Ngaahi ʻEkitivitī Siviʻi Hoʻo Akó ki he Ngaahi Lēsoni Teuteu ki he Moʻuí

Fakakaukau ki ha founga fakamānako ke tokoniʻi e kau akó ke nau teuteu ke fakakaukauloto ki he ngaahi taukei ako folofola kuo nau fakaʻaongaʻi kimuí ni ke teuteuʻi kinautolu ke maʻu ha tokoni mei he Tamai Hēvaní. Kumi ha ngaahi founga ke fakamānako mo ʻaonga ai ki he kau akó. Te mou lava ʻo fakahoko ha meʻa hangē ko hono ʻiloʻi e ngaahi taukei ki he fekumi ʻi he ʻinitanetí ʻoku ola leleí (hangē ko e ʻekitivitī ʻi laló) pe, kapau kuo fakaʻaongaʻi ʻe he kau akó ʻa e AI, te mou lava ʻo talanoa ki he ngaahi taukei ki hono fakahoko ha fehuʻi lelei ʻi he AI.

Fakaafeʻi e kau akó ke hiki ha lisi ʻi he palakipoé ʻo e ngaahi taukei ako folofola kuo nau akó. Te nau lava ʻo vahevahe ʻi he tafaʻaki ʻo e taukei takitaha ʻa e founga ʻe ala tokoni ai e ngaahi meʻangāue ko ʻení ke nau maʻu ha tokoni mo ha tataki fakalaumālie mei he ʻEikí. ʻOku kau ʻi he ngaahi taukei mahalo kuo ako ʻe hoʻo kalasí ʻa e:

• Tokanga taha kia Sīsū Kalaisí

• Kumi e ngaahi fakataipe ʻo Sīsū Kalaisí

• Fai ha fakafehoanakí

• Ko hono fakaafeʻi e Laumālie Māʻoniʻoní ʻo fakafou ʻi he lotú, toʻo e ngaahi meʻa ʻokú ne tohoakiʻi e tokangá, mo e fakalaulaulotó

• Fakaʻilongaʻi ha ngaahi foʻi lea mo e ngaahi kupuʻi leá

• Hiki fakamatala

• Fakafekauʻaki pe fakafehokotaki e ngaahi vēsí

• Ko hono ʻiloʻi e ngaahi moʻoni ʻoku fokotuʻu mai pe fakamatalaʻi mahinó

Kapau naʻe ako mo akoako fakahoko ʻe hoʻo kalasí ha ngaahi taukei lahi ange, te ke lava ʻo tānaki atu ia ki he lisi naʻe hiki ʻe he kau akó.

Ke tokoni ke fakatātaaʻi ha taukei ako folofola kuo nau ako, fili ha potufolofola ke akoako ai ʻa e kau akó. ʻE lava pē ko ha potufolofola fakataukei fakatokāteline pe ko ha potufolofola mahuʻinga naʻe ʻikai lava ʻa e kau akó ʻo ako ʻi he seminelí.

ʻI hono fakakakato ʻe he kau akó, mahalo te ke fie ʻai ke nau vahevahe mo e kalasí pe ʻi ha fanga kiʻi kulupu iiki ʻa e ngaahi taukei naʻa nau fakaʻaongaʻí mo e meʻa naʻa nau ako mei he aʻusiá. ʻI he vahevahe ʻa e kau akó, mahalo te ke fie fai ha ngaahi fehuʻi vakaiʻi fekauʻaki mo e founga ʻe lava ke tokoni ai hono fakaʻaongaʻi e ngaahi taukei ko ʻení ʻi heʻenau ako folofola fakatāutahá ke nau ʻunuʻunu ofi ange ai ki he Tamai Hēvaní mo Sīsū Kalaisí.

Fakakaukau ke hiki ʻa e foʻi lea ko e Ngaahi filí ʻi he palakipoé. Fakaʻaliʻali ki he kau akó ʻa e ngaahi meʻa ko ʻení pea kole ange ke nau vahevahe ha fili pe ngaahi fili mahuʻinga ʻoku kaunga ki he meʻa ko iá. (ʻOku fakafofongaʻi ʻe he meʻa takitaha ha lēsoni ʻi he konga Ki Hono Fakamālohia ʻo e Toʻu Tupú.)

