Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 40–43: E Fa’amafanafanaina e le Atua Ona Tagata

“Isaia 40–43: E Fa’amafanafanaina e le Atua Ona Tagata,” Tusi Lesona a le Faia’oga Seminare o le Feagaiga Tuai (2026)

“Isaia 40–43: E Fa’amafanafanaina e le Atua Ona Tagata,” Tusi Lesona a le Faia’oga Seminare o le Feagaiga Tuai

Isaia 40–49: Lesona 119

Isaia 40–43

E Fa’amafanafanaina e le Atua Ona Tagata

Jesus is standing on a hill. You can see the sun in the background

O le a lē tuulafoa’ia e le Atua Ona tagata o le feagaiga.E auala mai Lana perofeta o Isaia, na fa’amafanafanaina e le Atua i latou o ē o le a mulimuli ane aveina atu fa’atagataotaua i Papelonia.Ua ofoina mai e le Atua iā i tatou, o Ona tagata o le feagaiga i aso nei, upu lava e tasi o le fa’amafanafanaga: “Aua e te fefe; auā ou te iā te oe” (Isaia 41:10).O lenei lesona e mafai ona fesoasoani i tagata a’oga ia lagona le fa’amafanafanaga a le Atua.

Sauniuniga a le tagata a’oga: Vala’aulia tagata a’oga e faitau ma fa’alogo i nisi o upu po o fuaiupu uma o le vi’iga “Le Faavae Malosi” (Vi’iga—mo le Aiga ma le Ekalesia).Fesili atu ia i latou ia fa’ailoa mai ni upu po o ni fasi fuaitau fa’amafanafana, ma o mai saunia i le vasega e fefa’asoaai.

Gaoioiga e Ono Mafai Ona Aoao Ai

E lē fou le fefe.

Mafaufau e amatalia le vasega i le fa’aali atu o le fa’amatalaga ma le fesili lenei.E mafai ona valaaulia tagata a’oga e lisi a latou tali i luga o le laupapa.

Na fa’asoa mai e Elder Ronald A. Rasband o le Korama a le Au Aposetolo e To’asefululua le vaaiga lenei:

E lē fou le fefe.O so’o o Iesu Keriso, ao i luga o le Sami o Kalilaia, na fefefe i le “matagi ma peau” i le pōgisa o le pō (Mareko 4:34).I le avea ai ma Ona so’o i aso nei, e iai foi mea tatou te matatau ai.(“Aua Le Atuatuvale,” Liahona, Nov. 2018, 18)

O ā ni mea e matatau ai tagata o le lalolagi atoa e aofia ai ma so’o o Iesu Keriso?

A mae’a ona lisi mai e tagata a’oga ni mea eseese e matatau ai, fa’asoa atu le vaega o totoe o le fa’amatalaga a Elder Rasband, o lo o aofia ai mea e matatau ai sa ia va’aia i le lalolagi i aso nei.E mafai ona e fa’aopoopo mea nei i le lisi o i luga o le laupapa.

Sa fa’aauau le saunoaga a Elder Rasband:

15:42

E matata’u o tatou talavou matutua nofofua i le faia o ni tautinoga e pei o le faaipoipoina.O ulugalii talavou … e mafai ona matata’u i le aumaia o fanau i se lalolagi ua faateteleina le amioleaga.E matata’u faifeautalai i le tele o mea, aemaise lava le faalatalata atu i tagata ese.E matata’u tina ua oti a latou tane e agai pea i luma na o i latou.E matata’u le autalavou i le le taliaina; o tamaiti laiti e matata’u i le aso muamua o le aoga; e matata’u tagata a’oga o le iunivesite i le mauaina o le i’uga o se suega.Tatou te matata’u i le toilalo, teenaina, faanoanoa, ma le le mailoa.Tatou te matata’u i afā, mafuie, ma afi ia e faatama’ia ai le laueleele ma o tatou olaga.Tatou te matata’u i le le filifilia o i tatou, ma i le isi foi itu, tatou te matata’u i le filifilia o i tatou.Tatou te matata’u i le le lava o lo tatou lelei; tatou te matata’u ona ua leai ni faamanuiaga a le Alii mo i tatou.Tatou te matata’u i suiga, ma e mafai ona faatupulaia lo tatou matata’u seia oo i le atuatuvale.Pe ua ou faaaofiaina ea toeitiiti o tagata uma?(“Aua Le Atuatuvale,” Liahona, Nov. 2018, 18)

O ā a’afiaga e mafai ona aumai e mea tatou te matatau ai ia i tatou??

