Төгс эзэмших сургаал: Асуултынхаа хариултыг олох: Тойм

Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

“Төгс эзэмших сургаал: Асуултынхаа хариултыг олох: Тойм,” Хуучин Гэрээний семинарын багшийн гарын авлага (2026)

“Төгс эзэмших сургаал: Асуултынхаа хариултыг олох: Тойм,” Хуучин Гэрээний семинарын багшийн гарын авлага

Төгс эзэмших сургаал: Асуултынхаа хариултыг олох

Тойм

Төгс эзэмших сургаалын хөтөлбөрт хамрагдах нь Есүс Христ дээр сүнслэг байдлын сууриа тавихад суралцагчдад тусална. Суралцагчид сургаалыг төгс эзэмших сургаалын нэг хэсэг болгон судрын гол хэсгүүдийг сурахын зэрэгцээ сүнслэг мэдлэг олж авах зарчмуудыг сурч, хэрэгжүүлнэ. Энэ нь итгэлээр үйлдэх, үзэл баримтлал, асуултуудыг мөнхийн хэтийн төлөвөөр судлах, тэнгэрээс томилогдсон эх сурвалжуудаар дамжуулан илүү гүн мэдлэг олж авахыг эрэлхийлэх зэрэг юм. Эдгээр зарчим нь асуулт, санаа зовоосон асуудлаа шийдвэрлэж, Есүс Христэд итгэх итгэлээ хадгалахад тэдэнд тусална.

Зөвлөмж: Эдгээр хичээлийг хичээлийн жилийн эхэнд заах нь илүү тохиромжтой байж магадгүй. Хэрэв танай суралцагчид өмнөх жилүүдийн төгс эзэмших сургаалын талаар аль хэдийн мэддэг бол та 161-р хичээл: “Сүнслэг сууриа бэхжүүлэх нь”-ийг хичээлийн жилийн туршид төлөвлөж болно. Энэ хичээлийг үргэлжлүүлэн судлах явцдаа төгс эзэмших сургаалтай холбоотой чухал ойлголтуудыг суралцагчдад сануулахын тулд ашиглаж болно.

Заахад бэлтгэх

Дараах мэдээлэл нь танд хичээл бүрд бэлтгэхэд шаардлагатай зүйлсийн санаануудыг өгнө.

Сүнслэг байдлын сууриа бэхжүүлэх

Хичээлийн зорилго: Төгс эзэмших сургаал хэрхэн суралцагчдын амьдралыг адисалж, Есүс Христ дээр сүнслэг байдлын сууриа тавихад тусалдгийг ойлгоход тэдэнд туслах.

Суралцагчийн бэлтгэл: Суралцагчдыг ангидаа ирэхээсээ өмнө Хиламан 5:12-ыг уншихад урь. Суралцагчид Eсүс Христ дээр сууриа тавьснаар амласан адислалуудыг харж болно.
Үзүүлэх контент: Хичээлийн эхэн дэх жишээ
Видео: “Төгс эзэмших сургаал гэж юу вэ?” (3:56)

Асуултдаа хувийн илчлэл хүлээн авахыг эрэлхийлэх

Хичээлийн зорилго: Ариун Сүнсээр дамжуулан хэрхэн Тэнгэрлэг Эцэгээс удирдамж, илчлэл хүлээн авч болохыг ойлгоход нь суралцагчдад туслах.

Суралцагчийн бэлтгэл: Суралцагчдыг Gospel Library дахь Сэдэв ба асуулт хэсгийн “Илчлэл” хэсгийн “Ариун Сүнсний өдөөлтийг таних нь” хэсгийг уншихад урь. Суралцагчид уншиж байхдаа Тэнгэрлэг Эцэгээс илчлэл хүлээн авах талаарх өөрсдийн асуултын тухай бодож болно. Тэд асуултаа ангидаа авчирч болно. Сэдэв ба асуулт хэсгийг ашиглахын оронд суралцагчид Иосеф Смит—Түүх 1:10–13-ыг уншаад, илчлэл хүлээн авахыг эрэлхийлж, бэлтгэхийн тулд Иосеф Смитийн юу хийснийг олж мэдэж болно.
Үзүүлэх контент: Хичээлийн эхэнд орж ирэх хувийн асуултууд ба хичээлийн дундуурх ухаалаг гар утасны тухай асуулт
Үзүүлэх зүйл: Ухаалаг гар утас эсвэл ухаалаг гар утасны зураг
Ашиглах материал: Хичээл дээрх тараах материалаас гар утасны зургууд
Видео: “Илчлэл хүлээн авах нь” (4:17)

