Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Fekumi ki ha Fakahā Fakataautaha ki Heʻeku Ngaahi Fehuʻí: Ko e Mahino ki he Founga ʻOku Folofola Atu Ai e ʻEikí Kiate Koé

“Fekumi ki ha Fakahā Fakataautaha ki Heʻeku Ngaahi Fehuʻí: Ko e Mahino ki he Founga ʻOku Folofola Atu Ai e ʻEikí Kiate Koé,” Fuakava Motuʻá – Tohi Lēsoni ʻa e Faiako Seminelí (2026)

“Fekumi ki ha Fakahā Fakataautaha ki Heʻeku Ngaahi Fehuʻí: Ko e Mahino ki he Founga ʻOku Folofola Atu Ai e ʻEikí Kiate Koé,” Fuakava Motuʻá – Tohi Lēsoni ʻa e Faiako Seminelí

Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí: Lēsoni 162

Fekumi ki ha Fakahā Fakataautaha ki Heʻeku Ngaahi Fehuʻí

Ko e Mahino ki he Founga ʻOku Folofola Atu Ai e ʻEikí Kiate Koé

‘Oku finangalo ʻa e Tamai Hēvaní ke fakahā mai ʻEne fakakaukaú mo Hono finangaló ki Heʻene fānaú. ʻE lava ke tokoni hono ʻiloʻi ʻení ʻi heʻetau fekumi ki ha tali ki heʻetau ngaahi fehuʻí, fai ha ngaahi fili mahuʻinga, mo feinga ke hoko ko ha kau ākonga lelei ange ʻo Sīsū Kalaisi. ʻE lava ke tokoni ʻa e lēsoni ko ʻení ke mahino ki he kau akó ʻa e founga te nau lava ai ʻo maʻu ha fakahinohino mo ha fakahā mei he Tamai Hēvaní ʻo fakafou ʻi he Laumālie Māʻoniʻoní.

Teuteu ʻa e tokotaha akó: Fakaafeʻi e kau akó ke nau lau ʻa e “Ko Hono Fakatokangaʻi ʻo e Ngaahi Ueʻi ʻa e Laumālie Māʻoniʻoní” mei he konga “Fakahaá” ʻi he Ngaahi Tefitó mo e Ngaahi Fehuʻí ʻi he Gospel Library. ʻI he laukonga ʻa e kau akó, te nau lava ʻo fakakaukau ki ha ngaahi fehuʻi ʻoku nau maʻu fekauʻaki mo e maʻu fakahā mei he Tamai Hēvaní. Te nau lava ʻo ʻomi ʻenau ngaahi fehuʻí ki he kalasí. Ko ha founga ʻe taha ki hono fakaʻaongaʻi ʻo e Ngaahi Tefitó mo e Ngaahi Fehuʻí, ʻe lava ke lau ʻe he kau akó ʻa e Siosefa Sāmita—Hisitōlia 1:10–13 pea kumi ʻa e meʻa naʻe fai ʻe Siosefa Sāmita ke fekumi mo teuteu ai ke maʻu ha fakahaá.

Ngaahi ʻEkitivitī Ako ʻOku Ala Fakahokó

Ko hono ʻiloʻi ʻo e ngaahi leʻó

ʻI he hū mai ʻa e kau akó ki he kalasí, vahe ki ha niʻihi tokosiʻi ʻo kinautolu ha mataʻifika kehe mo e ngaahi fakahinohino ko ʻení: “ʻI he taimi te u ui atu ai ho fiká, kātaki ʻo tali mai, ʻʻOku folofola mai ʻa e ʻEikí kiate kitautolu ʻo fakafou ʻi he Laumālie Māʻoniʻoní.ʼ” Fakamatalaʻi ange ko e taimi ʻoku ui ai honau fiká, te nau lava ʻo fili ke lea ʻaki ʻa e kupuʻi leá ʻi ha fanafana pe leʻo angamaheni.

Ke kamata e kalasí, fakaafeʻi e kau akó ke kuikui honau matá. Fakamatalaʻi ange te nau feinga ke ʻiloʻi honau kaungāakó ʻaki ʻenau fanongo ki honau leʻó. Ui taha taha ha ngaahi mataʻifika kehekehe. Hili hono lea ʻaki e kupuʻi leá ʻe he tokotaha ako takitaha ʻokú ke ui hono mataʻifiká, fakaafeʻi e toenga ʻo e kalasí ke hiki honau nimá kapau ʻoku nau ʻiloʻi e tokotaha naʻe leá.

