Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí: Vakai Fakalūkufuá

Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

“Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí: Vakai Fakalūkufuá,” Fuakava Motuʻá – Tohi Lēsoni ʻa e Faiako Seminelí (2026)

“Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí: Vakai Fakalūkufuá,” Fuakava Motuʻá – Tohi Lēsoni ʻa e Faiako Seminelí

Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí

Vakai Fakalūkufuá

ʻOku tokoni ʻa e kau ʻi he fakataukei fakatokāteliné ke fakatupulaki ʻe he kau akó honau fakavaʻe fakalaumālié ʻia Sīsū Kalaisi. ʻOku kau ʻi he konga ʻo e fakataukei fakatokāteliné ʻa hono ako ʻe he kau akó ha ngaahi potufolofola fakataukei fakatokāteline pea mo ako foki mo fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié: ngāue ʻi he tuí, vakaiʻi e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá, mo e fekumi ki ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí. ʻE lava ke tokoniʻi kinautolu ʻe he ngaahi tefitoʻi moʻoni ko ʻení ke nau tali ha ngaahi fehuʻi pe hohaʻa lolotonga ʻenau tuʻu maʻu ʻi he tui kia Sīsū Kalaisí.

Fokotuʻu ki he vave hono akoʻí: Mahalo ko e lelei tahá ke akoʻi ʻa e ngaahi lēsoni ko ʻení ʻi he kamataʻanga ʻo e taʻu fakaakó. Kapau kuo ʻosi maheni hoʻo kau akó mo e fakataukei fakatokāteline mei he ngaahi taʻu kimuʻá, te ke lava ʻo fakakaukau ke fakataimi-tēpileʻi ʻa e Lēsoni 161: “Ko Hono Fakamālohia Ho Fakavaʻe Fakalaumālié” ki he vaeuaʻanga malie ʻo e taʻu fakaakó. ʻE lava ke fakaʻaongaʻi ʻa e lēsoni ko ʻení ke fakamanatu ki he kau akó ʻa e ngaahi fakakaukau mahuʻinga ʻoku fekauʻaki mo e fakataukei fakatokāteliné ʻi he hokohoko atu ʻenau akó.

Teuteu ke akoʻí

ʻOku ʻoatu ʻe he fakamatala ko ʻení ha ngaahi fakakaukau ʻo e meʻa ʻe ala fiemaʻu ke ke teuteuʻi ki he lēsoni takitaha.

Ko Hono Fakamālohia Ho Fakavaʻe Fakalaumālié

Taumuʻa ʻo e lēsoní: Ke tokoni ke mahino ki he kau akó ʻa e founga ʻe lava ke tāpuekina ai ʻe he fakataukei fakatokāteliné ʻenau moʻuí mo tokoni ke langa honau fakavaʻe fakalaumālié ʻia Sīsū Kalaisí.

Teuteu ʻa e tokotaha akó: Fakaafeʻi e kau akó ke lau ʻa e Hilamani 5:12 kimuʻa pea nau toki omi ki he kalasí. ʻE lava ke kumi ʻe he kau akó ha ngaahi tāpuaki naʻe talaʻofa ki hono langa honau fakavaʻé ʻia Sīsū Kalaisí.
Meʻa ke fakaʻaliʻalí: Tūkunga ʻi he fakaʻosinga ʻo e lēsoní
Vitiō: “Ko e Hā ʻa e Fakataukei Fakatokāteline?” (3:56)

Fekumi ki ha Fakahā Fakataautaha ki Heʻeku Ngaahi Fehuʻí

Taumuʻa ʻo e lēsoní: Ke tokoni ke mahino ki he kau akó ʻa e founga te nau lava ai ʻo maʻu ha fakahinohino mo ha fakahā mei he Tamai Hēvaní ʻo fakafou ʻi he Laumālie Māʻoniʻoní.

Teuteu ʻa e tokotaha akó: Fakaafeʻi e kau akó ke nau lau ʻa e “Ko Hono Fakatokangaʻi ʻo e Ngaahi Ueʻi ʻa e Laumālie Māʻoniʻoní” mei he konga “Fakahaá” ʻi he Ngaahi Tefitó mo e Ngaahi Fehuʻí ʻi he Gospel Library. ʻI he laukonga ʻa e kau akó, te nau lava ʻo fakakaukau ki ha ngaahi fehuʻi ʻoku nau maʻu fekauʻaki mo e maʻu fakahā mei he Tamai Hēvaní. Te nau lava ʻo ʻomi ʻenau ngaahi fehuʻí ki he kalasí. Ko ha founga ʻe taha ki hono fakaʻaongaʻi ʻo e Ngaahi Tefitó mo e Ngaahi Fehuʻí, ʻe lava ke lau ʻe he kau akó ʻa e Siosefa Sāmita—Hisitōlia 1:10–13 pea kumi ʻa e meʻa naʻe fai ʻe Siosefa Sāmita ke fekumi mo teuteu ai ke maʻu ha fakahaá.
Meʻa ke fakaʻaliʻalí: Ngaahi fehuʻi fakataautaha maʻá e kau akó ke nau fakalaulauloto ai ki he kamataʻanga ʻo e lēsoní, fehuʻi fekauʻaki mo e ngaahi telefoni toʻotoʻó ʻi he lolotonga ʻo e lēsoní
Meʻa ke fakaʻaliʻalí: Ko ha telefoni toʻotoʻo pe ko ha fakatātā ʻo ha telefoni toʻotoʻo
Naunaú: Ngaahi ʻīmisi ʻo e telefoni toʻotoʻó mei he laʻipepa tufa ʻi he lēsoní
Vitiō: “Receiving Revelation” (4:17)

Ngāue ʻi he Tuí ke Maʻu e Ngaahi Talí

Taumuʻa ʻo e lēsoní: Ke tokoni ke ngāue ʻa e kau akó ʻi he tui kia Sīsū Kalaisí ʻi heʻenau fekumi ki ha tali ki heʻenau ngaahi fehuʻi ʻi he ongoongoleleí.

