Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Хариултаа олохын тулд итгэлээр үйлдэх: Урагш тэмүүлж, Их Эзэнд итгэх нь

“Хариултаа олохын тулд итгэлээр үйлдэх: Урагш тэмүүлж, Их Эзэнд итгэх нь,” Хуучин Гэрээний семинарын багшийн гарын авлага (2026)

“Хариултаа олохын тулд итгэлээр үйлдэх: Урагш тэмүүлж, Их Эзэнд итгэх нь,” Хуучин Гэрээний семинарын багшийн гарын авлага

163-р хичээл: Төгс эзэмших сургаал

Хариултаа олохын тулд итгэлээр үйлдэх

Урагш тэмүүлж, Их Эзэнд итгэх нь

A young woman in a green striped shirt and black skirt leans down to hug her friend who is sitting in a wheelchair.

Тэнгэрлэг Эцэгийн хүслийг болон сайн мэдээний талаарх асуултууддаа хариулт хүлээн авах цагийг хүлээх нь амаргүй байж болно. Хуучин Гэрээний олон түүхэд Бурханы дагалдагчдын хариултаа эрэлхийлэхдээ Түүнд итгэж, найдаж буйгаа харуулсан сонголтуудыг үргэлжлүүлэн хийж байгаа тухай өгүүлдэг. Энэ хичээл сайн мэдээний талаарх асуултууддаа хариулт эрэлхийлэхдээ хэрхэн Есүс Христэд итгэх итгэлээр үйлдэж болохоо ойлгоход суралцагчдад тусална.

Суралцагчийн бэлтгэл: Төгс эзэмших сургаалыг судлах үндсэн баримт бичиг (2023) дээрх “Сүнслэг мэдлэг олж авах” хэсгийн 5–7 дахь догол мөрүүдийг уншихад суралцагчдыг урь. Тэд сайн мэдээний талаарх асуулт, асуудлууддаа хариулт эрэлхийлэх үедээ өөрсдийн үйлдлийг яагаад чухал гэж бодож байгаагаа хуваалцахад бэлтгэж болно.

Боломжит суралцах үйл ажиллагаа

Асуултдаа хариулт олохын тулд Их Эзэнийг хүлээх нь

Их Эзэнд итгэх итгэлээр үйлдсэн хүмүүсийн тухай Хуучин Гэрээний түүхүүдийн зургийг үзүүлэхийг бод. Та зургуудын нэгтэй хамт судар уншихыг цөөн суралцагчтай бүлгүүдэд даалгаж болно. Таны сонгож болох түүхүүд:

Өлсгөлөнгийн үеийн Зарефатын итгэлтэй эмэгтэй (1 Хаад 17:7–12).
Уяман өвчнөөсөө эдгэрэхийг эрэлхийлсэн Нааман (2 Хаад 5:1–3, 9–10).
Сайн мэдээг номлох Енохын дуудлага (Moсе 6:26–28, 31).

Суралцагчид ярвигтай нөхцөл байдлыг танилцуулсан түүхийн хэсгийг уншаад (дээрх хаалтанд байгаа эшлэлүүд), дараах асуултуудад хариулж болно. (Дараа нь хичээл дээр суралцагчид тухайн хувь хүмүүс хэрхэн итгэлээр үйлдсэн талаар судална.)

Энэ хүний нөхцөл байдал хэрхэн Их Эзэнд итгэх итгэлийг шаардсан бэ?
Их Эзэнд итгэх итгэлийнхээ дагуу үйлдэхийг шаарддаг өнөөгийн ямар асуудал, нөхцөл байдал өсвөр үеийнхэнд тулгарч болох вэ?

Хэрэв суралцагчдад өнөө үеийн асуултуудын жишээг олж тогтоох нь тустай байвал та “Итгэлээр үйлдэх нь: Чулуучин“ (4:57) видеог цагийн код 0:00-оос 1:48 хүртэл үзүүлээд, энэ хоёр өсвөр насныханд тулгарч байсан хэцүү нөхцөл байдлыг олж мэдэхэд суралцагчдыг урьж болно. Өсвөр насны хүүхдүүдэд байгаа асуултуудыг олж тогтооход нь суралцагчдад туслах талаар бодож үз. Та самбарын нэг талд асуултуудыг бичихэд суралцагчдыг урьж болно.

4:56

Суралцагчдыг хэд хэдэн асуулт олж тогтоосны дараа та тэднийг судлах тэмдэглэлдээ дараах асуултад хариулахад урьж болно.
Танд эсвэл таны таньдаг хэн нэгэнд хэзээ сайн мэдээний тухай асуулт эсвэл санаа зовнисон асуудал тулгарч байсан бэ?
Сайн мэдээний талаар асуулт эсвэл сэтгэл зовоосон асуудал байвал Аврагчид ойр байгаагаа мэдрэхийн тулд та ямар зүйл хийж байсан эсвэл хийх боломжтой вэ?

