Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 58:1–12: O Le Mana o le Anapogi ma le Tatalo

“Isaia 58:1–12: O Le Mana o le Anapogi ma le Tatalo,” Tusi Lesona a le Faia’oga Seminare o le Feagaiga Tuai (2026)

“Isaia 58:1–12: O Le Mana o le Anapogi ma le Tatalo,” Tusi Lesona a le Faia’oga Seminare o le Feagaiga Tuai

Isaia 58–66: Lesona 126

Isaia 58:1–12

O Le Mana o le Anapogi ma le Tatalo

Ua poloa’iina e le Ali’i i tatou ia anapopogi.O le ā sou lagona e uiga i lenei poloa’iga?Sa lagona e tagata Iutaia e pei e le’i fa’ailoaina e le Ali’i la latou anapogi.E auala mai iā Isaia, na a’oa’o ai e le Ali’i tagata e fa’atatau i le anapogi tatau.O lenei lesona e mafai ona fesoasoani i tagata a’oga ia lagona se naunautaiga e anapogi i le ala o le Ali’i.

Sauniuniga a le tagata a’oga: Vala’aulia tagata a’oga e mafaufau loloto pe o ā ni o latou lagona e fa’atatau i le anapogi ma pe aiseā.Latou te ono fesili atu foi i se matua po o se uō fa’atuatuaina e fa’asoa mai o latou manatu ma lagona.

Gaoioiga e Ono Mafai Ona Aoaoina Ai

Anapogi

Ina ia fesoasoani e saunia tagata a’oga e a’oa’o e uiga i le anapogi, mafaufau e fai se gaoioiga e pei o lenei.A o talanoaina lenei autū, taumafai e fatu se siosiomaga e mafai ona fefa’asoaa’i saoloto ai tagata a’oga e aunoa ma le fa’amalosia po o le fa’amasinoina.

Vaai faalemafaufau e faapea i se tasi o taeao o le Aso Sā, ua e sauni e fai lau ’aiga o le taeao ae e manatua o le Aso Sā anapogi.

O ā ni manatu e muamua oso ane i lou mafaufau?

Afai e mana’omia, fa’asoa atu fa’amatalaga nei o le anapogi mai le Tusi Taulima Aoao:

Ua fa’avaeina e le Ali’i se tulafono o le anapogi ma taulaga anapogi e fa’amanuiaina ai Ona tagata, ma tu’uina atu ai se auala mo i latou e auauna atu ai iā i latou ua lē tagolima.

O le anapogi e mafai ona fai i soo se taimi.Ae peitai, e masani tagata o le Ekalesia ona tausisia le aso Sapati muamua o le masina o se aso anapogi.O se aso anapogi e masani ona aofia ai mea nei:

Tatalo

Alu e aunoa ma se meaai ma se vai inu mo se taimi e 24-itula (pe a gafatia faaletino).

Tuuina atu se taulaga anapogi limafoai

O se taulaga anapogi o se foai lea e fesoasoani ai ia i latou ua le tagolima.A anapopogi tagata o le Ekalesia, e valaaulia i latou e tuuina atu se taulaga ia le itiiti ifo ma le tau aofa’i o ‘aiga e le’i taumafaina.E fautuaina tagata o le au paia ina ia limafoai ma foai ia sili atu nai lo le tau o nei ‘aiga pe afai latou te mafaia.(Tusi Taulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 22.2.2., Potutusi o le Talalelei)

Fa’aalu se taimi e mafaufau loloto ai i ou lagona e fa’atatau i le anapogi a o e toe manatunatu i fesili nei:

O ā ni ou lagona e uiga i le anapogi?Aiseā?
Afai na e anapogi muamua, o le ā se mea ua e a’oa’oina e fa’atatau i le Ali’i ma le anapogi mai lau fa’atinoga [o le anapogi]?
O ā ni ou popolega po o ni fesili o iai e uiga i le anapogi?

