Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

2 Tupu 17; 24–25: O Le Faataapeapeina o Isaraelu

“2 Tupu 17; 24–25: O Le Faataapeapeina o Isaraelu,” Tusi Lesona a le Faiaoga Seminare o le Feagaiga Tuai (2026)

“2 Tupu 17; 24–25: O Le Faataapeapeina o Isaraelu,” Tusi Lesona a le Faiaoga Seminare o le Feagaiga Tuai

2 Tupu 16–25: Lesona 88

2 Tupu 17; 24–25

O Le Faataapeapeina o Isaraelu

A group of youth reading scriptures together in Florida.

E masani ona talanoa perofeta ma isi e uiga i le faapotopotoina o Isaraelu.Ina ia malamalama i le faapotopotoina, e mafai ona fesoasoani e malamalama ai i le māfuaaga na faataapeapeina ai Isaraelu i le taimi muamua.E mafai ona fesoasoani lenei lesona i tagata aoga e faaaoga ai le faataapeapeina o Isaraelu e faailoa ai uiga o le Tama Faalelagi ma Iesu Keriso.

Sauniuniga a le tagata aoga: Valaaulia tagata aoga e faitau Mafaufauga e Manatua: “O Le a Fai atu Iesu ia Isaraelu Uma, ’O Mai i le Aiga’” mai le O Mai, Mulimuli Mai ia te Au—Mo Le Aiga ma le Ekalesia: Feagaiga Tuai 2026.Fai atu ia i latou e o mai saunia e faasoa mai ni manatu po o ni fesili e uiga i le faataapeapeina o Isaraelu.

Gaoioiga e Ono Mafai Aoao Ai

O Le Faataapeapeina o Isaraelu

A o lei faia le vasega, atonu e te manao e faaigoa vaega eseese i le potuaoga o Malo i Matu (Isaraelu), Malo i Saute (Iuta), Asuria, Atu Amerika, ma Papelonia/ Peresia.

E faapefea ma o afea e ono avea ai le aoaiina o se tamaitiiti o se faailoga o le alofa mai o latou matua?

Faitau Mataupu Faavae ma Feagaiga 95:1, vaavaai mo lagona o le Tama Faalelagi ma Iesu Keriso e uiga i tagata e manaomia ona la faasa’oina pe aoaiina.

E tele taimi i le Feagaiga Tuai, na fouvale ai Isaraelu i le Tama Faalelagi ma Iesu Keriso ma manaomia ai se faasa’oga.O le i’uga o lenei mea, na ta’ua ai o le faataapeapeina o Isaraelu.A o e suesue i le faataapeapeina o Isaraelu, vaavaai mo le auala na faaalia ai e le Tama Faalelagi ma Iesu Keriso lo la‘ua alofa.

Malo i Matu o Isaraelu

Pe tusa o le 975 T.L.M., ina ua maliu Solomona, na avea ai lona atalii o Reopoamo ma tupu.Na faamamafa e Reopoamo avega tetele i tagata.Na fouvale ituaiga e sefulu e faasaga ia Reopoamo ma mulimuli atu ia Ierepoamo (tagai 1 Tupu 12:6–11, 19–20).O lenei vavaeeseina na fatuina ai Malo i Matu ma Saute.

Faitau 2 Tupu 17:7–18, 22–23, vaavaai mo le mea na tupu i le Malo i Matu o Isaraelu.

O le a le mea na tupu ia i latou ma aisea na tupu ai?

Faamalamalama atu ina ua faatoilaloina e Asuria le Malo i Matu o Isaraelu ma toe ave le toatele o tagata Isaraelu i Asuria, o le amataga lea o le faataapeapeina o Isaraelu.Fai atu i le toatele o tagata aoga o loo tutu latalata i le Malo i Matu (Isaraelu) e agai atu i le vaega o le potu ua faaigoaina Asuria.Faailoa atu e masani ona tatou ta’ua nei ituaiga o Isaraelu ua leiloa.E mafai ona e tuuina atu i tagata aoga na o atu i Asuria o se igoa e faapea mai Ituaiga ua Leiloloa.E mafai ona e tuuina atu i tagata aoga o e tumau i Isaraelu o se igoa e faapea mai Samaria.Atonu e te manao e faamatala atu o tagata Samaria e i ai itu Isaraelu ma ituo Nuuese (tagai i le Taiala i Tusitusiga Paia, “Samaria,” Potutusi o le Talalelei).
E faapefea ona e aoteleina le mafuaaga na faataapeapeina ai Isaraelu?

E mafai ona faailoa mai e tagata aoga se upumoni e pei o le: Ona sa teena e Isaraelu perofeta ma solia la latou feagaiga ma le Alii, o lea na Ia faataapeapeina ai i latou i totonu o atunuu.