Teuteu ʻa e tokotaha akó: Fakaafeʻi e kau akó ke toe vakaiʻi ʻa e palakalafi 5–7 ʻo e konga “Ko Hono Maʻu ʻo e ʻIlo Fakalaumālié” ‘i he Fakamatala ki he ʻElito ʻo e Fakataukei Fakatokāteliné (2023). Te nau lava ʻo teuteu ke vahevahe ʻa e ʻuhinga ʻoku nau pehē ai ʻoku mahuʻinga ʻetau ngaahi ngāué ʻi he taimi ʻoku tau fekumi ai ki ha tali ki ha ngaahi fehuʻi pe hohaʻa fekauʻaki mo e ongoongoleleí.
Ngaahi ʻatá: Ko e fefine ʻo Salifatí; Neamani; ʻĪnoke
Vitiō: “Act in Faith: The Stonemason” (4:57)
Meʻa ke fakaʻaliʻalí: Ngaahi fakahinohino ki ha faleʻi ʻe lava ke fai ʻe he kau akó ʻi he konga “Ngaahi ngāue ʻokú ne fakahaaʻi ʻetau tui kia Sīsū Kalaisí” ʻi he lēsoní

Ko Hono Vakaiʻi ʻo e Ngaahi Tefito mo e Ngaahi Fehuʻi ʻo e Ongoongoleleí ʻaki ha Fakakaukau ʻOku Taʻengatá

Taumuʻa ʻo e lēsoní: Ke tokoni ki he kau akó ke nau vakaiʻi e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá.

Teuteu ʻa e tokotaha akó: Fakaafeʻi e kau akó ke faʻu ha lēsoni fakataumuʻa pe talanoa fakatātā te ne lava ʻo fakatātaaʻi e mahuʻinga ʻo e vakai ki he ngaahi meʻá mei ha fakakaukau ʻoku kehé. ʻE lava ke ʻoange kiate kinautolu ha faingamālie ke vahevahe ʻenau ngaahi fakakaukaú ʻi he kamataʻanga ʻo e kalasí.
Ngaahi ʻatá: Meʻa ʻe ua ʻokú na fakatou hā moʻoni mei ha vakai ʻoku fakangatangata; ongo meʻa tatau mei ha fakakaukau kehe ʻokú ne fakahaaʻi ʻoku moʻoni ʻa e tahá pea ʻikai moʻoni ʻa e tahá
Naunaú: Laʻipepa maʻá e tokotaha ako takitaha
Vitiō: “Ko hono Vakaiʻi ʻo e Ngaahi Fehuʻí ʻaki ha Fakakaukau ʻoku Taʻengatá” (2:56)

Ko e Tafoki ki he Ngaahi Maʻuʻanga Tokoni Kuo Fokotuʻu Fakalangí ke Tokoni ke Maʻu ʻa e Ngaahi Talí

Taumuʻa ʻo e lēsoní: Ke tokoni ke fekumi e kau akó ki ha moʻoni mei he ngaahi maʻuʻanga fakamatala kuo foaki mai ʻe he Tamai Hēvaní mo Sīsū Kalaisi ʻi he ʻofa maʻatautolú.

Teuteu ʻa e tokotaha akó: Fakaafeʻi e kau akó ke nau fakakaukau pe ko e ngaahi maʻuʻanga tokoni fē ʻoku nau kumi ki ai ʻi he taimi ʻoku nau maʻu ai ha fehuʻi fekauʻaki mo e meʻá ni: ngāue fakaako mei ʻapí, meʻa fakamānako pe meʻa ʻoku nau saiʻia aí, ngaahi meʻa fakahisitōlia ne hoko, ko e ongoongolelei mo e Siasi ʻo e Fakamoʻuí. Fakaafeʻi kinautolu ke fakalaulauloto ki he ʻuhinga ʻoku nau tafoki ai ki he maʻuʻanga tokoni ʻoku nau ʻiló.
Ngaahi ʻatá: Ko ha ʻīmisi loi mo ha ʻīmisi totonu ʻi he kamataʻanga ʻo e lēsoní; Ko e fehangahangai ʻa Mōsese mo Sētané
Vitiō: “In Search of Truth” (3:03)
Meʻa ke fakaʻaliʻalí: Fehuʻi ʻi he fakaʻosinga ʻo e konga “Fakafaikehekeheʻi ʻo e moʻoní mei he meʻa ʻoku halá” ʻi he lēsoní; fakamatala hala ʻe tolu ʻi he konga “Akoako” ʻo e lēsoní
Naunaú: Fanga kiʻi laʻipepa maʻá e tokotaha ako takitaha; ko ha faʻoʻanga meʻa ke faʻo ai ʻe he kau akó ʻenau ʻū laʻipepá