A o e suesue i le asō, saili mo le taitaiga a le Ali’i ia fesoasoani i ni ou popolega o iai, ma lagona ai se naunautaiga e anapogi.

O a’oa’oga a le Ali’i e uiga i le anapogi

Na fa’atonuina e le Ali’i ia Isaia e folafola atu ma le loto toa agasala a le aiga o Isaraelu.Mo se fa’ataitaiga, sa latou faia o sauniga faalelotu ina ia iloa atu e tagata e aofia ai le anapogi ma se fa’amoemoega sēsē.

Mafaufau e fa’amatala pe fa’aali atu soo se fa’amatalaga nei e ono fesoasoani i tagata a’oga a o latou faitau i fuaiupu o i lalo:

“Vao utuutu” (fuaiupu 5) o se mutia uumī, manifinifi e mago.
“Ie talatala” (fuaiupu 5) o se ie matuatua na ofuina e tagata i aso anamua e fai ma fa’atusa o lo latou loto maualalo po o le fa’anoanoa.Na latou sausauina foi lefulefu i luga o i latou lava mo le mafua’aga lava e tasi.

Faitau le Isaia 58:3–5, va’ava’ai mo tali i fesili nei e lua:

O ā mea na ole atu ai tagata i le Ali’i e uiga i la latou anapogi?
O ā mea na ta’u atu e le Ali’i i tagata na sēsē ona latou faia e fa’atatau i la latou anapogi?

Vala’aulia tagata a’oga e fa’asoa mai a latou tali ma mea na tulaga ese iā i latou.Afai e mana’omia, fa’ailoa atu a o anapopogi Isaraelu, sa latou saili lo latou lava fiafiaga (fuaiupu 3), na va’ai i le anapogi o se mea e faatigaina (fuaiupu 3, 5), ma faileagaina isi (fuaiupu 3–4).
E fa’apefea ona tatou faia ni mea sēsē talitutusa a o tatou anapopogi?

Fa’amatala atu e fa’amoemoe le Ali’i ia ese mai la tatou anapogi mai nei tagata.E fa’amoemoe o Ia ina ia tatou anapogi ma le uiga loto maualalo, fa’amoemoe, ma le faanaunauga faamaoni (taga’i i le Salamo 35:13; Ioelu 2:12; Iona 3:4–10; Mataio 6:16–18; Alema 5:46; 6:6;17:3, 9).
O le ā sou manatu aiseā e finagalo ai le Ali’i tatou te anapogi ma le loto maualalo, ma se fa’amoemoega tonu patino ma le faanaunauga faamaoni?

Folafolaga a le Ali’i

Mafaufau e tusi mea nei i luga o le laupapa: Afai tatou te anapogi i le ala o fa’amoemoe iai le Ali’i, ona…

Faitau le Isaia 58:6–12, va’ava’ai mo fa’amoemoega ma fa’amanuiaga ua folafola e le Ali’i mo i latou e anapogi e pei ona fa’amoemoeina e le Ali’i.Atonu e te mana’o e fa’ailoga ia mea ta’itasi.

O leIsaia 58:6–7 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga ia fuaitau o le atamai i a’oa’oga fa’avae i se auala e iloga ina ia mafai ona latou mauaina gofie.

Fai atu i tagata a’oga e fa’auma le fuaiupu e fa’avae i a latou suesuega.E ono tusia a latou tali i luga o le laupapa.O nisi nei o fa’ataitaiga:

O le a Ia tatalaina o fusi o le amioleaga po o le agasala i o tatou luga (taga’i i le Isaia 58:6).
O le a Ia tatalaina avega mamafa (taga’i i le Isaia 58:6).
O le a tatou tausia e matitiva ma lē tagolima (taga’i i le Isaia 58:7).
O le a Ia fa’amanuia i tatou i le malamalama ma le ola malōlōina (taga’i i le Isaia 58:8).
O le a Ia tali mai i a tatou tatalo (taga’i i le Isaia 58:9).

