Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 54: “O Le Alofa Tele Lava Ou Te Fa‘apotopotoina Mai Ai Oe”

“Isaia 54: ‘O Le Alofa Tele Lava Ou Te Fa‘apotopotoina Mai Ai Oe,’” Tusi Lesona a le Faia’oga Seminare o le Feagaiga Tuai (2026)

“Isaia 54: ‘O Le Alofa Tele Lava Ou Te Fa‘apotopotoina Mai Ai Oe,’” Tusi Lesona a le Faia’oga Seminare o le Feagaiga Tuai

Isaia 50–57: Lesona 125

Isaia 54

“O Le Alofa Tele Lava Ou Te Fa‘apotopotoina Mai Ai Oe”

Atonu e lagona e tagata le tu’ulafoa’iina ma tu’ua to’atasi i nisi o taimi.O nisi taimi, e atonu e manatu tagata e le o iai le Atua iina mo i latou.Talu ai na solia e le aiga o Isaraelu le feagaiga sa latou osia ma Ieova, o lea sa fa’ata’apeapeina ai i latou.Atonu sa latou lagona e faapea na tu’ulafoa’iina i latou e le Atua.Peita’i, e auala mai le perofeta o Isaia, na toe fa’amanatu atu e le Ali’i i Ona tagata o le feagaiga, i le taimi lenā ma aso nei, o le a Ia fa’apotopotoina i latou ma le alofa tele ma avatu iā i latou le filemū.O lenei lesona e mafai ona fesoasoani i tagata a’oga ia lagona le alofa ma le tautinoga a le Fa’aola mo i latou.

Sauniuniga a le tagata a’oga: Vala’aulia tagata a’oga e faitau le Isaia 54, va’ava’ai mo upu ma fasifuaitau e mafai ona latou fa’asoa ma se isi o lagona le tuua to’atasi po o le tu’ulafoa’ina.

Gaoioiga e Ono Mafai Ona Aoaoina Ai

Lagona tu’ulafoa’iina

Mafaufau e amata le vasega i le vaaiga fa’ataitai lenei.E mafai ona filifili e tagata a’oga se fatufatuga o le vaaiga fa’ataitai e taula’i iai ta’ito’atasi po o se tasi mo le vasega atoa.O le a maua le avanoa e tali ai tagata a’oga i le vaaiga fa’ataitai sa latou filifilia i le fa’ai’uga o le lesona.

Sa lagona e Carlos le tu’ua to’atasi ma le tu’ulafoa’iina ona …

Sa agasala o ia ma e le’i talitonu o le a fa’amagaloina o ia e le Atua mo le mea sa ia faia.
Na si’itia talu ai nei o ia i se nofoaga fou ma sa faigata ona faia ni faauoga.
Na te lē lagonaina e foliga sa taliina ana tatalo.

Mafaufau po o le ā se mea e te ono fai atu e fesoasoani ai iā Carlos.Toe manatu po o le ā se mea e te mana’o e na te iloa e uiga iā Iesu Keriso.

I le olaga o Isaia, sa ia molimauina ai le fa’ataapeapeina o Malō i Matū o Isaraelu ona o lona amio leaga (taga’i i le 2 Tupu 17:6–23).Na ia valoia mai foi e faapea ona o le amio leaga o le Malō i Saute o Iuta, o le a fa’atoilaloina foi (taga’i i le Isaia 39:5–7).Ona o lea, o le toatele o le aiga o Isaraelu na lagona atonu na tu’ulafoa’iina [i latou] e le Atua.

I totonu o le Isaia 54, na valo’ia mai ai e Isaia e fa’atatau i le mea o le a faia e le Ali’i mo Ona tagata o le feagaiga.Na fa’aaoga e le Fa’aola i se taimi mulimuli ane lenei mataupu e a’oa’o atu ai ia Sā Nifaē, le auala Na te fa’apotopotoina mai ai Isaraelu i aso e gata ai (taga’i i le 3 Nifae 22).

A o e suesue i le Isaia 54, fa’alogo mo musumusuga mai le Agaga Paia e fesoasoani iā te oe e iloa ai po o ā lagona o le Tamā Fa’alelagi ma Iesu Keriso e fa’atatau i lo La’ua sootaga ma oe.

