“Isaia 58–66: Va’aiga Aoao,” Tusi Lesona a le Faia’oga Seminare o le Feagaiga Tuai (2026)
“Isaia 58–66: Va’aiga Aoao,” Tusi Lesona a le Faia’oga Seminare o le Feagaiga Tuai
Isaia 58–66
Isaia 58–66
Va’aiga Aoao
E auala mai iā Isaia, na faia mai e le Ali’i ni folafolaga iā i latou o e anapopogi ma tausisi i le mamalu o le Aso Sapati.Na valoia foi e Isaia le misiona a le Fa’aola, le Afio Mai Fa’alua, ma le Meleniuma.
Fesoasoani i tagata aoao ia iloa le alofa o le Ali’i, mana, ma le alofa mutimutivale i o latou olaga. E lelei le iloa e fa’atatau i le alofa o le Fa’aola, mana, ma le alofa mutimutivale, ae e mana’omia foi ona tatou iloaina auala na tatou oo i ai.O le vala’auliaina o tagata a’oga e tomanatu i o latou a’afiaga patino i taimi na latou maua ai le alofa, mana ma le alofa mutimutivale o le Faaola, e mafai ona fesoasoani iā i latou e lagona ai le latalata atili atu iā te Ia.O se fa’ataitaiga o le auala e faia ai lenei mea e mafai ona maua i le Lesona 128: “Isaia 61.”Ina ia a’oa’o atili, taga’i i le “Fesoasoani i tagata a‘oga ia iloa le alofa o le Ali’i, mana ma le alofa mutimutivale i o latou olaga” (A‘oa‘o Atu i le Ala a le Fa’aola [2022], 8).
Sauniuni e a’oa’o atu
O lenei fa’amatalaga e tu’uina atu ai iā te oe ni manatu o mea atonu e mana’omia ona mua’i saunia mo lesona ta’itasi.
Isaia 58:1–12
Fa’amoemoega o le lesona: Ina ia fesoasoani i tagata a’oga ia lagona le naunau e anapogi i le ala a le Ali’i.
-
Sauniuniga a le tagata a’oga: Vala’aulia tagata a’oga e mafaufau loloto pe o ā ni o latou lagona e fa’atatau i le anapogi ma pe aiseā.Latou te ono fesili atu foi i se matua po o se uō fa’atuatuaina e fa’asoa mai o latou manatu ma lagona.
-
Vitiō: “Fast Offerings: A Simple Commandment with a Marvelous Promise” (3:01)
Isaia 58:13–14
Fa’amoemoega o le lesona: Ia fesoasoani i tagata a’oga e fa’amamalu le Ali’i i le Aso Sapati.
-
Sauniuniga a le tagata a’oga: Vala’aulia tagata a’oga e mafaufau i mea ua uma ona latou iloaina e fa’atatau i le tapua’i atu i le Tamā Fa’alelagi ma Iesu Keriso i le Sapati.E mafai ona latou faia se lisi o mea latou te lagona ua lelei ona latou faia e fa’apaia ai le Aso Sapati.
-
Vitiō: “O le Sapati o se Aso Fiafia” (14:46) mai le faailo taimi 3:27 i le 4:41
Isaia 61
Fa’amoemoega o le lesona: Ia fesoasoani i tagata a’oga e faateleina lo latou mautinoa i le gafatia o le Fa’aola e fa’amalōlō, faasa’oloto, ma fa’amafanafana ai i tatou.
-
Sauniuniga a le tagata a’oga: Vala’aulia tagata a’oga e mafaufau i fa’amaoniga ua latou va’aia i o latou olaga po o olaga o isi e faapea e fa’amalōlō, fa’amafanafana, ma si’itia tagata i aso nei e Iesu Keriso.Fai atu iā i latou e omai sauni e fa’asoa mai o latou manatu.
-
Anotusi e fa’aali atu: Vala’aulia e saili fa’aaliga patino a o suesueina le Isaia 61.
-
Ata: Ata o le tamaitai sa ia te ia le puna toto
-
Vitiō: “Feeling the Lord’s Love and Goodness in Trials” (4:18)
Isaia 60–66
Fa’amoemoega o le lesona: E fesoasoani ia lagona le fa’ateleina o le fiafia mo le Afio Mai Fa’alua o le Fa’aola ma le nofotupu i le Meleniuma.
-
Sauniuniga a le tagata a’oga: Vala’aulia tagata a’oga ia mafaufau i mea ua latou iloa e fa’atatau i le Afio Mai Fa’alua o le Fa’aola ma le nofotupu i le Meleniuma.Vala’aulia i latou e mafaufau loloto pe latou te tulimata’ia ma pe aiseā.Latou te ono fesili atu i se matua po o se tagata matua fa’atuatuaina pe faapefea o latou lagona e fa’atatau i le toe afio mai o le Fa’aola.