“Isaia 53: O Iesu Keriso ‘ua na tauave o tatou tigā, ma na tauave o tatou fa’anoanoa,’” Tusi Lesona a le Faia’oga Seminare o le Feagaiga Tuai (2026)
“Isaia 53: Iesu Keriso ‘ua na tauave o tatou tigā, ma na tauave o tatou fa’anoanoa,’” Tusi Lesona a le Faia’oga Seminare o le Feagaiga Tuai
Isaia 50–57: Lesona 124
Isaia 53
O Iesu Keriso “ua na tauave o tatou tigā, ma na tauave o tatou faanoanoa”
O o tatou faigata fa’aletino e ono mafua ai ona tatou taumanatu pe iai se tasi e malamalama i mea o lo’o a’afia ai i tatou ma pe iai se tasi e mafai ona fesoasoani iā i tatou.E ala mai i Lana taulaga togiola, na lagonaina e Iesu Keriso mea uma tatou te ono oo iai i le olaga nei.Talu ai o Lana Togiola, e mafai ai e Iesu Keriso ona fesoasoani iā i tatou i o tatou mafatiaga.O lenei lesona e mafai ona fesoasoani i tagata a’oga ia lagona le loto fa’afetai mo mea na faia e le Fa’aola mo i latou e ala i Lana Togiola.
Sauniuniga a le tagata a’oga: Vala’aulia tagata a’oga e galulue i le taulotoina o le mau fa’asino o le atamai i a’oa’oga fa’avae Isaia 53:3–5 ma le fasi fuaitau o le mau autū “E moni [o Iesu Keriso] ua ia tauave o tatou tigā, ma tauave o tatou fa’anoanoaga.”
Gaoioiga e Ono Mafai Ona Aoaoina Ai
A’afiaga o le olaga
Ina ia fesoasoani i tagata a’oga e mafaufau i mea na oo iā Iesu Keriso o se vaega o Lana Togiola mo i latou, mafaufau e tusi le, “E leai se tasi na te iloa pe fa’apeī.E leai se tasi e malamalama,” i luga o le laupapa.
-
O ā ni mea e a’afia ai tagata e ono mafua ai ona latou mafaufau fa’apea?
Mafaufau e tusi tali a tagata a’oga i luga o le laupapa.Tuu atu se taimi mo ni nai tagata a’oga e fa’asoa mai.
Ona faaali atu lea o le u’unaiga ma fesili nei:
Mafaufau loloto i au tali i fesili nei:
-
O ā ni aafiaga na oo ia te a’u pe atonu e oo ia te a’u e ono mafua ai ona ou manatu fa’apea?
-
O le ā le mea ou te faia pe a oo mai nei lagona iā te a’u?Aiseā?
Faamalosiau i tagata a’oga e vala’aulia le Agaga Paia i a latou suesuega ao latou a’oa’o e fa’atatau i mea na tutupu i le Fa’aola ma pe fa’apefea ona Ia fesoasoani iā i latou.
O Le Togiola a le Fa’aola
E ala mai i Lana Togiola, e silafia atoatoa ma malamalama Iesu Keriso i mea e tutupu i o tatou olaga.I le Isaia 53, na a’oa’o mai e le perofeta o Isaia e uiga i le taulaga togiola a Iesu Keriso.
O leIsaia 53:3–5 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga ia fuaitau o le atamai i a’oa’oga fa’avae i se auala e iloga ina ia mafai ona latou mauaina gofie.
E mafai ona maua e tagata a’oga le mafanafana ma fa’aloloto lo latou sootaga ma le Tamā Fa’alelagi ma Iesu Keriso, e ala i suesuega patino o le Isaia 53.O le gaoioiga o mulimuli mai, o se tasi ia o auala e mafai ai e tagata a’oga ona suesue le Isaia 53.
Faitau le Isaia 53:1–12 ma le Alema 7:11–13, va’ava’ai mo:
-
Mea na tutupu i le Fa’aola o se vaega o Lana Togiola, ma
-
Mea e mafai ona faia e le Fa’aola mo a’u ona o Lana Togiola.
