Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Siviʻi Hoʻo Akó, Konga 2: ʻĪsaia 1–2; 6; 9; 11–12; 29; 49; 53; 58; 61; Saame 23–24; Taniela 1–3; 6; Malakai 3

“Siviʻi Hoʻo Akó, Konga 2: ʻĪsaia 1–2; 6; 9; 11–12; 29; 49; 53; 58; 61; Saame 23–24; Taniela 1–3; 6; Malakai 3,” Fuakava Motuʻá – Tohi Lēsoni ʻa e Faiako Seminelí (2026)

“Siviʻi Hoʻo Akó, Konga 2: ʻĪsaia 1–2; 6; 9; 11–12; 29; 49; 53; 58; 61; Saame 23–24; Taniela 1–3; 6; Malakai 3,” Fuakava Motuʻá – Tohi Lēsoni ʻa e Faiako Seminelí

Fakalahi ki he Tohí

Siviʻi Hoʻo Akó, Konga 2

ʻĪsaia 1–2; 6; 9; 11–12; 29; 49; 53; 58; 61; Saame 23–24; Taniela 1–3; 6; Malakai 3

ʻE lava ʻi hono tuku ha taimi ke fakatokangaʻi ai ʻa e tupulakí mo e fakalakalaka fakalaumālié ʻo fakamālohia hotau vā fetuʻutaki mo e Tamai Hēvaní mo Sīsū Kalaisí, pea fakaʻaiʻai kitautolu ke tau nofo maʻu ʻi he hala ʻo e fuakavá. ʻE lava ke tokoni ʻa e lēsoni ko ʻení ke ke vakaiʻi hoʻo tupulaki fakalaumālie mei hoʻo ako ʻa e ʻĪsaia 1–2; 6; 9; 11–12; 29; 49; 53; 58; 61; Saame 23–24; Taniela 1–3; 6; Malakai 3. Kumi ha ngaahi faingamālie ke vahevahe ha niʻihi ʻo hoʻo talí mo ha ngaahi kaungāmeʻa pe ko ha kau mēmipa ʻo e fāmilí.

Fakatokangaʻi ange: Kimuʻa pea fakakakato e sivi ko ʻení, fakapapauʻi ke fakakakato e laukonga ʻoku fiemaʻú kapau ʻoku teʻeki ai ke ke fakahoko ia: ʻĪsaia 1–2; 6; 9; 11–12; 29; 49; 53; 58; 61; Saame 23–24; Taniela 1–3; 6; Malakai 3.

Lelei ange ʻaki e peseti ʻe taha

Naʻe laka hake ʻi he senituli ʻe tahá ʻa e faingataʻaʻia ʻa e timi lova pasikala fakafonua ʻa Pilitānia Lahí pea naʻa nau ikuna ha ngaahi mētali siʻi pē ʻi he ngaahi feʻauhi ʻOlimipikí. Ka ʻi he 2003, naʻe maʻu ʻe he faiako ʻo e timí ha ngaahi fakalakalaka peseti ʻe taha te nau lava ʻo fakahoko ʻi ha ngaahi tafaʻaki ʻoku ʻikai fakatokangaʻi mo taʻeʻamanekina ke toe lelei ange ai ʻa e timí. Ko hono olá, talu mei he 2003 mo e ikuna tuʻo ono ʻe he kau lova pasikala Pilitāniá ʻa e Tour de France. Naʻa nau ikuna foki ʻa e mētali koula lahi taha ʻi he lova pasikalá ʻi he ʻOlimipiki Faʻahitaʻu Māfaná 2020 (vakai Michael A. Dunn, “Lelei Ange ʻAki e Peseti ʻe Taha,” Liahona, Nōvema 2021).

Naʻe fakamatala ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

ʻOku finangalo e ʻEikí ke tau fakahoko ha ngaahi fakalakalaka iiki, taʻeueʻia, mo tupulaki fakalaumālie. (“Clean Hands and a Pure Heart,” Liahona, Nov. 2007, 82)

Te ke lava ʻo hiki hoʻo ngaahi tali ki he ngaahi fehuʻi ko ʻení ʻi ha tohinoa ako pe vahevahe ia mo ha kaungāmeʻa pe mēmipa ʻo e fāmilí:

Ko e hā ha ngaahi ongo fakalaumālie kuó ke maʻu kimuí ni mai mei he Laumālie Māʻoniʻoní? Kuó ke ngāueʻi fēfē kinautolú?
Ko e hā ha fanga kiʻi fakalakalaka fakalaumālie iiki kuó ke fakahoko ʻi hoʻo hoko ko e ākonga ʻa Sīsū Kalaisí?
Ko e hā ha ngaahi tafaʻaki te ke kei fiemaʻu ke fakahoko ai ha fanga kiʻi fakalakalaka fakalaumālie iiki?

