Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Iloilo Lou Aoaoina, Vaega 1: Mose 1–5; Aperaamo 1–3; Kenese 37; 39; 41

“Iloilo Lou Aoaoina, Vaega 1: Mose 1–5; Aperaamo 1–3; Kenese 37; 39; 41,” Tusi Lesona a le Faia’oga Seminare o le Feagaiga Tuai (2026)

“Iloilo Lou Aoaoina, Vaega 1: Mose 1–5; Aperaamo 1–3; Kenese 37; 39; 41,” Tusi Lesona a le Faia’oga Seminare o le Feagaiga Tuai

Faaopoopoga

Iloilo Lou Aoaoina, Vaega 1

Mose 1–5; Aperaamo 1–3; Kenese 37; 39; 41

O le manatunatu ai ma le iloiloina ai o lo tatou aoaoina faaleagaga e mafai ona fesoasoani ia tatou e faalatalata atili atu ai i le Faaola.O lenei iloiloga e mafai ona fesoasoani ia te oe e manatua ma iloilo ai pe na faapefea ona fesoasoani ou aafiaga i le suesueina o le Mose 1–5; Aperaamo 1–3; ma le Kenese 37; 39; 41 i lou tuputupu a’e faaleagaga ma oo ina e faalatalata atili atu ai ia Iesū Keriso.Vaavaai mo avanoa e faasoa atu ai nisi o au tali i uo po o tagata o le aiga.

Manatua: A o le’i faamaeaina lenei iloiloga, ia mautinoa ua faamaeaina faitauga manaomia pe afai e te le’i faia: Mose 1–5; Aperaamo 1–3; Kenese 37; 39; 41.

O ā mea o lo o e aoaoina?O faapefea lou tuputupua’e ai?

Mafaufau i le faagasologa o le avea ai o se fatu ma se fugalaau.

O a nisi o mea e manaomia e se fatu e faataunuu ai lona gafatiaga [faaolioli]?
O a ni auala e talitutusa ai le faagasologa o le avea atili e faapei o le Tamā Faalelagi ma Iesū Keriso, ma le faagasologa o se fatu i le avea ai ma se fugalaau?

Faaalu ni nai minute e tusi ai i lau api talaaga mo suesuega e uiga i lou alualu i luma o le avea ai atili e faapei o le Tama Faalelagi ma Iesu Keriso a o e suesueina le Feagaiga Tuai.A o e tusitusi, e mafai ona fesoasoani le Agaga Paia ia te oe e manatua upumoni sa e aoaoina.E mafai foi ona fesoasoani le Agaga ia te oe e iloa auala ua e tuputupu a’e ai faaleagaga.

Faamatalaina o aafiaga o le Paū ma le matafaioi a Iesū Keriso i le avea ai ma o tatou Togiola

E taua le malamalama i le Pa’ū o se vaega o le fuafuaga a le Tama Faalelagi ma le matafaioi a le Faaola i le avea ai ma lo tatou Togiola mai aafiaga o le Pa’ū.Filifili se tasi o autu nei.Toe iloilo le Mose 4:6–13; 22–25; 5:5–12, ma mafaufau pe faapefea ona e faamatala le autū ua e filifilia.

O le filifiliga a Atamu ma Eva na mafua ai le Pa’ū
O aafiaga o le Pa’ū mo Atamu ma Eva ma fanau uma a le Tamā Faalelagi.
O le auala e togiolaina ai i tatou e le Faaola mai aafiaga o le Pa’ū.

Tusifaamaumau i lau api talaaga mo suesuega pe faapefea ona e faamatala atu le autu ua e filifilia ma faataitai le faamalamalamaina o nei autu i se tagata o le aiga, uo, po o lou faiaoga seminare.

Faateleina o lo tatou naunau e faataunuu lo tatou faasinomaga paia ma faamoemoega

Tusi se otootoga o se tagata e mafai ona sui tulaga ia te oe.I totonu o lenei otootoga, po o talaane, tusi ai upumoni e uiga i lou faasinomaga paia na e aoaoina talu ai nei i le Feagaiga Tuai.Afai e mafai, fai ia patino nei faamatalaga e faaaoga ai “a’u” po o “ou.”Mafaufau pe faaaogaina nisi po o mau uma nei sa e suesueina talu ai nei e fesoasoani ai ia te oe:

Aperaamo 3:22–23

Mose 1:1–11

Mose 1:12–24

Kenese 1:26–27

Ona filifili lea o se tasi o gaoioiga nei e faamae’a:

Filifiliga A: Faamatala ni nai tulaga lea e mafai e le iloaina ai o nei upumoni ona fesoasoani ai i se tasi.Faamatala pe mafai faapefea e nei upumoni ona fesoasoani i tulaga taitasi.

Filifiliga E: Faamaea fasifuaitau nei:

O le iloaina ai o nei upumoni e mafai ona fesoasoani ia te a’u pe a

Ou te mafaufau ia te a’u lava aua …
Ou te feagai ma faaosoosoga ona …
Ou te fegalegaleai ma isi ona …
Ou te faia faaiuga ona …

Auai ai i le faapotopotoina o Isaraelu

I le Feagaiga Tuai, tatou te aoao ai e uiga i le folafolaga a le Ali’i i le aiga o Isaraelu ua taua o le Feagaiga faa-Aperaamo.Faitau le Aperaamo 2:8–11 e iloilo ai po o le a lenei feagaiga.Sa uunaia e Peresitene Russell M. Nelson le autalavou a le Ekalesia e fesoasoani i isi e ulu atu i lenei feagaiga ma le Ali’i.Ua taua lenei mea o le faapotopotoina o Isaraelu.Na faasoa mai e Peresitene Nelson le auala e mafai ona tatou auai ai:

Soo se taimi tatou te faia ai soo se mea e fesoasoani ai i soo se tasi—po o le fea lava itu o le veli—ia osia ma tausia a latou feagaiga ma le Atua, ua tatou fesoasoani lea i le faapotopotoina o Isaraelu (“Ia Faamuamua le Atua,” Liahona, Nov. 2020, 92–93).

Mafaufau pe faapefea ona e auai ma le mataalia i le faapotopotoina o Isaraelu e ala i le fatuina o se ata e faapenei i lau api talaaga mo suesuega.Lisi ou manatu ma lagona i totonu o li’o taitasi.

Ia faaauau pea ona saili le fesoasoani a le Agaga Paia ia iloa auala e mafai ai ona e auai ai i le faapotopotoina o Isaraelu.E ui lava atonu e le tele ni mea ua e faia e fesoasoani ai e faapotopoto Isaraelu, ae e mafai ona e amata nei.O le a faamanuiaina oe ma isi e le Alii a o e faataunuuina lau fuafuaga.