Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Iloilo Au Gaoioiga e Aoao ai mo Lesona o Sauniuniga mo le Olaga

“Iloilo Au Gaoioiga e Aoao ai mo Lesona o Sauniuniga mo le Olaga” Tusi Lesona a le Faia’oga Seminare o le Feagaiga Tuai 2026)

“Iloilo Au Gaoioiga e Aoao ai mo Lesona o Sauniuniga mo le Olaga” Tusi Lesona a le Faia’oga Seminare o le Feagaiga Tuai

Faaopoopoga

Iloilo Au Gaoioiga e Aoao ai mo Lesona o Sauniuniga mo le Olaga

A maea ona e aoao atu se tasi o vaega o lesona o Sauniuniga mo le Olaga, mafaufau e fesoasoani i tagata a’oga e toe manatunatu i lo latou aoaoina ma le tuputupu a’e.Ina ia faia lenei mea, e mafai ona e faaaofia se tasi pe sili atu o gaoioiga nei i le lesona a sau o le Iloilo Lou Aoaoina.O nei gaoioiga e mafai ona fetuuna’i ina ia fetaui lelei ma manaoga o au tagata a’oga.

Tomai Faale-Suesuega o Tusitusiga Paia

Faaali le tomai e faaaoga ai tusitusiga paia e maua ai fesoasoani ma musumusuga

Mafaufau i se auala manaia e fesoasoani ai i tagata a’oga e sauni e manatunatu ai i tomai e suesue ai le tusitusiga paia na latou faaaoga talu ai nei, e saunia ai i latou e maua le fesoasoani mai le Tamā Faalelagi.Vaavaai mo auala e faia ina ia fiafia ai ma talafeagai mo tagata a’oga.E mafai ona e faia se mea e pei o le faailoa o tomai e sailiili ai ma le mataalia le initaneti (e pei o le gaoioiga o lo o i lalo) po o, afai e iloa e tagata a’oga faaaoga le AI, e mafai ona latou talanoa e uiga i tomai mo le faia o se faamaite aoga i le AI.

Mafaufau i le vaaiga faataitai lenei:

Sei faapea na e sauniuni mo se poloketi a le a’oga ma manaomia ona faalagolago i le initaneti mo puna’oa.

O a tomai na e aoaoina e faia ai se sailiiliga mataalia sili atu pe itiiti i le initaneti?

Valaaulia tagata a’oga e fai se lisi i luga o le laupapa o tomai faale-suesuega o tusitusiga paia ua latou aoaoina.I autafa o tomai ta’itasi, e mafai ona latou faasoa mai ai pe faapefea e nei meafaigaluega ona ono fesoasoani ia i latou e maua le fesoasoani ma le musumusuga mai le Ali’i.O tomai atonu ua aoaoina e lau vasega e aofia ai le:

Taulai atu ai ia Iesū Keriso
Vaavaai mo faatusagal o Iesū Keriso
Faia ai o faatusatusaga
Valaauliaina o le Agaga Paia e ala i le tatalo, aveeseina o faataumaoi, ma le mafaufau loloto ai
Faailogaina ma le faalanuina o upu ma fasifuaitau
Tusitusia o faamatalaga
Fefaasinoa’iga po o le fesootaiga o fuaiupu
Faailoaina o mea moni taufaaataata pe ua ta’uina manino mai

Afai na aoaoina ma faataitai e lau vasega ni tomai faaopoopo, e mafai ona e faaaopoopo atu i le lisi na faia e tagata a’oga.

Ina ia fesoasoani i tagata a’oga e faaali mai se tomai o le suesueina o tusitusiga paia ua latou aoaoina, filifili se fuaitau o mau e faataitai ai.E mafai ona faaaoga se fuaitau o le atamai i aoaoga faavae po o se fuaitau anoa e le’i mafai ona aoaoina e tagata a’oga i le seminare.

Faaali atu lou tomai e faaaoga ai tomai e suesue ai tusitusiga paia ina ia maua ai le fesoasoani ma le musumusuga mai le Ali’i, e ala i le faia o mea nei:

Faitau le fuaitau [faatele] mo ni nai taimi.
Fuafua po o le fea o tomai e suesue ai tusitusiga paia e te faaaogaina e saili ai le malamalama po o musumusuga, ma lisi nei tomai i lau api talaaga mo suesuega.
Faataitai nei tomai ta’itasi [e faaaoga ai] le fuaitau ua e filifilia.
Faamau i totonu o lau api talaaga mo suesuega mea ua e aoaoina e ala i le faaaogaina o nei tomai.