Mafaufau e vala’aulia tagata a’oga e toe manatunatu pē fa’amata e mafai ona latou feso’otai atu i ni mea e matatau ai ua lisiina, pe mafaufau foi i mea e matatau ai i latou lava.Fa’asoa atu le faatatauga lenei ia fesoasoani ai i tagata a’oga ia iloa tulaga na ono mafua ai ona matata’u tagata Isaraelu.

Na vavalo Isaia e uiga i le fa’atafunaina ma le fa’atagataotauaina o le a o’o mai iā Isaraelu ma Iuta.I le amataga o le Isaia 40, na musuia e le Atua Isaia e tusi atu i le au Iutaia i se taimi mamao i le lumana’i o e o le a nofo pologa fa’atagataotauaina.

O ā nisi o mea e matatau ai po o ni popolega atonu e feagai ma se tagata ua fa’atagataotauaina?

Faitau le Isaia 40:1–2, va’ava’ai mo le savali a le Atua na ia fa’atonu Isaia e momoli atu i Ona tagata o le feagaiga.

O ā ni uiga faaalia po o uiga masani o le Atua e te a’oa’oina mai i nei fuaiupu?

Fa’asoa atu lau molimau e faapea e fa’amafanafanaina e le Atua Ona tagata o le feagaiga i o tatou aso.Mafaufau e fa’aali atu le ata lenei:E mafai ona tusi e tagata a’oga lenei ata, po o se mea talitutusa, i ā latou api tala’aga.Vala’aulia i latou e fai fa’ailoga i ā latou atatusi e tali ai fesili o loo tuuina faatasi atu ai.

Mata’u i le fa’amafanafanaga

I se va’aiga lautele, o gafea o lenei fua e te ono fa’atulaga ai ou lagona e fa’atatau i lou olaga i le taimi nei?
O gafea e te ono fa’atulaga ai ou lagona e fa’atatau i le lumana’i?

A o e suesue, va’ai po o le ā se mea o lo o a’oa’o mai e le Atua e mafai ona fesoasoani iā te oe e lagona atili ai Lona mafanafana.Afai e te faitau pe lagona se mea e te manatu e maua ai le mafanafana, atonu o mafaufauga na o lo o feso’otai atu iā te oe e le Agaga Paia.Mafaufau e fa’amaumau nei malamalama’aga i tafatafa o le atatusi i lau api tala’aga o suesuega.

E fa’amafanafanaina e le Atua Ona tagata.

Ina ia fesoasoani e fa’amafanafana Ona tagata o le feagaiga, sa musuia e le Atua ia Isaia e a’oa’o atu le tele o mea e fa’atatau iā te Ia i le Isaia 40–43.O le a e maua le avanoa e faailoa ai nisi o nei upumoni ma mafaufau pe fa’apefea ona fesoasoani e fa’amafanafana ai se tasi o lo o fefe.

Fa’aali atu fa’atonuga nei ma fa’amalamalama atu i tagata a’oga, o le a latou maua le avanoa e fa’amae’a ai lenei gaoioiga i se taimi o i luma o le lesona.

I le fa’aaogaina ai o se fuaitau mai le tusi a Isaia, fatu se savali pu’upu’u e mafai ona fa’amafanafana ai se isi o fefe.Fa’aaofia ai mea ta’itasi nei:

La’asaga 1. O upu po o fasi fuaitau mai le fuaitau e mafai ona fesoasoani i se isi e lagona ai le fa’amafanafanaina e le Atua.Aotele vaega nei i se fa’amatalaga fa’afaigofie o le upumoni.

La’asaga 2. O se mau, vi’iga, po o se fa’amatalaga mai se taitai o le Ekalesia e lagolago ai a’oa’oga o loo i lenei fuaitau.

La’asaga 3. O se a’afiaga patino po o se fa’ataitaiga fa’aonaponei lea e fa’apupula mai ai pe fa’apefea e le iloaina o lenei mea e fa’atatau i le Atua ona maua ai le mafanafana.

