Seminare
Isaia 50–57: Va’aiga Aoao

“Isaia 50–57: Va’aiga Aoao,’” Tusi Lesona a le Faia’oga Seminare o le Feagaiga Tuai (2026)

“Isaia 50–57: Va’aiga Aoao,’” Tusi Lesona a le Faia’oga Seminare o le Feagaiga Tuai

Isaia 50–57

Isaia 50–57

Va’aiga Aoao

O se tasi o mafuaaga e mamana ai upu a Isaia, [ona] o lana molimau iā Iesu Keriso.O le feau a Isaia ia Isaraelu o aso anamua ma aso nei, o se tasi [lea e faatatau i le] “fiafia ma le olioli” (Isaia 51:3).E ala mai i upu a Isaia, sa toe fetalaia e le Fa’aola le vala’aulia “ia fa’alogo mai iā te aʻu” (Isaia 51:1,4,7) ma folafola e na te fa’amafanafanaina Ona tagata o le feagaiga (Isaia 51:3,12; 52:9).Na valoiaina e Isaia “o le tagata fa‘anoanoa, ua masani foi ma le tigā” (Isaia 53:3) o lē ua “manu‘a ona o a tatou solitulafono” ma “ua momomo o ia ‘ona o a tatou amio leaga” (Isaia 53:5).Ae, “o ona fa’alavalava foi ua malōlō ai i tatou” (Isaia 53:5).Mo i latou e lagona le “tu’ulafoa’ina ma fa’anoanoa” (Isaia 54:6), ua folafola mai e le Togiola le “alofa e fa‘avavau,” “alofa mutimutivale,” ma “le feagaiga o [Lona] filemū” (Isaia 54:8,10).E faapei ona molimau le Faaola lava ia, “Ua silisili lava upu a Isaia” (3 Nifae 23:1).

aikona o le seminareFesoasoani i tagata aoao ia talia le tiutetauave mo lo latou a’oa’oina. O nisi taimi, e lagona e faia’oga le manaomia ona ta’u i tagata a’oga mea e tatau ona latou iloa.Peitai, o se tasi o mea sili ona aogā e mafai ona faia e se faia’oga, o le fesoasoani lea i tagata a’oga ia talia le tiutetauave mo lo latou a’oa’oina.Sa va’ava’ai pea le Fa’aola i auala e faia ai lenei mea e ala i le fai atu iā i latou na Ia a’oa’oina ni fesili ma vala’aulia i latou e fa’atino.Mo nisi o auala na faia ai e le Fa’aola lenei mea, tagai i le “Na Fesoasoani le Fa’aola i Isi ia Nafa i Latou lava mo lo Latou A’oa’oina” (Aʻoaʻo Atu i le Ala a le Fa’aola 2022], 24–25).

Mo se fa’ataitaiga i le auala e te mafai ona fesoasoani ai i tagata a’oga e talia lo latou tiutetauave mo lo latou a’oa’oina, tagai i le Lesona 123 “Isaia 51–52.”

Sauniuni e a’oa’o atu

O lenei fa’amatalaga e tu’uina atu ai iā te oe ni manatu o mea atonu e mana’omia ona e mua’i saunia mo lesona ta’itasi.

Isaia 51–52

Fa’amoemoega o le lesona: Ia fesoasoani i tagata a’oga ia fa’alogo atu i vala’aulia a le Fa’aola.

  • Sauniuniga a le tagata a’oga: Vala’aulia tagata a’oga e mafaufau loloto i se taimi na fa’amanuiaina ai i latou po o se isi latou te iloa ina ua usitaia se tasi o vala’aulia po o se poloaiga a le Ali’i.O le a maua i le lesona se avanoa mo tagata a’oga naunautai e fa’asoa mai.

  • Anotusi e fa’aalia: O se lisi o ni tagata ta’ito’atasi e ono fa’alogo atu iai tagata a’oga; o le siata e fa’atatau i vala’aulia ma folafolaga a le Fa’aola i Ona tagata o le feagaiga

  • Pepa e tufatufaina atu: “O Vala’aulia ma Folafolaga a le Ali’i i Ona Tagata o le Feagaiga”

Isaia 53

Fa’amoemoega o le lesona: Ia fesoasoani i tagata a’oga e lagona le loto fa’afetai mo mea ua faia e le Fa’aola mo i latou e ala mai i Lana Togiola.

  • Sauniuniga a le tagata a’oga: Vala’aulia tagata a’oga e galulue i le taulotoina o le mau fa’asino o le atamai i a’oa’oga fa’avae Isaia 53:3–5 ma le fasi fuaitau o le mau autū “E moni [o Iesu Keriso] ua ia tauave o tatou tigā, ma tauave o tatou fa’anoanoaga.”

  • Pepa e tufatufaina atu: “Malamalama Ai i le Isaia 53”

  • Anotusi e fa’aalia: uunaiga tomanatu ma fesili i le amataga o le lesona; o se fa’amatalaga mai iā Elder David A. Bednar

  • Vitiō: “Bear Up Their Burdens with Ease” (16:23) mai le faailo taimi 12:15 i le 13:22, “He Will Give You Help” (4:43)

Isaia 54

Fa’amoemoega o le lesona: Ina ia fesoasoani i tagata a’oga ia lagona le alofa ma le tautinoga a le Fa’aola iā i latou.