Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 61: O le Misiona a Iesu le Mesia

“Isaia 61: O le Misiona a Iesu le Mesia,” Tusi Lesona a le Faia’oga Seminare o le Feagaiga Tuai (2026)

“Isaia 61: O le Misiona a Iesu le Mesia,” Tusi Lesona a le Faia’oga Seminare o le Feagaiga Tuai

Isaia 58–66: Lesona 128

Isaia 61

O le Misiona a Iesu le Mesia

Jesus healing a lame man. Outtakes include some of the other cast members, Jesus and disciples, and Jesus helping the lame man up by the hand.

I le Isaia 61, ua a’oa’o mai ai e Isaia e fa’atatau i le misiona a Iesu Keriso i le fuafuaga a le Tamā Fa’alelagi ia fa’amalōlō, fa’asa’oloto, fa’amafanafana, ma lavea’i i tatou.O nisi tagata latou te lē mautinoa pe o tuuina mai e Iesu Keriso lena fesoasoani ma fa’amafanafanaga i o latou olaga i nisi o taimi.O lenei lesona e mafai ona fesoasoani i tagata a’oga ia faatupulaia lo latou mautinoa i le gafatia o le Fa’aola e fa’amalōlō, fa’asa’oloto ma fa’amafanafana i tatou.

Sauniuniga a le tagata a’oga: Vala’aulia tagata a’oga e mafaufau i fa’amaoniga ua latou va’aia i o latou olaga po o olaga o isi e faapea e fa’amalōlō, fa’amafanafana, ma si’itia tagata i aso nei e Iesu Keriso.Fai atu iā i latou e omai sauni e fa’asoa mai o latou manatu.

Gaoioiga e Ono Mafai Ona Aoaoina Ai

O lo tatou mana’omia o le Mesia

Ina ia fesoasoani i tagata a’oga ia iloa lo tatou mana’omia o Iesu Keriso, mafaufau e amatalia le vasega e ala i le fa’aali atu o le ata o loo faaalia mai ai le fafine mai le Feagaiga Fou o sē sa maua i se puna toto (taga’i i le Mareko 5:24–34).

Fai atu i tagata a’oga e fa’asoa mai mea ua latou iloa e uiga i lona tulaga.Afai e talafeagai, fa’amatala atu sa ia te ia se popolega i le soifua malōlōina, o se “[ma’i o] le puna toto i tausaga e sefulu ma le lua” (Mareko 5:25).Sa “uma atu ai foi ana oloa” i le sailiga o se fofō mai foma’i ae sa atili ai lona ma’i (Mareko 5:26).I lalo o le tulafono a Mose, o se tasi e iai se puna toto e talitonuina e lē māmā (taga’i i le Levitiko 15:19–33), o lea e foliga mai na faanofoesea lenei fafine mai i tagata lautele i nisi o auala mo le 12 tausaga.

Fai atu fesili nei a o fa’aali atu le ata.

A woman with an issue of blood for twelve years, sitting on the ground.

O le ā se mea e te va’ai fa’alemafaufau iai atonu sa ia mafaufauina pe lagonaina?
E fa’apefea ona ono maua e se talavou ni mafaufauga po o lagona talitutusa i aso nei?

E mafai ona vala’aulia e tagata a’oga fa’aaliga patino i a latou suesuega e ala i le mafaufau e fa’atatau i o latou olaga ma tulaga.O se tasi o auala e fesoasoani iā i latou e fai ai lenei mea o le fa’aali atu lea o fa’atonuga e pei o nei:

Mafaufau e uiga i lu’itau o lo o feagai ma oe po o se isi e te iloa i le taimi lava lenei ma pe fa’apefea ona mana’omia ai le fesoasoani a le Fa’aola.Na valoia e Isaia le auala e fesoasoani mai ai le Fa’aola iā i tatou ma lenei fafine.A o e suesue i le Isaia 61 i aso nei, saili mo le taitaiga mai le Agaga e fesoasoani iā te oe ia iloa pe o fa’apefea ona galulue le Tamā Fa’alelagi ma Iesu Keriso i lou olaga.

O le misiona a le Mesia

Ina ia saunia tagata a’oga e suesue le Isaia 61, tusi i le pito i luga o le laupapa le fasifuaitau lenei: Na auina mai e le Tamā Fa’alelagi ia Iesu Keriso e …

I le Isaia 61, na valoia ai e Isaia le Fa’aola ma Lana misiona.I nei fuaiupu, ua tautala fa’amesia ai Isaia pe peiseaī o lo o fetalai mai e le Fa’aola ia upu.