Хариулт олохын тулд итгэлээр үйлдэх

Хичээлийн зорилго: Сайн мэдээний асуултдаа хариулт эрэлхийлэхдээ Есүс Христэд итгэх итгэлээр үйлдэж болохыг ойлгоход нь суралцагчдад туслах.

Суралцагчийн бэлтгэл: Төгс эзэмших сургаалыг судлах үндсэн баримт бичиг (2023) дээрх “Сүнслэг мэдлэг олж авах” хэсгийн 5–7 дахь догол мөрүүдийг уншихад суралцагчдыг урь. Тэд сайн мэдээний талаарх асуулт, асуудлууддаа хариулт эрэлхийлэх үедээ өөрсдийн үйлдлийг яагаад чухал гэж бодож байгаагаа хуваалцахад бэлтгэж болно.
Зураг: Зарефатын эмэгтэй; Нааман; Енох
Видео: “Итгэлээр үйлдэх: Чулуучин” (4:57)
Үзүүлэх контент: Хичээлийн “Есүс Христэд итгэх итгэлээ харуулдаг үйлдэл” хэсэгт суралцагчдын өгч болох зөвлөгөөний зааварчилгаа

Сайн мэдээний сэдэв, асуултуудыг мөнхийн талаас нь шинжлэн судлах

Хичээлийн зорилго: Суралцагчдад утга санаа, асуултуудыг мөнхийн талаас нь шинжлэн судлахад туслах.

Суралцагчийн бэлтгэл: Юмсыг өөр өнцгөөс харахын үнэ цэнийг харуулахын тулд үзүүлэнт хичээл эсвэл аналоги зохиоход суралцагчдыг урь. Хичээлийн эхэнд тэдэнд санаа бодлоо хуваалцах боломж гаргаж өгч болно.
Зураг: Хязгаарлагдмал өнцгөөс харахад бодитой мэт харагдах хоёр зүйл; нэг нь бодитой, нөгөө нь бодит биш гэдгийг өөр өөр өнцгөөс харвал ижил хоёр зүйл
Ашиглах материал: Суралцагч бүрд өгөх жижиг цаас
Видео: “Асуултыг мөнхийн талаас нь шинжлэн судлах” (2:56)

Хариулт олоход туслахын тулд тэнгэрээс томилогдсон эх сурвалжуудад хандах

Хичээлийн зорилго: Тэнгэрлэг Эцэг, Есүс Христ хоёрын хайраар хангаж өгсөн эх сурвалжуудаас үнэнийг эрэлхийлэхэд нь суралцагчдад туслах.

Суралцагчийн бэлтгэл: Гэрийн даалгавар, сонирхдог зүйл эсвэл хобби, түүхэн үйл явдал, Аврагчийн сайн мэдээ, Сүм гэх мэт зүйлсийн талаар асуух зүйл гарч ирэх үед аль эх сурвалжид хандсанаа бодож үзэхэд суралцагчдыг урь. Тэднийг яагаад тодорхойлсон эх сурвалжууд руугаа ханддаг талаараа тунгаан бодоход урь.
Зураг: Хичээлийн эхэн дэх хуурамч болон үнэн зөв зураг; Мосе Сатантай тэмцэж байгаа зураг
Видео: “Үнэнийг эрж хайхад” (3:03)
Үзүүлэх контент: Хичээлийн “Үнэн ба худал хуурмагийг ялгах нь” хэсгийн төгсгөлд тавигдсан асуулт; хичээлийн “Дадлага хийх” хэсэг дэх гурван худал мэдэгдэл
Ашиглах материал: Суралцагч тус бүрд өгөх жижиг цаас; суралцагчдын цаасаа дотор нь хийх сав