Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faataitaiga o le Atamai FaaleAoaoga Faavae 6: Malamalama i Fuaitau o le Atamai FaaleAoaoga Faavae ma Faaaoga Mataupu Faavae o le Mauaina o le Malamalama Faaleagaga

“Faataitaiga o le Atamai FaaleAoaoga Faavae 6: Malamalama i Fuaitau o lel Atamai FaaleAoaoga Faavae ma Faaaoga Mataupu Faavae o le Mauaina o le Malamalama Faaleagaga,” Tusi Lesona a le Faiaoga Seminare o le Feagaiga Tuai (2026)

“Faataitaiga o le Atamai FaaleAoaoga Faavae 6: Malamalama i Fuaitau o le Atamai FaaleAoaoga Faavae ma Faaaoga Mataupu Faavae o le Mauaina o le Malamalama Faaleagaga” Tusi Lesona a le Faiaoga Seminare o le Feagaiga Tuai

2 Tupu 16–25: Lesona 89

Faataitaiga o le Atamai FaaleAoaoga Faavae 6

Malamalama i Fuaitau o Mau Tauloto o Aoaoga Faavae ma Faaaoga Mataupu Faavae o le Mauaina o le Malamalama Faaleagaga

O le atamai i aoaoga faavae e mafai ona fesoasoani i tagata aoga e fausia lo latou faavae i luga o Iesu Keriso ma Lana talalelei.O lenei lesona e mafai ona fesoasoani i tagata aoga ia malamalama i upumoni ua aoaoina i fuaitau o le atamai i aoaoga faavae ma faaaoga mataupu faavae paia mo le mauaina o le malamalama faaleagaga.

Sauniuniga a le tagata aoga: Mafaufau e valaaulia tagata aoga e filifili se fuaitau o le atamai i aoaoga faavae latou te fia malamalama atili i ai.Uunaia i latou e suesue i vaefaamatalaga pe faaaoga se lomifefiloi e sue ai upu o loo i le fuaitau.O le polokalama o le Taulotoina o Aoaoga Faavae e mafai ona avea ma se punaoa aoga.E mafai e tagata aoga ona maua se lisi o fuaitau o le atamai i aoaoga faavae i le Pepa o Faamatalaga Autu o le Atamai i Aoaoga Faavae (2022).

Gaoioiga e Ono Mafai Ona Aoao Ai

Iloiloga o le Atamai i Aoaoga Faavae: Malamalama

E mafai ona e amataina le vasega i le talanoaina o mea e fai e tagata aoga pe a latou le malamalama i fuaitau o mau.

Pe na e faitauina se mau ma le mautonu ai i lona uiga—atonu e tusa lava pe ua uma ona faitauina e sili atu ma le faatasi?
E faapefea ona e tali atu pe a tupu lenei mea ia te oe?
Aisea e te manatu ai e fiafia le Tama Faalelagi ma Iesu Keriso pe a tatou taumafai ia malamalama i tusitusiga paia?

Fesoasoani i tagata aoga ia iloa o se mea masani le le malamalama i mea uma o loo i totonu o tusitusiga paia.Faamalamalama atu faapea, i le aluga o taimi ma le faataitai e faaaoga ai tomai e suesue ai tusitusiga paia, o le a faateleina ai lo tatou tomai e malamalama ai i tusitusiga paia.

Faaali atu se lisi o fuaitau o le atamai faaleaoaoga faavae na suesueina e tagata aoga i le taimi o le Feagaiga Tuai.Valaaulia tagata aoga e filifili se fuaitau o le atamai faaleaoaoga faavae latou te fia malamalama atili i ai.Ona fai atu lea i tagata aoga e faamaea se tasi o gaoioiga nei.

Gaoioiga A: Mau Fefaasinoai

Saili isi mau e ono faateleina ai lou malamalama i le fuaitau o le atamai faaleaoaoga faavae.Atonu e te faaaogaina vaefaamatalaga o le fuaitau.E mafai foi ona e faailoa mai se aoaoga faavae o loo aoaoina i le fuaitau ma faaaoga le Taiala i Tusitusiga Paia po o le Taiala o Autu e sue ai mau o loo aoao atili ai e uiga i lena aoaoga faavae.Mafaufau e faafesootai pe fefaasinoai isi mau e te maua ma lau fuaitau o le atamai faaleaoaoga faavae.