Hili iá pea ʻeke ange ʻa e ngaahi fehuʻi ko ʻení:

Naʻe faingofua pe faingataʻa ke ʻiloʻi pe ko hai naʻe leá? Ko e hā hono ʻuhingá?
Ko e hā ka faingataʻa ai ki ha tokotaha ʻaʻahi ʻi heʻetau kalasí ke ne talamai pe ko hai naʻe leá?

Fakaʻaliʻali e sivi fakaekita ko ʻení, pea fakaafeʻi e kau akó ke fakakaukau ki heʻenau ngaahi talí.

Fakalaulauloto ki hoʻo tali ki he ngaahi fehuʻi ko ‘ení. Mahalo te ke fie lekooti ha niʻihi ʻo hoʻo ngaahi fakakaukaú ʻi hoʻo tohinoa akó.

ʻOku fēfē ʻeku loto-falala ki heʻeku ʻiloʻi e leʻo ʻo e ʻEikí ʻi heʻeku moʻuí?
Ko e hā haʻaku ngaahi fehuʻi fekauʻaki mo hono maʻu ha fakahā mei he Tamai Hēvaní?

Fakakaukau ke fakamoʻoniʻi ʻoku finangalo ʻa e Tamai Hēvaní ke folofola ki Heʻene fānaú takitaha. Fakamatalaʻi ange ʻi heʻetau fekumi ki ha fakahaá, te Ne tokoniʻi kitautolu ke fakatupulaki ʻetau loto-falala ʻi hono ʻiloʻi Hono leʻó mo maʻu ha ngaahi tali mo ha fakahinohino meiate Iá.

Kihiʻi leʻo siʻi

Lolotonga e hola ʻa ʻIlaisiā ko e palōfitá mei he kakai ne fekumi ke toʻo ʻene moʻuí, naʻá ne toitoi ʻi ha ʻana (vakai, 1 Ngaahi Tuʻi 19:1–10). Lolotonga ʻene ʻi aí, naʻe folofola ʻa e ʻEikí kiate ia.

Lau ‘a e 1 Ngaahi Tuʻi 19:9–12, ‘o kumi e meʻa na‘e ako ʻe ‘Ilaisiā fekauʻaki mo e founga ʻe lava ke tau fetu‘utaki ai mo e ‘Eikí.

Ko e hā ʻokú ke ako fekauʻaki mo e ʻEikí mei he aʻusia ʻa ʻIlaisiaá?

Tokoni ke ʻiloʻi ʻe he kau akó ko e taha ʻo e ngaahi founga ʻoku fetuʻutaki mai ai ʻa e ʻEikí kiate kitautolú ʻoku fakafou ia ʻi he kihiʻi leʻo siʻi mo vanavanaiki ʻo e Laumālie Māʻoniʻoní.

Mahalo ʻe fifili ha kau ako ʻe niʻihi pe ʻe folofola moʻoni nai ʻa e ʻOtuá kiate kinautolu pea mahalo he ʻikai ke nau ʻilo ʻa e founga ke ʻiloʻi ai ʻa e taimi ʻokú Ne folofola mai aí. ʻOku tokoni ʻa e fakamatala mo e ʻekitivitī ako ko ʻeni ki he 3 Nīfai 11 ke fai ha tokanga ki he ngaahi hohaʻa ko ʻení.

Naʻe akonaki ʻa Palesiteni Lāsolo M. Nalesoni ʻo pehē:

Te tau kei lava ʻo lotu ki [heʻetau] Tamai Hēvaní pea maʻu ha tataki mo ha fakahinohino…. Kapau te tau maʻu moʻoni ʻa e Laumālie Māʻoniʻoní mo ako ke fakafaikehekeheʻi mo mahino ʻEne ngaahi ueʻí, ʻe tataki kitautolu ʻi he meʻa siʻisiʻi pe lahi kotoa pē.