Fa’ataitaiga

Ao le’i fa’amae’a e tagata a’oga lenei gaoioiga, fa’amatala atu o le a e saunia se fa’ataitaiga e fa’aaoga ai le Isaia 41:10–14.O se tasi nei o auala e mafai ona e fa’ataitai atu ai nei la’asaga.Fa’aauau le fa’aali atu o la’asaga e tolu ma ia matua faamanino atu i tagata a’oga pe a e fa’ataitaiina atu la’asaga ta’itasi.

Faitau le Isaia 41:10–14, va’ava’ai mo upu faamafanafana a le Atua i Ona tagata o le feagaiga.Ia manatua o le anufe i le fuaiupu e 14 e mafai ona faauiga i le agamalū ma le loto maualalo.

La’asaga 1

O ā upu po o fasifuaitau e te manatu e ono mafai ona fa’amafanafanaina ai?Aiseā?
E mafai fa’apefea ona e aoteleina i latou i se fa’amatalaga faafaigofie o le upumoni?

I ā latou lava upu, atonu na faailoa e tagata a’oga se mea e pei o le: E lē manaomia ona tatou fefefe, ona o le a fa’atasi mai le Atua ma o le a Ia fa’amalosia Ona tagata o le feagaiga.

La’asaga 2

E mafai fa’apefea e le iloaina o le a fa’atasi mai le Atua ma fa’amalosia i tatou ona fesoasoani iā i tatou e aua ai nei matata’u?

Na fa’asoa mai Elder Neil L. Andersen o le Korama a le Au Aposetolo e To’asefululua i le auala e mafai ai e la tatou sootaga ma le Ali’i ona fesoasoani iā i tatou ia aua nei o tatou matata’u:

15:4

E o’o lava i le fa’ateleina o fa’atosinaga faalelalolagi o lo o siomia ai i tatou, e lē tatau ona tatou matata’u.O le a lē tu’ulafoa’iina lava e le Ali’i Lona nuu o le feagaiga. O lo o iai se mana faitaui o meaalofa fa’aleagaga ma le taitaiga paia mo ē amiotonu.Peitai, o lea faamanuiaga faaopoopo o le mana faaleagaga, e le nofomau i o tatou luga ona talu ai o i tatou o se vaega o lenei tupulaga.E oo mai pe a tatou faamalosia lo tatou faatuatua i le Alii o Iesu Keriso ma tausi Ana poloaiga, a o tatou iloaina o Ia ma alolofa ia te Ia.(Neil L. Andersen, “Fa’alatalata Atili atu i le Fa’aola,” Liahona, Nov. 2022, 73–74)

La’asaga 3

O le ā se taimi na e lagonaina ai sa fa’atasi atu le Atua ma oe pe na fa’amalosi atu ia te oe?

O sāvali o fa’amafanafanaga

Tu’u atu se taimi i tagata a’oga e sauni ai a latou sāvali pupu’u o fa’amafanafanaga.E mafai ona latou faia lenei mea ta’itoatasi pe fa’atasi ma se paga.

Filifili se tasi o seti o fuaiupu nei.Fatu se sāvali pu’upu’u e mafai ona fa’afanafanaina ai se tasi o fefe.Mulimuli i la’asaga e tolu mo le faia o lenei mea.

Isaia 40:9–11

Isaia 40:28–31

Isaia 41:17–20

Isaia 42:5–7

Isaia 43:1–2

Isaia 43:25–26

Pe afai ua sauni tagata a’oga, vala’aulia i latou e fa’asoa mai a latou sāvali o le fa’amafanafanaga i vaega po o i le vasega.Afai e fa’asoa mai e tagata a’oga se vi’iga o se vaega o le latou sāvali, e mafai ona e vala’aulia i latou e filifili se fuaiupu e lagolagoina le manatu ua latou fa’asoa mai.Usu le fuaiupu lena fa’atasi o se vasega.E mafai ona toe faia faalua lenei mea, e fuafua i le telē o le taimi o iai.

