Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 58:13–14: “Ta’ua le Sapati o se Aso Fiafia”

“Isaia 58:13–14: ‘Ta’ua le Sapati o se Aso Fiafia,’” Tusi Lesona a le Faia’oga Seminare o le Feagaiga Tuai (2026)

“Isaia 58:13–14: ‘Ta’ua le Sapati o se Aso Fiafia,’” Tusi Lesona a le Faia’oga Seminare o le Feagaiga Tuai

Isaia 58–66: Lesona 127

Isaia 58:13–14

“Ta’ua le Sapati o se Aso Fiafia”

South Africa. Members attending church on Sunday, young woman listening in Sunday School class.

Na a’oa’o mai e le Fa’aola o le Sapati na aumai ia fa’amanuia ai Ona tagata (taga’i i le Mareko 2:27).O ā fa’amanuiaga ua e va’aia e ala i le fa’amamaluina o le Tamā Fa’alelagi ma Iesu Keriso i le aso Sapati?I le Isaia, tatou te a’oa’o mai ai afai tatou te fa’amamalu le Tamā Fa’alelagi ma lona Alo i lo Laua Sapati paia, o le a avea le aso ma fa’amanuiaga ia i tatou.O lenei lesona e mafai ona fesoasoani i tagata a’oga ia fa’amamalu le Ali’i i le aso Sapati.

Sauniuniga a le tagata a’oga: Vala’aulia tagata a’oga e mafaufau i mea ua uma ona latou iloaina e fa’atatau i le tapua’i atu i le Tamā Fa’alelagi ma Iesu Keriso i le Sapati.E mafai ona latou faia se lisi o mea latou te lagona ua lelei ona latou faia e fa’apaia ai le Aso Sapati.

Gaoioiga e Ono Mafai Ona Aoaoina Ai

O ā ni ou lagona i le Sapati?

O le tuuina atu o se taimi i tagata a’oga e mafaufau loloto ai i o latou lagona e fa’atatau i upumoni o le talalelei, e mafai ona vala’aulia ai le Agaga Paia e fesoasoani iā i latou ia faailoa mea e mafai ona latou faia lelei ma vaega e mana’omia ona latou galulue e fa’aleleia.

Fa’aalu sina taimi e mafaufau ai e fa’atatau pe faape’ī ou lagona i le Aso Sā.Vala’aulia le Agaga Paia e fesoasoani iā te oe ia manatua nisi o mea e te faia i le Aso Sā lea atonu o le a saofaga i ou lagona e fa’atatau i le Sapati.Ona tali lea o fesili nei i lau api talaaga o suesuega.

E fa’apefea ona e fa’amatala ou lagona i le taimi nei e fa’atatau i le Sapati?
O ā nisi o mea o lo o e taumafai e faia i le taimi nei (po o lē faia) i le Sapati?
Pe e te lagona o mea e masani ona e faia i le Aso Sā o fesoasoani iā te oe e latalata atili atu ai i le Tamā Fa’alelagi ma Iesu Keriso?

A o e suesue i le Isaia 58:13–14 i le aso nei, vala’aulia le Agaga Paia e fesoasoani iā te oe ia iloa fa’amanuiaga ua folafola mai e le Tamā Fa’alelagi ma Iesu Keriso, a o e tapua’i atu iā i Laua i lo Laua aso paia.

Fa’amamaluina o le Ali’i i Lona Sapati

O leIsaia 58:13–14 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga ia fuaitau o le atamai i a’oa’oga fa’avae i se auala e iloga ina ia mafai ona latou mauaina gofie.

I le periota lona fitu o le foafoaga, na malōlō ai le Tamā Fa’alelagi ma Iesu Keriso mai a Laua galuega uma.Na Laua fa’amanuia lenei aso ma fa’atūina o se taimi o le malologa paia mai “galuega” faalelalolagi (taga’i i le Mose 3:3).Ua vala’aulia i tatou uma e le Tamā Fa’alelagi ma Iesu Keriso ia mulimuli i lenei fa’atulagaga (taga’i Esoto 20:8–10 ma le Teuteronome 5:12–14).E auala mai i Lana perofeta o Isaia, ua toe poloa’i mai ai e le Ali’i Ona tagata ia fa’apaia le Sapati mo Ia.