…ʻOku fiemaʻu koā ʻe he [ʻOtuá] ke folofola atu kiate koe? ʻIo! (“Fakahā maʻá e Siasí, Fakahā ki Heʻetau Moʻuí,” Liahona, Mē 2018, 94–95)

Fakakaukau ke tauhoa e kau akó ke nau lau ʻa e ngaahi veesi ko ʻení. Ke tokoni ki he ako ʻa e kau akó, fakaafeʻi kinautolu ke nau kiʻi taʻofi hili hono lau e veesi takitaha pea aleaʻi mo honau hoa laukongá ʻa e meʻa ʻoku nau maʻu ʻe lava ʻo tokoni ke tau fanongo mo fakatokangaʻi ai ʻa e fakahā mei he ʻOtuá.

Lau ʻa e 3 Nīfai 11:1–7, ʻo kumi ʻa e meʻa te tau lava ʻo ako fekauʻaki mo e fanongo mo hono ʻiloʻi ʻa e fakahā mei he ʻOtuá.

Ko e hā ʻokú ke ako fekauʻaki mo e maʻu fakahaá mei he talanoa ko ení?

Ko hono ʻiloʻi ʻa e fakahā mei he ʻOtuá

Fakamatalaʻi ange ko e taha ʻo e ngaahi founga te tau lava ai ʻo ako ke ʻiloʻi ʻa e leʻo ʻo e ʻEikí ʻi heʻetau moʻuí ko e mahino ʻa e ngaahi founga kehekehe te Ne lava ai ʻo fetuʻutaki mo kitautolú. Ke tokoni ke teuteuʻi e kau akó ke nau ako e founga ʻe lava ke fetuʻutaki ai ʻa e ʻEikí mo kitautolú, fakakaukau ke fakaʻaliʻali ange ha telefoni toʻotoʻo pe fakaʻaliʻali hano fakatātā pea hiki ʻa e fehuʻi ko ʻení ʻi he palakipoé.

Ko e hā ha ngaahi founga te ke lava ai ʻo maʻu ha ngaahi pōpoaki ʻi ha telefoni toʻotoʻo?

ʻE lava ke kau ʻi he ngaahi talí ʻa e telefoní, fetohiʻaki ʻi he telefoní, pōpoaki ʻi he app, pea naʻa mo e ngaahi ʻīmisi ʻoku tau fili ke fakaʻaliʻali ʻi heʻetau telefoní. Hili hano aleaʻi nounou ʻo e fehuʻi ʻi ʻolungá, tamateʻi ʻa e kupuʻi lea “ko ha telefoni toʻotoʻo” pea fetongi ʻaki ia ʻa e “Laumālie Māʻoniʻoní.”
Ko e hā ha ngaahi founga te ke lava ai ʻo maʻu ha ngaahi pōpoaki ʻo fakafou ʻi he Laumālie Māʻoniʻoní?
Ko e hā ha ngaahi founga ʻoku kehe ai hono maʻu e ngaahi pōpoaki mei he Laumālie Māʻoniʻoní mei hono maʻu ʻo e ngaahi pōpoaki ʻi ha telefoni toʻotoʻó?

Kapau ʻokú ke ongoʻi ʻe faingataʻa ki hoʻo kau akó ʻa e ʻekitivitī ako folofola ko ʻení, mahalo te ke fie lau ʻa e potufolofola ʻuluakí pea fehuʻi ki he kalasí pe ko e hā ʻoku akoʻi mai ʻe he vēsí fekauʻaki mo e ngaahi founga te tau lava ai ʻo ʻiloʻi ʻa e taimi ʻoku folofola mai ai ʻa e ʻOtuá kiate kitautolu ʻo fakafou ʻi he Laumālie Māʻoniʻoní. Kapau te ke lau ʻa e potufolofolá, te ke lava ʻo tokoniʻi e kau akó ke nau fakatokangaʻi mei he veesi ko ʻení te tau lava ʻo ʻiloʻi ʻokú Ne fetuʻutaki mai ʻo fakafou ʻi he Laumālie Māʻoniʻoní ʻi he taimi ʻoku tau ongoʻi ai ha tupulaki ʻi he potó, mahinó, pe ʻiló. Hili iá ʻe lava ke ako ʻe he kau akó ha niʻihi ʻo e ngaahi potufolofola kehe ʻoku hoko maí ʻi ha ngaahi hoa pe fanga kiʻi kulupu iiki. ʻOku ʻikai fiemaʻu ke ako kotoa ʻe he kau akó ʻa e ngaahi potufolofola ko ʻení.