O Folafolaga a le Ali’i i Ona tagata

E te ono mana’o e toe fa’amanatu atu i tagata aoga e faapea sa masani ona fa’aaoga e Isaia ia ata faatusa i ana tusitusiga.O le taofi ma mafaufau i lesona ua a’oa’oina mai ata faatusa na ia fa’aaofiaina, e mafai ona vala’aulia ai le Agaga Paia e a’oa’o mai iā i tatou le feau a le Ali’i o lo o i nei mau.I totonu o le Isaia 54, sa fa’aaogaina e Isaia ata faatusa o sootaga tau fa’aipoipoga e a’oa’o mai ai e fa’atatau i le sootaga faale-feagaiga a le Ali’i ma le aiga o Isaraelu.O le tane e sui i le Fa’aola, ma le avā e sui ai le aiga o Isaraelu.Atonu e te mana’o e vaevae le faitauina o le seti o fuaiupu o soso’o mai i ni vaega laiti atu, e pei o le fuaiupu 1–4, 5–8, 9–10, 13, 17.Ina ia fesoasoani i tagata a’oga ia malamalama lelei atili i mea ua latou faitauina, e mafai ona e taofi pe a mae’a seti fuaiupu ta’itasi ma vala’aulia tagata a’oga e fai mai ni fesili.

E mafai ona e maua fa’amatalaga mo nisi upu fa’apitoa ma fasifuaitau o loo i nei fuaiupu i le vaega o Puna’oa Fa’aopoopo.

Faitau ma le toto’a le Isaia 54:1–10, 13, 17, va’ava’ai mo mea na folafola e Iesu Keriso i Ona tagata o le feagaiga.

O le ā se mea na a’oa’oina mai e le ata faatusa o le tane ma le avā iā te oe e fa’atatau i le sootaga a le Ali’i ma le aiga o Isaraelu?
O ā mea ua a’oa’o mai e suafa ma fa’alagiga o le Fa’aola i le fuaiupu 5 e uiga iā te Ia?

E te ono mana’o e fa’atulaga se taimi e fa’ataga ai tagata a’oga e fa’asoa mai upu anoa ma ni fasifuaitau mai fuaiupu nei ma talanoaina po o le ā se mea ua latou a’oa’o mai e fa’atatau i le Ali’i.E mafai e tagata a’oga ona faia fa’atasi lenei mea o se vasega pe i ni vaega toalaiti.

Tusi O Iesu Keriso lo tatou Togiola … i luga o le laupapa ma vala’aulia tagata a’oga e fa’amae’a le fa’amatalaga e fa’aaoga ai mea ua latou maua mai i le Isaia 54:4–10, 13, 17.
O ā ni auala e mafai ona e fa’auma ai le fa’amatalaga O Iesu Keriso lo tatou Togiola …?
E mafai ona fa’auma e tagata a’oga le fa’amatalaga i ni auala eseese, e aofia ai:

O Iesu Keriso lo tatou Togiola …
- o le a fa’apotopoto Ona tagata i le alofa mutimutivale.
- ua i ai le agalelei e fa’avavau mo Ona tagata.
- o le a fa’ataunuu le feagaiga na Ia osia ma Ona tagata.
- [ua Ia] folafola mai le filemū.
Pe a va’aia e tagata a’oga le aoga o tusitusiga paia i o latou olaga, o le a ono sili atu ona latou malamalama pe fa’apefea ona fa’atatau patino le mataupu fa’avae o le Fa’aola iā i latou.O fesili o mulimuli mai, po o nisi e te ono mafaufau iai, e mafai ona fesoasoani iā i latou e talanoaina le talafeagai o upumoni ua latou faailoaina.
O le fea o nei upumoni e te manatu e mafai ona matuā fesoasoani i talavou i aso nei?Aiseā?

Manatunatu po o le fea o nei upumoni e matua sili ona anoa patino iā te oe?

O le ā sou manatu ua fa’apefea ona fa’ataunuuina e Iesu Keriso nei folafolaga i aso nei?

Na molimau Peresitene Jeffrey R. Holland o le Korama a Aposetolo e To’asefululua:

… I se lalolagi “ua felafoa’i i afā, ma ua lē fa’amafanafanaina,” e pei ona fetalai mai ai Ieova o le a fa’apena ona fai, e fa’apefea ona tatou maua le mea na Ia ta’ua “o le feagaiga o le … filemū”?Tatou te maua i lo tatou liliu atu iā te Ia o lē na fetalai mai o le a iai lona alofa mutimutivale i luga o i tatou ma faatasi ai “ma le agalelei e fa’avavau” o le a aumaia le filemū iā tatou fanau.(“E lē pei ona Foaʻi mai e le Lalolagi,” Liahona, Mē 2021, 36)

O le ā se mea o e a’oa’oina e fa’atatau i lagona o le Tamā Fa’alelagi ma Iesu Keriso iā te oe?

Fa’aalia le a’oa’oina

O le gaoioiga lenei e fa’amoemoe e fesoasoani ai i tagata a’oga ia fa’aali mai mea ua latou a’oa’oina ma lagona e fa’atatau i le Tamā Fa’alelagi ma Iesu Keriso mai i le suesueina o le Isaia 54.Filifili se metotia o le tali atu e sili ona talafeagai ma mana’oga o lau vasega.O ni fa’ataitaiga o mea e mafai ona e fa’atino e aofia ai le vala’aulia o tagata a’oga e fai se tala fa’atino, tusi se feau tusitusia e lafo, po o le fatu o se tala mālie o se talanoaga ma Carlos.