Fesoasoani i tagata a’oga ia faailoa nisi o vala’aulia ua tu’uina mai e le Ali’i iā i tatou e fa’atatau i le Sapati e ala i le tusiina o le fa’amatalaga lē mae’a lenei i luga o le laupapa: Tatou te tausia le aso Sapati ia paia e ala i le …

Ina ua tu’uina atu e le Ali’i i tagata Isaraelu Tulafono e Sefulu, na Ia poloa’i atu ai ia fa’amamaluina le Sapati o se aso paia e tapua’i atu ai iā te Ia.

Faitau le Isaia 58:13, fa’ailoga upu ma fasifuaitau e tulaga ese iā te oe.

O ā ni auala ua fetalai mai ai le Ali’i iā i tatou ia faia Lona Sapati o se aso paia?

Fesoasoani i tagata a’oga e fa’aaoga a latou lava upu e fa’amatala ai fasifuaitau i le fuaiupu 13 e fa’auma ai le fa’amatalaga o le upumoni.E te ono mana’o e fesoasoani iā i latou ia faailoa fasifuaitau e pei o le:

lē tuliloaina o a tatou fiafiaga ma faananauga
va’ai ai i le Sapati o se aso o le olioli (fiafia)
fa’amamaluina o le Tamā Fa’alelagi ma Iesūu Keriso i aso Sapati ta’itasi

O le gaoioiga lenei e mafai ona fa’atino ta’ito’atasi e tagata a’oga.

Filifili se fasifuaitau i le fuaiupu 13.Mafaufau toto’a e uiga i le pe faape’ī le faaaogaina o lenei fasifuaitau i lou olaga.Atonu e te mana’o e fa’amaumau nisi o ou manatu i lau api talaaga o suesuega.A o e mafaufau loloto, vala’aulia le Agaga Paia e fesoasoani iā te oe ia maua le malamalama sili atu i mea e mafai ona e faia.

E ono fesoasoani le fa’amatala atu e faapea o le tausia o le Sapati ia paia ua fa’atumulia i filifiliga patino.Aloese ma le talanoaina o auala sa’o ma sēsē e tausia ai aso Sapati ia paia ma uunaia tagata a’oga e aloese mai le fa’amasinoina o isi i a latou filifiliga.

O fa’amanuiaga mo le fa’amamaluina o le Ali’i i Lona aso

Faitau le Isaia 58:14, fa’ailoga upu ma fasifuaitau e fesoasoani iā i tatou ia malamalama ai i nisi o fa’amanuiaga ua folafolaina mai e le Ali’i mo i latou e fa’amamaluina o Ia i Lona Sapati.

E fa’apefea ona e fa’amatalaina nei fa’amanuiaga i au lava upu?

Ina ia fesoasoani i tagata a’oga e faailoa fa’amanuiaga ua folafolaina mai e le Alii, atonu e te mana’o e fa’asoa atu le uiga o fasifuaitau e pei o le:

“Ona e fiafia lava lea i le Ali’i” – O le a tatou maua le olioli i le Ali’i.

“Ou te fa‘atietie ane foi iā te oe i luga o mea maualuluga o le lalolagi ma ou te fafaga foi iā te oe i le tofi o Iakopo” – Ua folafola mai e le Ali’i ana fa’amanuiaga i Ona tagata o le feagaiga.

Atonu e fesoasoani le fa’asoa atu e faapea o “mea maualuluga” e ono fa’asino atu i mauga, maupu’epu’e, olo malolosi, po o nofoaga paia.O lenei fasifuaitau e ono uiga atu i le “o le a fa’amanuia e le Ali’i Ona tagata o le feagaiga ia tula’i i luga a’e o fa’alavefau uma, ia puipuia ma ia aua ne’i oo atu i tulaga lamatia, ia manumalō i fili (taga’i i le Teuteronome 33:29), ma ia latalata atili atu i le Ali’i.”(“Line upon Line: Isaiah 58:13-14,” New Era, Feb. 2016)

E mafai ona e vala’aulia tagata a’oga e fa’aopoopo atu i le laupapa fa’amanuiaga ua latou mauaina.Afai e mana’omia e tagata a’oga se fesoasoani fa’aopoopo ia malamalama ai i mataupu fa’avae o le tapua’i i le Sapati, e mafai ona e vala’aulia i latou e vaava’ai mo fa’amanuiaga fa’aopoopo, e pei ona maua i le Esekielu 20:20 ma le Mataupu Fa’avae ma Feagaiga 59:9–13.