Ako ha niʻihi ʻo e ngaahi fakamoʻoni fakafolofola ko ʻení. ʻI he potufolofola takitaha ʻokú ke akó, feinga ke ʻiloʻi ha ngaahi founga te tau lava ai ʻo ʻiloʻi e taimi ʻoku folofola mai ai e ʻOtuá kiate kitautolu ʻo fakafou ʻi he Laumālie Māʻoniʻoní. Hiki e ngaahi fakamoʻoni fakafolofola naʻá ke akó mo e meʻa naʻá ke akó ʻi hoʻo tohinoa akó.

Tokāteline mo e Ngaahi Fuakava 6:21–23

Tokāteline mo e Ngaahi Fuakava 8:2–3

Tokāteline mo e Ngaahi Fuakava 11:12–13

Siosefa Sāmita—Hisitōliá 1:11–12

ʻE tokoniʻi fēfē koe ʻe ha mahino kau ki he ngaahi founga kehekehe ʻoku fetuʻutaki mai ai ʻa e Tamai Hēvaní kiate kitautolu ʻo fakafou ʻi he Laumālie Māʻoniʻoní ke ke ʻiloʻi ʻa e fakahā meiate Iá?

‘Oku folofola ‘a e ‘Otua kiate koe

Ke tokoni ke vahevahe ʻe he kau akó ʻenau tali ki he tūkunga ko ʻení, te nau lava ʻo tali ʻa e fehuʻi ʻi laló mo hanau hoa. ʻE maʻu heni ʻe he tokotaha ako takitaha ha faingamālie ke vahevahe ʻa e meʻa kuo nau akó.

Pe ko hoʻo fakaafeʻi ha ongo tamaiki ako ki muʻa ʻi he kalasí ke fakatātaaʻi ʻa e tūkungá. ʻE lava ke vahevahe ʻe ha tokotaha ako ʻe taha ʻene talí. Hili iá ʻe lava ke fili ʻe he ongo tamaiki akó ha ongo tamaiki ako foʻou ke fakatātaaʻi ʻa e tūkungá. Te mou lava ʻo toutou fai ʻeni.

Fakakaukauloto ʻoku hoko ʻa e tūkunga ko ʻení ʻi he Sāpate ko ʻení:

Lolotonga e houalotu sākalamēnití, naʻe lea ʻaki ʻe ha tokotaha e lea ʻa Palesiteni Lāsolo M. Nalesoni ʻi heʻene pehē, “ʻOku fiemaʻu koā ʻe he ʻOtuá ke folofola atu kiate koe? ʻIo!” (“Fakahā maʻá e Siasí, Fakahā ki Heʻetau Moʻuí,” Liahona, Mē 2018, 95). ʻI hoʻo mavahe mei he falelotú hili e fakatahá, ʻoku pehē atu ho kaungāmeʻá: “Pehē ange mai ne u lava ʻo ʻiloʻi e fakahinohino mo e fakahā mei he ʻOtuá ʻi heʻeku moʻuí, ka ʻoku ʻikai ke u fakapapauʻi e foungá.”

Makatuʻunga ʻi he meʻa kuó ke ako mei ai mo fekauʻaki mo e Laumālie Māʻoniʻoní ʻi he ʻaho ní, ko e hā te ke talaange ki ho kaungāmeʻá?

Fakakaukau ke vahevahe hoʻo fakamoʻoní fekauʻaki mo e finangalo ʻa e ʻEikí ke folofola mai kiate kitautolu ʻo fakafou ʻi he kihiʻi leʻo siʻi ʻo e Laumālie Māʻoniʻoní.

Ngaahi Maʻuʻanga Tokoni Kehé

Ko e hā ʻoku mahuʻinga ai ke ʻiloʻi ʻa e founga ʻoku folofola mai ai ʻa e Laumālié?