O fa’amanuiaga o le anapogi

Ina ia fesoasoani i tagata a’oga ia malamalama i fa’amanuiaga ua latou faailoaina, vala’aulia i latou e filifili se tasi pe lua o tulaga nei:

O se ali’i talavou ua popole vale i ana meaa’oga ma lona lumana’i.
O se tama’ita’i talavou ua lagona e lē toe mamā o ia ona o ana agasala.
O se ali’i talavou o lo o tatalo ia iloa pe moni le Ekalesia ae o lo o tauivi ina ia maua se tali.
O se tama’ita’i talavou e mana’o e fesoasoani i e matitiva.
O se ali’i talavou o lo o feagai ma se lu’itau e na te le mailoa pe mafai ona ia taulimaina.

Saili se fasifuaitau mai le Isaia 58:6–12 e ono fa’aosofia ai le tagata o loo iai i lea tulaga ia anapogi ma tatalo mo le fesoasoani a le Atua.(O nisi tulaga e ono sili atu ma le tasi le fasifuaitau e mafai ona fa’atatau iai.)

I ni vaega toalaiti pe faia o se vasega, vala’aulia tagata a’oga e fa’asoa vaega ua latou filifilia ma fasifuaitau e ono mafai ona fesoasoani ma pe aiseā.

E te ono vala’aulia foi i latou e fa’asoa mai nisi tulaga e ono fesoasoani ai fa’amanuiaga o folafolaga a le Ali’i mai nei fuaiupu po o le fesili atu pe iai nisi fa’amanuiaga e sili atu ona anoa iā i latou ma pe aiseā.

E fa’apefea e le anapogi mo ma le mauaina o nei fa’amanuiaga ona aumai oe ia latalata atili atu ai i le Tamā Fa’alelagi ma Iesu Keriso?

Fa’ataitaiga o le anapogi ma le totogiina o taulaga anapogi

Ina ia fesoasoani i tagata a’oga ia malamalama i le fa’ataitaiga a le Fa’aola, ia fa’amatala atu e faapea na anapogi o Ia ma a’oa’o atu e fa’atatau i le anapogi a’o soifua ai foi e tusa ma le mataupu fa’avae.Sa Ia anapogi a o leʻi faia o lana auaunaga i le lalolagi (taga’i i le Mataio 4:1–2 ma maitau e faapea o lo o toe fetuunai i le Fa’aliliuga a Iosega Samita mo le Mataio 4:1 le fasi fuaitau “o le fa’aosoosoina e le tiapolo” i le “o le fa’atasi ai ma le Atua”).Na Ia a’oa’o mai foi o nisi fa’atosinaga leaga e fa’atoa aveeseina lava “e ala i le tatalo ma anapogi” (Mataio 17:19, 21).

Mafaufau e fa’aali atu le fa’ataitaiga lenei fa’aonaponei o le anapogi, ma fesili atu i tagata a’oga po o le ā se mea latou te fiafia pe a’oa’o mai ai:

“Fast Offerings: A Simple Commandment with a Marvelous Promise” (3:01): O loo fa’amatala mai e Peresitene Henry B. Eyring se a’afiaga o se tama’ita’i i taulaga anapogi i Sierra Leone i le taimi o se taua.

3:2

Vala’aulia tagata a’oga e mafaufau loloto i o latou a’afiaga o le anapogi, fa’apea ma fesili nei, mo ni nai minute:

O ā fa’amanuiaga ua tuuina atu e le Ali’i po o nisi e te iloa ona o le anapogi?
E fa’apefea ona e faia pe mafai faapefea ona e faia se anapogi ia anoa atili?

Mafaufau e fa’asoa atu foi ou lava a’afiaga.