Malo i Saute o Iuta

O ā ni mea ua e a’oa’oina e faatatau i le Malo i Saute o Iuta, e aofia ai tupu na nofotupu i inā?

Valaaulia ia tagata aoga e faasoa soo se upu moni sa latou mauaina.Mo se faata‘ita‘iga, atonu latou te ta‘ua le tupu o Esekia po o le tupu o Iosia.Afai latou te faia, e mafai ona e fatuina se faailoga mo tupu taitasi ma fai atu i tagata aoga e sii i luga.Uunaia tagata aoga e faasoa mai pe na faapefea ona faamanuiaina e le Alii nei tupu ma tagata mo lo latou faatuatua ia te Ia.Na nofotupu nei tupu amiotonu uma e lua ina ua uma ona faato’ilaloina e Asuria le Malo o Isaraelu.

E mafai foi e tagata aoga ona ta’ua Liae ma lona aiga.Afai o lea, valaaulia i latou e faasoa mai mea ua latou iloaina.Afai latou te le faia, e mafai ona e fai atu ia i latou e fai mea nei.E mafai ona e fatuina se faailoga mo Liae ma lona aiga mo ni nai tagata aoga e u‘u.

Faitau 1 Nifae 1:4, vaavaai po o ai isi na nonofo i le Malo o Iuta.

Faitau 1 Nifae 2:1–4; 18:22–23, vaavaai mo le mea na tupu i lenei aiga.

O a faamanuiaga mai le Tama Faalelagi ua tatou mauaina ona sa taitai ese Liae ma lona aiga e le Alii mai Ierusalema o se vaega o le faataapeapeina?

Fai atu i tagata aoga o loo uuina le faailoga Liae ma lona aiga e o ese mai le Malo o Iuta i le vaega o le vasega ua faaigoaina Le Atu Amerika.

Faitau 2 Nofoaiga a Tupu 36:17–20, vaavaai mo mea na faia e Nepukanesa, le tupu o Papelonia, i tagata o Ierusalema ina ua faatoa mavae le malaga ese atu o Liae ma lona aiga.

Fesili i tagata aoga o totoe i le Malo o Iuta e o atu i le vaega o le potuaoga e faatusa ia Papelonia/Peresia.Pe tusa o le va o le 605 ma le 587 T.L.M., na aveina atu ai e Papelonia le toatele o tagata Iutaia i Papelonia ma siomia ma iu ai ina faatafunaina Ierusalema (tagai 2 Tupu 24:8–16; 25:1–12, 21; Ieremia 52).

Atonu e te manao e fai atu i tagata aoga e ta’u mai ni nai tagata na iu i Papelonia.Afai latou te manaomia se fesoasoani, e mafai ona e tuuina atu ni nai igoa i tagata aoga e pei o Tanielu, Sataraka, Mesako, Apete-neko (tagai Tanielu 1:1–7), ma Esekielu (tagai i le Taiala i Tusitusiga Paia, “Esekielu,” Potutusi o le Talalelei).

Faitau le aotelega lenei.Faamalamalama atu o nisi o tagata Iutaia sa nonofo pea i Peresia (tagai Eseta 2:5–7).Fai atu i tagata aoga o i Papelonia/Peresia e toefoi atu i le vaega o le potuaoga e faatusa i le Malo o Iuta.E mafai ona e fatuina ni igoa mo Esera ma Neemia mo ni tamaiti aoga se toalua e ave e siitia atu i Malo o Iuta.O le a aoao atili tagata aoga e uiga ia Esera ma Neemia i se taimi mulimuli mai.

I le taimi o le tupu o Kuresa, na faato’ilaloina ai e Peresia ia Papelonia.Pe tusa o le 537 T.L.M., na musuia ai e le Alii le Tupu o Kuresa o Peresia e faataga tagata Iutaia e toe foi atu i Ierusalema ma toe fausia le malumalu (tagai 2 Nofoaiga a Tupu 36:22–23; Ieremia 29:10–14; Esera 1:1–3).I tausaga na sosoo ai, na toe foi atu ai Esera, Neemia, ma isi i Ierusalema e fesoasoani e toe fausia le aai ma faamaea le malumalu (tagai Esera 7:6–8; Neemia 2:1–11).

E le leiloa lava fanau a le Tama Faalelagi ia te Ia

Atonu e te manao e faasino atu o le tele o nei vaega sa le iloa le mea na tupu i isi vaega.Mai la latou vaaiga, na leiloloa isi vaega.

Read 3 Nifae 17:4, vaavaai mo mea na faasoa atu e le Faaola i sa Nifaē i le taimi o Lana galuega i totonu o i latou.

