцагчийг самбарын өмнө гарч ирээд, тус жишээг жүжигчлэн тоглоход урьж болно. Нэг суралцагч хариултаа хуваалцаж болно. Дараа нь хоёр суралцагч жишээг жүжигчлэн тоглох өөр хоёр шинэ суралцагчийг сонгож болно. Та үүнийг хэд хэдэн удаа давтаж болно.

Энэ ням гарагт дараах үйл явдал болж байгаагаар төсөөлөн бод.

Ариун ёслолын цуглааны үеэр нэг илтгэгч ерөнхийлөгч Рассэлл М.Нэлсоны “Бурхан үнэхээр та нартай ярихыг хүсэж байна уу? Тийм ээ!” гэсэн үгийг эш татжээ (“Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 115–120). Цуглааны дараа цуглааны байрнаас гарах үед найз маань: “Би амьдралдаа Бурханаас ирдэг удирдамж, илчлэлийг олж харахыг хүсэж байна. Гэвч чухам яаж гэдгийг сайн мэдэхгүй байна” гэж хэлэв.

Та өнөөдөр Ариун Сүнснээс сурсан зүйлсдээ үндэслэн найздаа юу гэж хэлэх байсан бэ?

Их Эзэн Ариун Сүнсний намуухан, зөөлөн дуу хоолойгоор дамжуулан бидэнтэй ярих хүсэлтэй байдаг тухай гэрчлэлээ хуваалцахыг бод.

Нэмэлт эх сурвалж

Сүнс хэрхэн ярьдаг тухай мэдэх нь яагаад чухал вэ?

Ерөнхийлөгч Рассэлл М.Нэлсон ийн хуваалцжээ.

Ирэх өдрүүдэд Ариун Сүнсний заан чиглүүлж, удирдаж, тайтгаруулж, байнга хамт байх нөлөөгүйгээр сүнслэгээр оршин тогтнох боломжгүй байх болно. (“Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 119)

Ариун Сүнс надтай хэрхэн ярьдаг вэ?

Арван хоёр төлөөлөгчийн чуулгын ахлагч Роналд А.Расбанд ийн тайлбарлажээ.

Өөрийн туршлагад үндэслэн хэлэхэд, Сүнс бидэнтэй ихэвчлэн мэдрэмжээр харилцдаг. Та үүнийг “таныг өдөөдөг” танил, ойлгомжтой үгсээс мэдэрдэг. … Ариун Сүнсний дуу хоолой намуухан, зөөлөн байдаг. (“Ариун Сүнс биднийг хөтлөг,” 2017 оны 4-р сарын Ерөнхий чуулган, 82)

Далын ахлагч Дэвид П.Хөүмэр ийн тайлбарлажээ.

10:19

Сүнс хүн бүрд өөр өөрөөр ярьдаг бөгөөд нэг хүнд өөр өөр цаг үед өөр өөр арга замаар ярьж болно. Тиймээс Түүний бидэнтэй ярьдаг олон арга замаас суралцах нь насан туршийн эрэл хайгуул юм. Заримдаа Тэр бидний “оюунд мөн зүрх сэтгэлд [маань]” (Сургаал ба Гэрээнүүд 8:2–3) намуухан боловч хүчтэй, “сонссон тэдний биеийнх нь төвд” (3 Нифай 11:3) нэвтрэн орох дуу хоолойгоор ярьдаг. Өөр үед Түүнээс ирэх мэдрэмж “[бидний] оюун бодлыг эзэмдэж” эсвэл “бодол санааг [эзэгнэдэг] (Сургаал ба Гэрээнүүд 128:1). Мөн зарим үед цээжин бие маань “[бидний] дотор шатдаг” (Сургаал ба Гэрээнүүд 9:8). Бусад үед Тэр бидний бодгалийг баяр баяслаар дүүргэж, оюун санааг маань гэгээрүүлж эсвэл бидний айж эмээсэн зүрх сэтгэлд амар амгаланг ярьдаг. (“Түүний дуу хоолойг сонсох нь,” 2019 оны 4-р сарын Ерөнхий чуулган, 49)

Ариун Сүнс надтай ярьж байна уу эсвэл энэ нь миний бодол уу гэдгийг би хэрхэн мэдэх вэ?

Арван хоёр төлөөлөгчийн чуулгын ахлагч Дэвид А.Бэднар ийн тайлбарлажээ.