Aiseā e ono tauivi ai se tasi ia iloa o le “fiafia” le tausia o le aso Sapati?
O ā ni fa’alavefau atonu o lo o latou feagai?

Na fa’asoa mai e Peresitene Russell M. Nelson le manatu lenei e fa’atatau i mea na fesoasoani iā te ia e manumalō ai i fa’alavefau na ia feagai i le faia o filifiliga e fa’atatau i le auala e fa’amamaluina ai le Tamā Fa’alelagi ma Iesu Keriso i aso Sā.

14:46

Ua faailoa mai e le Faaola o Ia Lava o le Alii o le Sapati.O Lona aso lea!Ua Ia toe fa’amanatu mai pea lava pea iā i tatou ina ia tausia le Sapati pe fa’apaia le aso Sapati.Ua o tatou i lalo o le feagaiga o le tatou faia lea.

E fa’apefea ona tatou fa’apaiaina le aso Sapati?A o o’u laitiiti, sa ou suesueina le galuega a isi sa faia ni lisi e fa’atatau i mea e fai ma mea e lē faia i le Sapati.O se taimi mulimuli ane sa ou iloa ai mai tusitusiga paia o la’u amio ma o’u uiga i le Sapati o le a avea ma se fa’ailoga i le va o a’u ma lo’u Tamā Fa’alelagi.Faatasi ai ma lena malamalamaaga, sa ou lē toe manaomia ni lisi o mea e faia ma mea e lē faia.Pe a manaomia ona ou faia se filifiliga pe o se gaoioiga talafeagai pe leai foi mo le Sapati, e na o lo’u fesili lava ia te a’u, “O le a le faailoga ou te manao e avatu i le Atua?”O lena fesili na faamanino ai a’u filifiliga e uiga i le aso Sapati.(“O Le Sapati o se Aso Fiafia,” Liahona, Ape. 2015, 130)

E ono fesoasoani fa’apefea le Isaia 58:13–14 ma le savali a Peresitene Nelson i se tasi o lo o tauivi ma ni fa’alavefau ua e iloaina?

E mafai ona fa’asoa mai e tagata a’oga ni a’afiaga talafeagai ina ua latou lagonaina le fa’amanuiaina i a latou taumafaiga e taula’i atu i le Tamā Fa’alelagi ma Iesu Keriso i le aso Sā.O fesili nei e ono mafai ona fesoasoani i tagata a’oga e fa’asoa mai ai o latou aafiaga.
O le ā se mea ua e mauaina ua mafai ai ona fa’aleleia lou gafatia i le fa’amamaluina o le Ali’i i le Sapati?O ā ni fa’amanuiaga ua e va’aia mai au taumafaiga?

O le ā se fa’ailoga e te mana’o e avatu i le Atua?

Ina ia fesoasoani i tagata a’oga e faia se fuafuaga ia fa’aleleia lo latou faamamaluina o le Sapati, fa’aali atu fa’atonuga nei.

Fa’aalu se taimi e mafaufau loloto ai i mea ua e a’oa’oina ma lagona i lenei aso e fa’atatau i le vala’aulia i le Isaia 58:13–14 ina ia fa’ata’atia ese fa’anaunauga patino ae fa’amamalu le Tamā Fa’alelagi ma Iesūu Keriso i le Sapati.Vala’aulia le Agaga Paia e fesoasoani iā te oe a o e tali i le u’unaiga lenei i lau api tala’aga o suesuega.

Ina ia fa’amamaluina le Tamā Fa’alelagi ma Iesu Keriso i le Sapati, o le a Ou .

