“Fa’ataitaiga o le Atamai i A’oa’oga Fa’avae 8: Fa’aaoga Upu Moni mai Fuaitau o le Atamai i A’oa’oga Fa’avae ma Mataupu Fa’avae o le Mauaina o le Malamalama Fa’aleagaga,” Tusi Lesona a le Faia’oga Seminare o le Feagaiga Tuai (2026)
“Fa’ataitaiga o le Atamai i A’oa’oga Fa’avae 8: Fa’aaoga Upu Moni mai Fuaitau o le Atamai i A’oa’oga Fa’avae ma Mataupu Fa’avae o le Mauaina o le Malamalama Fa’aleagaga” Tusi Lesona a le Faia’oga Seminare o le Feagaiga Tuai
Isaia 40–49: Lesona 122
Fa’ataitaiga o le Atamai i A’oa’oga Fa’avae 8
Fa’aaoga Upu Moni mai Fuaitau o le Atamai i A’oa’oga Fa’avae ma Mataupu Fa’avae o le Mauaina o le Malamalama Fa’aleagaga
O le atamai i a’oa’oga fa’avae e mafai ona fesoasoani i tagata a’oga e fausia o latou olaga i luga o le faavae o Iesū Keriso ma Lana talalelei.O lenei lesona e mafai ona fesoasoani i tagata a’oga ia fa’aaoga upu moni ua maua mai i fuaitau o le atamai i a’oa’oga fa’avae, ma fa’aaoga mataupu fa’avae paia mo le mauaina o le malamalama fa’aleagaga.
Sauniuniga a le tagata a’oga: Vala’aulia tagata a’oga e sue fuaitau o le atamai i a’oa’oga fa’avae ma filifili ni fuaitau se lua pe tolu latou te lagona e mafai ona fa’aaoga i le toetoe lava i soo se tulaga e feagai ma se talavou.
Gaoioiga e Ono Mafai Ona Aoaoina Ai
Iloiloga o le atamai i a’oa’oga fa’avae: Fa’aaoga
Mafaufau e tu’uina atu i tagata a’oga ta’itasi se fasi pepa laitiiti.Vala’aulia i latou e tusi i a latou fasi pepa se tulaga faigata o lo’o feagai ma se tasi latou te iloa, ma tu’u a latou pepa i totonu o se pakete.Fai atu i tagata a’oga e aua le fa’aaofiaina igoa po o ni fa’amatalaga patino tele, ona o le a faitauina e isi tagata a’oga a latou fasi pepa.
Ona fa’atulaga lea o tagata a’oga i ni soa.Ia filifili e soa ta’itasi ni fasi pepa se lua mai le pakete, ona fa’amae’a lea o la’asaga e tolu o i lalo.
-
Iloilo fuaitau o le atamai i a’oa’oga fa’avae o le Feagaiga Tuai e fa’aaoga ai le lisi o loo i le Tusiga Autū o le Atamai i A’oa’oga Fa’avae (2023).
-
Talanoaina pe fa’apefea e fuaitau eseese ona feso’ota’i ma se tasi o tulaga o i luga o au pepa.(E mafai foi ona e fa’aaoga fuaitau o le atamai i a’oa’oga fa’avae mai isi tusi o tusitusiga paia.)
-
Fa’asoa pe fa’apefea e le fa’aaogaina o a’oa’oga mai na fuaitau ona fa’amalosia ai le latou sootaga ma le Tamā Fa’alelagi ma Iesu Keriso.
A mae’a se taimi talafeagai, ona vala’aulia lea o paga e fa’asoa mai i le vasega mea na latou talanoaina.
A mana’omia e tagata a’oga se fesoasoani i le faailoaina o fuaitau o le atamai i a’oa’oga fa’avae e feso’ota’i ma lo latou tulaga, e mafai ona e fa’asino atu i latou i se fuaitau e ono feso’ota’i i le tele o tulaga, e pei o le Fa’ataoto 3:5–6 po o le 2 Nifae 32:3.
O le gaoioiga lenei e tatau ona na o le 10-15 minute le umi e fa’atino ai, ia lava se taimi mo tagata a’oga e a’oa’o ai ma fa’aaoga mataupu fa’avae o le mauaina o le malamalama fa’aleagaga mo le vaega o totoe o le lesona.
A’oa’o ma fa’aaoga mataupu fa’avae o le mauaina o le malamalama fa’aleagaga
O le vaega o totoe o le lesona ua faamoemoe e fesoasoani ai i tagata aoga e faaaoga mataupu faavae o le mauaina o le malamalama faaleagaga i se tulaga moni.