8:12

Нэмэлт суралцах үйл ажиллагаа

Хичээлийг эхлүүлэх өөр хувилбар

Хичээл эхлэхээс өмнө суралцагчдынхаа эцэг эхийг гар утас руу тань залгаад, “Би Бурханы хүүхэд” гэсэн мессеж үлдээхэд урь. Дараа нь та эдгээр мессежийг нэг нэгээр нь үзүүлж, хэн мессеж үлдээснийг суралцагчид таах эсэхийг шалгаж болно. Дараа нь суралцагчид дараах асуултуудад хариулж болно.

Та дуу хоолойг нь таних боломжтой байсан уу? Яагаад тийм эсвэл яагаад үгүй вэ?
Дуу хоолойг таньж мэдэх чадварыг тань юу нэмэгдүүлэх вэ?

Эсвэл “Сорилтоос хүч чадлыг олох нь!” видеог цагийн код 1:53-аас 3:25 хүртэл үзүүлж болно. Далын ахлагч Аллан Ф.Пакэр хөл бөмбөгийн багийн дасгалжуулагчийнхаа дуу хоолойг тэмцээн дээрх хөгжөөн дэмжигчид, тоглогчдын дуу чимээнээс хэрхэн таньж мэддэг талаараа хуваалцав. Та ахлагч Пакэрын туршлагын талаар ярилцахын тулд дээрх асуултуудыг өөрчилж болно.

NaN:NaN

Илчлэл хүлээн авах чадавхаа нэмэгдүүлэх нь

Хэрэв та Тэнгэрлэг Эцэгээс илчлэл хэрхэн хүлээн авах талаар илүү ихийг суралцах нь суралцагчдад тань тустай гэж бодож байгаа бол ерөнхийлөгч Рассэлл М.Нэлсоны дараах үгийг үзүүлэхийг бод.

Би таныг хувийн илчлэл хүлээн авах одоогийн сүнслэг ур чадвараа нэмэгдүүлэхэд урьж байна…. (Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 115)

Дараа нь суралцагчид “Илчлэлт бол үйл явц гэдгийг хүлээн зөвшөөр” (Gospel Library, Сэдэв ба асуулт) дээрх зарим зарчмыг уншаад, өсвөр насныхны хувьд Тэнгэрлэг Эцэгээс илчлэл хүлээн авах чадавхаа сайжруулахын тулд хийж болох зүйлсийг тодорхойлж болно.

Ухаалаг гар утасны талаарх жишээ

Хэрэв ухаалаг гар утас, Ариун Сүнс хоёрын хооронд нэмэлт харьцуулалт хийх нь суралцагчдад тустай гэж үзвэл та “Танд ухаалаг гар утсаар дамжуулан захиас хүлээн авах ямар арга зам байна вэ?” гэсэн асуултын дараа хичээл дээр дараахыг үзүүлж болно.

Ухаалаг гар утаснаас мессеж хүлээн авахад юу саад болж болох вэ?
Ухаалаг гар утсан дээр мессеж хүлээн авах таны чадварыг юу нэмэгдүүлж болох вэ?

Таныг төгсгөлийг “Ариун Сүнс” болгон өөрчлөхөөс өмнө суралцагчид асуулт бүрд товчхон хариулт өгч болно. Дараа нь суралцагчид шинэ асуултуудад хариулахад цаг зарцуулж болно. Та мөн асуултуудад бие даан хэрхэн хариулах талаар эргэцүүлэн бодоход тэднийг урьж болно.

Сүмийн удирдагчдын туршлагаас

Тэнгэрлэг Эцэгийн дуу хоолойг сонссон бусдын туршлагыг нэмж олж харахад нь суралцагчдад туслахын тулд ChurchofJesusChrist.org дээрх Түүнийг сонс цуврал видеоноос Сүмийн удирдагчдын туршлагыг үзэж болно.

Нэг жишээ нь “How I #HearHim: President Camille N. Johnson (Би хэрхэн #Түүнийг сонсдог вэ: Ерөнхийлөгч Камилл Н. Жонсон)” видео юм. Халамжийн нийгэмлэгийн ерөнхий ерөнхийлөгч Камилл Н.Жонсон бусдын үгээр дамжуулан Их Эзэний дуу хоолойг хэрхэн сонссон тухайгаа хуваалцаж байна.

2:7