O le a se mea o tulaga ese mai ia te oe i lenei fuaiupu?

Atonu e te faailoa atu e ui lava ina sa faataapeapeina Isaraelu, ae sa faaaoga e le Alii le faataapeapeina o Ona tagata o le feagaiga e faamanuia ai atunuu sa faataapeapeina ai i latou (tagai “O le faataapeapeina o Isaraelu” i lalo o le Taiala i Tusitusiga Paia, “Isaraelu,” Potutusi o le Talalelei).Atonu e te manao e faasino atu o le “agalelei” i le Isaia 54:8 o se faaliliuga o le hesed.Mo nisi faamatalaga e uiga i le taua o le hesed tagai i le tusiga a Peresitene Nelson “Feagaiga Faavavau,” Liahona, Oke. 2022, 5–6.

Faitau Teuteronome 4:27–31 ma Isaia 54:7–10, vaavaai mo mea na folafola mai e le Alii e fai mo Isaraelu ua faataapeapeina.

O a uiga ua e vaaia i le Tama Faalelagi ma Iesu Keriso a o e aoao e uiga i le faataapeapeina o Isaraelu?

Mafaufau e faasoa atu lau molimau i le alofa o le Tama Faalelagi mo Ana fanau uma ma Lana folafolaga e faapotopoto mai Isaraelu ua faataapeapeina.

O Punaoa Faaopoopo

Aisea e taua ai le faataapeapeina o Isaraelu i o tatou taimi?

Na faamalamalama mai e Elder Quentin L. Cook o le Korama a Aposetolo e Toasefululua:

14:35

O le faatagataotauaina o tagata Iutaia ma le faataapeapeina o ituaiga o Isaraelu, e aofia ai ituaiga e sefulu, o ni upumoni faaleaoaoga faavae taua i totonu o le Toefuataiga o le talalelei.O ituaiga e sefulu ua leiloloa o vaega ia o le Malo i Matu o Isaraelu ma sa ave faatagaotauaina i Asuria i le 721 T.L.M.Sa latou o atu i atunuu i matu.O loo ta’ua i la tatou mataupu faavae lona sefulu o le faatuatua, “Matou te talitonu i le faapotopotoina moni o Isaraelu ma le toefuataiga o Ituaiga e Sefulu” [Mataupu Faavae o le Faatuatua 1:10].Matou te talitonu foi o se vaega o le feagaiga na osia e le Alii ma Aperaamo, e le gata o le a faamanuiaina le gafa o Aperaamo ae o le a faamanuiaina foi tagata uma o le lalolagi.E pei ona saunoa Elder Russell M. Nelson, o le faapotopotoina “e le o se mataupu o nofoaga faitino ‘o se mataupu o tautinoga faaletagata lava ia. E mafai ona ’aumai tagata i le malamalama o le Alii’ [3 Nifae 20:13] e aunoa ma le tuua o o latou atunuu” [Russell M. Nelson, “O Le Tusi a Mamona ma le Faapotopotoga o Isaraelu” (lauga na tuuina atu i le semina mo peresitene fou o misiona, Iuni 26, 2013)].

Ua manino lava le tatou aoaoga faavae: “Na faataapeapeina ma faapuapuagatia e le Alii ituaiga e sefululua o Isaraelu ona o lo latou amioleaga ma le fouvale.Peitai, sa [faaaogaina] foi e le Alii lenei faataapeapeina o ona tagata filifilia i totonu o atunuu o le lalolagi e faamanuia ai na atunuu” [Taiala i Tusitusiga Paia, “Isaraelu”; scriptures.lds.org].(“Auega a Ieremia: Faaeteete i le Nofopologa,” Liahona, Nov. 2013, 89)

Na faapefea ona faaaoga e le Alii ia Isaraelu ua faataapeapeina e faamanuia ai le lalolagi?

Na aoao mai Elder Shayne M. Bowen o le Fitugafulu:

Ua faamanuiaina i tatou e ala i le faataapeapeina o Isaraelu i totonu o atunuu uma lea na sausauina ai le toto o Isaraelu i totonu o atunuu, ma ua faapea ona taumamafa ai atunuu i le mea faafefete o le amiotonu, i le tulaga o lo latou salamo, ma ua i ai le aia tatau mo folafolaga na faia i le fanauga a Aperaamo.(“Fafo mai le Vao ae Ulu atu i le Malamalama” [Faigalotu a le Iunivesite o Polika Iaga–Idaho, Mati 1, 2011], byui.edu)

Na faamalamalama mai e Elder James E. Talmage (1862–1933) o le Korama a Aposetolo e Toasefululua:

Ua matuā faataapeapeina tagata Isaraelu i atunuu, ma ua tuuina atu ai i lenei nuu ua faataapeapeina se nofoaga tāua e avea o se vaega o le faatupula’ia ma le atiina a’e o le toetoe lava o vaega tetele uma o le aiga o tagata.O lenei galuega o le faataapeapeina sa faataunuuina i le tele o laasaga, ma faasosoo atu i le faitau afe o tausaga.Sa muai vaai i ai perofeta anamua; ma o taitai faaleagaga o augatupulaga uma a o lei oo i le taimi lava na sosoo ai ma le augatausaga faa-Mesia na valoia le faataapeapeina o tagata, o se taunuuga valoia o lo latou amioleaga faateleina.(Mataupu Faavae o le Faatuatua, lomiga lona 12 [1924], 316)

Na faapefea ona avea le faataapeapeina o Isaraelu ma aoaiga talafeagai a se Atua alofa?

Na faamalamalama mai e Elder James E. Talmage (1862–1933) o le Korama a Aposetolo e Toasefululua:

O mafatiaga o Isaraelu sa na o se aoaiga e tatau ai e se Tama faanoanoa ae alofa, o le na fuafuaina e ala i nei auala aoga e faamama ai Ana fanau ua pisipisia i agasala. …

E ui ina taia e tagata, ae o le toatele o i latou ua o ese mai se malamalamaaga o le lalolagi, ae e le o leiloloa Isaraelu i lo latou Atua.Na te silafia le mea na taitaiina atu i ai pe tutulieseina ai i latou; agai atu ia i latou o loo moomoo pea Lona loto i le alofa faatama; ma e mautinoa lava o le a Ia aumaia i latou, i le taimi e tatau ai ma ala atofaina, i se tulaga o le faamanuiaina ma le faatosinaga e tatau ai i Lona nuu o le feagaiga.E ui lava i a latou agasala ma e ui lava i puapuaga na latou aumaia i o latou lava luga, ae na fetalai mai le Alii: “Ae o i latou uma lava, pe a latou i ai i le laueleele o o latou fili, o le a Ou le tuliesea i latou, pe Ou te inosia foi i latou, pe faaumatia atoa i latou, ma soli la’u feagaiga ma i latou: O A’u o le Alii lo latou Atua.”E ui ina atoatoa e pei ona sa i ai le faataapeapeina, o le a faapea foi le faapotopotoina o Isaraelu.(Le Mataupu Faavae o le Faatuatua, lomiga lona 12. [1924], 328–29)

Gaoioiga Faaopoopo e Aoao Ai

Anomea faaopoopo mo le gaoioiga o le faataapeapeina

O loo faaalia i le ata lenei se faataitaiga o le auala e mafai ona e faatulagaina ai igoa i totonu o le potuaoga:

E mafai ona e matamata i le vitio “Faapotopotoga Saogalemu i le Aiga” (14:48) mai le faailo taimi 5:37 i le 6:26.I le vitio na faamalamalama mai ai e Elder Quentin L. Cook o le Korama a Aposetolo e Toasefululua le faataapeapeina o Isaraelu.

14:48

O le au sā Molekā.

I le taimi o le gaoioiga o le faataapeapeina, e mafai ona e ta’ua sa Moleka i le Tusi a Mamona.Faamalamalama atu o le Tupu o Setekaia o le tupu mulimuli lea o Iuta a o lei ave faatagataotauaina i latou e Papelonia.2 Tupu 25:7 fai mai na fasiotia ona atalii.Ae peitai, e ala mai i le Tusi a Mamona ua tatou iloa ai na sola ese se tasi o atalii o Setekaia, o Moleka.Na faasino atu e le Alii ia Moleka i le Atu Amerika (tagai Ominae 1:15–16; Helamana 6:10; 8:21).Fai atu i nisi o tagata aoga e o ese mai le Malo i Saute (Iuta) i le vaega o le vasega e faatusa i le Atu Amerika.

Aua nei galo le feagaiga

A o talanoaina e tagata aoga le auala na faataapeapeina ai Isaraelu ona o le solia o la latou feagaiga ma le Atua, mafaufau e faitau 2 Tupu 17:38–40.Valaaulia tagata aoga e vaavaai mo le lapataiga a le Alii.Talanoaina auala e ono galo ai i tagata taitoatasi i aso nei a latou feagaiga ma le Atua.Fai atu i tagata aoga e faasoa mai mea e mafai ona tatou faia e manatua ai pea a tatou feagaiga ma le Atua.A o faasoa mai e tagata aoga ni auala e manatua ai a latou feagaiga, atonu e te manao e faasino atu i tatalo o le faamanatuga (tagai Mataupu Faavae ma Feagaiga 20:77, 79).