Faitau le Isaia 61:1–3, ma fa’auma le fa’amatalaga o lo o i luga o le laupapa: Na auina mai e le Tamā Fa’alelagi ia Iesu Keriso e …

E te ono mana’o e fa’amatala atu e faapea o le fa’au’uina i le fuaiupu 1 o lona uiga na vaetofia pe auina mai Iesu Keriso ma se fa’amoemoega patino.“Keriso (o se upu Eleni) ma le Mesia (o se upu Eperu) o lona uiga ‘o lē ua fa’au’uina’” (“Iesu Keriso,” Taiala i Tusitusiga Paia).

E te ono fa’amatala atu foi o le agamalū i le faatatauga i le fuaiupu 1 e mafai ona fa’auiga atu i le mativa, mafatia, po o le loto maualalo.

O le ā se mea na e maua e fesoasoani iā te oe ia malamalama ai i le auala e mafai ai ona fesoasoani le Fa’aola i se isi i aso nei?

E mafai ona e tusi i luga o le laupapa mea ua fa’asoa mai e tagata a’oga po o le vala’aulia i latou e fai.A o fa’asoa tagata a’oga, latou te ono fa’auma le fa’amatalaga lenei: Na auina mai e le Tamā Fa’alelagi ia Iesu Keriso e …

Tala’i le talalelei i e matitiva, mafatia, ma loto maualalo (taga’i i le fuaiupu1).
Fa’amalōlō e loto momomo (taga’i i le fuaiupu 1).
Fa’asa’oloto e saisaitia (taga’i i le fuaiupu 1).
Fa’amafanafana i latou uma o e fa’anoanoa (taga’i i le fuaiupu 2).
Tu’u atu le matagofie ma le olioli iā i latou ua loto mafatia (taga’i i le fuaiupu 3).

O le fai atu o fesili tulitatao o se tomai aoga e fesoasoani ai i tagata a’oga e iloilo mea fa’ato’a latou suesueina i tusitusiga paia po o mea sa latou fa’alogo o fa’asoa mai e se tasi.E te ono mafaufau e fai atu fesili tulitatao e pei o fesili nei e fesoasoani ai i tagata a’oga e mafaufau i le uiga o le feau tusitusia: “O ā ni auala e saisaitia ai se tasi?” po o le “O le ā sou manatu i le uiga e faapea na te foa‘iina mai iā i tatou le ‘matagofie e sui a‘i le lefulefu’?”

Iloaina o auala e fa’ataunu’u ai e le Fa’aola Lana misiona

E te ono mana’o e fa’asoa atu le aotelega lenei o le Luka 4:16–21 i tagata a’oga.

I Lona soifuaga i le lalolagi, na faitau Iesūu Keriso mai le Isaia 61 i le sunako i lona aai o Nasareta.E ala mai upu a Isaia, na molimau mai ai Iesu Keriso o Ia le Mesia sa folafolaina mai ua auina mai e le Tamā Fa’alelagi ma se misiona e fa’amalōlō, fa’asa’oloto, fa’amafanafana, ma lavea’i (taga’i i le Luka 4:16–21).

Ina ia fesoasoani i tagata a’oga e amata iloa pe fa’apefea ona mafai e le Fa’aola ona fa’ataunu’u Lana misiona i o latou olaga, e mafai ona e vala’aulia tagata a’oga e suesue fa’ataitaiga mai tusitusiga paia i ni vaega.

Filifili se tasi o fa’amatalaga ua i luga o le laupapa.Suesue se fa’ataitaiga mai tusitusiga paia lea sa fa’ataunu’u ai e le Fa’aola Lana misiona e ala i le fesoasoani i se tasi ma sona lu’itau tulaga ese.E mafai ona e fa’aaoga se fa’ataitaiga fa’aletusi paia ua saunia po o le saili o sau oe lava fa’ataitaiga.E te ono mafaufau foi i se fa’ataitaiga fa’aonapo nei.

Puapuagatia: O se tamaloa ma’i supa (Mareko 2:1–12)
Loto momomo: O le fafine ua iā te ia se faafitauli o le puna toto (Mareko 5:24–34)
Saisaitia: Alema le Itiiti (Alema 36:16–21)
Fa’anoanoa: Maria ma Mareta (Ioane 11:20–36)
Mafatia tele: Alema ma ona tagata (Mosaea 24:8–21)

A o e suesue, va’ava’ai mo tali i fesili nei:

O le ā se mea ua a’oa’o mai e lenei tala iā te oe e fa’atatau i le auala e mafai ai ona fa’ataunu’u le misiona a Iesu Keriso mo oe i lou olaga?
O le ā se mea ua a’oa’o mai e lenei tala iā te oe e fa’atatau i le auala e mafai ona e vala’aulia ai Lona mana i lou olaga?