Naʻe vahevahe ʻe Palesiteni Lāsolo M. Nalesoni ʻo pehē:

ʻI he ngaahi ʻaho ka hokó, he ʻikai lava ke tau moʻui fakalaumālie taʻe kau ai ʻa e tataki, fakahinohino mo e ivi fakafiemālie, mo tatau maʻu pē ʻo e Laumālie Māʻoniʻoní. (“Fakahā maʻá e Siasí, Fakahā ki Heʻetau Moʻuí,” Liahona, Mē 2018, 96)

ʻOku folofola fēfē mai nai ʻa e Laumālie Māʻoniʻoní kiate aú?

Naʻe fakamatala ʻa ʻEletā Lainolo A. Lasipeni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

ʻOku ou ʻiloʻi ko e fetuʻutaki ʻa e Laumālié ʻoku faʻa hoko mai ia ko ha ongo. ʻOkú ke ongoʻi ia ʻi ha ngaahi lea ʻokú ke angamaheni ki ai, ʻoku mahino kiate koe, mo ne ueʻi koe. … ‘Oku leʻo siʻi mo vanavanaiki e le‘o ʻo e Laumālie Māʻoniʻoní. (“Tuku ke Taki ʻa e Laumālie Māʻoniʻoní,” Liahona, Mē 2017, 94)

Naʻe fakamatala ʻa ʻEletā Tēvita P. Houma ʻo e Kau Fitungofulú ʻo pehē:

10:19

ʻOku lea e Laumālié ki he kakai kehekehe ʻi ha founga kehekehe, pea te Ne lava ʻo lea ki he tokotaha tatau ʻi ha ngaahi founga kehekehe ʻi ha taimi kehekehe. Ko ia ai, ko hono ako ko ia e ngaahi founga ʻokú Ne lea ai kiate kitautolú ko ha meʻa ia ke fai ʻi hono kotoa ʻo e moʻuí. ʻOku ʻi ai e taimi ʻokú Ne lea mai ai ki hotau “ʻatamaí pea ʻi [hotau] lotó” (Tokāteline mo e Ngaahi Fuakava 8:2–3) ʻi ha kihiʻi leʻo siʻi, ka ʻoku mālohi, ʻo mahuhuhuhu ai “ʻa kinautolu ʻoku … fanongó pea ongo moʻoni ki he lotó” (3 Nīfai 11:3). Ko e taimi ʻe niʻihi, ko ʻEne ueʻí ʻoku “moʻua ai [ʻetau ngaahi] fakakaukaú” pe “ueʻi ʻe ia … ʻa [hotau] lotó” (Tokāteline mo e Ngaahi Fuakava 128:1). ʻE ʻi ai e taimi ʻe “māfana ʻa [hotau] lotó” (Tokāteline mo e Ngaahi Fuakava 9:8). Ko e taimi ʻe niʻihi ʻokú Ne fakafonu hotau laumālié ʻaki e fiefia, fakamaama ʻa hotau ʻatamaí, pe ʻomi e nongá ki hotau loto fonu he mamahí. (“Fanongo ki Hono Leʻó,” Liahona, Mē 2019, 42)

Te u ʻilo fēfē ʻoku folofola mai ʻa e Laumālie Māʻoniʻoní kiate au pe ko e ngaahi fakakaukau pē ia ʻaʻaku?

Naʻe fakamatala ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

8:12

Ngaahi ʻEkitivitī Fakalahi ki he Akó

Founga ʻe taha ke kamata ʻakí

Kimuʻa pea kamata e kalasí, fakaafeʻi e mātuʻa hoʻo kau akó ke nau tā ki hoʻo telefoni toʻotoʻó ʻo tuku ha pōpoaki ʻo pehē, “Ko e fānau au ʻa e ʻOtuá.” Hili iá te mou lava ʻo fanongo taha taha ki he ngaahi pōpoaki ko ʻení pea sio pe ʻe lava ke mateʻi ʻe he kau akó ʻa e tokotaha haʻana ʻa e pōpoakí. Hili iá ʻe lava ke tali ʻe he kau akó e ngaahi fehuʻi ko ʻení:

Naʻá ke lava nai ʻo ʻiloʻi ʻa e leʻó? Ko e hā hono ʻuhingá?
Ko e hā ha meʻa te ne fakatupulaki hoʻo malava ke ʻiloʻi ʻa e leʻó?

