Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 44–47: “E Leai Se Atua, Ua Na o A‘u Lava”

“Isaia 44–47: ‘E Leai Se Atua, Ua Na o A‘u Lava,’” Tusi Lesona a le Faia’oga Seminare o le Feagaiga Tuai (2026)

“Isaia 44–47: ‘E Leai Se Atua, Ua Na o A‘u Lava,’” Tusi Lesona a le Faia’oga Seminare o le Feagaiga Tuai

Isaia 40–49: Lesona 120

Isaia 44–47

“E Leai Se Atua, Ua Na o A’u Lava”

O aso uma, tatou te feagai ai ma tosinaga ma e tofotofoina ai lo latou tu’uto atu i le Tamā Fa’alelagi ma Iesu Keriso.I le feagai ai ma fa’aosoosoga talitutusa, o nisi o tagata Isaraelu i taimi o Isaia na liliu ese ma tapuai atu i isi punapogai.I le tali atu, na lapatai atu ai le Alii i le alofa ma le manino i tagata Isaraelu e fa’asaga i le tapuai atu i atua sēsē. O lenei lesona e mafai ona fesoasoani i tagata a’oga e fa’amuamua le Tamā Fa’alelagi ma Iesu Keriso nai lo so’o se tasi lava po o se isi mea i o latou olaga.

Sauniuniga a le tagata a’oga: Vala’aulia tagata a’oga ia mafaufau e uiga i mea ua latou a’oa’oina i le gasologa atoa o la latou suesuega o le Feagaiga Tuai.Ona vala’aulia lea o i latou e mafaufau loloto, “E fa’apefea e mea ua ou a’oa’oina e fa’atatau i le Tamā Fa’alelagi ma Iesu Keriso ona fa’ateleina ai lo’u naunau e fa’amuamua i Laua i lo’u olaga?”

Gaoioiga e Ono Mafai Ona Aoao Ai

Tapua’i i toa

Mafaufau e amatalia le vasega i le fai atu i tagata a’oga o le fesili lenei.

Afai e te suesueina talavou i le tatou pitonuu e uiga i o latou toa, o ai e te manatu o le a latou fa’aaofia ai?

Ona vala’aulia lea o tagata a’oga e fai mea nei i a latou api tala’aga mo suesuega:

Fai se lisi o au toa patino!Tuu se fetū i autafa o toa e foliga e matua tele o latou a’afiaga i lou olaga.

Na fa’asoa mai e Bishop W. Christopher Waddell o le Au Epikopo Pule Fa’amalumalu, le fautuaga lenei e uiga i o tatou toa.

10:8

A o o’u laitiiti, o a’u uluai toa o tagata taaalo.O o’u mua’i manatuaga o le aoina lea o kata o peisipolo e i ai ata ma fuainumera o le au taaalo o le Liki Autu o le Peisipolo.“O le tapuai i toa” a o tamaitiiti e mafai ona manaia ma mama … e pei o tamaiti e fai o latou ofu e pei o o latou toa manumanu mo le Halouini.E ui ina tatou fa’amemelo ma fa’aaloalogia le tele o ali’i ma tamaitai talenia mo o latou tomai ma o latou sao, o le tulaga e fa’amamaluina ai i latou, pe afai e oo lava i se tulaga soona fai, e mafai ona tutusa ma le fanauga a Isaraelu sa tapuai i se povi auro i le toafa o Sinai. …

O le toa—o la tatou toa, i le taimi nei ma taimi uma lava—o Iesu Keriso, ma so’o se mea pe so’o se tasi e fa’alavefauina i tatou mai Ana a’oa’oga, e pei ona maua i tusitusiga paia ma e ala mai i upu a perofeta soifua, e mafai ona lē lelei ai le a’afiaga o lo tatou alualu i luma i le ala o feagaiga.(“Sili Atu Nai Lo o se Toa,” Liahona, Nov. 2023, 90)

O le ā le mea e tulaga ese iā te oe mai le saunoaga a Epikopo Waddell?