A maea ona faia e tagata aoga, e te ono manao e latou te faasoa faatasi ma le vasega pe i ni vaega to’alaiti, poo le fea o tomai na latou faaaogaina ma po o le a se mea ua latou aoaoina mai lenei aafiaga.A o faasoa tagata a’oga, e te ono manao e fai atu ni fesili tulitatao e uiga i le auala e mafai ai e le faaaofiaina o nei tomai i totonu o a latou suesuega o tusitusiga paia, ona fesoasoani ia i latou e faalatalata atili atu ai i le Tamā Faalelagi ma Iesū Keriso.

Mo Le Malosi o le Autalavou: Faia o Filifiliga

Maua le malosi mai le Alii e fai ai filifiliga musuia

Mafaufau e tusi le upu Filifiliga i luga o le laupapa.Faaali atu meafaitino nei i tagata a’oga ma fai atu ia i latou e faasoa mai se filifiliga poo ni filifiliga taua o lo o aofia ai [se tasi o ia] meafaitino.(O meafaitino ta’itasi e avea o se faataitaiga i se lesona i le vaega Mo le Malosi o le Autalavou.)

O se telefoni feaveai

O se faamanuiaga faapeteriaka

O le tusitaiala o le Mo Le Malosi o le Autalavou

O se pepa ua faaulutalaina “Sini,” o loo ua tusia ai ni nai sini

I totonu o lau api talaaga mo suesuega, faaalu se minute e lisi ai filifiliga taua na e faia, pe na tauivi e faia, i ni nai vaiaso ua tuanai.E mafai ona latou faaaofia ai filifiliga e aofia ai meafaitino ua faaalia, e pei o tekonolosi, faamanuiaga faapeteriaka, autū i le Mo le Malosi o le Autalavou, po o le faatuina o sini.Faamaumau au tali i fesili nei:

Na faapefea ona e saili le mana, fesoasoani, poo le taitaiga a le Ali’i e faia ai filifiliga lata mai nei?
Na faapefea ona e lagonaina Lona mana, fesoasoani, po o le taitaiga e faia ai filifiliga musuia?
O a luitau na e feagai ai pe e te ono feagai ai pe a faia ai nei filifiliga musuia?

A uma ona lava se taimi o tagata a’oga e manatunatu ai ma tusitusi, mafaufau e valaaulia tamaiti a’oga e tauofo e faasoa mai.A o faasoa mai e tagata a’oga le auala na latou lagonaina ai le mana o le Ali’i, ia faamamafa atu le naunauta’iga o le Ali’i e fesoasoani mai ia i tatou.A o faasoa mai e tagata a’oga luitau o lo o latou feagai, valaaulia le vasega e faaalu sina taimi e mafaufau loloto ai pe faapefea ona latou ono fesoasoani ai.Latou te ono saili mo mau poo faamatalaga i le tusitaiala Mo le Malosi o le Autalavou po o le mafaufau loloto i o latou lava aafiaga.Valaaulia i latou e faasoa mai.

Valaaulia tagata a’oga e faaiu lenei gaoioiga e ala i le tusiina o mea latou te lagona e ono finagalo le Ali’i latou te faia i le isi a latou laasaga.

Fausiaina o le Ola Faalagolago o le Tagata ia te Ia Lava

Fausia o le ola faalagolago o le tagata ia te ia lava i le ala a le Alii

Mafaufau e faaali atu se ata o lo o faaalia ai Iosefa o Aikupito, ma valaaulia tagata a’oga e toe manatua mea na latou aoaoina e uiga i le ola faalagolago o le tagata ia te ia lava mai le suesueina o lana tala (tagai i le Kenese 37–47).E ono fesoasoani mo i latou e vaavaai i faamatalaga i totonu o a latou api talaaga mo suesuega po o tusitusiga paia, a o latou manatunatu i mea ua latou aoaoina.

E te ono mafaufau e tuu atu nisi, po o mea uma o mau faasino nei mo tagata a’oga e faasino atu iai:

Kenese 41:37–43, 49, 54–55 (Teuina e Iosefa o Aikupito o saito mo se oge i le lumanai ona sa ia mauaina faaaliga mai le Ali’i)
Kenese 45:4–11; 47:11–12 (Faamanuiaina e Iosefa o Aikupito o lona aiga ona o ana taumafaiga e fausia le ola faalagolago o le tagata ia te ia lava)
Malaki 3:8–11 (usitaia o le tulafono a le Ali’i o le sefulua’i)
Mose 4:23–25; 5:1 (Galulue ai o Atamu ma Eva mo a la meaai nai lo o le tuuina atu e le Atua ia i laua)

Mafaufau loloto i fesili nei ma faamaumau ou manatu i lau api talaaga mo suesuega:

O a ni auala o e fausiaina atili ai le ola faalagolago o le tagata ia te ia lava?
O a ni luitau o le fausiaina a’e o le ola faalagolago o le tagata ia te ia lava o feagai ma oe?
E faapefea ona e valaaulia le Atua e fesoasoani ia te oe e faaauau ai pea ona fausia a’e le ola faalagolago o le tagata ia te ia lava?