Atonu e te mana’o e fatu ni koluma se lua i se laupepa avanoa o lau api tala’aga o suesuega e fa’amau ai mea e te maua.
|
O mea sa tutupu i le Fa’aola. |
O mea e mafai ona faia e le Fa’aola mo a’u |
O nisi o upu ma fasifuaitau i le Isaia 53 e ono faigata ona malamalama i ai tagata a’oga.Afai o lea, atonu e te mana’o e fa’aali atu le pepa e tufa atu lea ua tuuina atu faatasi ua fa’aulutalaina “Malamalama i le Isaia 53” po o le tu’u atu foi i tagata a’oga e fa’asino iai a o latou suesue.O se isi auala, e te ono vala’aulia tagata a’oga e fa’aaoga vaefaamatalaga po o se lomifefiloi e fa’amanino ai upu po o fasi fuaitau e lē masani ai.
A o suesue e tagata a’oga le Alema 7:12, e ono fesoasoani mo i latou le iloa o le fesoasoani e mafai ona fa’amatala ai le auala o lo o tausia ai i tatou e le Fa’aola.“O le fesoasoani o lona uiga o le ‘tamo’e atu’” (Jeffrey R. Holland, “He Hath Filled the Hungry with Good Things,” Ensign, Nov. 1997, 66).
A mae’a ona tu’uina atu i tagata a’oga se taimi talafeagai e suesue ai, ona fa’avasega lea o i latou i vaega toalaiti.Vala’aulia i latou e talanoaina ma aotele mea na latou a’oa’oina mai i a latou suesuega.E mafai e ni nai vaega ona fa’asoa mai i le vasega a latou aotelega.E mafai e tagata a’oga ona fa’ailoa mai upumoni e pei o le:
-
O se vaega o Lana Togiola, na tauave ai e Iesu Keriso i Ona luga o tatou fa’anoanoa, tigā, ma’i, mafatiaga, ma fa’anoanoaga, ma puapuagatia mo a tatou agasala.
-
E ala mai iā Iesu Keriso ma Lana Togiola, ua mafai ai ona fa’amagaloina ma fa’amalōlōina i tatou.
O le Togiola a le Fa’aola e mō a’u
Toe faitau le leoa le Isaia 53:3–6 iā te oe lava, ae i le taimi lenei, sui tulaga lou igoa i le, o a’u, po o le lo’u mo upu tatou, matou, ma le tatou.
-
O le ā se mea ua e a’oa’oina ma o le ā se mea ua e maitauina e te le’i iloaina i le taimi muamua e ala i le fa’apatinoina o nei fuaiupu?
Afai e aoga mo tagata a’oga suesuega fa’aopoopo e fa’atatau i le ala na aafia patino ai le Fa’aola i o tatou mafatiaga o se vaega o Lana Togiola, e mafai foi ona tuu atu i tagata a’oga e suesue le fa’amatalaga lenei mai iā Elder Bednar.Mafaufau e fa’aali atu le fa’amatalaga mai iā Elder Bednar, ma vala’aulia tagata a’oga e vaavaai mo upu po o fasifuaitau mai lea fa’amatalaga, e fesoasoani ai iā i latou ia malamalama i le Fa’aola ma Lana Togiola.