Ina ia fesoasoani i tagata a’oga ia iloilo po o fea latou te fa’atulaga ai le Tamā Fa’alelagi ma Iesu Keriso i o latou olaga, e mafai ona e vala’aulia i latou e toe tepa i tua i a latou lisi o toa a o latou manatunatu loloto lē leoa i fesili nei.
Pe iai ni toa i lau lisi o fa’alavefauina oe mai lau tapuaiga o le Tamā Fa’alelagi ma Iesu Keriso?
O iai ni mea e te fiafia iai, gaoioiga, ma ni mea faitino e ono fa’alavefauina oe mai lau tapuaiga o i Laua?

A o sauni tagatai a’oga e suesue le a’oa’oga a Isaia i lenei aso, vala’aulia i latou e fa’alogo mo u’unaiga mai le Agaga Paia e fa’atatau i auala e mafai ai ona latou fa’amuamua le Tamā Fa’alelagi ma Iesu Keriso i o latou olaga.

Leai se isi Atua

Ia fa’amatala atu e faapea, sa tauivi le fanauga a Isaraelu i aso o Isaia e fa’amuamua le Ali’i i o latou olaga.Nai lo o lea, na latou liliu atu ai i atua sēsē e pei o tupua mo se fesoasoani.

Mafaufau e vala’aulia i paga po o vaega toalaiti ia faitau fuaiupu nei ma aotele mai i se fuaiupu se tasi mea ua latou a’oa’oina.

Faitau le Isaia 44:6, 8 ma le 46:9, va’ava’ai mo mea na finagalo le Ali’i ia malamalama i ai le fanauga a Isaraelu e fa’atatau i le taula’iga o la latou tapuaiga.

Vala’aulia ni nai tagata a’oga e fa’asoa mai le aotelega o mea na a’oa’oina e le latou vaega.Afai latou te lē fa’asoaina mai e pei ona masani ai, fesoasoani i tagata aoga e faailoa mai se upumoni e talitutusa ma lenei: E leai se tasi ma e leai se mea i le lalolagi e mafai ona fa’atusalia iā Iesu Keriso.

I le avea ai o se vaega o la outou talanoaga, e te ono fa’asino atu e faapea o le Isaia 44:6 o lo o iai ni fa’alagiga o Iesu Keriso.E mafai ona e vala’aulia tagata a’oga e fa’asoa mai mea o loo a’oa’oina mai e nei fa’alagiga e fa’atatau iā Iesu Keriso.

I totonu o le Isaia 44–46, ua fa’amatalaina mai ai e le Ali’i le tapuaiga a Isaraelu i atua sēsē.Na Ia fa’amanatu i tagata na latou fausia, tapuai, ma tatalo atu i tupua na fausia mai i laau lava e tasi ia sa latou fa’aaoga e fai ai afi ma kuka ai mea’ai.Ma ina ua aveina fa’atagataotaua Isaraelu, sa tauivi a latou manu e toso ta’avale toso ua mamafatū i a latou tupua na fausia e tagata.

Faitau le Isaia 44:14–19 ma le Isaia 46:1–2, va’ava’ai mo le fetalaiga a le Ali’i o tupua i aso anamua ia e mafai ona fa’auiga i mea e tosina ese ai tagata mai le Ali’i i o tatou aso.(Atonu e ono fesoasoani le iloa e faapea e lua tupua sa latou tapuai atu iai sa fa’aigoaina iā Pele ma Nepo.)

O le ā se mea na e mauaina?

Atonu e te tusia le fasifuaitau “Ou te ifo faō ea i le ogala’au?”(Isaia 44:19) i luga o le laupapa.Fai atu i tagata a’oga e fa’asoa mai le uiga o lenei fesili iā latou lava upu.

Ona tapē lea o le fasifuaitau “i le ogala’au” mai le fesili, ae tuu na o le “ou te ifo faō ea?”

Vala’aulia tagata a’oga e o mai i le laupapa ma fa’amae’a le fuaiupu i ni auala e fa’atatau ai i tagata i o tatou aso.
O le ā le mata’utia o le fa’amuamua ai o nei tagata ma mea i luma atu o le Tamā Fa’alelagi ma Iesu Keriso?
Aiseā e mafai ai ona faigata ona fa’amuamua i taimi uma le Tamā Fa’alelagi ma Iesu Keriso i o tatou olaga?