Tauloto

Atonu e te mana’o e fesoasoani i tagata a’oga e tauloto le mau fa’asino o le atamai i a’oa’oga fa’avae, ma le fasifuaitau autū o le mau i le taimi o lenei lesona, ma toeiloilo i latou i lesona i le lumana’i.O le fasifuaitau o le mau autū mo le Isaia 58:13–14 o le, “Liliu ese … mai le faia o lou lava loto i [Lona] aso [paia]; ma ta’ua le sapati o le aso fiafia.”O manatu mo gaoioiga o le taulotoina o lo o iai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Punaoa Fa’aopoopo

O ā fa’amanuiaga e ono maua mai i le fa’aleleia o la tatou tapua’iga i le Sapati?

Na a’oa’o mai Elder Quentin L. Cook o le Korama a Aposetolo e To’asefululua:

15:36

[O] le fa’amamaluina o le Sapati o se fa’ailoga o le amiotonu lea o le a manuia ai ma fa’amalosia ai aiga, e fa’afesoota’i atu ai i tatou i lo tatou Foafoa, ma fa’ateleina ai le fiafia.E mafai ona fesoasoani le Sapati e vavae ese mai ai i tatou mai mea fa’atauva’a, e lē talafeagai, pe lē māmā.E mafai ai ona tatou iai i le lalolagi ae lē o ni ō le lalolagi.

I le ono masina ua mavae atu, sa tula’i mai ai se suiga ofoofogia i le Ekalesia.Sa iai lea i le tali a tagata o le au paia i le toe fa’afouina o le fa’atauaina o le Sapati e ala mai i le Au Peresitene Sili ma le Korama a le To’asefululua atoa ma le lu’i a Peresitene Russell M. Nelson ia avea le Sapati o se aso fiafia.E to’atele tagata o le ekalesia ua malamalama o le tausiaina moni o le aso Sapati ia paia o se sulufaiga lea mai afā o lenei olaga.O se fa’ailoga foi o lo tatou tu’uto atu i lo tatou Tamā o i le Lagi, ma se malamalamaaga fa’ateleina i le paia o le sauniga fa’amanatuga.Ae, o lo o tele pea mea e tatau ona tatou fa’aleleia atili, ae ua ia i tatou se amataga matagofie.Ou te tuu atu se lu’i iā i tatou uma ina ia fa’aauau ona opogi lenei fautuaga ma fa’aleleia atili la tatou tapua’iga i le Sapati.(“O Se Tulaga Sili Ona Lelei: Ia Agava’a mo le Malumalu—i Taimi Lelei ma Taimi Leaga,” Liahona, Nov. 2015, 42)

Aiseā e tatau ai ona tatou tausi le Aso Sapati ia paia?

Na fa’amalamalama mai e Elder David A. Bednar o le Korama a Aposetolo e To’asefululua fa’apea:

Ina ua uma ona foafoa e le Atua o mea uma, sa malōlō o Ia i le aso fitu ma sa poloa’iina e tasi le aso o vaiaso ta’itasi ia avea o se taimi e malōlō ai e fesoasoani ai i tagata e manatua o Ia.O le Sapati o le taimi o le Atua, o se taimi paia ua avea faapitoa mo tapuaiga iā te Ia ma mo le mauaina ma le manatuaina o Ana folafolaga silisili ma taua. …

[O] le Sapati tatou te tapua’i atu ai i le Tamā i le suafa o le Alo e ala i le auai ai i sauniga ma a’oa’o ai e uiga i le mauaina, manatuaina, ma le fa’afouina o feagaiga.I Lona aso paia, o o tatou mafaufauga, faatinoga ma amioga, o fa’ailoga ia tatou te avatu i le Atua ma o se fa’amaoniga lea o lo tatou alofa mo Ia.