Ko ha telefoni toʻotoʻo

Ko ha tāpuaki fakapēteliake

Ko ha tohi fakahinohino Ki Hono Fakamālohia ʻo e Toʻu Tupú

Ko ha laʻipepa ʻoku ui ko e “Ngaahi Taumuʻá,” pea hiki ai ha ngaahi taumuʻa

Hili hono maʻu ʻe he kau akó ha taimi ke fakakaukauloto mo tohi aí, fakakaukau ke fakaafeʻi ha niʻihi tokosiʻi te nau fie vahevahe. ʻI hono vahevahe ʻe he kau akó ʻa e founga kuo nau ongoʻi ai e mālohi ʻo e ʻEikí, fakamamafaʻi ʻa e finangalo lelei ʻa e ʻEikí ke tokoniʻi kitautolú. ʻI hono vahevahe ʻe he kau akó e ngaahi faingataʻa ʻoku nau fepaki mo iá, fakaafeʻi e kalasí ke fakaʻaongaʻi ha kiʻi taimi ke fakalaulauloto ki he founga te nau ala tokoni aí. Te nau ala kumi ha ngaahi potufolofola pe fakamatala ʻi he tohi fakahinohino Ki Hono Fakamālohia ʻo e Toʻu Tupú pe fakalaulauloto ki haʻanau ngaahi aʻusia. Fakaafeʻi kinautolu ke vahevahe.

Fakaafeʻi e kau akó ke fakaʻosi e ngāue ko ʻení ʻaki hono tohi e meʻa ʻoku nau ongoʻi ʻe finangalo ʻa e ʻEIkí ke nau fakahoko ʻi he sitepu hono hokó.

Fakakaukau ke fakaʻaliʻali ha fakatātā ʻoku hā ai ʻa Siosefa ʻo ʻIsipité pea fakaafeʻi e kau akó ke fakamanatu e meʻa naʻa nau ako fekauʻaki mo e moʻui fakafalala pē kiate kitá ʻi hono ako hono talanoá (vakai, Sēnesi 37–47). Mahalo ʻe tokoni ke nau vakai ki he ngaahi fakamatala ʻi heʻenau tohinoá pe folofolá ʻi heʻenau fakakaukau ki he meʻa ne nau akó.

Mahalo te ke fakakaukau ke ʻoange ha niʻihi, pe kotoa, ʻo e ngaahi fakamoʻoni fakafolofola ko ʻení ke vakai ki ai ʻa e kau akó:

• Sēnesi 41:37–43, 49, 54–55 (ko hono tānaki ʻe Siosefa ʻo ʻIsipité ha kēleni ki ha honge ʻi he kahaʻú koeʻuhí naʻá ne maʻu ha fakahā mei he ʻEikí)

• Sēnesi 45:4–11; 47:11–12 (ko hono tāpuekina ʻe Siosefa ʻo ʻIsipité ʻa hono fāmilí koeʻuhí ko ʻene ngaahi ngāue ke fakatupulaki e moʻui fakafalala pē kiate kitá)

• Malakai 3:8–11 (ko e talangofua ki he fono ʻa e ʻEikí ki he vahehongofulú)

• Mōsese 4:23–25; 5:1 (ko hono ngāueʻi ʻe ʻĀtama mo ʻIvi ʻena meʻakaí kae ʻikai ko hono ʻoange ʻe he ʻOtuá kiate kinauá)

Fakakaukau ke fakaafeʻi ha kau ako ʻe niʻihi ke vahevahe ʻenau ngaahi fakakaukaú.

Fakakaukau ke fakaʻaliʻali ha fakatātā ʻo ha fuʻu ʻakau ʻoku fepālekina ʻe he havilí, pe te ke tā ha fuʻu ʻakau ʻi he palakipoé. Kapau naʻe tā ʻe he kau akó ha fuʻu ʻakau ʻi heʻenau tohinoa akó ʻi heʻenau ako ʻa e Lēsoni 181: “Ko Hono Langaki ha Mālohi Fakaeloto ʻi he ʻEikí,” fakaafeʻi kinautolu ke toe vakaiʻi e ngaahi faingataʻa fakaeloto ne nau fakahingoa ʻi heʻenau fuʻu ʻakaú.

Pe, ʻe lava ʻe he kau akó ʻo tohi takatakai ʻi ha tā fakatātā foʻou ʻo ha fuʻu ʻakau, ha niʻihi ʻo e ngaahi faingataʻa fakaeloto kuo nau aʻusia pe te nau ala fepaki mo ia ʻi he kahaʻú.