Fa’amuamuaina o Iesu Keriso

Ina ia fesoasoani i tagata a’oga ia fa’amuamua le Fa’aola i o latou olaga, e mafai ona e fa’aali atu se ata o Iesu Keriso, e pei o le ata mai le amataga o le lesona, i le ogatotonu o le laupapa.A o faia e tagata a’oga lenei gaoioiga, e mafai ona latou tusi uiga latou te maua fa’ata’amilo i le ata.

Suesue pe ā ma le lua o mataupu nei.A o e faitau lemū ma le toto’a o fuaiupu, vaava’a’i po o le ā se mea e mafai ona tatou a’oa’o ai e uiga iā Iesu Keriso, lea e aumaia ia i tatou le mautinoa e fa’amuamua o Ia i o tatou olaga.

Isaia 44:1–4
Isaia 44:21–23
Isaia 44:24–25
Isaia 45:20–22
Isaia 46:3–5

Atonu e te fai atu i tagata a’oga e fa’aopoopop atu i le laupapa nisi uiga latou te iloa e fa’atatau iā Iesu Keriso mai o latou a’afiaga pe mai i isi tusitusiga paia.

Ina ia fesoasoani i tagata a’oga e fa’asoa atu o latou manatu e fa’atatau i le mana lē mafa’atusalia o Iesu Keriso, e mafai ona e fai atu fesili nei.
E ono fa’apefea e le malamalama ai i nei upumoni e fa’atatau iā Iesu Keriso ona fesoasoani i se tasi o lo o faigata ona ia fa’amuamua o Ia i o latou olaga?
O ā ni aafiaga na oo ia te oe ua fesoasoani iā te oe e fa’amuamua ai le Tamā Fa’alelagi ma Iesu Keriso i lou olaga?

Fuafua ia fa’amuamua le Tamā Fa’alelagi ma Iesu Keriso

2026 Old Testament Seminary Teacher Materials

O Puna’oa Fa’aopoopo

O ā ni auala e mafai ona fa’amanuia ai a’u e le Atua pe a ou fa’amuamua o Ia i lo’u olaga?

Na a’oa’o mai e Peresitene Russell M. Nelson:

Ou te toe fa’amautū atu se a’oa’oga loloto a Peresitene Ezra Taft Benson: “O ali’i ma tamaita’i o ē ua liliu atu o latou olaga i le Atua, o le a latou iloa e na te Ia mafai ona faia mea sili atu i o latou olaga nai lo mea latou te mafaia.O le a Ia fa’alolotoina lo latou olioli, fa’alautele la latou va’aiga, fa’amalamalama o latou mafaufau, … sii a’e o latou agaga, fa’atele o latou fa’amanuiaga, fa’atupulaia o latou avanoa, fa’amafanafana o latou agaga, fa’atulai uo, ma liligi mai le filemū.

… A o e fa’amuamua le Atua i lou olaga, ou te folafola atu iā te oe le filemū sili atu, lotomautinoa, olioli, ma ioe, le malologa.(“Manumalō i le Lalolagi ma Maua le Malologa,” Liahona, Nov. 2022, 97)

O ā nisi o taunu’uga o le filifilia o atua sēsē nai lo o le Tamā Fa’alelagi ma Iesu Keriso?

Na fa’asoa mai Elder Quentin L. Cook o le Korama a le Au Aposetolo e To’asefululua:

14:35

O le liliuese mai le tapuai atu i le Atua moni ma soifua ae tapuai i atua sese e pei o oa ma le ta’uta’ua ma le punouai ai i amioga lē mama ma lē amiotonu e i’u i le nofo pologa i ona faatinoga taufaasese uma.Ua aofia ai i nei mea le nofo pologa faaleagaga, faaletino, ma faaleatamai ma o nisi taimi e aumaia ai le faafanoga.(“Auega a Ieremia: Nofouta i le Nofopologa,” Liahona, Nov. 2013, 89)

Na a’oa’o mai e Peresitene Russell M. Nelson:

Soo se vaisu—po o ni taaloga, taaloga faitupe, aitalafu, fualaau faasaina, avamalosi, ita, ponokalafi, feusuaiga, po o meaai foi—e faatausuai i le Atua.Aiseā?Ona o lou tu’inanau ua avea ma ou atua.Ua e vaai atu i le tu’inanau nai lo o Ia mo le filemu. (“Mafaufau Fa’alelagi!,” Liahona, Nov. 2023)

Gaoioiga Fa’aopoopo e A’oa’o Ai

Fa’ataitaiga o tulaga fa’ataitai

Ina ia fesoasoani i tagata a’oga ia fa’amuamua le Tamā Fa’alelagi ma Iesu Keriso i o latou olaga, e te ono fa’asoa atu se tasi pe lua o tulaga fa’ataitai nei, po o le fatuina o sa oe lava tulaga faataitai.