O se isi fa’amoemoega fa’aopoopo o le Sapati o le si’itia lea o la tatou va’aiga mamao mai mea o le lalolagi [ae taulai atu] i fa’amanuiaga o le fa’avavau.Pe a tatou tuuina atu i tatou i lenei taimi paia i le tuua ai o le tele o mea masani ma gaogaosa o o tatou olaga, e mafai ona tatou “tepa atu i le Atua ma ola ai” e ala i le mauaina ma le manatuaina o folafolaga silisili ese ma le taua ia e avea ai i tatou ma suli o le amio atua. (“O Mea Silisili Ese ma le Folafolaga Taua,” Liahona, Nov. 2017, 92)

Gaoioiga Fa’aopoopo e A’oa’o Ai

Sa fa’amamaluina e Iesūu Keriso le Tamā Fa’alelagi i le Sapati

E mafai ona aoga mo tagata a’oga le suesue pe na fa’apefea ona fa’amamaluina e Iesu Keriso le Tamā Fa’alelagi i Ana faatinoga i le Sapati.O se tasi o auala e faia ai lenei mea o le tuʻuina atu lea o nisi poʻo fuaitau uma nei.Vala’aulia tagata a’oga e suesue tala, va’ava’ai mo faatinoga sa faia e le Fa’aola i le Sapati.

Mataio 12:8–13

Mareko 2:23–28

Luka 13:11–17

Ioane 5:2–16

E mafai ona e fa’aali atu fesili nei mo tagata a’oga e talanoaina.

Na fa’apefea ona fa’amanuiaina tagata o i nei tala e ala i le auaunaga a le Fa’aola?
O ā nisi o auala e mafai ai ona tatou mulimuli i le fa’ataitaiga a le Fa’aola o le auauna atu i isi i le aso Sapati?

Toefafagaina o lo tatou mana fa’aleagaga i le Sapati

Ina ia saunia tagata a’oga mo le aoaoina, e mafai ona e fa’aali atu se ata o se telefoni feavea’i ua pē lona ma’a.Vala’aulia tagata a’oga e fa’asoa mai o latou lagona pe a latou va’aia lenei tulaga ma o le ā se mea latou te faia e foia ai lenei fa’afitauli.

E fa’apefea ona fa’atusa se ma’a o le telefoni feavea’i i o tatou olaga fa’aleagaga?
O le ā se mea e te faia e toe fafaga ai pe a e lagona le vaivai fa’aleagaga?

Afai e lē ta’ua mai e tagata a’oga, e mafai ona e fa’asoa atu e faapea e pei lava o se ma’a telefoni feavea’i ua vaivai, e mana’omia ona tatou feso’ota’i i se punapogai o se malosiaga e lē aunoa ina ia fesoasoani e toe fafaga lo tatou ma’a fa’aleagaga ma fa’aletino.

A mae’a ona latou faailoa mai le upumoni mai le Isaia 58:13–14, atonu e te fesili atu i tagata a’oga pe fa’apefea e le mauaina o fa’amanuaiga o le Sapati ua latou faailoaina mai ona toe fafagaina ai i tatou fa’aleagaga.

E mafai ona tatou taula’i atu i fa’amanuiaga o le Sapati

Ina ia fesoasoani i tagata a’oga ia iloa atili fa’amanuiaga o le fa’amamaluina o le Sapati, e mafai ona e fa’aali atu le vitiō, “Upon My Holy Day – Honoring the Sabbath” (1:30).I lenei vitiō, ua a’oa’o mai ai e Peresitene Jeffrey R. Holland i tatou ia taula’i atu i fa’amanuiaga o le usita’i e fa’amamalu le Sapati nai lo le va’aia na’o tapula’a.

1:30

Ona mafaufau lea e saunia se tasi o filifiliga nei:

Tuu atu i tagata a’oga se kopi o le lauga a Peresitene Russell M. Nelson, “O le Sapati o se Aso Fiafia,” Liahona, Mē 2015, 129–132.
E mafai ona iloilo e tagata a’oga le vaega i le aso Sapati mai le Tala’i La’u Talalelei: O se Taiala i le Fa’asoaina atu o le Talalelei a Iesu Keriso, 87–88.
E mafai e tagata a’oga ona saili le “Aso Sapati” mai Autū ma Fesili i le Potutusi o le Talalelei ma saili se upusi’i pu’upu’u mai taitai o le Ekalesia e fa’atatau i le Sapati.

I le mae’a ai o le gaoioiga suesue, e ono mafai lea e tgata a’oga ona fa’asoa pe faapefea e mea ua latou mauaina ona fesoasoani iā i latou e lagona ai le mana o fa’amanuiaga ua folafolaina mai e le Ali’i.