Faaiuga

Tu’u atu se taimi i tagata a’oga e toe manatunatu ai i mea ua latou a’oa’oina e fa’atatau i le Atua lea e mafai ona aumaia ai ia i latou le fa’amafanafanaga.Fa’amanatu atu ia i latou e faapea o nei malamalamaaga atonu sa musuia e le Agaga Paia, o lē e a’oa’o ma molimau atu i le Tamā Fa’alelagi ma Iesu Keriso.Vala’aulia tagata a’oga e tusifa’amaumau o latou manatu i a latou api o tala’aga mo suesuega.

O Puna’oa Fa’aopoopo

E fa’apefea e le iai o le Atua i lo’u olaga ona fesoasoani iā te a’u e faatoilalo ai le mata’u?

Na a’oa’o mai e Peresitene Russell M. Nelson:

14:48

Ou te iloa o se olaga e aunoa ma le Atua, o se olaga e tumu i le fefe.Ou te iloa foi o le olaga fa’atasi ma le Atua o se olaga e tumu i le filemū, olioli, ma le mana.Fai se faaiuga e ola i lou olaga faatasi ma le Atua.

O’u tagata talavou pele, ua saunia lo tatou Tama Faalelagi ma Lona Alo Pele, o Iesu Keriso, e faamanuia outou.O le a La le tuulafoa’ia lava outou.(“Aso o le Molimau i le Lalolagi Atoa: E Mafai Ona Ou Faia Mea Uma e Ala iā Keriso,” Oke. 22, 2023)

E ui na folafola mai e le Ali’i o le a Ia fa’atasi ma a’u, ae fa’apefea pe a ou lagona le tu’ua to’atasi?

Sa fa’asoa mai Peresitene Dieter F. Uchtdorf, o lē sa avea ma se tasi o le Au Peresitene Sili:

E lē o tu’ua na o oe i lenei faigamalaga.E silafia oe e lou Tama Faalelagi.Tusa lava pe leai se isi o faalogo atu ia te oe, e faafofoga mai o Ia ia te oe.A e olioli i le amiotonu, e olioli o Ia faatasi ma oe.Pe a e feagai ma tofotofoga, e fa’anoanoa o Ia fa’atasi ma oe.

… Ou te folafola atu iā te oe, e lē o tu’ua to’atasi oe.(“O Lau Malaga Matagofie i Lou Aiga,” Liahona, Me 2013, 127–128)

Isaia 41:10, 13.O le ā le taua o le lima taumatau?

I le fa’asino atu ai i le fasifuaitau “Ou te … u’u lou lima taumatau” (Isaia 41:13), na fa’asoa mai e se tasi o tagata atamai o le Au Paia o Aso e Gata Ai lenei malamalama’aga:

O le lima taumatau o le lima o le feagaiga.O lenei fasifuaitau e fa’amanatu mai iā i tatou le tatou sootaga faale feagaiga ma le Ali’i, o lana “auauna” ma le “filifilia” (taga’i Isaia 41:8–9).O lo o faaatagia mai ai e faapea o le a u’u i luga e le Atua lo tatou lima, o lona uiga o le a ia lagolagoina i tatou a o tatou saili le amiotonu e tausia ai a tatou feagaiga.O lo o faaatagia mai ai foi e faapea o le a u’u e le Ali’i lo tatou lima o se fa’atinoga o le fa’amafanafanaga ma le lagolagoina (taga’i Isaia 42:6).(Donald W. Parry, Understanding Isaiah [1998], 353–354)

Gaoioiga Fa’aopoopo e A’oa’o Ai

O le silisili ese o le Atua

Ae le’i suesueina le Isaia 41:10, 13, fa’aalu se taimi e fesoasoani ai i tagata a’oga ia malamalama i le a’oa’oga a Isaia e fa’atatau i le silisili ese o le Atua.

O se tasi o auala e faia ai lenei mea o le aumai lea o se fua [o le mamafa] ma ni mea faitino eseese i le vasega.Vala’aulia tagata a’oga e mate le mamafa o mea faitino ta’itasi, ona tuu lea o i latou i luga o le fua.Ona vala’aulia lea o tagata a’oga e faitau le Isaia 40:12, va’ava’ai mo mea na fetalai mai le Atua e na o Ia e mafai ona fuaina.