Na a’oa’o mai Elder David A. Bednar o le Korama a Aposetolo e To’asefululua, e uiga i le loloto patino o le taulaga a le Fa’aola:
E leai se tiga faaletino, leai se manu’a faaleagaga, leai se tiga o le agaga po o le loto nutimomoia, leai se faaletonu po o se vaivaiga na faafetaia’ia oe po o a’u foi i le olaga faaletino e lei muamua oo i ai le Faaola.I se taimi o le vaivai tatou te ono tagi atu ai, “E leai se tasi na te iloaina pe faape’ī.E leai se tasi e malamalama i ai.”Ae ua silafia ma malamalama atoa i ai le Alo o le Atua, aua sa Ia lagonaina ma tauave a tatou avega taitoatasi.Ma ona o Lana taulaga lē i’u ma fa’avavau (taga’i i le Alema 34:14 ua ia te Ia le tigā-alofa atoatoa ma e mafai ona Ia fa’aloaloa mai Lona a’ao o le alofa mutimutivale iā i tatou.E mafai ona ia a’apa mai, pa’i mai, fesoasoani, fa’amalolo, ma fa’amalosia i tatou ina ia matua sili atu lava nai lo le mea e mafai ona tatou faia, ma fesoasoani ai iā i tatou e faia le mea e lē mafaia lava ona tatou faia o le fa’alagolago ai tau lava i lo tatou lava malosi.(“Tauave ma le Faigofie a Latou Avega,” Liahona, Mē 2014, 90)
-
O le ā se mea e te ono fai atu i se tasi o lagona e leai se isi e malamalama i mea o lo o tutupu iā i latou?Taumafai e fa’aaoga upu ma fasifuaitau mai i le Isaia 53, Alema 7:11–13, ma le fa’amatalaga mai ia Elder Bednar.
Tomanatu ai i le Togiola a le Fa’aola
O fesili nei e mafai ona fesoasoani i tagata a’oga e toe manatunatu ai i lo latou loto fa’afetai mo le Togiola a le Fa’aola.Fesoasoani i tagata a’oga e tali atu i fesili e ala i le tu’u atu o ni nai minute iā i latou e mafaufau loloto ai ma tusi a latou tali.
O le tu’uina atu o le taimi i tagata a’oga e mafaufau loloto ai, e mafai ona fesoasoani iā i latou e toe manatunatu ai i la latou sootaga ma Iesu Keriso.Mafaufau e ta ni musika mālū ma le paia a o mafaufau loloto tagata a’oga pe o tusi o latou manatu.
E ala i le fa’aaogaina o mea ua e a’oa’oina i lenei aso e uiga i le Fa’aola ma Lana Togiola, e fa’apefea ona e tali atu i fesili nei:
-
Aiseā ua avea ai Iesu Keriso ma tagata e sili ona liliu atu iai pe a e lagona le fa’anoanoa, loto momomo po o le tigā?
-
Na fa’apefea e oe po o se tasi e te iloa ona lagona le faamafanafanaga a le Fa’aola ao oo ia te oe le fa’anoanoa, loto momomo po o le tigā?
Vala’aulia tagata a’oga e fa’asoa mai mea sa latou mafaufau loloto i ai.A o latou fa’asoa mai o latou a’afiaga, ia magafagafa ma fa’amalosiau.
O le fa’alogo atu i a’afiaga o le isi e ono saunia ai tagata a’oga e fa’asoa mai o latou foi a’afiaga.Mafaufau e fa’asoa se a’afiaga patino po o le matamata i le “O lHe Will Give You Help” (4:43), e maua i le ChurchofJesusChrist.org.O lenei vitiō ua fa’aali mai ai le auala na maua ai e se ali’i talavou le fesoasoani i le fa’ato’ilaloina o le fa’anoanoa e ala iā Iesu Keriso ma Lana Togiola.
Ia fa’afetai atu i tagata a’oga mo le fa’asoaina mai o o latou manatu ma lagona.E mafai foi ona e fa’asoa atu ou manatu ma lagona e fa’atatau i le Togiola a Iesu Keriso.
Tauloto
Atonu e te mana’o e fesoasoani i tagata a’oga e tauloto le mau fa’asino o le atamai i a’oa’oga fa’avae ma le fasifuaitau autū o le mau i le taimi o lenei lesona, ma iloilo i latou i lesona i le lumana’i.O le fasifuaitau autū mo le Isaia 53:3–5 o le “E moni, ua tauave [e Iesu Keriso] o tatou tigā, ma tauave o tatou fa’anoanoaga.”O manatu mo gaoioiga o le taulotoina o lo o iai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”