Toe tomanatu i le mafua’aga na lagona ai e Carlos le tu’ulafoa’iina ma le tu’ua to’atasi.Mafaufau i se mea e mafai ona e fa’asoa atu iā te ia mai mea ua e a’oa’oina i le Isaia 54.E iai ni a’afiaga patino atonu e te fa’asoa ma ia?

O le ā se mea e te mana’o e manatua e uiga i le Fa’aola mai lau suesuega o le Isaia 54?

E te ono mana’o foi e fa’asoa atu lau molimau i le Fa’aola ma ou manatu ma lagona a o e suesueina le Isaia 54.

O Puna’oa Fa’aopoopo

O le ā le uiga o nisi o upu ma fasifuaitau i le Isaia 54?

I le Isaia 54:3 na ia fai atu iā Isaraelu “auā e te osofia le tuāpā i le itū taumatau ma le itū tauagavale” ma e faapea o “aai tu‘ufua [o le a] ainā.”Ua fa’aata mai e lenei mea se fuainumera tele o tagata o le a fa’apotopotoina, o le mafua’aga lena o le mana’omia ona “fa‘alautele le mea e tū ai lou fale ie” (Isaia 54:2).

I le Isaia 54:9, na fa’amanatu atu ai e le Ali’i iā Isaraelu Lana folafolaga e lē toe lilofia le fogaeleele i se lolo (taga’i i le Kenese 9:15–17).E pei lava ina fa’amuta le lolo ma le folafolaga a le Ali’i e lē toe oo mai se isi [lolo], o le toasā o le Ali’i i le aiga o Isaraelu i ā latou agasala e lē [tumau] fa’avavau.

I le Isaia 54:10, na fa’aaoga e Isaia ata faatusa o mauga ma maupu’epu’e lea e va’aia o ni mea e tumau.Ua folafola mai e le Ali’i o Lona agalelei ma le “feagaiga o [Lona] filemū” e sili atu ona tumau nai lo o mauga ma maupu’epu’e.

Isaia 54:2.O le ā le taua o le ata fa’atusa a Isaia o se faleie?

O le Tusi Taulima Aoao ua taua ai:

Na faamatalaina e Isaia ia Siona o aso e gata ai o se fale’ie po o se fale fetafa’i o le a faamauina e fao (tagai i le Isaia 33:20; 54:2).O aso nei ua faatulagaina le Ekalesia i ni siteki.O siteki taitasi e aofia ai ni uarota se tele ma e taitai e se peresitene o le siteki.Ua faavaeina e le Alii ia siteki mo “le faapotopotoina faatasi” o Lona nuu ma “mo se puipuiga ma … se sulufaiga” mai le lalolagi (Mataupu Faavae ma Feagaiga 115:6).E galulue faatasi tagata o le au paia ma taitai i se siteki e auai i le faatinoina o le galuega a le Atua mo le faaolataga ma le faaeaga (tagai i le 1.2).(Tusi Taulima Aoao: 6.1)

O le ā se lagona o le Fa’aola e fa’atatau i Ona tagata o le feagaiga?

Na molimau Peresitene Jeffrey R. Holland o le Korama a Aposetolo e To’asefululua:

E ui lava ina sa iai le tu’ufua ma o nisi taimi o le lē fa’atuatua, peita’i o le tane (Keriso) o le a toe aumaia ma togiola lana fa’ato’a nofotane (Isaraelu). …

… O Keriso, i nisi taimi, sa tatau le toasā iā Isaraelu lē usiusitai, ae o taimi uma sa puupuu ma lē tumau—”mo sina taimi.”O le agaalofa ma le alofa mutimutivale e toe foi mai i taimi uma, ma tumau i se ala sili ma le mautinoa.E ono mou atu mauga ma maupu’epu’e.E ono matutū le vai o sami e tele.E ono tutupu foi mea fa’atauvaa i le lalolagi, ae o le agalelei o le Ali’i ma le filemū o le a lē aveesea lava mai ona tagata o le feagaiga.Ua Ia tautō i se tautoga fa’alelagi fa’apea o le a ia lē to’atama’i lava iā i latou e fa’avavau.”(Christ and the New Covenant[1997], 290)

Ua fa’apefea ona fa’aalia e Iesu Keriso e faapea tatou te aufa’atasi atu ma Ia?

Na molimau mai Elder D. Todd Christofferson o le Korama a le Au Aposetolo e To’asefululua:

14:41

O le tasi ai ma le Tamā, Alo ma le Agaga Paia, e aunoa lea ma se masalosalo o le faatumutumuga o le i le avea ai [ma ni ō a’ia’i].