Ka ʻikai, te ke lava ʻo huluʻi ʻa e “Finding Strength in Challenging Times!” mei he taimi 1:53 ki he 3:25. Naʻe vahevahe ʻe ʻEletā ʻĀlani F. Peeka ʻo e Kau Fitungofulú ʻa e founga naʻá ne lava ai ʻo ʻiloʻi ʻa e leʻo ʻo ʻene faiako soká mei he longoaʻa ʻa e kau poupoú mo e kau vaʻingá ʻi ha vaʻinga soka. Te ke lava ʻo liliu e ngaahi fehuʻi ʻi ʻolungá ke aleaʻi e aʻusia ʻa ʻEletā Pēká.

10:35

Fakatupulaki hoʻo malava ke maʻu ha fakahaá

Kapau ʻokú ke ongoʻi ʻe ʻaonga ki hoʻo kau akó ʻenau ako lahi ange fekauʻaki mo e founga te nau lava ai ʻo maʻu ha fakahā mei he Tamai Hēvaní, fakakaukau ke fakaʻaliʻali ʻa e lea ko ʻeni meia Palesiteni Lāsolo M. Nalesoní.

ʻOku ou poupouʻi atu ke fakalahi hoʻomou tuʻunga fakalaumālie lolotongá ke maʻu e fakahā fakatāutahá…. (Fakahā maʻá e Siasí, Fakahā ki Heʻetau Moʻuí,” Liahona, Mē 2018, 95)

Hili iá, ʻe lava ke kumi ʻe he kau akó ha niʻihi ʻo e ngaahi tefitoʻi moʻoni ʻoku ʻomi ʻi he “ʻIloʻi Ko e Fakahaá Ko ha Ngāue Ia” (Ngaahi Tefitó mo e Ngaahi Fehuʻí, Gospel Library) pea feinga ke ʻiloʻi ʻa e ngaahi meʻa ʻe lava ke fai ʻe he toʻu tupú ke fakatupulaki ai ʻenau malava ke maʻu fakahā mei he Tamai Hēvaní.

Sīpinga ʻo e telefoni toʻotoʻó

Kapau ʻokú ke ongoʻi ʻe ʻaonga ki he kau akó hono fai ha toe fakafehoanaki ʻi he vahaʻa ʻo ha telefoni toʻotoʻo mo e Laumālie Māʻoniʻoní, te ke lava ʻo fakaʻaliʻali ʻeni hili ʻa e fehuʻi “Ko e hā ha ngaahi founga te ke lava ai ʻo maʻu ha ngaahi pōpoaki ʻi ha telefoni toʻotoʻo?” ʻi he lēsoní:

Ko e hā ʻe lava ke ne fakafeʻātungiaʻi hono maʻu ha ngaahi pōpoaki mei he Tamai Hēvaní?
Ko e hā te ne lava ʻo fakatupulaki hoʻo malava ke maʻu ha ngaahi pōpoaki ʻi ha telefoni toʻotoʻó?

ʻE lava ke tali nounou ʻe he kau akó ʻa e fehuʻi takitaha kimuʻa peá ke liliu ʻa e fakaʻosinga ʻo e sētesí ki he “Laumālie Māʻoniʻoní.” Hili iá ʻe lava ke fakaʻaongaʻi ʻe he kau akó ha taimi ke tali ʻa e ngaahi fehuʻi foʻoú. Te ke lava foki ʻo fakaafeʻi kinautolu ke nau fakakaukau ki he founga te nau ala tali fakataautaha ai ʻa e ngaahi fehuʻí.

Ngaahi aʻusia ʻa e kau taki ʻo e Siasí

Ke tokoni ke vakai ʻa e kau akó ki ha ngaahi aʻusia kehe ʻo e fanongo ʻa e niʻihi kehé ki he leʻo ʻo e Tamai Hēvaní, te mou lava ʻo mamata ki ha ngaahi aʻusia mei he kau taki ʻo e Siasí mei he vitiō Fanongo kiate Iá ChurchofJesusChrist.org.

Ko ha founga ʻe taha ko e “How I #HearHim: President Camille N. Johnson.” ʻOku vahevahe ʻe Palesiteni Kamila N. Sionisoni, ko e Palesiteni Lahi ʻo e Fineʻofá, ʻa e founga naʻá ne fanongo ai ki he leʻo ʻo e ʻEikí ʻo fakafou ʻi he ngaahi lea ʻa e niʻihi kehé.

2:7