E mafai foi ona e faamaumauina i lau api talaaga mo suesuega po o i le Potutusi o le Talalelei le auala na fesoasoani ai le faaaogaina o nei punaoa e faateleina ai lou malamalama i le fuaitau o le atamai faaleaoaoga faavae.

Gaoioiga E: Faamatala uiga o upu

Faailoa upu i le fuaitau o le atamai i aoaoga faavae e te le malamalama ai.Saili i faauigaga o na upu i punaoa o loo maua.E mafai ona e siakiina le Taiala i Tusitusiga Paia, le Lomifefiloi o le Tusi Paia, po o se lomifefiloi lautele.Tusi faauigaga e te mauaina i lau api talaaga mo suesuega, i laina avanoa o au tusitusiga paia, po o le Potutusi o le Talalelei.Toe faitau le fuaitau o mau e faaaoga ai faauigaga na e mauaina.

A uma se taimi lava, fai atu i ni nai tagata aoga e faasoa mai pe na faapefea ona faateleina lo latou malamalama i se fuaitau o le atamai faaleaoaoga faavae.E mafai ona e fai atu fesili e pei o:

Na faapefea e mau fefaasinoa‘i na e mauaina ona faateleina lou malamalama i le fuaitau o le atamai faaleaoaoga faavae?
Na faapefea ona fesoasoani le faauigaina o upu ia te oe e ese ai lau vaai i nei mau?

E mafai ona e valaaulia tagata aoga e faaaoga nei tomai mo le suesueina o tusitusiga paia i le taimi o a latou suesuega patino po o le suesueina faaleaiga o tusitusiga paia.

Aoao ma faaaoga mataupu faavae o le mauaina o le atamai faaleagaga

O le toe iloiloina o mataupu faavae o le mauaina o le malamalama faaleagaga e mafai ona saunia ai tagata aoga e faaaoga i latou i se tulaga masani o le olaga.Filifili se tasi o gaoioiga mai le “Gaoioiga o le Iloiloga o Aoaoga Faavae Tauloto,” o loo i ai i le faaopoopoga.E mafai ona e maua faamatalaga o mataupu faavae i le parakalafa 5–12 o le vaega o le “Mauaina o le Malamalama Faaleagaga” i le Pepa Autu o le Atamai FaaleAoaoga Faavae (2023).

E lei aoaoina e tagata aoga se fuaitau fou o le atamai faaleaoaoga faavae talu mai le Iosua 24:15.O le gaoioiga lenei ua faamoemoe e fesoasoani ai i tagata aoga e faaaoga anotusi na latou suesueina talu ai nei, lea e ono aofia ai 1 Samuelu 3:4–10 po ole 1 Tupu 19:9–13.Ina ia faaaofia ai fuaitau o le atamai faaleaoaoga faavae, e mafai ona e valaaulia tagata aoga e faailoa mai fuaitau o le atamai faaleaoaoga faavae mai isi tusi o tusitusiga paia e mafai ona fesoasoani i lenei tulaga faataitai.O faataitaiga e aofia ai leIakopo 1:5–6; 2 Nifae 28:30; ma Mataupu Faavae ma Feagaiga 8:2–3.

Faaaoga pe fetuunai le tulaga faataitai lenei e fesoasoani ai ia te oe e faaaoga mataupu faavae o le mauaina o le malamalama faaleagaga.

I se fonotaga talu ai nei a se vasega a Tamaitai Talavou, sa faalogo ai Kelly i le toatele o tamaitai talavou o faasoa mai ni aafiaga patino ina ua taitaiina i latou e le Atua e ala i le Agaga Paia.Sa fiafia Kelly mo i latou, ae e le o lagonaina e ia o loo ia mauaina se taitaiga patino mai le Agaga Paia.Ua ia lagonaina e i ai ana filifiliga taua e fai ma e manaomia ai le taitaiga faalelagi.