Mafaufau e fa’aali atu se ata o se tamaita’i talavou ma le tulaga fa’ataitai o i lalo.
O le tulaga fa’ataitai e ono sili atu ona lagona le moni pe a e fa’aavanoa vaega ua vasevaseina, ma vala’aulia tagata a’oga e fa’atumu avanoa e fa’aaoga ai a’oa’oga fa’avae a le Ekalesia ma tulaga faatonuina e talafeagai i o latou olaga.
A o laititi Iulieta, na manatu o ia e malilie le to’atele o tagata i a’oa’oga a Iesu Keriso sa ia a’oa’oina i totonu o lona aiga ma le ekalesia.I le taimi nei ua iai o ia i le a’oga maualuga, e foliga mai e fa’afeagai.O le to’atele o tagata na te iloaina e foliga mai e lē malilie i tulaga o a’oa’oga fa’avae ma tulaga faatonuina ua a’oa’oina i le talalelei toe fuata’i a Iesu Keriso.
Mo se fa’ataitaiga, o le to’atele o tamaiti o lana vasega e ulagia lona talitonuga e uiga i perofeta soifua; e oo lava i nisi o ana uō e lē malamalama pe aiseā e na te filifili ai e lē auai i fa’atinoga ma fa’afiafiaga lē māmā.
Atonu e lē feso’ota’i tonu atu nisi o au tagata a’oga iā Iulieta.E te ono fai atu i nisi e tauofo mai sa a’afia i latou i se tulaga talitutusa, ina ia fa’amatala mai o latou lagona ma pe aiseā na faigata ai ona latou taulimaina lena tulaga.E mafai ona e fa’asino atu e faapea pe na a’afia pe leai fo’i i latou i ni tulaga fa’apei o Iulieta, o le fa’amoemoega o le tulaga fa’ataitai ina ia tuuina atu ai ia i latou e fa’ataitai le fa’aaogaina o mataupu fa’avae o le mauaina o le malamalama fa’aleagaga ma a’oa’oga fa’avae sa latou a’oa’oina talu ai nei.
Fai atu i tagata a’oga e toe iloilo mataupu fa’avae i parakalafa 5–12 o le vaega “Mauaina o le Malamalama Fa’aleagaga” i le Tusiga o le Atamai Autū i A’oa’oga Fa’avae, va’ava’ai mo mataupu fa’avae e mafai ona fesoasoani i se tasi o lo’o a’afia i se tulaga talitutusa e pei o Iulieta.
A mae’a le iloiloga a tagata a’oga, ia telē se taimi e tu’u atu iā i latou e talanoaina ai a’oa’oga fa’avae latou te lagona e mafai ona fesoasoani iā Iulieta.
E fua i la latou talanoaga, e mafai ona e filifili ni vaega mai le anomea o totoe o le lesona, lea e mafai ona fesoasoani i au tagata a’oga ia malamalama lelei atili ai i a’oa’oga fa’avae o le mauaina o le malamalama fa’aleagaga.
Fa’atino i le fa’atuatua
Mafaufau e fa’aali atu fesili nei ma vala’aulia tagata a’oga e talanoaina i ni vaega to’alaiti.Fealua’i solo i le potu ma fa’alogologo i a latou talanoaga, fa’aopoopo atu iai ni malamalama’aga po o se taitaiga pe a mana’omia.
-
E mafai fa’apefea e le tulaga o Iulieta ona avea o se avanoa mo ia e fa’amalosia ai lona fa’atuatua iā Iesu Keriso ma le tuutoga i Lana Ekalesia?
-
O le ā se mea e ono fa’aosoosoina o ia e fai e ono taitaia ese ai o ia mai iā Iesu Keriso?
-
E fa’apefea ona e fautua atu i le auala e taulimaina ai na fa’aosoosoga ma le fa’atuatua iā Iesu Keriso?
Iloilo manatu fa’avae ma fesili faatasi ai ma se va’aiga e faavavau.
O fa’atonuga nei e faatagaina ai tagata a’oga e fa’asoa mai mea ua latou mauaina.Fa’atali seia uma ona latou fa’amae’aina laasaga ta’itasi, ae le’i tu’uina atu la’asaga e sosoo ai ta’itasi nei.