A o suesue tagata a’oga, ia e avanoa e fesoasoani e tali ni a latou fesili atonu o iai.

A mae’a ona latou suesueina, e mafai ona e vala’aulia tagata a’oga e fa’asoa mai mea ua latou a’oa’oina e ono mafai ona fesoasoani ai i se tasi o feagai ma se lu’itau faigata.

O le fai atu o fesili e vala’aulia ai tagata a’oga e toe manatunatu i o latou a’afiaga patino, e pei o fesili o sosoo mai, e mafai ona fesoasoni iā i latou ia iloa le alofa, mana, ma le alofa mutimutivale o Iesu Keriso i o latou olaga.(Mo a’oa’oga fa’aopoopo i le tuuina atu o vala’aulia ia fesoasoani ai i tagata a’oga ia iloa le alofa, mana, ma le alofa mutimutivale o le Alii i o latou a’afiaga, taga’i i le “Fesoasoani i tagata a’oga ia iloa le alofa, mana, ma le alofa mutimutivale o le Ali’i i o latou olaga” i le Tomai mo le Atina’ega o Faia’oga.)

Afai e aoga i tagata a’oga le vaaia o se fa’ataitaiga fa’aonapo nei ae le’i fa’asoaina mai o latou a’afiaga, e mafai ona matamata i le mea na tupu iā Darlyn i le “Feeling the Lord’s Love and Goodness in Trials” (4:18).

4:17
O ā ni auala ua e va’aia ai le fa’ataunu’uina e Iesūu Keriso o Lana misiona i lou olaga po o le olaga o se tasi e te iloa?

Fa’asoaina o mea e te talitonu ai e uiga iā te Ia.

Tuu atu i tagata a’oga se taimi e mafaufau ai pe fa’apefea e mea ua latou a’oa’oina ona a’afia ai o latou olaga i fafo atu o le vasega.O le gaoioiga o sosoo mai e feso’ota’i atu i le lu’itau sa latou mafaufau iai i le amataga o le vasega.

Tusi se feau i le tagata sa e mafaufau iai i lenei aso lea o lo o feagai i le taimi nei ma se faigata i o latou olaga (e mafai ona avea oe lava o lenei tagata).Saili le fesoasoani a le Agaga e taitaia oe a o e tusitusi.I totonu o lau tusi, fa’asoa atu mea moni na tutupu sa e fa’alogo iai ma a’oa’oina e fa’atatau i le Fa’aola i lenei aso e te manatu e mafai ona uunaia pe aumaia ai le fa’amoemoe i lena tagata.

Mafaufau e fa’aiu i le fa’asoa atu o lau molimau iā Iesu Keriso ma Lona mana.

O Puna’oa Fa’aopoopo

Isaia 61:3.Mata o le ā le uiga o le “avatu iā i latou le matagofie e sui a’i le lefulefu”?

O se tū masani a tagata Isaraelu le liligi o le lefulefu i luga o o latou ulu pe a matuā fa’anoanoa i taimi o mala, oti, po o le fa’avauvau.O le fa’aaogaina o le lefulefu i lenei fuaiupu e foliga mai e fa’asino atu i lenā fa’atusaga.

Na a’oa’o mai Elder Bruce C. Hafen o le Korama a le Au Fitugafulu:

O le a tofo i tatou ta’ito’atasi i le lefulefu o’ona o le olaga, mai le agasala ma le fa’atalalē faapea foi i le fa’anoanoa ma le lē fiafia.Ae o le togiola a Keriso e mafai ona si’itia ai i tatou i luga i le matagofie mai a tatou lefulefu i luga o apa’au o se folafolaga mautinoa o le tino ola pea ma le ola e faavavau.O le a fa’apea ona Ia si’itia i tatou, e lē gata i le i’uga o le olaga, ae i aso ta’itasi o o tatou olaga.(“Beauty for Ashes: The Atonement of Jesus Christ,” Liahona, Aperila 1990, 48)

Na molimau mai Sister Kristin M. Yee, o le Fesoasoani Lua i le Au Peresitene Aoao o le Aualofa:

10:7

Ua ou molimauina patino le vavega a Keriso i le faamaloloina ai o lo’u loto feteenai.Faatasi ai ma le faatagaga a lo’u tamā, ou te faasoa atu ai faapea na ou ola a’e i se aiga ou te le’i lagona ai i taimi uma le saogalemu ona o sauaga faalelagona ma upulafo.I tausaga o lo’u talavou ma lo’u talavou matua, sa ou inoino ai i lo’u tamā ma sa i ai le ita i lo’u loto mai lena tiga.