Mafaufau e valaaulia ni nai tagata a’oga e faasoa mai o latou manatu.

Soifua Maloloina Faaletino ma Faalelagona

Faaaoga mataupu faavae ma tomai ina ia sili atu ona maloloina faaletino ma faalelagona

This is a still image of a tree being blown by the wind and was taken from the Church-owned video, "Spiritual Whirlwinds

Mafaufau e faaali atu se ata o se laau ua taia e le matagi, po o le tusi o le ata o se laau i luga o le laupapa.Afai na tusi e tagata a’oga se ata o se laau i totonu o a latou api talaaga mo suesuega a o latou suesue le Lesona 181: “Fausiaina o le Malosi Faalelagona i le Ali’i,” valaaulia i latou e toe iloilo luitau faalelagona na latou faailoga i luga o a latou laau.

O se isi auala, e mafai e tagata a’oga ona tusi faataamilo i se ata fou o se laau nisi o luitau faalelagona na oo ia i latou pe ono feagai ai i le lumanai.

E faapefea e luitau faalelagona tatou te feagai ai i le olaga ona pei o ni asiosio?
O le a se mea na e aoaoina talu ai nei i le seminare mo le auala e taulimaina ai luitau faalelagona?

A o faasoa mai tagata a’oga, vaavaai mo avanoa e molimau atu ai e faapea e mafai ona tatou talitalia asiosio faalelagona e ala i le faalagolago atu i le malosi ma le mana ua folafolaina mai e le Tamā Faalelagi ma Iesū Keriso (tagai i le Helamana 5:12).
O a nisi o mataupu faavae po o tomai sa e taumafai e faaaoga ina ia maua ai le malosi faalelagona mai le Tamā Faalelagi ma Iesū Keriso?
O le a se mea sa fesoasoani ia te oe?O le a se mea ua aoaoina pe o lo o e manao pea e faataitai?

Afai e faasoa mai e tagata a’oga faigata po o luitau, saili le musumusuga e iloa ai le auala e fesoasoani ai ia i latou.E mafai e tagata o le vasega ona fesoasoni le tasi i le isi, e ala i le faaali atu o le alofa ma le malamalama.

Saunia ai mo Aoaoga ma Galuega o le Lumanai

Malamalama i le taua o aoaoga faaletino ma faaleagaga i le olaga atoa

O le gaoioiga lenei e tuuina atu ai i tagata a’oga le avanoa e faamatala mai ai le taua o aoaoga faaletino ma faaleagaga i le olaga atoa.

Valaaulia tagata a’oga e vaai faalemafaufau i le vaaiga faataitai lenei.E mafai ona e fetuunaia le vaaiga faataitai ina ia fetaui ma manaoga o lau vasega.

Ua talosagaina oe e te lauga i se faatasiga mo talavou i le amataga o le tausaga faaleaoaoga.O lenei faatasiga e mo le faamalosia o le faatuatua i le Tamā Faalelagi ma Iesū Keriso.O le autū ua tuuina atu ia te oe o le “O le taua o aoaoga faaleagaga ma faaletino i le mulimuli ai i le Tamā Faalelagi ma Iesū Keriso.”

Tusi se otootoga mo se lauga e lua i le tolu minute.Mafaufau i mea nei o se vaega o lau otootoga:

O le taua o aoaoga faaleagaga ma faaletino i le fuafuaga a le Tamā Faalelagi.
Se tasi pe sili atu o mau faatusi paia po o valoaga faaperofeta e lagolagoina lau savali. (mo se faataitaiga, Mataupu Faavae ma Feagaiga 88:77–80)
O se aafiaga na oo ia te oe po o nisi ua fesoasoani ia te oe e lagona ai le taua o le aotauina i le olaga atoa.

A maea se taimi ua lava, e mafai ona e valaaulia tagata a’oga e faasoa mai a latou otootoga i ni vaega to’alaiti, po o le valaaulia i ni au tauofo e faasoa i le vasega.