O ou lagona e fa’atatau i le anapogi

Mafaufau i soo se u’unaiga ua e maua e ala mai le Agaga Paia i le taimi o le lesona lenei a o e tusia i lau api tala’aga o suesuega ou lagona e fa’atatau i le anapogi.E te ono filifili e fa’aaofia fa’amanuiaga mai le Ali’i e te mana’o ai i lou olaga ma pe aiseā.

Tauloto

Atonu e te mana’o e fesoasoani i tagata a’oga e tauloto le mau fa’asino o le atamai i a’oa’oga fa’avae, ma le fasifuaitau autū o le mau i le taimi o lenei lesona ma toe iloilo i latou i lesona i le lumana’i.O le fasifuaitau autū mo le “Isaia 58:6–7” o le “o fa’amanuiaga o se anapogi tatau.”O manatu mo gaoioiga o le taulotoina o lo o iai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Punaoa Fa’aopoopo

O ā nisi o fa’ataitaiga o fa’amanuiaga o le anapogi na a’oa’o mai e Isaia?

Na aoao mai Elder Carl B. Pratt o le Fitugafulu:

9:59

Afai tatou te anapogi ma tatalo ma le fa’amoemoe e salamō mai a tatou agasala ma manumalō mai o tatou vaivaiga patino, e mautinoa o lo o tatou saili e “tatala fusi o le amioleaga” i o tatou olaga.Afai o le fa’amoemoega o lo tatou anapogi ina ia sili atu le mata’alia i le a’oa’oina atu o le tala lelei ma le auauna atu i isi i o tatou vala’auga i le Ekalesia, e mautinoa o lo o tatou taumafai e “tatala avega mamafa” o isi.Afai o lo o tatou anapogi ma tatalo mo le fesoasoani a le Ali’i i a tatou taumafaiga fa’afaifeautala’i, pe tatou te lē o mananaʻo ea “ia fa’asaʻoloto ē ua sauāina”?Afai o le fa’amoemoega o a tatou anapogi o le fa’atupulaia o lo tatou alofa mo o tatou uso a tagata ma fa’ato’ilaloina lo tatou manatu fa’apito, lo tatou fa’amaualuga, ma le tuu atu o tatou loto i mea o lenei lalolagi, e mautinoa o lo o tatou saili e “gauia amo uma.”(O Fa’amanuiaga o se Anapogi Tatau, Liahona, Nov. 2004, 48–49)

Aisea ma e fa’apefea ona tatou anapogi?

Na a’oa’o mai e Peresitene Russell M. Nelson:

Ou te iloa ua i le Atua “le mana uma, ma le poto uma, ma le malamalama uma; ua silafia e ia mea uma, ma o ia o se Tagata alofa mutimutivale, e oo atu lava i le fa’aolataga, ia i latou o e o le a salamō ma talitonu i lona suafa” (Alema 26:35).

O lea la, i taimi o le luluti o puapuaga … o le mea sili ma masani mo i tatou e fai o le vala’au atu lea i lo tatou Tamā Fa’alelagi ma Lona Alo—le Foma’i Sili—e fa’aali mai lo La’ua mana ofoofogia e fa’amanuia ai tagata o le lalolagi.

E faapefea ona tatou anapogi?E lua ’aiga po o se taimi e 24 itula ua masani ai.Ae e tatau ona e filifili po o le a se mea e fai ma se osigataulaga mo oe, ao e manatua le taulaga silisili na faia e le Faaola mo oe.(“Tatalaina o le Lagi mo se Fesoasoani,” Liahona, Mē 2020, 74)

E fa’apefea ona ou faia la’u anapogi ia taliaina e le Ali’i?