I le aluga o tausaga ma i a’u taumafaiga e saili le filemu ma le faamalologa i luga o le ala o le faamagalo atu, sa oo ina ou iloa i se ala maoae e faapea o le Alo lava lea o le Atua na togiola mo a’u agasala, o le Togiola foi lea o le a laveaiina i latou o e na faatiga tutui ia te a’u.Sa le mafai ona ou talitonu moni i le uluai upumoni e aunoa ma le talitonu i le [upumoni] lona lua.

A o tuputupu a’e lo’u alofa mo le Faaola, sa faapena foi lo’u manao e suia le tiga ma le ita i Lana pulupasama faamalolo.Sa avea o se faagasologa mo le tele o tausaga, na manaomia ai le lototele, faatasina, onosai, ma le aoao e faalagolago i le mana paia o le Faaola e laveai ma faamaloloina ai.O loo i ai lava sa’u galuega e [ao ona] faia, ae ua le toe faaoloataua lo’u loto.Ua foaiina mai ia te a’u “se loto fou” [Esekielu 36:26]—o se loto ua lagonaina le alofa loloto ma le tumau o se Fa’aola patino, o lē sa i o’u autafa, o lē sa taitaia fimalie ma le onosa’i a’u i se nofoaga e lelei sili atu, o lē sa tutulu faatasi ma a’u, o lē sa silafia lo’u fa’anoanoa.(“Matagofie e Sui A’i le Lefulefu: O Le Ala Fa’amalōlō o le Fa’amagaloga,” Liahona, Nov. 2022, 37)

Isaia 61:3, 10.O le ā se mea na ono fa’auiga iai Isaia ina ua ia talanoa e fa’atatau i le “fa’aofuina … i ofu o le faaolataga” po o le “ufiufi … i ofu talaloa o le amiotonu”?

Na a’oa’o mai e Peresitene Russell M. Nelson, “I le fa’a-Eperu, o le upu fa’avae mo le togiola o le kaphar, o se veape o lona uiga ‘ia ufiufi’ po o le ‘ia fa’amagalo”’ (“The Atonement,” Ensign, Nov. 1996, 34).O lea, o ata o le fa’aofuina i ofu o le faaolataga ma le ufiufiina i ofutalaloa o le amiotonu e iai se feso’ota’iga tu’usa’o ma fa’amanuiaga e oo mai iā i tatou e ala mai iā Iesu Keriso ma Lana Togiola.

Na a’oa’o mai Elder Kent F. Richards o le Korama a le Au Fitugafulu:

O le Fa’aola e lē o se tagata e maitau lē leoa.Ua Ia silafia patino ma le le faatuaoia tigā tatou te feagai.

O nisi taimi i le lotolotoi o le tigā, e tofotofoina ai i tatou e fesili, “E lē iai ea ni pulupāsama i Kiliata; e lē o iai ea se foma’i iina?”[Ieremia 8:22] Ou te molimau atu o le tali o le ioe, o lo o iai se foma’i.O le Togiola a Iesu Keriso e aofia uma ai tulaga nei ma fa’amoemoega o le olaga nei.(“O le Togiola e Ufiufi ai Tigā Uma,” Liahona, Mē 2011, 15–16)

Gaoioiga Fa’aopoopo e A’oa’o Ai

Se isi amataga

Ina ia amatalia le vasega, e mafai ona e tusia se ata i luga o le laupapa o se fatu ua ta’e ma fai atu i tagata a’oga e lisi ni tulaga atonu e lagona ai e se talavou le loto momomo.E mafai foi ona lisi e tagata a’oga nisi manatu ma lagona e ono oo i se talavou i na tulaga.Ona fa’auma lea e tagata a’oga o le gaoioiga i le api talaaga e pei ona tusia i le lesona.

Auala ua fa’ataunu’u ai e Iesu Keriso Lana misiona i aso nei

Pe a vala’aulia tagata a’oga e faitau fa’ataitaiga mai tusitusiga paia o loo fa’ataunu’uina ai e Iesu Keriso nisi o folafolaga i le Isaia 61, e mafai foi ona e vala’aulia tagata a’oga e fa’aaoga a latou masini eletonika ma mea fa’alogo e filifili ai se tasi o vitiō mai le “Lona Alofa Tunoa” o le tuufaatasiga o vitiō o lo o maua i le Potutusi o le Talalelei.E mafai ona latou matamata i le vitiō ma mafaufau i fesili e tasi ma i latou o e filifili e faitau tala i tusitusiga paia. O nei vitiō o lo o iai tala ma molimau a tagata o le au paia o e na maua le alofa tunoa o le Fa’aola i taimi o tulaga faigatā.