Fatu se fuafuaga mo aoaoga ma galuega o le lumanai

Afai na maua e tagata a’oga se avanoa e fai ai fuafuaga mo aoaoga faaleagaga ma faaletino i le lumanai, valaaulia i latou e toe iloilo fuafuaga ua latou faia.Afai e le’i faia e tagata a’oga ni fuafuaga, valaaulia i latou e faaalu le taimi lenei e fatu ai se fuafuaga mo le auala latou te mananao e faaauau ai aoaoga faaleagaga ma faaletino, i se auala e faaaofia ai le Ali’i i a latou fuafuaga.

O fesili e mafai ona fesoasoani i le talanoaga e aofia ai:

O faapefea ona e faaaofia pe mafai faapefea ona e faaaofia le Tamā Faalelagi ma Iesū Keriso i au fuafuaga?
O a ni au fesili o iai pea e uiga i filifiliga mo aoaoga faaleagaga ma faaletino i le lumanai?
O a isi laasaga e ono mafai ona e faia o se vaega o lau fuafuaga?

Faamanuiaina i le Aoga

Faaaoga tomai e faamanuiaina ai i le aoga

Mafaufau e tusi autū nei o lesona i luga o le laupapa:

Faaaofia ai o le Ali’i i lou Aotauina

Tauaveina o le matafaioi mo lou aoaoina

Faamaopoopoina o galuega ma faamuamua

Faatoilaloina o le faatuai

Valaaulia tagata a’oga e faitau ulutala ma manatunatu pe faapefea ona faaaoga nei tomai i a latou meaa’oga.Ina ia faia lenei mea, e mafai ona e valaaulia i latou e faia tulaga nei.

Tusi ni ata faafasilaau se lua ma ni li’o faaputaputa mo upu.Faaata o lo o talanoaina e ni tagata se to’alua se mea e te manao e faaleleia ina ia faamanuiaina ai i le a’oga.

I le li’o muamua mo upu, faatumu le fuaiupu: “A o’o mai i le a’oga, ou te tauivi i le ”

I le li’o lona lua mo upu, faatumu le tulaga lenei i mea na e taumafai e fai e faaaoga ai mataupu faavae ma tomai na e aoaoina talu ai nei i le seminare, ina i fesoasoani ia te oe ia faamanuiaina i le a’oga:

“O nisi nei o mea sa ou taumafai e fai …”

“O lo o o’u taumafai e faaauau pe fetuunai …”

E te ono manao e valaaulia ni nai volenitia e faasoa mai a latou atatusi ma le vasega.Uunaia tagata a’oga e faalogo ma le totoa i isi tagata o le vasega.Fesili atu i tagata aoga pe iai nisi aafiaga po o ni mataupu faavae faaopoopo mai lesona e ono mafai ona fesoasoani.A o faalogologo atu isi tagata a’oga i isi, latou te ono lagona le musuia e le Agaga Paia e faataitai nisi o tomai na ono fesoasoani i isi.

Sauniuniga a le Faifeautalai

Lagona se naunauta’iga faatupulaia e faasoa atu ai le talalelei a Iesu Keriso i isi

Ina ia saunia tagata a’oga e manatunatu i o latou lagona e uiga i le faasoaina o le talalelei a Iesū Keriso i isi, mafaufau e toe iloilo puupuu nisi o mea na latou aoaoina pe na faaaogaina mai lesona o sauniuniga a faifeautalai.Mo se faataitaiga, afai na suesueina e tagata a’oga le Lesona 198: “Filifili e Auauna i se Misiona,” e mafai ona e uu i luga se faata ma fai atu fesili nei.

O a ni ou aafiaga mai le faasoaina atu o le talalelei a Iesū Keriso i isi e faaaoga ai “le uiga e tutusa lelei i talanoaga?”O a nisi o auala na e taumafai ai e faasoa atu le talalelei talu ai nei?

A o faasoa mai e tagata a’oga o latou aafiaga, e te ono fai atu foi po o a upumoni na latou faasoaina atu e uiga i le Faaola po o a foi valaaulia na latou faalauteleina atu?E mafai ona e faamanatu atu i tagata a’oga i le Lesona 197: “Faasoaina Atu o le Talalelei i Auala Masani” na latou vaavaai ai mo mea moni e uiga ia Iesū Keriso latou te fiafia e faasoa atu i tagata e pele ia i latou (tagai i le Isaia 1:18; 25:4, 8–9; 40:28–31; 43:25; 54:10).

Manatunatu i mea atonu na e aoaoina pe faaaogaina mai lesona o sauniuniga a faifeautalai.Ona tali lea o fesili nei i lau api talaaga mo suesuega:

Pe e te lagona sa faateleina, faaitiitia, po o le tumau i le mea e tasi o lou naunau e faasoa atu le talalelei a Iesū Keriso i isi?
O le a se mea e te manatu ua saofagā i ou lagona e uiga i le faasoaina atu o le talalelei?