Тэнгэрлэг Эцэг, Есүс Христ эсвэл Тэдний сайн мэдээний талаар асуулт, сэтгэл зовоосон асуудалтай байх нь хэвийн үзэгдэл юм. Сүнслэг мэдлэг олж авах нь хэсгийн гурван зарчим хэцүү асуулт, сэтгэл зовоосон асуудлуудыг шийдвэрлэхэд бидэнд тусалж чадна. Эдгээр зарчим нь хариултаа эрэлхийлэхдээ Тэнгэрлэг Эцэг, Есүс Христ хоёртой хэрхэн ойр байх тухай ойлгоход бидэнд тусалж чадна.

Итгэл бол үйлдлийн зарчим

Та өнөөдрийн хичээл дараах эхний зарчимд төвлөрнө гэдгийг суралцагчидтай хуваалцаж болно. Энэ зарчим бол итгэлээр үйлдэх юм. Дараах дутуу бичсэн мэдэгдлийг самбар дээр бичихийг бод. Сайн мэдээний талаар асуулт эсвэл сэтгэл зовоосон асуудалтай тулгарах үедээ бид … замаар Есүс Христэд итгэх итгэлээр үйлдэж чадна.

Та дараах хүснэгтийг самбар дээр зураад, догол мөр бүрээс тодруулсан үнэнийг гүйцээж бичих ядаж нэг аргыг олоход суралцагчдыг урьж болно.

Төгс эзэмших сургаалыг судлах үндсэн материал (2023)-ын “Сүнслэг мэдлэг олж авах” хэсгийн 5, 6, 7-р догол мөрийг уншаад, самбарт тус мэдэгдлийг гүйцээж бичих арга замыг хайж ол.

	Сайн мэдээний талаар асуулт эсвэл сэтгэл зовоосон асуудалтай тулгарах үедээ бид … замаар Есүс Христэд итгэх итгэлээр үйлдэж чадна.
5-р догол мөр
6-р догол мөр
7-р догол мөр

Та самбар дээрх өгүүлбэрийг догол мөр бүрийг ашиглан хэрхэн гүйцээж бичих вэ?
Та нарт энэ жагсаалт дээр нэмж Есүс Христэд итгэх итгэлээр үйлдэх өөр арга зам байна уу?

Суралцагчид мэдэгдлийг дараах үгсээр гүйцээж болно. Үүнд:

… зарлигуудыг үргэлжлүүлэн дагадаг. (5-р догол мөр)

… бид аль хэдийн үнэн гэж мэддэг зүйлдээ найддаг. (6-р догол мөр)

… бид хариултаа хүлээн авах хүртлээ Тэнгэрлэг Эцэгт итгэн найддаг. (7-р догол мөр)

Та дараах зүйлийг ашиглан суралцагчдад сайн мэдээний талаарх асуулт эсвэл сэтгэл зовоосон асуудлаа шийдэхдээ эдгээр гурван мэдэгдэл тус бүрийг хэр сайн ашиглаж болохыг үнэлж дүгнэх боломж олгож болно.

Танд асуух зүйл байвал Есүс Христэд итгэх итгэлээр үйлдэх эдгээр арга замын талаар хэсэг зуур тунгаан бодоорой. 1-ээс (бага) 5 (маш их) хүртэлх хэмжүүрээр та Аврагчид эдгээр арга замаар итгэлээр үйлдэхдээ хэр итгэлтэй байгаагаа дүгнэнэ үү. Сайжирч чадна гэж хүлээн зөвшөөрсөн зүйлдээ таны өөртөө итгэх итгэлээ нэмэгдүүлэхэд туслах Сүнсний өдөөлтөд анхаарлаа хандуул.

Есүс Христэд итгэдгээ харуулах үйлдлүүд

Таныг сайн мэдээний талаар асуух зүйлтэй эсвэл сэтгэл зовоосон асуудалтай хэн нэгэнд зөвлөгөө өгөхөд урьсан гэж төсөөл. Дараах өгүүлбэрүүдээс ядаж хоёрыг нь гүйцээж бичихээр сонгож ав.