Na aoao mai e Elder Joseph B. Wirthlin (1917–2008):

15:23

A aunoa ma le tatalo, o le anapogi e le o se anapogi atoatoa; ua na o se faatinoga o le galala i le fia’ai.Afai tatou te mananao i la tatou anapogi ina ia sili atu nai lo le na o le faia e aunoa ma le ’ai, e tatau ona sii a’e o tatou loto, o tatou mafaufau, ma o tatou leo i le mafutaga ma lo tatou Tama Faalelagi.O le anapogi, e o lua ma le tatalo faatauanau, e mamana.E mafai ona faatumuina ai o tatou mafaufau i faaaliga a le Agaga.E mafai ona faamalosia i tatou i taimi o tofotofoga.(“O le Tulafono o le Anapogi,” Liahona, Mē 2001, 73)

O le ā se mea e tupu pe a fa’apea o mataupu fa’avae o le anapogi e faatinoina i le lalolagi atoa?

Na a’oa’o mai e Peresitene Gordon B. Hinckley (1910–2008):

O le ā se mea e tupu pe ana faapea o tausia mataupu fa’avae o le aso anapogi ma le taulaga anapogi i le lalolagi atoa[?]O le a fafagaina e fiaa’ai, o le a fa’aofuina e lē lavalavā, o le a malutia e ua leai ni fale. …O se fuataga fou o le popole ma le lē manatu fa’apito o le a tupu i totonu o loto o tagata i soo se mea.(“The State of the Church,” Ensign, Me 1991, 52–53)

Gaoioiga Fa’aopoopo e A’oa’o Ai

Se isi amataga

Vaai faalemafaufau o lau uarota po o paranesi o lo o faia se anapogi mo se tagata o le ekalesia o lo o iai se tulaga faigata o le soifua malōlōina.O se tagata fou o le Ekalesia e fia auai ae e lē masani i le mataupu fa’avae o le anapogi.Mafaufau e vala’aulia tagata a’oga e galulue i ni paga ma fa’asoa pe fa’apefea ona latou tali atu i fesili nei:

O le ā le anapogi?
O le ā se mea na a’oa’o mai e le Ali’i e uiga i le anapogi?
E mafai fa’apefea [e le anapogi] ona fesoasoani iā te a’u po o isi?

Totogiina o taulaga anapogi

Pe a fa’asoa mai e tagata a’oga o latou a’afiaga i le anapogi, e mafai ona e fa’amatala atu na a’oa’o mai e Elder Joseph B. Wirthlin (1917–2008) o le Korama o le Au Aposetolo e To’asefululua, e faapea o tagata talavou “e mafai ona totogi a latou taulaga anapogi pe a filifili ai” (“The Law of the Fast,” Ensign, May 2001, 74).E mafai ona e fesili atu pe iai se isi o au tagata a’oga na totogiina taulaga anapogi ma pe mana’o e fa’asoa mai lo latou a’afiaga.

Fa’ataitaiga o fa’amanuiaga o le anapogi

O faataitaiga o vitio nei e ono e mafai ona fa’aaoga nai lo le vitiō i le lesona:

Mo se fa’ataitaiga o fa’amanuiaga o mea na oo i se talavou matua a o amata ona anapogi, matamata i le “Fasting: A Young Single Adult Ward- Amanda” (2:41).

2:41

Mo se fa’ataitaiga o le auala e fesoasoani ai taulaga anapogi iā i latou o mana’omia, matamata i le “O le Taulaga Anapogi” (8:08) mai le 2:02 i le 7:17

8:8

Mo se fa’ataitaiga o le a’afiaga o Elder Joseph B. Wirthlin na fesoasoani iā te ia e alofa ai i e matitiva, o tagata o le Ekalesia na totogi a latou taulaga anapogi, ma taitai o lo o faatautaia le fesoasoani, Matamata i le “O le Tulafono o le Anapogi,” (15:23) mai le faailotaimi 9:01–10:20.

15:23

Mo se fa’ataitaiga o le auala e fetu’una’i ai le mataupu fa’avae o le anapogi mo i latou e lē mafai ona anapogi mo le 24 itula, matamata i le “Is Not This the Fast that I Have Chosen?” (17:19) mai le faailotaimi 14:07–15:45.

17:19