Po o le aumai o se pakete lapo’a i le vasega ma vala’aulia tagata a’oga e faitau le Isaia 40:15, va’ava’ai pe na fa’apefea ona fa’aaogaina e le Atua le pakete e fa’amatala ai Lona silisili ese.

E fa’apefea e le taumafai ai e malamalama i le silisili ese o le Atua ona fa’amafanafanaina ai i latou sa aveina fa’atagataotaua i Papelonia?
E fa’apefea e lenei malamalama ona fa’amafanafanaina ai i tatou mai o tatou tofotofoga i aso nei?

A o e suesue le Isaia 40–43, fa’aauau pea ona vaavaai mo ni fa’amaoniga o le silisili ese o le Atua ma pe fa’apefea e lenei malamalama ona aumaia ia te oe le fa’amafanafanaga.

Isaia 41:10.Fefa’asinoa’iga e fa’atatau i le fa’ato’ilaloina o le fefe

Ina ia fesoasoani i tagata a’oga ia malamalama i le vala’aulia a le Atua e “Aua le fefe,” vala’aulia i latou e fa’afeso’otai pe fefaasinoa’i i le Mataupu Fa’avae ma Feagaiga 6:36–37 po o le 68:5–6 fa’atasi ma le Isaia 41:10.Pe u’unaia i latou e saili isi mau anoa e ala i le sailia o le fasifuaitau “aua le fefe” i le Potutusi a le Talalelei.

Vala’aulia tagata a’oga e fa’asoa ma se paga pe fa’apefea e se fuaitau po o ni fuaitau ua latou fa’afeso’otaia ona fesoasoani iā i latou e malamalama lelei ai i le vala’aulia a le Atua ia “aua le fefe.”

Ola i le fa’atuatua

Ina ia fa’amalosia upumoni e fa’atatau i le Ali’i atonu na fa’asoa mai e tagata a’oga, ma le aiseā e mafai ai ona tatou fa’atuatua atu ai iā te Ia, mafaufau e matamata le “Ola i le Fa’atuatua, Ae lē o le Fefe,” (1:09) e maua i le Potutusi a le Talalelei.Faamanatu i tagata a’oga e tusifa’amaumau mea sa latou a’oa’oina i a latou api talaaga mo suesuega.

1:9

O se malamalama i Nuu Ese

Afai e fa’asoa mai e tagata a’oga se sāvali o le fa’amafanafanaga mai le Isaia 42:5–7, fa’aalu se taimi e fesoasoani atu ai i le vasega ia malamalama i la tatou matafaioi e fa’asoa atu le sāvali a le Atua i isi.E te ono fa’amatala atu o le upu Nuu Ese e lua ona uiga.O nisi taimi e fa’asino atu i tagata e lē o ni tupuaga Isaraelu.O nisi taimi e fa’asino atu i tagata e lē o iai le talalelei a Iesu Keriso i o latou olaga (taga’i i le Lomifefiloi o le Tusi Paia, “Nuu Ese”).

O le ā se mea e mafai ona tatou faia ia avea ai ma malamalama iā i latou o lo o nopia’i i le pogisa fa’aleagaga?
E ono fa’apefea e nei fuaiupu ona feso’otai atu i le galuega o lo o tatou faia i malumalu?
E fa’apefea ona latou feso’otai atu i le galuega faafaifeautalai?

Na fa’amatala mai e Peresitene Russell M. Nelson:

Uo talavou pele, e taua outou taitoatasi i le Alii.Sa Ia faapolopoloina outou seia oo i le taimi nei e fesoasoani ai e faapotopoto ia Isaraelu.O lau fa’aiuga e auauna atu i se misiona, pe o se misiona tala’i po o se misiona o auaunaga, o le a fa’amanuiaina ai oe ma le toatele o isi.

O faifeautalai uma latou te aoao ma molimau atu e uiga i le Faaola.O le pogisa faaleagaga i le lalolagi ua matua manaomia atili ai le malamalama o Iesu Keriso nai lo se isi lava taimi muamua.E manaomia e tagata taitoatasi uma le avanoa e iloa ai e uiga i le talalelei toefuataiina a Iesu Keriso.(“Talaiina o le Talalelei o le Filemū,” Liahona, Ape. 2022, 7)