O a nisi o mafuaaga atonu e faigata ai ia Kelly ona iloa faaaliga patino?

E mafai e tagata aoga ona lisi ni tagata eseese e mafai ona liliu atu i ai Kelly mo se fesoasoani.O faataitaiga e aofia ai o se matua, o se taitai o le Ekalesia, o se tei, po o le se uō.Valaaulia tagata aoga e filifili taitasi se matafaioi.Fai atu ia i latou e saunia e fesoasoani ia Kelly e faaaoga mataupu faavae o le mauaina o le malamalama faaleagaga e faaaoga ai lena matafaioi.

E mafai ona e faatulagaina tagata aoga i ni vaega e tusa ai ma matafaioi na latou filifilia.Ina ia aloese mai vaega tetele, e mafai ona e fatuina ni vaega se tele e tutusa le matafaioi.
O le a se mea e te faasoa atu ia Kelly?E faapefea ona e uunaia o ia e faaaoga ia mataupu faavae o le mauaina o le malamalama faaleagaga?

Afai e manaomia e tagata aoga se fesoasoani, valaaulia i latou e sue ni faamatalaga patino mai le parakalafa 5–12 o vaega o le Mauaina o le Malamalama Faaleagaga o le Pepa o Faamatalaga Autu o le Atamai FaaleAoaoga Faavae.E mafai foi ona latou suesue “Ia Iloa o Faaaliga o se Faagasologa”i totonu ole “Sailiina o Tali i Au Fesili” vaega o Autu o le Talalelei i le Potutusi o le Talalelei.

O fesili nei e mafai foi ona fesoasoani i tagata aoga e saunia ai se tali.
O le a se mea e mafai ona faia e Kelly e faatino ai i le faatuatua e maua ai le taitaiga mai le Atua?E ono mafai faapefea e lenei mea ona fesoasoani ia te ia?
O le a se mea ua ono uma ona iloa e Kelly e uiga i le Tama Faalelagi, Lana fuafuaga ma Lana auala e fesootai ai ma Lana fanau?E mafai faapefea ona e fesoasoani ia Kelly e faaaoga lenei malamalama i lona tulaga o i ai nei?
O le a se mau, faamatalaga mai se taitai o le Ekalesia, po o isi punaoa o le talalelei e mafai ona e faasoa atu ia Kelly?O le a sou manatu e faapefea ona fesoasoani lenei punaoa ia te ia?

A uma ona maua se taimi e saunia ai e tagata aoga se tali, valaaulia se tagata aoga e fai faapea o ia o Kelly.Fai atu ia te ia e filifili le ituaiga tagata e mafai ona ia liliu atu i ai mo se fesoasoani.Valaaulia tagata aoga na filifilia lena matafaioi e faasoa mai mea na latou saunia.Mo se faataitaiga, afai e fai mai le tagata aoga e fai ma sui o Kelly o le a ia liliu atu i ona matua, o tagata aoga o e na saunia e tali atu o se matua e mafai ona faasoa atu mea na latou saunia ia Kelly.

Afai o lava pea le taimi, toe fai le gaoioiga ma se isi tagata aoga e fai ma sui o Kelly.E mafai e lenei tagata aoga ona filifili se isi matafaioi e faasoa mai ai a latou tali ua saunia.

A uma le faatinoga o matafaioi, mafaufau e fai atu fesili nei e fesoasoani ai i tagata aoga e faagaoioia mea na latou aoaoina.
O le a se mea na e aoaoina e uiga i le mauaina o le taitaiga paia e ala i le Agaga Paia?
O a mea na e aoaoina e uiga i mataupu faavae o le mauaina o le malamalama faaleagaga?

E mafai ona e valaaulia tagata aoga e mafaufau loloto i se tulaga o loo latou feagai.Valaaulia i latou e fai se mea i le aso e faaaoga ai se tasi pe sili atu o mataupu faavae o le mauaina o le malamalama faaleagaga i lena tulaga.Mafaufau e faasoa atu lau molimau i le auala o le a fesoasoani ai le Tama Faalelagi ma Iesu Keriso i tagata aoga i luitau patino a o latou vaavaai atu ia i La’ua mo se taitaiga.