(E fa’aopoopo i le iloiloga parakalafa 8 i le Tusiga o le Atamai Autū i A’oa’oga Fa’avae i le la’asaga 1, e mafai foi ona e tuu atu i tagata a’oga ni nai minute e su’esu’e ai le vaega “Fa’atalanoa Puna’oa Fa’atuatuaina” o le Sailiina Ai o Tali mo Fesili [Faletusi a le Talalelei, Autū ma Fesili].)
-
Fa’amau i lau api tala’aga o suesuega se fa’amatalaga se tasi mai le parakalafa 8 o le vaega “Mauaina o le Malamalama Fa’aleagaga” i le Tusiga o le Atamai Autū i A’oa’oga Fa’avae e te manatu e ono mafai ona fesoasoani iā Iulieta ma pe aiseā.
-
Fealua’i fa’ata’amilo i le potu, ma sue se isi tagata a’oga na filifilia le fa’amatalaga lava lea e tasi na e filifilia.Talanoaina pe fa’apefea ona fesoasoani iā Iulieta [lea faamatalaga].
-
Fa’aopoopo i le itulau o lau api tala’aga malamalama’aga anoa na fa’asoa atu e le isi tagata a’oga iā te oe.
-
Toe fealuai fa’ata’amilo i le potu, ma sue se isi tagata a’oga na filifilia se faamatalaga e ese mai nai lō le faamatalaga na e filifilia.Fa’asoaa’i malamalamaaga mai ia oulua api tala’aga.
A mae’a ona faia e tagata a’oga le gaoioiga, e te ono fai atu i nisi e tauofo mai e fa’asoa mai ni malamalamaaga ua latou a’oa’oina mai i isi tagata o le vasega.E te ono vala’aulia foi i latou e fa’amau soo se uunaiga atonu ua latou maua mo o latou lava olaga.
Saili le malamalama atili e ala i puna’oa paia ua atofaina
O le fa’aopoopoina atu o mea nei i le ata fa’ataitai a Iulieta, e ono mafai ona fesoasoani i tagata a’oga e sauni ai e talanoaina le taua o puna’oa tatou te tapa atu iai i ō tatou olaga.
Talu ai o le to’atele o tagata e lei malilie ma ia, na amata ona taumafaufau Iulieta po o a’oa’oga fa’avae ma tulaga faatonuina o loo aoaoina i le Ekalesia a Iesu Keriso o le Au Paia o Aso e Gata Ai, e moni lava e mai le Atua.
Mafaufau e vala’aulia tagata a’oga e talanoaina uunaiga nei ma se paga.
-
O tagata ma puna’oa e fa’aaoga e Iulieta e maua ai fa’amatalaga e taua aua …
-
Ou te ono fautuaina Iulieta e va’ava’ai mo tali e ala i le alu i le … ma aua le va’ava’ai mo tali e ala i le alu i le …
A mae’a talanoaga a paga, vala’aulia nisi e tauofo mai e fa’asoa mai mea na latou talanoaina ma le vasega.E te ono fai atu i tagata a’oga e fa’asoa mai pe aiseā ua latou tali mai ai i le auala e pei ona latou tali ai.Mafaufau e fesoasoani i tagata a’oga ia malamalama e faapea o puna’oa latou te liliu iai e mafai ona taitaia ai i latou ia latalata, pe taumamao ese ai [foi] mai le Tamā Fa’alelagi.
Ina ia tuu atu i tagata a’oga e fa’ataitai e saili le malamalama atili e ala i puna’oa paia ua atofaina, e mafai foi e paga ona saili ma fa’asoa fuaitau o a’oa’oga fa’avae e ono mafai ona fesoasoani iā Iulieta.Fa’ataitaiga o fuaitau latou te ono fa’aaoga e aofia ai le Iosua 24:15; Fa’ataoto 3:5–6; Isaia 5:20; Mataio 5:14–16; ma le Mataupu Fa’avae ma Feagaiga 6:36.
Fa’aaogaina patino
E ono mafai ona e fa’aiuina le vasega i le vala’auliaina o tagata a’oga e tali ma le agaga tatalo se tasi o fesili nei i a latou api tala’aga o suesuega:Uunaia i latou e ua’i atu i musumusuga mai le Agaga Paia a o latou mafaufau loloto ma tusitusi.
-
O le a sou lagona i ni mea atonu e finagalo le Tamā Fa’alelagi e te faia i mea ua e a’oa’oina pe lagonaina i le asō?
-
E mafai fa’apefea e le filifili e mulimuli i a’oa’oga fa’avae o le mauaina o le malamalama fa’aleagaga i lou olaga ona a’afia ai lau sootaga ma le Tamā Fa’alelagi ma Iesū Keriso?