Fakamatalaʻi e ngaahi huafa mo e ngaahi fatongia ʻo Sīsū Kalaisí

ʻI heʻetau ako e ngaahi folofola ʻa e ʻEikí ʻi he Fuakava Motuʻá, ʻoku tau ako lahi ange ai fekauʻaki mo Hono ngaahi huafá mo e ngaahi fatongiá. Fakaʻaongaʻi ʻa e fakatātā ko ʻení ke fakahoko ʻaki ʻa e ngaahi meʻá ni:

2026 Old Testament Seminary Teacher Materials

Tohiʻi ʻa e “Sīsū Kalaisí” ʻi lotomālie ʻi he siakalé.
Hiki ʻi he ngaahi siakale kehé ha niʻihi ʻo e ngaahi huafa mo e ngaahi fatongia ʻo Sīsū Kalaisi kuó ke ako ʻi he Fuakava Motuʻá mo ha veesi te ke lava ʻo maʻu ai kinautolu. Te ke lava ʻo tānaki atu ha toe ngaahi siakale ki he huafa takitaha te ke maʻú. Mahalo ʻe tokoni ke toe vakaiʻi ʻa e ʻĪsaia 9:6–7; 53:3–5. (Te ke lava ʻo maʻu ha ngaahi huafa mo ha ngaahi fatongia ʻi he ʻĪsaia 7:14; 33:22; 40:28; 43:3; 48:17; Selemaia 17:13; ʻIsikeli 34:11–13. Te ke lava foki ʻo kumi ʻa e Ko e Ngaahi Huafa ʻo Kalaisí ʻoku maʻu ʻi he ChurchofJesusChrist.org.)

ʻI hoʻo fakakaukau ki he meʻa ʻoku akoʻi mai ʻe he ngaahi huafa mo e ngaahi fatongia ʻo Sīsū Kalaisí fekauʻaki mo Iá, fili ha huafa pe fatongia ʻe taha naʻe makehe kiate koe. Tokanga taha ki he hingoa pe fatongia ko iá ʻi hoʻo tali ha taha ʻo e ngaahi fehuʻi ko ʻení:

Ko e hā ʻoku akoʻi atu ʻe he huafa fakanofo pe fatongia ko ʻení fekauʻaki mo Sīsū Kalaisí?
Ko e hā ha ngaahi tūkunga ʻi hoʻo moʻuí ʻe ʻaonga ki ai hono manatuʻi ʻa e huafa pe fatongia ko ʻeni ʻo Sīsū Kalaisí?
ʻOkú ke vakai fēfē ki hono fakahoko ʻe he Fakamoʻuí ʻa e huafa pe fatongia ko ʻení ʻi hoʻo moʻuí pe ʻi he moʻui ʻa e niʻihi kehé he ʻaho ní?

Fakamatalaʻi ha ngaahi kikite ʻi he Fuakava Motuʻá kau ki hono Fakafoki Mai ʻo e ongoongolelei ʻa Sīsū Kalaisí ʻi he ngaahi ʻaho kumui ní

Fakakaukauloto ʻoku ʻi ai haʻo kaungāmeʻa ʻoku fie ʻilo lahi ange ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOkú ke fie fakaʻaliʻali ki ho kaungāmeʻá, ʻoku akoʻi ʻe he Tohi Tapú fekauʻaki mo hono Fakafoki Mai ʻo e ongoongolelei ʻo Sīsū Kalaisí. Fakakaukau ki he meʻa te ke lava ʻo vahevahe mo ho kaungāmeʻá. Toe vakaiʻi leva ʻa e ngaahi potufolofola fakataukei fakatokāteline ko ʻení. Kumi ke ʻiloʻi ha tafaʻaki ʻe taha ʻo e Fakafoki mai ʻo e ongoongoleleí naʻe kikiteʻi ʻi he Fuakava Motuʻá, ʻa ia te ke lava ʻo vahevahe mo ho kaungāmeʻá.

ʻĪsaia 29:13–14

ʻIsikeli 37:15–17

Taniela 2:44–45

Te ke fakamatalaʻi fēfē ʻa e kikite ko ʻeni ʻi he Fuakava Motuʻá ki ho kaungāmeʻá?
Ko e hā nai ʻoku akoʻi atu ʻe he kikite ko ʻení fekauʻaki mo e Fakamoʻuí mo Hono Siasí?

Hiki hoʻo ngaahi talí ʻi hoʻo tohinoa akó pe akoako vahevahe ʻa e founga te ke fakamatalaʻi ai ʻa e kikité ki ha kaungāmeʻa, mēmipa ʻo e fāmilí, pe ko hoʻo faiakó.

Ongoʻi ha holi lahi ange ke ikunaʻi ʻa e angahalá ʻo fakafou ʻi he Fakalelei ʻa Sīsū Kalaisí

ʻI he ʻĪsaia 1:18, naʻe fakaʻaongaʻi ʻe he ʻEikí ʻa e fakatātaá ke tokoni ke mahino kiate kitautolu ʻa e meʻa ʻe lava ke fakahoko ʻe he Fakamoʻuí ki heʻetau moʻuí ʻi heʻetau ikunaʻi ʻa e angahalá ʻo fakafou ʻi Heʻene Fakaleleí. Fakakaukauloto kuo kole atu ke ke fai ha lea miniti ʻe tolu ki he nima fekauʻaki mo hono ikunaʻi ʻo e angahalá ʻo fakafou ʻi he Fakalelei ʻa Sīsū Kalaisí. Hiki ha kiʻi fokotuʻutuʻu nounou hoʻo leá ʻa ia ʻe kau ai e ngaahi meʻá ni:

Meʻa kuó ke ako mei he Fuakava Motuʻá. ʻE lava ke kau ʻi he ngaahi sīpingá ʻa e ʻĪsaia 1:18 mo e ʻĪsaia 53:3–5.
Ko e meʻa kuo akoʻi atu ʻe he Laumālié fekauʻaki mo e Fakamoʻuí mo e fakatomalá.
Ko hoʻo ngaahi ongo fekauʻaki mo Sīsū Kalaisi mo ʻEne feilaulaú ʻa ia ʻoku malava ʻo fakamaʻa ai kitautolu mei heʻetau ngaahi angahalá.