Kapau ʻoku vahevahe ʻe he kau akó ha ngaahi faingataʻa pe ngaahi pole, kumi ha tataki fakalaumālie ke ʻiloʻi e founga ke tokoni aí. ʻE lava ke fetokoniʻaki ʻa e kau mēmipa ʻo e kalasí ʻaki hono fakahaaʻi ʻa e manavaʻofá mo e loto-mahinó.

ʻOku ʻoange ʻe he ʻekitivitī ko ʻení ha faingamālie ki he kau akó ke nau fakamatalaʻi e mahuʻinga ʻo e ako fakalaumālie mo fakatuʻasino ʻi he kotoa ʻo e moʻuí.

Fakaafeʻi ʻa e kau akó ke fakakaukauloto ki he tūkunga ko ʻení. Te ke lava ʻo fakahoko ha ngaahi liliu ki he tūkungá ke feʻunga mo e ngaahi fiemaʻu hoʻo kalasí.

Hili ha taimi feʻunga, te ke lava ʻo fakaafeʻi e kau akó ke vahevahe ʻenau fokotuʻutuʻú ʻi ha fanga kiʻi kulupu iiki pe fakaafeʻi ha niʻihi ke vahevahe mo e kalasí.

Kapau naʻe maʻu ʻe he kau akó ha faingamālie ke faʻu ha palani ki he ako fakalaumālie mo fakatuʻasino ʻi he kahaʻú, fakaafeʻi kinautolu ke toe vakaiʻi e ngaahi palani kuo nau faʻú. Kapau kuo teʻeki faʻu ʻe he kau akó ha ngaahi palani, fakaafeʻi kinautolu ke fakaʻaongaʻi e taimi ko ʻení ke faʻu ha palani ki he founga te nau fie hoko atu ai ʻa e tulifua ki he ako fakalaumālié mo fakatuʻasinó ʻi ha founga ʻe fakakau ai ʻa e ʻEikí ʻi heʻenau ngaahi palaní.

ʻOku kau ʻi he ngaahi fehuʻi ʻe ala tokoni ʻi he fealeaʻakí ʻa e ngaahi meʻá ni:

Fakakaukau ke hiki ʻa e ngaahi tefito ko ʻeni ʻo e lēsoní ʻi he palakipoé:

Ko hono Fakakau ʻa e ʻEikí ʻi hoʻo akó

Ko hono fatongia ʻaki hoʻo akó

Ko hono fokotuʻutuʻu e ngaahi ngāué mo e ngaahi meʻa ke fakamuʻomuʻá

Ko hono ikunaʻi e fakatoloí

Fakaafeʻi e kau akó ke nau lau e ngaahi tefitó pea fakakaukau ki he founga kuo nau fakaʻaongaʻi ai e ngaahi taukei ko ʻení ʻi heʻenau ngāue fakaakó. Ke fakahoko ʻení, te ke lava ʻo fakaafeʻi kinautolu ke nau fai ʻa e ngaahi meʻá ni.

Te ke lava ʻo fakaafeʻi ha niʻihi ʻoku nau loto ki ai ke vahevahe ʻenau tā fakatātaá mo e kalasí. Poupouʻi e kau akó ke fakafanongo tokanga ki honau kaungāakó. Fehuʻi ange pe ʻoku ʻi ai haʻanau ngaahi aʻusia pe tefitoʻi moʻoni kehe mei he ngaahi lēsoní ʻe ala tokoni. ʻI he fefanongoʻaki ʻa e kau akó, ʻe ala ueʻi kinautolu ʻe he Laumālie Māʻoniʻoní ke ʻahiʻahi ha niʻihi ʻo e ngaahi taukei kuo tokoni ki he niʻihi kehé.

Ke teuteuʻi e kau akó ke fakakaukau ki he ngaahi ongo ʻoku nau maʻu fekauʻaki mo hono vahevahe ʻo e ongoongolelei ʻo Sīsū Kalaisí mo e niʻihi kehé, fakakaukau ke toe vakaiʻi nounou ha niʻihi ʻo e ngaahi meʻa kuo nau ako pe fakaʻaongaʻi mei he ngaahi lēsoni teuteu ngāue fakafaifekaú. Hangē ko ʻení, kapau naʻe ako ʻe he kau akó ʻa e Lēsoni 198: “Ko e Fili ke Ngāue Fakafaifekaú,” te ke lava ʻo puke hake ha sioʻata pea fehuʻi ange ʻeni.