Mafaufau e valaaulia ni nai tamaiti ao’ga tauofo mai e faasoa mai mea na latou tusia.Uunaia tagata a’oga e faaauau ona saili le naunauta’iga ma avanoa e faasoa atu ai le talalelei a Iesū Keriso i isi.

Sauniuniga mo le Malumalu

Lagonaina o se manao faateleina e osia feagaiga ma le Atua i le malumalu

Mafaufau e faaaoga se gaoioiga se tasi pe sili atu o gaoioiga nei e fesoasoani ai i tagata aoga e iloilo lo latou manao e osia feagaiga ma le Atua i le malumalu.

Valaaulia tagata a’oga e manatunatu i mataupu faavae ua latou aoaoina mai lesona o Sauniuniga mo le Malumalu.E mafai ona latou toe iloilo a latou tusitusiga paia ma api talaaga mo suesuega ina ia manatua ai mea na latou aoaoina e uiga i tulafono o taulaga ma le usisusitai, pe faapefea ona aoao mai le malumalu e uiga ia Iesū Keriso, ma pe faapefea ona sauniuni e ulu atu ma le agavaa i le malumalu e ala i le suesueina o fesili o pepa faataga o le malumalu.Afai e manaomia, e mafai ona e tuuina atu o tulaga nei.

Toe iloilo mau faasino ma faamatalaga nei mai ia Peresitene Russell M. Nelson, e uiga i faamanuiaga o lo o avanoa mo i latou o e tapuai i le malumalu:

Esoto 25:8; 1 Tupu 6:12–13; Hakai 2:6–9

O i [l]atou e auauna ma tapuai i le maota o le Ali’i … e mafai ona faamoemoe e maua mai tali i tatalo, faaaliga patino, faatuatua faateleina, malosi, faamafanafanaga, le malamalama faateleina, ma le mana faateleina.(“Olioli i le Meaalofa o Ki o le Perisitua,” Liahona, Me 2024, 121)

A maea ona maua e tagata a’oga le avanoa e toe iloilo ai mau ma faamaumauga, faaali atu le mea nei ina ia fesoasoani i tagata a’oga e manatunatu ai i le auala ua aafia ai lo latou naunau e osi feagaiga ma le Atua i Lona maota mai nei lesona.

Filifili se tasi o mea nei:

Faaali atu se ata o se malumalu ma faasoa atu pe faapefea ona faamanatu atu e le malumalu Iesū Keriso ia te oe.Afai e manaomia, e mafai ona e maua se ata i le temples.ChurchofJesusChrist.org.Faasoa atu ou manatu ma lagona e uiga i le osia ma le tausia o feagaiga ma le Tamā Faalelagi i Lona malumalu.
I se tasi o lesona sauniuni mo le malumalu, na e aoao ai e uiga i le taua o le sauniuni e ulu atu ma le agavaa i le malumalu.E i ai se mea na e aoaoina pe lagonaina talu ai nei na uunaia ai lou naunau e osia ma tausia feagaiga ma le Tamā Faalelagi i le malumalu?Afai o lea, tusi se fasifaamatalaga ia te o e lava i totonu o lau api talaaga mo suesuega.

Aoaoga a Taitai o le Ekalesia

Malamalama ma faaaoga aoaoga mai taitai o le Ekalesia i o latou olaga

I le aluga atoa o le vasega, sa maua e tagata a’oga avanoa e suesue ai ma faaaoga aoaoga mai taitai o le Ekalesia.Mo lenei gaoioiga, atonu e te ono manao e faamanatu atu i tagata a’oga ni lauga faapitoa na suesueina o se vasega.Mafaufau e tusi ulutala o lauga i luga o le laupapa.Valaaulia tagata a’oga e filifili se tasi o lauga ma toe iloilo le feau ma ni fasifaamatalaga sa latou tusitusia.Faavasega tagata a’oga i ni paga, pe a ono talafeagai faatasi ai ma se isi na filifilia se lauga e ese mai.Tuu atu i paga ta’itasi e faasoa mai a latou tali i fesili nei e lua.

E faapefea ona e aoteleina le feau mai le lauga na e filifilia?
Aisea e ono taua ai lena feau i talavou i aso nei?

A maea ona faasoa mai paga ta’itasi, valaaulia tagata a’oga e mafaufau e uiga i le auala na latou taumafai ai e faaaoga aoaoga o le lauga na latou filifilia.E mafai ona e fesili atu ia i latou e uiga i ni manuia po o faaletonu na latou maua ina ua faaaogaina nei aoaoga.