O lea, o le aoaoga faavae o le avea ai ma ni ō, e auga i le mea lenei—e mafai e i tatou taitoatasi ona faamautinoa atu: na maliu Iesu Keriso mo a’u; na Ia manatu ou te agavaa mo Lona toto.E alofa o Ia ia te a’u ma e mafai ona faia ai le eseesega uma i lo’u olaga.A ou salamo, o le a faaliliuina a’u e Lona alofa tunoa.Ua tasi o a’u ma Ia i le feagaiga o le talalelei; ou te auai i Lana Ekalesia ma le malo; ma ou te auai i Lona faamoemoe e aumaia le togiola i fanau uma a le Atua.(“O Le Mataupu Fa’avae o le Auai,” Liahona, Nov. 2022, 56)

Gaoioiga Fa’aopoopo e A’oa’o Ai

“Fa‘alautele le mea e tū ai lou fale ie … ma fa’amalosia au fao” (Isaia 54:2)

O lenei gaoioiga e fesoasoani i tagata a’oga ia malamalama i le ata faatusa o le faleie a Isaia ma le mafuaaga ua fa’atulaga ai le Ekalesia i siteki.E mafai ona e aumai se faleie i le vasega ma vala’aulia tagata a’oga e fa’atu po o le fa’aali o se ata o se faleie.Fai atu iā i latou e fa’amatala mai le fa’amoemoega o se faleie ma pe fa’apefea ona fa’atuina ina ia lava talitalia le matagi ma le timu.

Mafaufau e fa’aali atu le ata faatusa lenei o le faleie ma vala’aulia tagata a’oga e fa’aigoa vaega eseese o le faleie, e fa’aaoga ai mea ua latou mauaina mai i le fuaiupu 2.

Faitau le Isaia 54:2, va’ava’ai mo mea ua a’oa’o mai e Isaia e fa’atatau i se fale ie.Mafaufau e fai atu nisi o fesili nei, ia fesoasoani i tagata a’oga ia malamalama pe fa’apefea ona feso’ota’i nei fuaiupu i le Ekalesia a le Fa’aola i o tatou aso.

O le ā sou manatu ua fa’apefea ona avea le Ekalesia a le Fa’aola e faapei o se faleie?
E fa’apefea ona faamalosia e fao se faleie?O le ā se mea ua mafai ona a’oa’o mai iā i tatou e fa’atatau i le matāfaioi a siteki o Siona i le Ekalesia toefuata’ina a le Fa’aola?
O ā ni auala ua e va’aia ai le fa’alauteleina o le faleie i o tatou aso?

Mafaufau e fa’asoa atu le fa’amatalaga mai le Tusi Taulima Aoao e fa’atatau i siteki i Puna’oa Fa’aopoopo.E mafai foi ona e faitau le Mataupu Fa’avae ma Feagaiga 115:6 ma talanoaina pe fa’apefea e siteki o Siona ona saunia se puipui ma se sulufa’iga mai afā o le olaga.E te ono faitau foi le Moronae 10:31 po o le Mataupu Fa’avae ma Feagaiga 82:14; 133:9 ma talanoaina le mea e finagalo le Ali’i tatou te faia o ni tagata o Lana Ekalesia.

O folafolaga a le Faaola iā Isaraelu o le feagaiga

Pe a folasia le faitauga o le Isaia 54:1–10, 13, 17, e te ono mana’o e fa’asoa atu le vala’aulia lenei mai iā Peresitene Russell M. Nelson.

A o e suesueina au tusitusiga paia … Ou te u’unaia oe ia faia se lisi o mea uma ua folafola mai e le Ali’i o le a Ia faia mo Isaraelu o le feagaiga.Ou te manatu o le a e maofa!Mafaufau loloto i nei folafolaga.Talatalanoa e uiga i na [folafolaga] faatasi ma lou aiga ma uo.Ona soifua lea ma vaavaai i le faataunuuina o nei folafolaga i lou lava olaga.(“Ia Manumalō le Atua,” Liahona, Nov. 2020, 95)

Vala’aulia tagata a’oga e faia se lisi o folafolaga a le Ali’i iā Isaraelu o le feagaiga o loo i le Isaia 54.E mafai ona e talanoaina po o ā mea ua a’oa’oina mai e nei folafolaga e fa’atatau i le Ali’i ma pe fa’apefea ona va’aia e tagata a’oga lo latou fa’ataunu’uina i o latou olaga.E mafai ona e uunaia tagata a’oga e fa’aauau ona va’ava’ai mo folafolaga a le Ali’i iā Isaraelu o le feagaiga a o latou suesue i tusitusiga paia.