ʻI hono vahevahe ʻe he kau akó ʻenau ngaahi aʻusiá, te ke ala ʻeke foki pe ko e fē ʻa e ngaahi moʻoni naʻa nau vahevahe fekauʻaki mo e Fakamoʻuí pe ko e ngaahi fakaafe ne nau fakahokó. Te ke lava ʻo fakamanatu ange ki he kau akó naʻa nau kumi ʻi he Lēsoni 197: “Ko hono Vahevahe ʻa e Ongoongoleleí ʻi ha Ngaahi Founga Angamahení” ha ngaahi moʻoni fekauʻaki mo Sīsū Kalaisi naʻa nau fiefia ke vahevahe mo e kakai ʻoku nau ʻofa aí (vakai, ʻĪsaia 1:18; 25:4, 8–9; 40:28–31; 43:25; 54:10).

Fakakaukau ke fakaafeʻi ha niʻihi ʻe loto-fiemālie ke vahevahe ʻa e meʻa naʻa nau tohí. Poupouʻi e kau akó ke hoko atu ʻenau fekumi ki he holi mo e ngaahi faingamālie ke vahevahe ʻa e ongoongolelei ʻo Sīsū Kalaisí mo e niʻihi kehé.

Fakakaukau ke fakaʻaongaʻi ha ʻekitivitī ʻe taha pe lahi ange mei he ngaahi ʻekitivitī ko ʻení ke tokoni ki he kau akó ke vakaiʻi ʻenau holi ke fai ha ngaahi fuakava mo e ʻOtuá ʻi he temipalé.

Fakaafeʻi e kau akó ke fakakaukau ki ha ngaahi tefitoʻi moʻoni kuo nau ako mei he ngaahi lēsoni Teuteu ki he Temipalé. Te nau lava ʻo toe vakaiʻi ʻenau folofolá mo e ngaahi tohinoa akó ke manatuʻi e meʻa naʻa nau ako fekauʻaki mo e fono ʻo e feilaulaú mo e talangofuá, founga ʻoku akoʻi ai ʻe he temipalé fekauʻaki mo Sīsū Kalaisí, mo e founga ke teuteu ke hū moʻui taau ki he temipalé ʻaki hono ako ʻa e ngaahi fehuʻi ki he lekomeni temipalé. Kapau ʻe fiemaʻu, te ke lava ʻo ʻoange ʻa e meʻa ko ʻení:

Hili hono maʻu ʻe he kau akó ha faingamālie ke toe vakaiʻi ʻenau folofolá mo e ngaahi fakamatala ne hikí, fakaʻaliʻali ʻeni ke tokoni ke fakakaukau ʻa e kau akó ki he founga kuo tokoni ai ʻa e ngaahi lēsoni ko ʻení ki heʻenau holi ke fakahoko ha ngaahi fuakava mo e ʻOtuá ʻi Hono falé.

ʻI he kotoa ʻo e kalasí, naʻe maʻu ʻe he kau akó ha ngaahi faingamālie lahi ke ako mo fakaʻaongaʻi ai e ngaahi akonaki mei he kau taki ʻo e Siasí. ʻI he ʻekitivitī ko ʻení, mahalo te ke fie fakamanatu ki he kau akó ha ngaahi lea pau naʻa mou ako mo e kalasí. Fakakaukau ke hiki ʻa e ngaahi tefito ʻo e ʻū leá ʻi he palakipoé. Fakaafeʻi e kau akó ke fili ha taha ʻo e ʻū leá pea toe vakaiʻi e pōpoakí mo ha faʻahinga fakamatala pē naʻa nau hiki. Fokotuʻutuʻu ʻa e kau akó ke nau tauhoa, kapau ʻe lava, mo ha taha naʻá ne fili ha lea kehe. ʻAi ke vahevahe ʻe he hoa takitaha ʻenau tali ki he ongo fehuʻi ko ʻení.

Hili e vahevahe ʻa e hoa takitaha, fakaafeʻi e kau akó ke fakakaukau ki he founga kuo nau feinga ai ke fakaʻaongaʻi e ngaahi akonaki ʻo e lea naʻa nau filí. Te ke lava ʻo ʻeke ange fekauʻaki mo e ngaahi lavameʻa pe ngaahi fakafeʻātungia kuo nau aʻusia ʻi heʻenau fakaʻaongaʻi e ngaahi lēsoni ko ʻení.