Дараах асуултуудад хариулж, тухайн хүний Есүс Христэд итгэх итгэлээр үйлдэж болох арга замуудыг тодорхойл.
- Тэр ямар зарлигийг үргэлжлүүлэн дагаж чадах вэ?
- Энэ хүн Тэнгэрлэг Эцэг, Есүс Христ хоёрын тухай юуг мэддэг эсвэл санаж байна гэж та найдаж байна вэ?
- Тэр Тэдэнд итгэдэг гэдгээ харуулахын тулд юу хийж болох вэ?
Энэ хүнд Есүс Христэд итгэх итгэлээр үйлдэхэд нь тусалж болох ядаж нэг төгс эзэмших сургаал эсвэл судрын хэсгийг ол.
Энэ хүнд Есүс Христэд итгэх итгэлээр үйлдэхэд нь тусалж болох Сүмийн удирдагчийн мэдэгдлийг ол.

Хангалттай хугацаа өгсний дараа, суралцагчдыг өгч болох зөвлөгөөгөө хамтрагчтайгаа хуваалцахад урь. Мөн та сайн мэдээний хариулт эсвэл адислалыг эрэлхийлэнгээ Есүс Христэд итгэх итгэлээр үйлдсэн туршлагаасаа хуваалцах боломжийг суралцагчдад гаргаж өгч болно.

Итгэлээр үйлдэх төлөвлөгөө гаргах

Сайн мэдээний талаарх асуулт эсвэл сэтгэл зовоосон асуудалтай тулгарах үедээ Есүс Христэд итгэх итгэлээр үйлдэх төлөвлөгөө гаргахад суралцагчдыг урихыг бод. Ийн үйлдэх нэг арга зам бол судлах тэмдэглэлдээ хариулсан байх дараах сэдлүүдийг хуваалцах явдал юм. Хэрэв цаг гарвал, бичсэн зүйлээ хуваалцах хүсэлтэй цөөн суралцагчийг урьж болно.

Есүс Христэд итгэх итгэлээр үйлдэх талаар миний санахыг хүсэж байгаа нэг зүйл бол .
Дараагийн удаа асуулт эсвэл сэтгэл зовоосон асуудал гарч ирэх үед Есүс Христэд итгэх итгэлээр үйлдэхийн тулд миний хийхийг хүсэж байгаа нэг зүйл бол .

Нэмэлт эх сурвалж

Сайн мэдээний талаар асуух зүйл байгаа үед миний үйлдэл яагаад чухал байдаг вэ?

Арван хоёр төлөөлөгчийн чуулгын ахлагч Дэйл Г.Рэнланд ийн заасан.

13:52

Өөрсдийгөө [Есүс Христэд] илүү бат бөх аргамжиж тогтоохын тулд хийж буй үйлдлүүд маань бидний итгэлийг гүнзгийрүүлдэг.

Өсөн нэмэгдсэн итгэл ханиад шиг халддаг байсан бол сайхан байхсан. Тэгвэл зүгээр “сүнслэгээр найтаахад” л бусдын итгэл өсөн нэмэгдэх байв. Гэвч иймэрхүү байдлаар итгэлийг түгээдэггүй. Хувь хүн итгэлээр үйлдэх нь итгэлээ өсөн нэмэгдүүлэх цорын ганц арга зам юм. Ийм үйлдлүүд ихэвчлэн бусдын урилгаар өдөөгддөг ч бид өөр хүний итгэлийг “өсгөж” эсвэл өөр хүний итгэл дээр дөрөөлөн өөрсдийн итгэлийг хөгжүүлэх боломжгүй. Өөрсдийн итгэлийг хөгжүүлэх гэж байгаа бол бид залбирах, судраас судлах, ариун ёслолоос хүртэх, бусдад үйлчлэх зэрэг итгэл хөгжүүлэх үйлдлүүдийг сонгох замаар итгэлээ өсгөн нэмэгдүүлэх ёстой. (“Есүс Христэд гуйвшгүй үнэнч байх нь,” 2019 оны 10-р сарын Ерөнхий чуулган, 23)

Би өмнө нь мэддэг байсан зүйлдээ хэрхэн найдаж болох вэ?

Арван хоёр төлөөлөгчийн чуулгын ерөнхийлөгч Жэффри Р.Холланд ийн хуваалцжээ.