E fiafia Ana i teugafou.E na te fa’aalu ona taimi paganoa e suesue ai faiga fou ma galue toeitiiti po uma ma fa’aiuga o vaiaso ia maua le tupe e toe fa’atauina ai nisi teuga.E masani ona ova le lelavā o Ana mo tatalo po o se suesuega o tusitusiga paia, ma o nisi o taimi e na te fa’amisi le sauniga lotu mo le galuega pe moe foi.
E masani ona talanoa atu Jaron e uiga i talitonuga eseese faalelotu i sana uo e na te fa’atauaina ona manatu.O nisi taimi, e lē ioe lana uo i a’oa’oga a perofeta ma aposetolo a le Atua.Ua amata manatunatu Jaron po o ā a’oa’oga fa’aperofeta e tatau ona ia taliaina ma mulimuli ai.

E mafai ona talanoaina e tagata a’oga fesili o lo o i lalo i ni vaega toalaiti ae le’i fa’asoa mai o latou manatu i le vasega.

O le ā se mea ua ono faigata ai i lenei tagata ona fa’amuamua le Tamā Fa’alelagi ma Iesu Keriso i o latou olaga?
O le ā se la’asaga ono lelei muamua e savalia e lenei tagata ia fa’amuamua ai le Tamā Fa’alelagi ma Iesu Keriso i lona olaga?

O se isi tulaga fa’ataitai

Nai lo o le filifiliga o “fa’ataitaiga o tulaga fa’ataitai” o loo i luga, e te ono fa’asoa atu le tala lenei i tagata a’oga. E mafai ona e vala’aulia i latou e galulue i vaega toalaiti ma talanoa lu’itau talitutusa o lo o latou feagai ma talanoaina ni fofo se tele e latou te ono mafaufauina.

O Dale o se foma’i e masani ona faigaluega i Aso Sā, o se vaega o lana galuega.O le ā se mea e te manatu e mafai ona ia fa’atino ia foia ai nisi o lu’itau o lo o feagai ma ia i le fa’amuamuaina lea o le Tamā Fa’alelagi ma Iesu Keriso i lona olaga?

Ona fa’aali lea o le vitiō lenei o Elder Dale G. Renlund mai le faailo taimi 0:44 i le 02:43.

3:1

O le ā se mea ua e a’oa’oina mai i le mea na tupu iā Elder Renlund, e ono mafai ona fesoasoani iā te oe e fa’amuamua ai le Tamā Fa’alelagi ma Iesu Keriso i lou olaga?

Aiseā ua lē [faia ai] i le taimi nei?

Ina ia fesoasoani i tagata a’oga ia lagona le taua o le filifili e fa’amuamua le Tamā Fa’alelagi ma Iesu Keriso i o latou olaga i aso nei, vala’aulia i latou e suesue le Isaia 45:23.E ono mafai e tagata a’oga ona va’ava’ai pe na fa’apefea ona fetalai mai le Ali’i o le a i’u ina tali atu tagata uma iā te Ia.Ona fa’asoa atu lea o le manatu lenei mai iā Elder Neal A. Maxwell (1926–2004), o le Korama a le Au Aposetolo e To’asefululua:

… Afai e te lagona e iai se aso o le a to’otutuli ai tulivae uma, ma o le a ta’uta’u atu e laulaufaiva uma o Iesu Keriso o le Ali’i, aiseā e lē faia ai fa’apena i le taimi nei?(“Why Not Now?,” Ensign, Nov. 1974, 13)

E faape’ī le faafoliga o le to’otuli ma ta’uta’u atu o Iesu Keriso o le Ali’i i o tatou olaga i aso nei?
Aiseā atonu e taua ai le fa’amuamua o le Tamā Fa’alelagi ma Iesu Keriso i o tatou olaga i le taimi nei nai lo o le fa’atuai?