14:44

Бэрхшээл ирж, асуулт гарах үед итгэлийг олж авахын тулд өөрт байхгүй бүхнээ тоочин, “үл итгэх” байдлаар хандаж болохгүй. Энэ нь тэмээ зүүний сүвэгчээр орохтой адил хэцүү зүйл юм! Тодруулбал: Огт итгэлгүй байж итгэж байгаа дүр эсгэх хэрэггүй, харин зөвхөн өөрт байгаа тэр л итгэлдээ найд гэж хэлмээр байна. Заримдаа бид итгэлээ үнэнээр нь тунхаглахын оронд, эргэлзэж байгаагаа үнэнээр нь тунхаглаж байгаагаа илүү их зориг гаргаж байгаагийн илэрхийлэл мэт үзэн, тийн үйлддэг. Тийм биш шүү! Гэхдээ энэ судраас нэг л зүйлийг ойлгож авцгаая. Та нарт асуулт, эргэлзээ байгаагаа нуух шаардлага байхгүй; амьдрал олон зүйлийн талаарх асуултаар дүүрэн байдаг. Харин та болон танай гэр бүлийнхэн эдгэрэхийг хүсэж байвал тэдгээр асуулт тань итгэлийн гайхамшгийг олж харахад бүү саад болог. (“Эзэн минь, би итгэж байна,” 2013 оны 5-р сарын Ерөнхий чуулган, 109)

Арван хоёр төлөөлөгчийн чуулгын ахлагч Нийл Л.Андэрсэн ийн хуваалцжээ.

32:25

Христийн сургаалд тодорхой тайлбарлаагүй байдаг зүйлийн талаар хүүгээ асуухад ерөнхийлөгч Даллин Х.Өүксийн өгсөн сургамж надад таалагддаг. Тэр юу гэж хариулсан гээч? “Хүү минь, би наад асуултын чинь хариултыг мэдэхгүй ч өөрийнхөө мэддэг асуултад хариулъя” гээд, тэр бошиглогч Иосеф Смит, Анхны үзэгдлийн талаар гэрчилжээ. “Би мэдэхгүй. Харин би үүнийг мэднэ” гэж хэлэхэд бэлэн байцгаая. (“Есүс Христийн хүч ба цэвэр сургаал,” [Сүмийн Боловсролын Системийн шууд нэвтрүүлэг, 2023 оны 6-р сарын 11], broadcasts.ChurchofJesusChrist.org).

Нэмэлт суралцах үйл ажиллагаа

Христэд итгэх итгэлээр үйлдсэн тухай Хуучин Гэрээний бусад жишээ

Итгэлийнхээ дагуу үйлдсэн Хуучин Гэрээн дэх бусад жишээг дараах түүхүүдээс олж болно. Судрын хэсгүүдийг хичээл дээр ашигласан итгэлийн түүхүүдээс гадна нэмэлтээр эсвэл оронд нь ашиглахад зориулан зохион байгуулав.

Сорилтын нөхцөл байдал	Их Эзэнд итгэх итгэлээр үйлдэх
Сорилтын нөхцөл байдал Иордан голыг гаталсан израилчууд (Иошуа 3:9–13)	Их Эзэнд итгэх итгэлээр үйлдэх Иошуа 3:14–17
Сорилтын нөхцөл байдал Гиддонах мидианчуудтай тулалдахаар бэлтгэж байна (Шүүгчид 7:2–8)	Их Эзэнд итгэх итгэлээр үйлдэх Шүүгчид 7:16-21
Сорилтын нөхцөл байдал Eстер хааны өмнө очсон нь (Eстер 4:7–14)	Их Эзэнд итгэх итгэлээр үйлдэх Естер 4:15–17; 5:1-3

Арван хоёр төлөөлөгчийн чуулгын ахлагч Дэвид А.Бэднар Иошуагийн түүхийг итгэлээр үйлдэх бидний хэрэгцээний талаар заахдаа ашиглажээ. Та түүний захиас болох “Христэд итгэх итгэлээ хөгжүүл” (1:43) видеог суралцагчдад үзүүлж болно.

1:48

Хэрхэн итгэлээр үйлдэх талаарх санаануудаа хуваалцах нь

Итгэлээр үйлдэх төлөвлөгөө гаргахад нь суралцагчдад туслахын тулд ангийнхантайгаа санаагаа хялбархан хуваалцаж болох график зурах нь тустай байж болох юм. Та самбар дээр гол санаа болох “Итгэлээр үйлд” гэсэн үгстэй схем мөн гурван мэдэгдэл тус бүрийн гарчгийг бичиж тэмдэглэсэн гурван мөчир зурж болно. Судрын үйл ажиллагааг гүйцэтгэсний дараа суралцагчид самбарт гараад, өсвөр насны хүүхдийн хувьд эдгээр зүйл бүрд хэрхэн итгэлээр үйлдэж болох тухай санаануудыг бичиж болно. Мөн та өөрсдийн санааг бичээд, мэдэгдэл бүрийн доор байрлуулж болох наалддаг цаасыг суралцагчдад өгч болно. Төлөвлөгөө гаргахаасаа өмнө самбарт гарч ирээд ангийнхныхаа хуваалцсан санаануудыг дүгнэхэд суралцагчдыг урь.